|
هدف سباهان الثالث بعد اصرار من المهاجم عدة مرات لتسجيل هدف من جهة الشهراني الحمدلله على كل حال راينا في الدوري ان الفرق كلها تهاجم من نفس جهة ياسر الشهراني وفي اخر الشوط الثاني اصرار كبير من الفريق الايراني الهجوم من تلك الجهة لا ادري من اين الخلل ؟؟ هل من سامي ام من فهاوة ياسر الشهراني في اخر الوقت وفي ارض الخصم المحافظة على التعادل مكسب لكن ياسر الشهراني لا ادري متى يتعلم من اخطاءه ذكرنا بايام المتوسطة ما ابغى العب دفاع :ranting: |
مع احترامي لسامي الجابر ظلم ياسر الشهراني كثيرا بالظهير الايمن ياسر ماله ذنب مايلعب بالخانه حقته ياسامي يوجد عندك البيشي وكذلك في الاولمبي ظهير ايمن البقعاوي نحتاجه بالاول بدل الفلسفه وشكرا |
بسراحه غباء من سامي مو من الشهراني اللاعب اكثر من مره بينطلق بالجهه وتكون تسلل .. المفترض سامي يوجهه الشهراني يقضب ارضه ولايهاجم خير شر .. ’، مابي اتفلسف لكن بالاستراحه اخبر العب بلايستيشن مع الشباب واشوف خصمي وين مركز فيه واحاول اصلح العله .. وهي بلايستشين ! .. قفله لكن بشكل عام الامطار اثرت على اللاعبين والحمدلله على كل حال |
الشهراني ضعيييف جدا الامور الدفاعيه فشل فيها وش فيه البيشي مايلعب!!!! للاسف مجاملات بعض اشباه الاعبين ضيعت الهلال |
لاعبين اغبياء وفوق هذا غير مركزين 1- الدعيع في الهدف الأول ينبرش على نفسه وبدل مايسقط المهاجم الايراني من الانبراشه يسقط الدعيع والمهاجم بكل ثبات يمرر في خانة ( الزوري ) الفاضيه وبصعوبه يحاول الشلهوب اللحاق به ولكن بعد فوات الآوان ( المفروض الحافظ من المباراه القادمه اساسي ) لكن يبدو ان ( المجاملات ) شعار سامي او انه غير ملم بقدرات لاعبيه 2- الزوري والشهراني لو يلعب الهلال بدونهما افضل ( وجودهما مثل عدمه ) لااوفرات صحيحه ولا تغطيه دفاعيه وش فائدتهما ؟؟ 3- السبيعي مارس البارح انواع ( الاستهتار ) في الهدف الثاني خارج مرماه يمكن 10 م والثاني انسدح قبل يشوت اللاعب الايراني |
سامي مايقصر ياشباب خسارة الهلال هو فااااااااااااااااااااايز السيبعي هدفين ماتجي مررررررررره الثاني متقدم والثالث كره سهله اه اه ياقهري |
فكونا من السبيعي والدعيع نكون بخير بحل يالمرشدي عندهم |
إقتباس:
سامي يوم شاف الهجوم من جهة الشهراني .. راح نزل سالم وفرغ الشهراني لمراقبة الايراني لكن الشهراني فهى وسالم كان مندفع واجد انا عادي عندي اهاجم سامي لكن الحق يقال الرجال قرأ المباراه كويس بس عدم تركيز لاعبين واندفاعهم الشديد للامام + سوء الجو اللي حاس السبيعي .. والا كان الهلال راجع بالثلاث نقاط عموما الهلال لم يكن بسوء كمبواريه حتى الان |
إقتباس:
:ba: |
اذا كان لديك حاارس عماره مثل السبيعي توقع في كل هجمه هدف .. يقولون الحاارس نص الفريق ف الهلال الحارس اسوا الفريق و مع ذلك التطبيل مستمر انتقدناا كثيرا السديري ولاكن يجب انصاافه لم تحدث منه كوارث كمااا يحدث مع الفاهي السبيعي .. |
يا جماعه الخير ابى أقولها بكل صراحه وعارف بيجينى انتقاد على كلامى مشكلة الهلال مع الاسيويه واضحه وضوح الشمس وهى خوف اللاعبين من الجمهور الهلالى يلعبون وقلوبهم وتفكيرهم مع الجمهور اى لاعب يلعب وهو يخاف من اى غلطه لأنه عارف وش بيجيه من انتقاد ومسبه وهذا فقط فى الاسيويه يفكرون فيه حتى اصبح اللاعبين ما ودهم يلعبون فى بطولة اسيا وطبعا هذا غير اللى بيجيهم من ضيوف الخشبيه كانهم الفريق الوحيد اللى يخسر ويتمنون خسارته للشماته ... الهلال حقق الاسيويه 6 مرات لانه كان الجمهور معاه بالحلوه والمره ولم يكن هذا الانتقاد الجارح موجود واكبر دليل على كلامى الغامدى حق النصر من سمع الجمهور انه وقع للهلال جلدوه قبل لا يشوفون خيره من شره ولا اقصد كل الجماهير فى كلامى طبعا وباذن الله لو من المباراة القادمه مع السد فى اسيا او الدورى او الكاس نوقف الهجوم الجارح وننتقد بس باصول راح تشوفون هلال ثانى واعلم من حبكم وغيرتكم على الزعيم يحصل هذا الانتقاد لكن مقيوله ومن الحب ما قتل والسلام عليكم ...السموحه من الكل اذا اخطيت |
بصراحة التكيك الخاطئ يتحمله سامي اما الاهداف يتحملها الحارس ومعروف اي فريق في ارضه يبي الفوز احنا ليه نهاجم بعدد كبير المفروض سامي يكلم ياسر من عدم التقدم للامام لوجود لاعب بالطرف احمل نسبه 60% من الاخطاء بسبب تكتيك سامي وتغييراته الخاطئة ننتظر تصحيح الاخطاء وتغيير الحارس بالتوفيق للزعيم |
امس الهلال كان مستواه جيد جداً حتى خروج ياسر القحطاني صحيح ياسر لم يقدم شي لكن تواجده كان مسوي قلق للفريق الايراني وجاعلهم مايندفعون للهجوم خوفاً من هجوم الهلال وكان المفروض يكمل المباراة او على الاقل يكون بديله السالم ويكون سالم الدوسري بديل الشلهوب. اعتقد لو صارت الامور بهذا الشكل انتهت المباراة لصالح الهلال. |
" " تعبنا من تضيع الفرص تعبنا من التضيعات للفريق إلى متي ؟ بـ استطاعتكم الفوز بـ خماسية لكن خلو الهستره تنفعكم للأسف من المجموعات سوف نخرج مسألة وقت فقط " " |
الشهراني؟؟؟ هاردلك يا زعماء يا شباب قلناها ونقولها وسنقولها الشهراني هو سبب النكسة البارح لو تشاهدون كم تسلل وقع فيه المهاجم الايراني اتوقع اكثر من 6 حالات لعلمه التام ولانه متيقن انه سوف يعمل شيء عن طريق هذي الخانة خانة الشهراني وبالفعل حدث ذلك لماذا؟ لان الشهراني يفتقد لاساسيات كرة القدم في افتكاك الكرة والتغطية اللصيقة لمهاجم الخصم وبذلك يستطيع اي مهاجم ان يتغلب عليه مع طول الوقت بالمباراة وهذا ماشاهدناه بالامس شاهدت المباراة عن طريق الرابط المرسل بالجوال وكان صوت سامي واضح وهو يقول للشهراني (بسهولة بسهولة) يعني اعمل الواجب الي عليك ياياسر في الاستخلاص وبتنجح ولكن اللاعب لا يفهم هذي الاشياء البعض يقول ليست خانته الاساسية وانا اقول هذي ليس لها دخل بالخانة فاللاعب المحترف يستطيع توظيف مهارته في اي مكان طالما احس بالمسؤلية وقد شاهدنا مدافعين ولعيبة وسط يسجلون ويصنعون اهداف خيالية فما بالكم بتوظيفه في اليمين بدلا من اليسار العلاج: يجرب الدكة الى اخر الموسم في ظل وجود البيشي او يخلون خانته فاضية الى اشعار اخر والله اني كنت متيقن بولوج اهداف عن طريق جهته لاننا متعودين في كل مباراة على مثل هذي الاهداف الهدايا اسف على اذا كنت قاسي ومندفع ولكن شمس الحقيقة لا تحجب |
| الوقت المعتمد في المنتدى بتوقيت جرينتش +3.
الوقت الان » 08:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd