|
كل سنه نقول السنه الجايه والمشكله هنا السلام عليكم رحمة الله وبركاته ً اول شي هارد لنا على الخساره الهلال السنه هذي مستحيل يقدم شي باسيا حده الدوري السعودي لان سبهان امس ضعيف جد وماستغل الفرصه واخطاء دفاعيه تكرر من بداية الموسم والسبب سلطان الدعيع النكبه راح ماجد جاء سلطان الاسبوع القادم يلعب مع السد ب قطر والسد كله نجوم يكفي بلحاج وتاباتا الله يستر كل سنه نقول السنه هذي ونطلع من اسيا من اخطاء الدفاع |
والضحيه الجمهووووووووووووووور |
الله يعييين بسسس ياخذون ملايين وينامون ولايدرون عننا |
بأذن الله تتحسن الآحوال ويعود الهلال,, مالنا الا الصبر والدعمممم.. تحياتي, |
الحقيقه مره ياصاحبي فريقنا ماله هيبه ولاهوكفو ينافس على أسيا والاسباب هي 1 اللاعبين الاجانب ماهم فئة خمسه نجوم ماعدا نيفيز 2 فريق لايوجد فيه ظهير أيمن من عام 2005 والله ظلمنا الشهراني بالمركز هذا 3 مدرب ليس لديه خبره مع احترامي وحبي الكامل لسامي الجابر 4 فيه لاعبين مبدعين في الاولمبي يحترقون ليه مانصعدهم بدل النقص اللي عندنا عموما مع الزعيم قلبا وقالبا في المره والحلوه تقبل مروري |
ما لنا إلا الصبر علما أن الصبر مل مننا بسبب إنهيارات الدفاعات الهلالية التي صارت عادة لابد واحد من الدفاعات يخر الماء فريق هش بعض اللاعبين ينقصه اللعب الرجولي ومنعدم التركيز طوال وقت المباراة ونتمنى من المدرب اصلاح المشكلة بالخطوط الخلفيه وكذلك الوسط إن شاء الله تتعدل أوضاع الفريق للأفضل لأنه بهذا المستوى سنخرج لا محالة , على الادارة أن تضع حدا لهذه الانتكاسات وبالانتقالات القادمة لابد من النظر في وضع بعض اللاعبين واللي المفروض الكوتش سامي يكون قد قيم أداءهم من خلال مشاركاتهم . هاردلك للجميع وأملنا بالله كبير ثم بلاعبينا لتصحيح الوضع قبل فوات الأوان ويا هلال عزك عزنا . |
السسد اقوى الفرق في المجموعه الله يعين بسس |
خلي ينفعكم سامي والتطبيل له بصراحة السنه هذه افضل لاعبين عندنا دوري ضعيف كاس ولي العهد الفرق اللي قابلناها ضعيفة كاس خادم الحرمين فرق ضعيفه اللي نقابلها وكلها نخرج ولن نحقق اي شي مبروك عليكم سامي انتضروا معه البطولات |
ماستبعد الهلال يتاهل مو صعبه بس صعبه يحقق البطوله نتفق علة الهلال بالترتيب بن مساعد الاعلام اللي يبالغ بالمدح اشباه اللاعبين اللي تعودوا عالخروج من البطوله بكل برود (المرشدي وراح الله يوفقه , الزوري وياسر وعزوز والعابد ..شغل تسحيب رجلين مايجيب لك ولا نص اسيا) |
مشكلة الهلال في الفكر للأسف سواء من ناحية المدرب ونجمنا المحبوب سامي الجابر إلى اللاعبين فريق خارج ارضه وسط أجواء مناخية سيئة وينهي الشوط الأول متقدماً يعتبر شي رائع بل ممتاز إذاً لماذا المكابرة والاندفاع الغير مبرر لدرجة من يشاهد المباراة يعتقد أن الهلال بحاجة لنتيجة كبيرة لكي يتأهل للدور التالي !! للمرة المليون قلناها وكررناها وسنكررها مراراً وتكراراً .. آسيا لا تحتاج لعب هجومي على حساب الدفاع . آسيا تحتاج لعب متوازن دفاع صلب قوي وهدف وحيد ومن ثم المحافظة عليه مع اللعب على الكرات المرتدة خارج الأرض .. للأسف نحن من ضيعناها بإيدينا في مباراة سباهان فهو ليس بالفريق القوي بل بإمكاننا الخروج بالفوز ولكن قلة الخبرة .. هل يعقل فريق اخر عشر دقايق يهاجم وهو خارج ارضه !! بل في الدقيقة الـ 90 لا أعلم أين الظهير الأيمن على العموم ما زالت الفرصة أمام الزعيم لتصحيح الأوضاع وكل ما نتمناه ونريده على المدرب التركيز على الأخطاء التي وقعنا فيها وعدم الاندفاع المبالغ فيه واللعب بحماس من أول دقيقة إلى أن يطلق الحكم صافرته معلناً نهاية المباراة وليعلم الفريق الهلالي أن السد فريق قوي جداً ولكنه ليس بالفريق الذي لا يقهر بالتوفيق للزعيم إن شاء الله |
متأكد لو فزنا ما كان قلت هالكلام .. لكن م وجهة نظري هناك عدة اسباب ادت الى الهزيمه : 1 - الامطار 2 - التغير المفاجأ بخروج ياسر ودخول سالم . 3 - والسبب الرئيسي و الاهم الكرات العاليه و العرضيه هي مكمن المشكله . 4 - اقولها بالفم المليان سلطان البيشي دفاعياً افضل من ياسر الشهراني وحتى بالاوفرات افضل . 5 - لابد من الصبر البطوله في بداياتها لا ننسى السنه اللي فاتت الهلال حقق 3 نقاط في المباريات الثلاث الاولى و تأهلنا لدور الثاني 6 - و الله الذي لا اله الا هو ان البطوله الاسيويه وضعها نفسي افهموا وضعها نفسي 7 - اذا وجدت الروح ناخذ البطوله باذن الله و اذا غابت و الله لو نجيب افضل اللاعبين ما نحققها وهذا كله بتوفق الله عز وجل 8 - الصبر يا اخواني الصبر |
الدفاع المتقدم لا يناسب الهلال أبدا وكاستيلو والله عاله على الفريق بس يتمشى والله قهر الخسارة من سيبهان اللي أضعف منا بكثير |
الهلال الصراحه لازم يستقيل من ادارته عبدالرحمن بن مساعد رجل مثقف وواعي لكن الرياضه ليست بحاجه للبرود والتغاضي نبي مثل محمد بن فيصل يوريهم العين الحمراء اذا استهتروا وصارم :ba1::ba: ثانياً الهلال ليس بحاجه لمجامله لاعب سابق ليه الاداره جاملت سامي سامي كلاعب يعتبر رائع لكن كمدرب لازال مبتدئ شلون يدرب بعد سنه فقط تدريب مباشره يمسك الفريق الاول لفريق كبير :cry: يكيفي عديناها انه طلع ياخذ شهادة تدريب وهو نافي انه بيدرب الهلال يلعب على عقولنا :mad: يبيله وقت على مايوصل لهالشي المفروض مسك اندية الدرجه الثانيه او الاولى على الاقل :yes: واللي يزيد الطين بله اللاعبين اكيد الغالبيه منهم مايتقبل سامي كمدرب قبل كان يلعب معهم والحين يدربهم وصارم لدرجه ماكان هو نفسه جدي مع المدربين السابقين كان يتغيب ويسوي اللي براسه الله يهديه :s5s: |
ما لنا يا جماهير الزعيم إلا الصبر ثم الصبر الى ان الله يفرجها من التخطبطات الادارية . وبعض اللاعبين ليس لديهم روح قتاليه بالملعب ما شاء الله ما كانه يحمل شعار الزعيم . حسبي الله عليكم ، الزوري جميع رفعات فاشله وياسر الشهراني مثله وحارس ما يثق في نفسه ومدرب حراس اظن ما ينفع تحطه حارس عمارة . |
الهلال احسن فريق وخسارة بطولة او بطولتين او بطولات الموسم كله ما يدل على ان الهلال سيئ بالعكس الهلال ممتاز بس الحظ معاند شوي وان شاء الله السنين القادمة أكيد رايح يصير شي |
| الوقت المعتمد في المنتدى بتوقيت جرينتش +3.
الوقت الان » 02:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd