السلام عليكم ورحمة الله وبركاته

انا في موضوعي هذا ،، بتحدث عن مدربنا سامي الجابر واللاعبين .. وكيفية بناء الفريق من جديد ،، من وجهة نظري !!


نبدأ للكوتس سامي الجابر ،،

يااخوان ،، سامي الجابر اول سنه ،، يعني معقوله من اول سنه تبي بطوله ؟!!

ايه من حق المشجع ،، بس باقي فيه كاس الملك واللي انا اقول ان 70% هوا للهلال ..

وباقي الدوري ،، اذا فاز الاتحاد على النصر اعتبر الدوري 90% هلالي !!

وسامي الجابر وصلنا وصيف كاس ولي العهد ،، والبطوله من استحقانا لكن الحكم وهذا قدر ربك

والدوري ايضاً ،، لولا الدفع الرباعي للنصر لكان لنا !!!!!

فـ ليش تعاتب سامي كل العتب اذا اللاعبين خذلوه ؟؟

نجي لمباراة اليوم ،، تخيل بس لو ماارتدت الكره وتشتت وطلعت برا ، واستمرت المباراه والهلال فاز !
هل سترى كل هذي المواضيع اللي في المنتدى ؟

ايوه الكل كان غلطان من الحارس الى الدفاع الى المحاور ،، كلهم مشتركين في خطأ الهدف الثاني ،،

الحين
فارق 3 نقاط ، وباقي 3 مباريات
يمديناا نقلبهاا وناخذ الأول ،..،

المدرب مورينيو اول مااستلم نادي تشيلسي ،، قال للجمهور : لاتطالبوني ببطوله هذا الموسم !!

كارينهيو اللي هو مدرب الفريق الجار ،، الموسم الماضي ماشفنا مجهود له يذكر ،، بل بدأ العمل من جديد واستفاد من اخطائه ،، ووقفو معه الكل وشوف الحين كيف النصر ^ـ^

سامي اكيد بعد هالموسم بيسوي شغل جبار في تصفية بعض اللاعبين وبناء الفريق من جديد ،، لذا حبيت اساعده من خلال موضوعي

كملنا قصة المدرب سامي ،، نجي للاعبين ومن يستحق البقاء ومن يستحق الرحيل


نبدأ من الهجوم :-

ناصر : لاعب مقاتل ويلعب من اجل الشعار وتلقاه بكل مباراه له بصمه ،، الا اذا لعب جنب ياسر ، يختفي الشمراني اذا لعب جنبه يسار والسبب مجهول ،، لذا اقترح بقائه

ياسر : بدون مجاملات ،، اتمنى رحيله لكن اذا تم إبقائه في النادي ،، فـ اتمنى يدخل بس بعد الدقيقه 70 ..

يوسف : اؤويد بقائه ،، لاعب ذو حس تهديفي ،، ويلعب كـ بديل رسمي لناصر ..

بالاضافه الى تصعيد خالد الكعبي من الاولمبي



ثانياً خط الوسط :-

نيفيز : الكل يراهن على بقائه لانه هو اللاعب الوحيد اللي يحرك الهلال

عبداللطيف الغنام : يجب رحيله ،، لانه من عياده الى عياده وكل يوم بالدكه ولو لعب يجي يسولف مع اللعيبه

محمد الشلهوب : اتمنى اعتزاله ،، لكن اذا تم وابقائه ،، يدخل اخر الدقائق في الدقيقه ال70 ومافوق ،،

العابد ، س.الدوسري ، ع.الدوسري : بقائهم اكيد ،، لكن اتمنى الاداره تقعد معهم قعده جاده وتحاول تفهم سبب انخفاض مستوياتهم ،، ويتم تصليح الاخطاء وتأهيلهم من جديد

سلمان الفرج : يبقى في الفريق ،، يقدم مستويات طيبه في المحور الهجومي ..

كاستيلو : رحيله شي اكيد ،، واقولها من الان ،، ياليت سامي يركز من الحين على المحترف اللي بيجيبه بدال كاستيلو ،، في وقت زياده معك ..

القرني : ياليت يبقى يفيدنا بالاحتياط ..

بالاضافه الى تصعيد : عبدالإه الفضل ،، وعبدالله عطيف ،، + جلب محور بدل كاستيلو ،، + التعاقد مع محمد كنو لاعب الاتفاق..



الدفاع :-

سلطان الدعيع : اللاعب بحاجه الى خبره ،، ياليت يلعب في المباريات الضعيفه ،، منه اكتساب خبره من ديقاو ومنه اكتساب خبره من المباريات

ديقاو : اللاعب مكسب هلالي ولو تلاحظون الاخطاء اغلبها من سلطان ويجي ديجاو ويغطي عليها ،، اتمنى بقائه

عبدالله الحافظ : بقاء عبدالله الحافظ في الفريق الاول ،، ولازم يلعب اساسي وينسجم مع ديقاو ،، عشان تصير منافسه هو وسلطان الدعيع

ياسر الشهراني : ابقاء ياسر الشهراني ،، وارجاعه الى مركزه الاصلي الظهير الايسر

عبدالله الزوري : يتم ترحيله من النادي ،، توقيع مخالصه او يبيعوه ..

سلطان البيشي : يلحق بخويه عبدالله الزوري ،، وجودهم كـ عدم وجودهم !!!

كواااااااك : رحيله شي اكيد ،، وجلب بداله لاعب جناح ايمن أو ايسر الى جانب نيفيز ،، ويستحسن يكون برازيلي او اسيوي ،، وصدقوني الوسط بيكون نااااااااااااااااااااااار


بالاضافه الى تصعيد البقعاوي ليحل احتياطياً لياسر الشهراني والتعاقد مع حسن معاذ أو خالد الغامدي او كلاهما فهي سهله ،، خاالد الغامدي قريب عن الهلال ،، وحسن معاذ بيدخل فترة الانتقالات مدري شسمها ..


الحراسه :-


السبيعي : ترحيله من النادي .. توقيع معه مخالصه او يخلونه بقطر -_-

التعاقد مع حارس من طينة رافع الرويلي او احمد الكسار او فهد الثنيان ،، ليحل احدهم بديلاً عن سييعي

السديري : بقائه في دكة البدلاء ،، لو حصل شي للحارس الاساسي



================================================================

عرفنا اللاعبين اللي رح يبقون بالنادي

الهجوم : ناصر وياسر ويوسف والكعبي

الوسط : نيفيز وسالم والعابد وعزوز والشلهوب

المحور : البديل لكاستيلو ، والفضل وعطيف والقرني والفرج

الدفاع : ديقاو وسلطان والحافظ وحسن معاذ وخالد الغامدي والبقعاوي والشهراني والمسلم

الحراسه : الثنيان او الكسار ، و السديري


فـ بالتالي بتكون الخطه كلآتي :

(اللي بين قوسين هو احتياط اللاعب )

4-5-1


الثنيان او الكسار (السديري)

الشهراني(البقعاوي) - الحفاظ (الدعيع) - ديقاو (المسلم) - حسن معاذ (خالد الغامدي)

محور اجنبي (القرني ، الفضل ) سلمان الفرج (عطيف)


جناح اسيوي بدل الكوري ( العابد ) نيفيز (الشلهوب) سالم الدوسري ( عزوز )


ناصر الشمراني (يوسف السالم ، القحطاني )



بكذا ماحد بيوقف بطريقنا ان شاء الله ،، واحتياطنا ناااااااااااااررررر ويحترقون عشان يلعبون اساسي وهم


الدفاع : الدعيع والمسلم والبقعاوي

المحور : الفضل والقرني وعطيف

الوسط : عزوز والعابد والشلهوب

والهجوم : سالم وياسر والكعبي



وبكذا ان شاء الله بناخذ كل البطولات في الموسم الجاي باذن الله



اتمنى احترام وجهة نظري ^ـ^

فـ امان الله ،، اخوكم ابراهيم

شكراً للاداره على الرفع .................................................................................................... ..........

عين العقل النظر للمستقبل

أهنئك على طرحك الراقي طرح الزعمااااااااااااء وليس أشباه الزعماء اللي مؤثر عليهم الاعلام الأصفر
ولا الإعلاميين المحسوبين على بعض الأشخاص ضد سامي

موضوع جميل
واتفق معك
فيه اسماء تقدر تيجبهم بكل سهولة والهلال بحاجتهم ما ادري ليه الاداره ما تتعاقد معهم
زي رافع الرويلي - محمد كنو - حمد الحمد - الزقعان - خالد الغامدي - حسن معاذ - مختار فلاته
الطائي عندهم اكثر من لاعب مميز
يعني نقدر نرمم التشكيلة الاساسية والاحتياط ونتخلص من الاعبين اللي ما نستفيد منهم
زي الشمري اللي ما عمرنا شفناه يلعب ليش ما نستبدله بالروايلي ؟؟
تعاقدات الهلال الاجنبية غريبة .. نتعاقد مع محورين وحنا عندنا 4 محوار وما عندنا ظهير ايمن
مو المفروض التعاقدات الاجنبية تكون بالمراكز اللي ما نحصل فيه لاعب محلي مناسب؟

شكراً اخواني على تنوير موضوعي ،، جزاكم الله خير

إقتباس الرسالة الأصلية كتبت بواسطة ،Shiva الوسط : عزوز والعابد والشلهوب

عزوز
تعرف مكانه فين يلعب في درجه ثانيه وفي الاحتياط كمان هذا مكانه الطبيعي
لانجامل لاعبين لا يستحقون شعار الهلال
لاعب مستهتر وواضح منه تاخير الكوره بدون سبب عدم التمرير لزملاه من كم مباره وانا اشاهده
وبصراحه مدري ادارة الهلال كيف وقعت معه عقد كان جابو لاعب اسوى منه ولا يجددو له

.................................................................................................... ....

تسلم على هذا الموضوع الرائع وعين العقل صراحه .. نتمنى من الجميع الوقوف مع سامي واعطاءه الفرصه الكافيه صدقوني راح تشوفون فريق يسر العين المسم المقبل ولا تلتفتون لجماهير المسيار اللي تشن هجوم غير عادي على سامي وتبي الخلاص منه بأي وسيله كانت

إقتباس الرسالة الأصلية كتبت بواسطة فواز السنعوسي تسلم على هذا الموضوع الرائع وعين العقل صراحه .. نتمنى من الجميع الوقوف مع سامي واعطاءه الفرصه الكافيه صدقوني راح تشوفون فريق يسر العين المسم المقبل ولا تلتفتون لجماهير المسيار اللي تشن هجوم غير عادي على سامي وتبي الخلاص منه بأي وسيله كانت

تسلم على الرد حبيبي ،،،،،،، نورت الموضوع بطلتك علينا

تسلم ياملكي على الجهد الرائع
بس ملاحظتي حاجه وحده
حرام نظلم الزوري
الصراحه اللاعب ممتاز بس يبغاله منافسهوتدريب اكثر على دقة التمرير والرفعات ويضبط وضعه
على الاقل نخليه احتياط
شكرا لك

إقتباس الرسالة الأصلية كتبت بواسطة ابراهيمـ الغامدي السلام عليكم والله انك قلت كل اللي بخاطري ماعدا ياسر وانا ما اتعاطف ممعاه ولكن بقائه مهم كقائد ولو في الدكه شف الاتحاد بدون قائد ضاع ياسر مؤثر جداً علي اللاعبين بالنسبه لسامي كل شي سواه المشكله ف الدفاع جاب كواك وقدر الله ان يصاب المشكله في المحور جاب كريري اللي عمره ما انصاب مع الاتحاد واول اسبوعين جاته اصابه والحمد لله علي كل حال كاستيلوا خيار سامي الثالث عندما قدم اسماء المحترفين بداية الموسم الدعيع يحتاج المزيد وفعلاً مشكلة سامي ربما يجامل هدا اللاعب والحافظ افضل وجاهز >> وجهة نظري في سالم وعزوز وياسر الشهراني والعابد لابد من سامي ان يغير اسلوب تعامله معاهم ويكون شديد بالنسبه لعبدالعزيز فالعقد الجديد سيقتل موهبته فهو في افشل مستوي له وتوقع معه بهدا المبلغ ولو تم تنسيقه لكان درس لمن بعده ولكن الاداره فيها خلل والجماهير لا تري الا سامي فلو لاعب لعب عرضيه خطا قالوا سامي او لاعب ماعرف يثبت كوره قالوا سامي تتذكرون في مباراة النصر عندما سجل الراهب هدف ولم يحتفل بالهدف كان الراهب توه نزل من تغيير لاعب من خط الوسط فقامت جماهير الجار الصغير تشيد في مدربهم وانه محنك لانه اجراء هذا التغيير وفي نفس اليوم او اليوم الذي قبله سامي نزل الشمراني في اخر الوقت وسجل هدف فقام اعلام الجار الصغير يشيد بالشمراني ويقول انه منقذ والمشكله ان اكثر جماهير الهلال تجاهلت دور سامي هنا فانا قلت هذه النقطه لتوضيح تناقض ردة الفعل لبعض الجماهير الهلاليه التي تتاثر بآكذب الاعلام واخيراً لدي سوال اذا كان سامي يجيب ان يرحل وهو الثاني ف الدوري وفي كاس ولي العهد وقد خرج المتصدر من كاس الملك وهو لازال وفاز ع المتصدر باربعه وكل الخسارات كان لها مبرر مقنع وظروف لو مر بها اي مدرب سيتآثر اذا كان يجب ان يرحل بعد كل هذا فما بال الـ151 مدرب في الانديه السعوديه واجزم انهم يتمنون نصف ما قدم الهلال هدا الموسم لا تقسوا علي سامي بالتوفيق وشكراً لك

اتفق معك بكل ماقلته ، بس ياسر يدخل في اخر الدقائق

إقتباس الرسالة الأصلية كتبت بواسطة غيث المسردي والله المفروض اول من يرحل سامي وياخذ خويه معه ,.....اعنقد فهمتها.. بعدين انت مبسط الآمور وصيف ولي العهد والحكم ..وبناخذ الدوري بعد فوز الاتحاد تسعين ف الميه ..وكاس الملك الآقرب الهلال ... ولي العهد ضاع من المدرب ماضبط الآعبين ولا عرف يقفل بعد الهدف الآكثر من رائع كسيناريو تبدا فيه مباراه.. الدوري ضاع من العك والتخبطات الرائد والشعله يعطلونك وتبي تاخذ الدوري.. مباراة الآتحاد والشباب والفتح الدور الآول هي تقريبا اللي تحس فيه لعب .. مباراة النصر الدور الثاني ..روح لآعبين وحفظ ماء وجوههم .. مباراة السد 8 لاعبين قدام وانت متقدم ع ارض الخصم وتقول عشان هجمه وجاء تعادل ومدري وش..مباراة سابهان والضغط على جهة الشهراني وسامي واقف يتفرج ..تبديل ياسر عطني اي مبرر له ..مصيدة التسلل عطني مبرر لها ..بتقول مدرب اول سنه بقول هذا بلا ابوك ي عقاب يعني انت معترف ان سامي يتدرب ف الهلال هاذي كارثه كبيييره بحق النادي وجماهيره.. ابي اسألك انت تتكلم بكل هاذي البساطه انت شايف العك الكروي انت شايف تخبطات سامي.؟ انت عارف مين الشلهوب وياسر اللي تتكلم عنهم.؟ تبي تخلي الفريق بدون لاعبين خبره.؟ ابي اتعمق اكثر بس عارف اني بصير مندس بوجهة نظرك انت وجماهير الآعب الآداري والمدرب اللي يصنعه الهلال وجماهير المتدرب للأسف .. بس اكون مندس ولا اكون مططططبل على حساب عشقي الهلال .. ,,,,,,,,,,,,,,,

اللاعبين هم من خذلوا سامي ،، هذا ردي على كل كلامك !!


ايه انت مندس ،الحمدلله انك اعترفت ،، يلا برا المنتدى ،، وروح منتداكم

uppppppppppppppppppppppppppppppppppppppp