السلام عليكم ورحمة الله وبركاته

مما رأيته هذا الموسم , المشكلة الحقيقية في الهلال ليس دفاع او حراسة

المشكلة الحقيقية هي عدم وجود المنافسة بين اللاعبين

بمعنى أن للأسف من يعتمد على عناصر ثابتة فتوصل لحد التشبع من الثقة فينتهي به الأمر بسقوط مستواه

السديري لما كان خالد شراحيلي موجود كان مستواه عال العال

فقد المنافسة بعد ايقاف شراحيلي وطاح مستواه

سلطان الدعيع مع عدم وجود كواك ضمن الخانة وزادت الثقة فوق حدها المحمود كان الأجدر وضع منافسة بينه وبين الحافظ

نواف العابد الموسم الماضي رفعناه لحد السماء ووصل حد التشبع من الثقة

أنا أتكلم عن لاعبين تنقصهم الخبرة لازم ماتخليهم يستهترون بالثقة اللي تعطيهم اياها , أو مفهوم الثقة مختلف عندهم

لاعب مثل ناصر وتياقو هنا ناس مايتأثر عطاءهم بمثل هالشيء

الزوري صراحة احس خذل اعجابي فيه بفترة ماضية

عموما اعتقد وضحت وجهة نظري

اللاعبين لازم يكون بينهم منافسة مب تثبت اللاعب بمكانه وويضمن الخانة ويمل ويطيح مستواه

حتى لو كان مبدع ومثبت نفسه

وش المشكلة اذا كان فيه اثنين ينافسون وكلهم عطاءهم كبير على الخانة ويرفعون مستوى بعض

الله يعين بس

راح زمن اللاعبين اللي ماتخاف على نفسيتهم وكيف تفكر انك ماتدلعهم زيادة