ماعليش محنا اغبياء

الهزيمة يتحملها سامي بنسبة 70% تغييراته ماهي بمحلها ابدا ! تطلع ياسر ليش؟ ومن بداية الشوط !

30% الحارس "الفاهي" والدفاع المرتبك

صدقوني الفريق الايراني اضعف بكثير من الهلال لكن ما استغلينا هالنقطة وحطينا كل الاعذار على الارضية ؟

يعنى ارضيه الملعب مالها تاثير ؟

هي كما قلت عزيزي على الفريقين لكن فريق معتاد على اللعب وقوة اجسام لاعبيه تخدمه

الهلال يحتاج للكثير لكن الارضيه واضح ان لها تاثير شوف الهدف الاول شوف الثالث
تذكر سقوط نيفيز وهو يعرف كيف يلعب في الامطار لكن وسط الملعب كان وحل هل نوافقك
على حساب الواقع الذي رايناه اخوى الهلال يحتاج مهاجم وظهير ايمن ونؤكد ان الارضيه كان لها تاثير

والهلال يحتاج الى عمل وهذا طبيعي في كرة القدم

من ينتقد عن غيره وحب للهلال فهو معذور
اما من عنده مشكله في نفسه الله يعينه تراه بايتعب حاله هذا الزعيم؟؟؟؟

صحيح المطر اثر على الهلال اكثر لكن سامي أيضا أخطاء بالهجوم بالاظهره طوال الدوري والشوط الثاني تقدم الفريق الإيراني من جهة الظهير الأيمن لا يلام الشهراني لان أي واحد لعب كوره يعرف أهمية المراكز وسالفة محترف يلعب باي مركز سالفه غبيه او يلعبون المباراه القادمه بالشلهوب ظهير ايمن اذا كان المركز غير مهم أيضا عزوز يلعب مهاجم ثاني ويقتله سامي باللعب بالوسط ويقدم لاعب الوسط نفيز للهجوم وهذا خطاء من المدرب
أتمنى عدم المكابره وان يلعب البريك بالظهير الأيمن ياخي النصراويين راحوا للشبابيين في بيوتهم علاشان معاذ ما ينتقل للهلال لانهم يعلمون ان الهلال اذا وجد ظهير ايمن سيعود الشهراني للجهه اليسرى ويشكل قوه ويكون الظهير الأيمن قويا ولكن للأسف المفاوض الهلالي وقف عند معاذ واحضر كواك المصاب واعطاهم المرشدي وكان الأولى معاذ او القميزي واذا رفضوا هناك الحسن من الطائي والجيزاني من الرياض وبرغش من ضمك والمحيسن من الشرق ووووو
نفسي اعرف البريك ليه ما يلعب ؟
عموما لو كان لدينا اداره لقامت بانهاء التعاقد مع كاستيلو وكواك ومدرب الحراس ومساعد المدرب وأنهت المشكله ولكن الاداره فن وادارتنا لا تملكه واكبر بطوله للهلال استقالتها
وشكرا

حراسه سيئه وسيئه جدا
تكتيك طقها والحقها
وتبديلات لمصلحة الفريق المنافس
هذا مختصر المباراه
وبالشكل هذا القادم مؤلم لنا حنا

هذا ليس الهلال بل شبح الهلال.. لاعبوا الهلال القدامى يكرفون بالملعب حتى آخر نفس وصنعوا الهلال ست بطولات آسيوية وإنجازات اما البرود وعدم معرفة قيمة النادي الذي هم يمثلونه فقد جعلت الهلال يرحل ولم يبقى منه إلا كبريائه إلى متى المجاملات على حساب الهلال.. الزوري اللي مايعرف يرفع ولا الدعيع اللي كل شوي ناكبنا ولا الانانيه والدفاع الفاشل تخيل لاعبين من الفريق المنافس يهاجمون والدفاع ثلاثه يروحون الثلاثه للاول والثاني ماعنده أحد وش الغباء هذا.. أين أنت يا هلال اشتقنا..

لا مو كذا حرام عليك انت شكلك كاتب الموضوع بعد المبارة مباشرة لان فئة نقد حاد جداً بدون حلول موضوعية اختلف معك كثير في اغلب مقاتلة ،، عموما يعطيك العافية

والله شر البلية ما يضحك

اللي يسمعك يقول اهداف الفريق الايراني من جمل تكتيكيه ..........؟

يا رجال تعوذ من ابليس واترك سوالف المجالس اللي كل واحد يألف من عنده..؟

سوء الارضيه واضحه للجميع بالاضافه الى تسرع المهاجمين وضعف مستوى السبيعي في الحراسه..؟

مو كل هزيمه او فوز يجيك واحد يكتب موضوع من رأسه وهو اساسا مافي راسه كوره..

اركد فديتك ولا تجلس تألف وتتكلم كلام جماهير المسيار..الا اذا انت منهم..