!~¤§¦ ممنوع دخول الخكارية ¦§¤~!
 

في مقابلة هي الاولى من نوعها .. تكلم السيّاف الكبير محمد بن سعد البيشي ( وعمره 42 سنه ) لجريدة عرب نيوز عن تجربته في جز روس المجرمين واللي صدرت بحقهم احكام بالاعدام وقد نقلت هالمقابلة شبكة البي بي سي البريطانيه .

http://www.eqla3.net/hm/men/ss/beshi.jpg
ابو سعد وهو يوري البريطانيين وزنية السيف اذا بغا يسكرب له راس

وقال ابو سعد في هالمقابله ان ضميره مرتاح دامه ينفذ امر الله .. وانها ما تفرق عنده راسين والا اربعطعشر راس يبي يجدعها .. فكله واحد ( على حد وصفه ) .. وعند سؤال ابو سعد حفظه الله عن هالناس اللي تدوخ اذا شافت الروس وهي تدربى .. معط ابو سعد براطمه وقال .. هذول ملاقيف .. اللي ما يتحمل انه يشوف القصاص وش يجيبه عندي يتفرج ؟ ( سؤال لا يمكن أن نجحد منطقيته ) .

وقال ابو سعد ان القصاص يكون عادة بالسيف واحيانا بالمسدس في بعض الحالات اللي تكون بحق النساء وانه ولله الحمد يجيد الثنتين سيف ومسدس ..

تمنياتنا لأبو سعد بحياة سعيده وننتظر تألقه إنشاء الله في قصاص الارهابيين بالسيف او المسدس أو بالعقال أو حتى بالزبيريه .



منقول من موقع شبكة الإقلاع:
www.eqla3.com

أبــوهــا يا شيخ
شــوفـوا الـرجــال يا ناس
صدق أنا قد حظرت القصاص مرات كثيرة ومافي مرة فيها قصاص
الا يغمى على ثمانية او تسعة وبعض الاحيان اكثر
الله المستعان على الخكر هم دمرتنا

هلا ممر البطولات ..

ياليتك يوم نقلت الموضوع ذكرت المصدر يكون أحسن ;)

لاحظ وش هم حاطين في آخر الصفحه ..

ترا جميع الحقوق محفوظة لشبكة الإقلاع 1999-2003
واللي يبي ينقل عننا أي شي يجب أنه يستاذننا أو يشير للمصدر والا ترا بنفضّح به عند الله وخلقه .. لا تقولون ما درينا

تحياتي لك ..

معليش والله نسيت بس شوفواااا اخر المشاركة مكتوب منقول من الإقلاع
وأسف

اولاً هذا هو الذي يعدم المجرمين في جدة

والله أنا مرة كنت في الساحة في جدة وكان في إعدام

ورحت أنا وإبن عمي نشوف وطول الطريق يقولي لا تروح معاي بتدوخ

قلت له /: ما عليك لا تخاف ،،،،، قال إلا يا صلاح بتدوخ أنا متأكد!!!!

قلت يالله بسم الله

تصدقوا بعد قطع ثلاث رأوس مجرمين وهي حالة أول مرة أشاهدها في حياتي

المهم جيت أشوف وولد عمي مدوخ جمبي في الأرض ،،،،،، هههههههه
والله وبعدين للمستشفى ونرشه بماء ومهدئات