|
يعزك الله لو تذلك خلايق ! يعزك الله http://up.graaam.com/img/08b25db09ee...05e2a7b5c3.jpg يعـــــــــــــــزّك الله.. لو تذلّك خلايق يا قلبـــي اللي مثلهم.. وانت مخلوق ما فادتـــــك خُــــوّه وكثـــرة صدايق لو انت وافــي في حياتك، ومصدوق ياما على العـشْـــــرَه سبقت السبايق الاوّل انت، وصرت يا القلب مسبوق أحـسّـكْ بـصــــــدري بلاَ ذنب ضايق من فـقـدة اللي بَعدهم عشت مضيوق ياما عـلـيـهـم شـوقـك اشـعـل حرايق والمشكلــه، كـلٍّ نجَـا وانـت محروق ما قـدّرَوا ذيــــــــــك السّنين العتايق يا قـلـب.. ليتك بَعدهم صرت معتوق واللي خذوا هالحب كــــذب وسرايق الحب نبض القلب، يا قـلـب مسروق لاَ تـنـزعــــج’‘ من غـدرهم والنّفايق أمّا جـمـيــــــل الحــب للحـب منفوق يا قـلـب.. فـيـك الشّوق يفـرق فرايق بـيـنـك وبـيـن اللي غَـدوا عـنّـك فروق حـبّـك بَـحَــر صَـافـي ولاَ بـه غرايق أنت السّفينه،، وانت بـ الـود مغروق يا قـلـــــب.. لاَ يشغـلك فـتح الغلايق كلّك عـطا،، ما فـيـك لو بَـاب مغلوق اللي يـبــي مَـسـكَـنـك،، دَلّ الطّرايق واللي وصلك بطِيب والدّرب مطروق يا قلب.. عشْ وقتك.. ولو هو دقايق وش بك؟ تعيش بعالمــك رَق مدقوق أنـت الـوحـيــــد اللي حفظت الوثايق واشقاك من هو كان بالأمس موثوق كـذّبـتــها فـيـهـم ،، وجَـتـك الحقايق وابـعَـدتــها عـنهم ،ولاَ عَادت حقوق صَارَت جمَايـلك العظيــــــــمه بوايق هذا جـزا من يـحـفـظ الـحـب، مبيوق وهـذي هـي الـدّنـيـا.. وذولاَ الخلايق وهذا انت يا قلبي مثل ماانت مخلوق بندر الخنيفر BandarHabob http://up.graaam.com/img/05a69abdf1f...ebe1edd9e8.jpg |
الله يالهبوب الله،،، القصيده هذي تمثلني يااخي ^~* صح لسااانك ،، صح لساانك،، بحجم السمااء ياشااعرنا المبدع،، ((من فـقـدة اللي بَعدهم عشت مضيوق ياما عـلـيـهـم شـوقـك اشـعـل حرايق والمشكلــه، كـلٍّ نجَـا وانـت محروق ما قـدّرَوا ذيــــــــــك السّنين العتايق)) |
صح بدنك يا بن جبله الحمد لله يوم قدرت الامس احاسيسكم وامثلكم بالكتابه نتشرّف بالجميع :) |
صح لسانك ا رمحين أشيقر ع الموضوع المميز يعطيك العافية :rose: |
عنوان الموضوع لحاله يكفي.. شاعر جزل ولا عليك كلام صح لسانك مليون |
الله لا يهينكم شاكر لكم الحضور والاطراء الجميل |
ما شاء الله اخوي بندر من ابداع الى اخر اتمنى لك صادقا ان تتبوأ مكانا يليق بموهبتك المميزة .. فهذا الأدب كما نسعد ونتشرف به في المجلس العام فنحن ايضا نتمنى ان يصل الى محطات اخرى .. لكي تشاركنا هذه الابيات الرائعة في مفرداتها ومعانيها والحكم النبيلة التي تتضمنها وفقك الله ،،، |
إقتباس:
وهذي هي الأمنيه اللي اسعى لتحقيقها على ساحة الشّعر والانشاد لكن الواقع مشكلته مشكله في الظهور والوصول للملا خصوصاً لمّا اشوف غيري وانا منيب اقل منهم! والحمد لله مقدّر كل شي سبحانه |
^ ^ اقترح عليك زيارة النادي الأدبي في المدينة التي تسكن بها هذه الأندية يفترض انها سوف تساعدك بعد تقييم اعمالك في التعاون مع الصحف او المجلات المتخصصة او التي لديها اقسام خاصة بالشعر والأدب .. وربما في وقت لاحق سوف تتيح الفرصة لك للمشاركة في امسيات شعرية وأدبية قد تنظمها هذه الاندية او فعاليات معنية بالشعر والأدب ،،، كما اتمنى منك يا غالي .. ان لا تضع نفسك في مقارنة مع أحد .. لك كاريزما خاصة اتمنى ان توجه طاقتك وقدراتك حيالها دون ان تضع نفسك او تتيح للاخرين ان يجعلوك في موقع مقارنة ،،، وفقك الله |
مشكور على الاقتراح وبإذن الله تتيسّر الامور |
مآشاالله قصيدة جميلة وأليمة بنفس الوقت صح لسآنك بندر بس أبي اسأل بالنسبة للنك (رمحين أشيقر) رمحين فهمتها لكن وش أشيقر ؟ منطقة وإلا وش ؟ وعذرا عالسؤال إذا حسيت ماله داعي :| |
إقتباس:
أشكركم للاطراء رمحين أسم جبل في ديرتي (أشيقر) وفيه نادي درجه ثالثه كنت العب فيه واسمه (رمحين).. والحين اسمه (أشيقر) ((وعلى طاري النّك)) أتمنى تغيير أسمي لـ بندرالخنيفر(هبوب) |
صح لسانك مدد بلا عدد مبدع قمة الشاعرية والاحساس قواك الله ... |
فعلا قصيدهـ معبرهـ بكل كلماتها ~ صح لسانكـ يا شاعرنا المميز ~ |
إقتباس:
بلغت الاداره ون شاء الله يتم تغيير النك قريبا |
| الوقت المعتمد في المنتدى بتوقيت جرينتش +3.
الوقت الان » 03:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd