|
الفول بريالين..والخبز بريال ( اني لك من الناصحين ) ( ) ( لاضاق صدرك والليالي تحدتك …. إصبر عليها والصبر زين لو طــــــــــال لاتنحني للوقت وتروح هيبتك ….. وتموت بالحسرة ولو كنت رجـــــــــال وإحذر تدور عند الأنذال حاجتك……لاتقضي الحاجة ولاتستر الحــــــــــال وإحذر تبين لاقرب الناس سدتك … لو تزعله لحظة حكت فيك الأقـــوال وإن صرت ضيف الناس لاتطول مدتك … غالي تجي وتروح يا طيب الفال وإن كان همك بالزمن بس لقمتك … الفول بريالين والخبز بريــــــــــال... الله يمسيك بالخير يبن جدلان ومسيكم بالخير يا زعمااااااء ومن يقرا هذا حال الهلال ( تمشية حال ) بالاسم نادي فيه ريس ولعيبه ومدرب وحركاااات وبركااااات ههههههه يا حبيبي زمان كان الهلال,,,,,, <<< اصبر اصبر اترك عنك الهياط علمونا بيت شعر غث اهالينا وبغثكم فيه يا ( الشقرديه ) ليس الفتى من يقول كان أبى ولكن الفتى من قال ها أنا ذا بن جدلان يقول الفول بريالين والتميس بريال يعني يا حبيبي مو لازم مفاطيح ومشاوي ( وبوفيه مفتوح ... هاه زي دفاعك ) هذي هي بالضبط ادارة بن مساعد تعاقدات بريال وان غلا بريالين يا حبي لك يبوفيصل .. وش رايك ترجع للامسيات والاذاعات واصفقلك واقووول لبى خشمه شووو شاعر اعرررف والله اعرررف انك تحب الهلال وانك هلالي مثلي بس ياخووك ... سامي صاحب وصديق وحبيب ومعشووق وكل شي كويس بس حنا مو انت...ولا ذوقنا ذووقك...ولا نشوف بعين محب ترا الحب يعمي ( مثلك شاعر ويعرف ) طال عمرك هذا الهلال كبير ما ابي اقول اكبر منك ومن سامي ( لاني اعرف حبكم للهلال ) لاكن اكبر مني طال عمرك ( علي الاقل ) هلال هزيل تكتيكيا ... ضعيف دفاعيا ... مرعب هجوميا ( مرعب هجوميا من قبل اولد ) يعني لا جديد هذا الفريق لو لعبناه لحاله بدون مدرب .. بيجيب بطولة سنويا ( مافي كلام ) اني لك من الناصحين أسمع جمهور الهلال وش ملاحظاتهم اليوم المنتدى كله نصايح ببلاش يبو فيصل وربي ببلاش من ناس تفهم كوره ماهو عيب تقرا كلامنا ولا ملاحظاتنا ولاهو عيب تجرب ايه جرب ... هذا انت جايب ابوالسيم يدرب ويجرب ( ويخرب ) تعاقدات ع طريقة بن جدلان مانبي طال عمرك هزززز جيبك فديتك .. وهز الدوري بالتعاقدات .. وهزهم بالنتايج السنه هذي لك ولسامي بس ما اعتقد انك بتستمر بسياسة المنتحر ( العاشق ) السنه الجايه شعب الهلال لا يرحم s13s |
اي لاعبين ابو ريالين الله يرحم والديك ، أغلى تعاقدات في الدوري أبرمها الهلال من محليين وأجانب هذا الموسم ، عقد نيفيز بس من اعلى اللاعبين في تاريخ الدوري السعودي ، فمدرب فلومينزي بنفسه صرح بعد انتقاله ان التخلي عن نيفيز خسارة كبيره لكن النادي السعودي قدم عرض خيالي ولايقاوم ، وايضاً كاستيلو ، وكواك اللي احضره السير خالد البلطان بنفسه قال اننا تخلصنا من عقده الباهظ ، وديجاو أيضاً بسعر غالي ، اما المحليين فناصر الشمراني فقط كلف عقده حوالي أربعين مليون ، وكريري أيضاً حوالي ٢٢ مليون لموسمين ونصف ، وعبدالله الحافظ وعطيف ،، جميع انواع الدعم قدمت للفريق هذا الموسم لكن زعيمنا بدون مدرب .... |
ههههههههههههههههههههههههههههه وش اسويلك اذا باعوك قلم رصاص بمليون كلامي ع الاعبين فديتك ... لعيبة ريالين في المستوى اسم وهيصه وفلوووس وملاييييييين لا تعد وفي الاخر منت قادر تجاري فرق بلدك وعذرك التحكيم لا يا طيب لعيبتك مع مدربك كلهم ع بعضهم ( بريالين ) |
شف يالغالي تبي الصحيح الدوري السعودي فاشل ولا فيه لاعبين يستاهلون اتحداك تجيب مهاجم افضل من الشمراني وسط صانع لعب مافي ظهير ايمن مافي الاحسن معاذ ومتمسك فيه البلطان حارس مرمرى مافيه الا اثنين وليد عبدالله والعنزي صعب تجيبهم لا تقول لي الكسار والثنيان والله لو يجون لهلال لا تطلع عيبوهم لكن العله بالمدرب تعبت واقول سامي بلا تكتيك يعتمد على روح الاعبين ماينفع تلقى مباراة فوق ومباراة تحت ابي مدرب مثل غريتس كوزمين ليبي هذولا المدربين تشوف الفريق رتم واحد تقارب بالخطوط باصات مركزه طول الموسم برتم واحد وقتها لو تجيب بنغالي ماعنده روح يبدع لان فيه طريقه ماشي عليها . ماهو كرات طويله لعب على تسلل طوال المباراة الوسط يساند الدفاع بكذا تقفل المساحات اليوم شاهدنا معزله تكتيكه لعب بدون مراكز كل واحد يلعب بمزاجه عبدالرحمن بن مساعد شوه صورته الي بناها باول موسمين والله اني كرهته كره العماء خلك بالشعر احترامي للحرامي |
دام اللي دفعته الاداره ما ملأ عينك ادفع من جيبك وجيوب اللي معجبهم كلامك ما فيها مو انتم عاشقين للهلال ومو عاجبكم الوضع ؟؟؟ |
مجاملة ياسر .. والشلهوب .. وسامي يجب أن يضع لها عقلاء الهلاليين حد فالهلال أهم وأكبر من الجميع 2014م سيكون عام بلا بطولة هلالية ... تخيلوا !؟ |
بغض النظر عن القيمه الماليه فريقنا بدون ظهير ايمن سبع سنوات ! فريقنا بدون وسط ايمن بديل لسالم والكارثه لدينا البيشي والبريك للظهير ولا نراهم يلعبون ان كان المدرب غير مقتنع فيهم لماذا يبقون ويخسر عليهم النادي ولماذا لا يتعاقد مع لاعبين لهذا المركز وان كان مقتنع فيهم لماذا لا يلعبون . كعبي وسط ايمن لماذا لا يلعب في غياب سالم ؟ وكثير من المشاكل التدريبيه والاداريه ... وشكرا |
التبريرات والمجماملات ضيعت النادي |
والله انا تابعت المباراه ومن الحماس سبيت سامي والاداره والهلال والفريق باكمله لاني انفعلت ابي الثلاث نقاط وعجزت انسى المباراه الساعه 12 تقريبا عادو المباراه والان خلاص عرفت النتيجه وكل شي يعني مافيه ضغط ولا شي اعرف اننا تعادلنا وقلت اركز اشوف وش علتهم والله ما ارفع ولا شي والله ياشفت ان الهلال مو ضاغط السد الا حاشره حشررر يكفي على ارضه وهد حيله لدرجة لعيبة السد انتهت ليقاتهم خنا الحظ فيها اعتب على سامي بس في نقطه في اخراج الشلهووب هو كان مسوي بلاوي الشوط الاول وعاد لنا لعب الهلال الي نعرفه العب من لمسه صحيح سالم حرك الجهه اليمنى بس كان من المفترض اخراج ياسر بدل الشلهوب وخلا الشلهوب يسار وسالم يمين المفروض من بداية المباراه حتى مو خلاص فزنا على النصر بهالتشكيله نلعب فيها مع كل الفرق تيقاقو والشلهوب ماقصروو وربي باقي العيبه يعني ماضهرو ذاك الضهور بس قامو بواجبهم |
تسلم يا غالي فعلاً (((شعب الهلال لا يرحم))) |
الحق ينقال انا ضد سامي وخطوه الاداره فيها بس الصراحه دفعوا ملايين جابو اسماء ماكنا نحلم فيها مثل الشمراني وكريري ونيفيز وجددوا مع لاعبين كثار وتعاقدات محليه كبيره جيبو مدرب صاحي وتشوفون الفرق |
البعض يذكر الصفقات وينسباها ل ابن مساعد وهو لم يدفع ولا هلله |
اللي يبغاني ادفع بدل بن مساعد ما ربيت وفي فمي ملعة ذهب .. ولا قسم بالله لحط ع الهلال 3 ارباع ثروتي واعلمك كيف ادفع المليون في واحد يستاهل 2 مليون بدل العكس فديتك جايب كاستلووو بثروة وديغاوو مثله كواك مابي اتكلم عنه لانه فضيحه اترك نيفيز لانه يستاهل عطني مين اللي يستحق الملايين ؟؟ قايلك باعوك قلم رصاص بمليون .. وهو قيمته نص ريال الفهيم هو اللي بيعرف قصدي |
| الوقت المعتمد في المنتدى بتوقيت جرينتش +3.
الوقت الان » 06:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd