|
سامي وجمهور الهلال وقمة التناقض !! احبتي ... كلنا نعلم ونعي حجم الكيان الهلالي وقدر محبته في قلوبنا جميعا" , فنسعد بإنتصاره ونحزن لتعثره وهذا شعور طبيعي ومنطقي , ولكن الغير منطقي وقمة التناقض هو مارصدناه في عدة نقاط مستوحاة من ردود افعال الجماهير من بداية الموسم وهي : - الهلال يعاني دفاعيا" فأتى الحل في الانتقالات الشتوية بجلب لاعبين برازيلي وكوري . - الهلال يعاني في حراسة المرمى فأتى الحل بجلب شيعان . -الانضباط مفقود في الهلال !! فنجد سامي يعاقب السديري والعابد والقرني . -الهلال لاتناسبه طريقة اللعب بمهاجم واحد !! فوجدنا الهلال يلعب كما تحبون ! اذا" تمت تلبية كل مطالبكم ونفذت حرفيا" من قبل المدرب والادارة مشكورين . فماهو ذنب سامي في : - اصابة كواك وتذبذب مستوى الدعيع . - اصابة شيعان . - عدم انضباطية لاعب كنا نعول عليه كثيرا" . - حارس ينسف مجهود فريقه . فلاتنتقدون سامي على اخطاء ومشاكل هويعلمها وانتم تعلمونها وسعى لحلها بحلول لم ترى النور حتى الان لأسباب نعلمها جميعا" فعلينا الدعم ومنح الثقة للمدرب وسنجد ان شاء الله مايسر ويبهج الخاطر انتظروا كواك سدا" منيعا" مع الوحش وشيعان والعابد وبقية النجوم لتشكيل فريقا" لايقهر بإذن الله . |
سامي ولاعبين الهلال هم السبب في كل هذااا الذي يحصل فلا تعاون ولا تكاتف ولاانضباطيه فريق اسمه اكبر منه كثيراً ليس هذا هو الهلال الاداره وقفة معهم جميعاً ولكنهم خذلوها فالكل اخذ الملايين والكل لبية مطالبه ولاينقصهم الا تطوير انفسهم كيف لاعب محترف وانت لا تفعل شي يعني تلعب بروح قدام النصر الخايس واذا وقت الجد تنام صراحه لا اري اي لاعب تطور مستواه بل نرا انخفاظ واضح علي مجمل الفريق من نيفيز الي ياسر الي الشمراني والشهراني والسبيعي فريق بس تمارين تطوير معالجه تحديد مناطق ضعف شغل واضح رفعات سنعه تمريرات اكثر رتم سريع مافيه الفتح افظل |
عزيزي ابوخالد .. انا الاحظ ان اغلب خسائر الهلال من اخطاء فردية ومن حراس المرمى وبعض المدافعين بالذات وليس لها علاقة بالنهج الفني للمدرب . |
للأسف الهلال اصبح ضحية لسامي و غيرة ليتنا بقينا على دول ... فوالله انه افضل |
سامي له اخطائه مثل ماكل لاعب له اخطائه مانقول ارحل سامي بس نقول وين العيب لو استعان بمدرب مدافعين ؟؟ والله مافيها شي والفريق اللي مايقهر شارفنا على نهايه الموسم وهو خالي الوفاض؟ |
اسالك بالله فيه شكل وهويه للهلال ؟ تكتيك سامي واضح ولا خبط لزق ؟ انت شايف قراءة سامي للمباريات ؟ اخر شي شرايك بتغيير ياسر واشراك عزوز وهو متقدم وفي ارض الخصم ؟ عزوز ماينفع دفاعيا او افتكاك الكره ضعيف بدينا وليس مؤثر هجوميا ذكرت تغيير عزوز لانه اليوم الهلال اكبر من سامي. للمعلوميه الهلال قد تصدر ولكن بدون هويه وتم اقالة المدرب فما بالك بفريق يخسر كل البطولات وليس له هويه وتبينا نطالب بسامي؟. مافيه في هالبلد الا هالولد يمشي سامي ويحفظ ماتبقى له من معزه |
عناصر الهلال الحاليين افضل من عناصر كوزمين وقريتس بس عندكك مدرب مثل سامي مايعرف منهجية التدريب تبي تسلك له سلك له انا عجزت اسكت هلالنا سيء للغايه وسامي الي يشوفه يقول افضل مدرب بالعالم يوم نصبر عليه يالغالي الكل يدري ان علت الهلال هيا المدرب والكل يشهد على ذلك من جمهور هلالي الى محلليين الى اعلاميين يعني الكل مخطي وسامي الصواب ! ياعجبي لناسس تسلك لمصلحة نفسه ومحبيه |
تناقض عجيب منا كجمهور ما ندري وين الخطاء نسمع اﻻعلام المغرض وعلي طول جلد في سامي صحيح فيه اخطاء كأي مدرب ولكنها ليست كوارثيه قليل من اﻻنصاف لنبلغ الهدف |
اقول علي الحرام الحل انكم تقفلون ذا المنتدا والموقع وتخلون الهلال يشتغل قاعدين تمدحون كذب وافترا وتتلاعبون بأسم الهلال حسبي الله ونعم الوكيل |
إقتباس:
الظاهر نسيت اربعة اولسان وثلاثة لخويا وغيرها فتح معاي و ﻻتنقلون لنا افكار اﻻعلام المعادي |
إقتباس:
عناصر اللحين افضل من عناصر قيريتس وكوزمين ؟؟؟!!!!!!!! أنت يا أما مريض مرض عادي أو لا تفقه ابدا بكرة القدم ..؟؟؟ كوزمين وقيريتس لاعبينه ( الدعيع حارس مرمى / هوساوي/ المرشدي بمستواه / خالد عزيز / الزوري بمستواه / الشلهوب بمستواه / اللاعب الكوري ضهير ايمن / رادوي / ويلهامسون / نيفيز أصغر وأنشط من الان / ياسر كان أفضل من الان /...!!!!! شرايك اللحين ؟؟؟ عناصر الان أفضل ؟؟؟؟؟؟ أذا قلت نعم !!!!!!! فساااااااااارع لاقرب طبيب مع دعواتنا لك بالشفاء العاجل |
اخواني صحيح أن سامي لا ذنب له بأخطاء اللعيبة وصحيح أن حظ الكوتش سامي ليس جيدا وسوف تسألوني ما دخل الحظ سوف اجيبكم : عندما أستلم سامي تدريب الهلال ولأول مره يكون فيها مدرب تفاجأ برجوع نادي النصر بالمستوى اللافت وأجزم بأن النصر لم يلعب من تاريخة بهذا المستوى الرائع ولكن سامي كان حاضر وتفاجأ بالدفاع الهش وحراسة مرمى لم يشهدها الهلال من تاريخة والذي يهدي الأندية اخطاء تاريخية وثلاث نقاط يحلم فيها اي نادي أمام الهلال ولكن سامي كان حاضر بدأ سامي بتعديل الدفاع واحضر دفاع جيد بوجود ديقاو وحارس مرمى ممتاز ( الشيعان ) تعدلت الأمور بعض الشي ولكن هناك مشكلة بسيطة بالدفاع وثغرة ولكن سامي كان حاضر صفقة جميله من الكوتش سامي بالتعاقد مع المدافع الرااائع كواك وكأن الهلال يمشي على افضل حال ولكن الحظ يقف أمام سامي اصابة المدافع كواك وأصابة الحارس الشيعان !!! هذا هو الحظ اللذي يقف أمام سامي ولكن ليس هذا سببا رئيسيا ولا يمنع أن سامي لم يخطئ لا والله فأنا لم ارى سامي يلعب بتكتيك واضح وكما قلت بأن سامي هو سبب ضياع ثلاث نقاط أمام سباهان وثلاث نقاط أمام السد القطري وذلك لغياب التكتيك والهدوء وأمتصاص حماس اللعب والمجهود المكثف على اللعيبة وكأن الهلال مهزوم ويريد التعديل فهذا ليس منطقي ابدا . آسف على الإطالة اخوكم / صــ الود ــأدق |
كلامك منطقي جداً ... سناريو مكرر من مبارة مع سابهان سواءً بالتبديلات او بعدم المحافظه على التقدم بالنتيجه والمبالغه في التقدم خارج ارضك .. هناك تقصير من بعض اللاعبين وهفوات الحارس الغير مبرر لها بغض النظر عن تصديه للعديد من الكورات هناك اخطاءه لا يقع فيها حارس دولي . لكن ساعلق على دخول عبد العزيز الدوسري .اللاعب يحتاج الى وقت كبير ليتأقلم وكنت افضل الاستمرار بالشلهوب وبعد الهدف الثاني .استبداله بالغنام والتقفيل والاعتماد على المرتدات بقيادة سالم الدوسري والشمراني ونيفيز . لكن يبقى القرار الاول للكوتش سامي ... بالتوفيق لهم في المباريات القادمه ... |
صحيح كلامك انهم جابوا له اللي يبغى لكن فقدهم مثل كواك و شيعان وغيرهم لكن مد لحافك على قد رجليك وانا اخوك انت مدرب وعندك فكر ومخ نظيف ياخي ضبط الخطة على اللاعبين الموجودين اللي عندك مهوب لازم كلهم يطلعون هجوم فيه اختراع في علم التدريب اسمه الموازنة بين الدفاع والهجوم لا تجينا خطة ناصر الجوهر يلا شباب شدوا حليكم |
الدفااااااااااااااااع المتقدم هو من سيجلب لناااااااااا اسيااااااااااااااا يافاهمين كوررررة قوانزهو يلعب بهذا التكتيك الهلال يحتاج الوقت حتى يستوعب هذا النهج واللي ماله في الكرة ماله في الكوووووورة وستثبت لكم الأيام |
| الوقت المعتمد في المنتدى بتوقيت جرينتش +3.
الوقت الان » 08:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd