|
والله قهر ندفع فلوس و اخرتها ما نقدر نشوف السلام عليكم و رحمة الله و بركاته بسم الله الرحمن الرحيم ببدا بدون مقدمات الي عنده وشلون قناة كبيره مثل الجزيرة تسوي هالحركه انها تحط مباراة الهلال مع ساباهان بقناة HD وال HD يبيله كرت جديد و رسيفر الجزيرة و يبيلك تسجله في موقعهم والله البلشه يعني استغلت كثرة الجماهير الهلالية و حطتها HD يعني سبحان الله مباراة الشباب منقوله على 9 العادي الي يقدر يرسل لهم شي عن طريق ايميلهم او شي يتبع لهم عشان يخلونها على القنواة العاديه لا يبخل والله قهر ندفع فلوس و اخرتها ما نقدر نشوف و ارجوا من الاداره انها تنزل الموضوع لانه مهم والله قهر نسكت عن حقنا |
فكر خبيث تحمله هذه القناة .. مالك إﻻ تشوفها على الأنترنت .. |
أبشركم كل القنوات اللي عندي شفروها الله لا يوفقهم ،،، قبل الاتش دي ماتشتغل بس الحين كل الدنيا ،،، والله ما أحلهم في ريال خذوه مني ،، |
انا توقعتك اذا حضرت في الملعب هههههههههههه لاني عانيت في مباراة المنتخب واندنوسيا حضرت ولا شفت الا لما رحت عند الساعه هههههه اللي قدامي اعمارهم ما تتعدا17 سنه وكل ماقلت لهم اجلسو خلونا نشوف طلعو زياده فوق الكرسي حسبي الله عيهم مراهقين يبون مشاكل هههههههههههههه عاد رحت وغيرت مكاني وكملت الشوط الاول وطلعت مباراة ممله ومع ذالك 70 بالميه من الجمهور طلاب ابتدائي ومتوسط وكل الوقت واقفين هههههه حسيت اني ابوهم |
بأذن الله نفتك من الجزيره بكبررررها .. حرام تشفيرها من ألآساس المشجع البسيط والعاشق الصغير يصعب عليه مشاهدة فريقه شي يقهر والله. |
انا مو مقهرني الا الخشبيه وابو ظبي ودبي ليه مايشترون الحقوق ويريحونا من الجزيره ولعانتها لهالدرجه مطفرين المفروض يسوون زي ايران ياناخذها باقل سعر ولا ماراح تنقلون شي من اراضينا |
بنظري ان فيه حل لهالمشكله اما عن طريق وزارة التجارة وإلا عن طريق الفيفا ... دافعين فلوس وتروح الاشتراكاات هذي فيها نصب واحتيال |
إقتباس:
والله كلامك قووووووي جداً جداً إذا كان صحيح ان ايران فعلت هكذا في نقل المباريات ودي نسويها اجل احنا والامارات وربي راح تاكلها تراب الجزيزة لأن الزبدة اشتراك الجمهور واشتراك الجمهور يجلب لهم الإعلانات التجارية والإعلانات التجارية تعوضهم عن الخسائر التي تم دفعها في شراء حقوق البطولة |
الكأس القطرية اطلقت ثلاث قنوات HD وتشتغل للي عندهم اشتراكك في بي ان سبورت(الجزيرة سابقا) وهاذي الترددات http://www.alkass.net/images/frequencies2.jpg واللي ما تشتغل معاهـ سويت طريقه ونجحت التردد ١٢٢٤٥ الاستقطاب تلقائي الترميز ٢٧٥٠٠ الارسال dvb-s2 التعديل 8psk fec |
واللي ما تطلع معاه الاشاره يغيرر 5/6 الى 2/1 |
بالتوفيق لزعيم اسيا انشاءالله |
- سويت كل شيء وربططت والقنوات ماتشتغل ! رحت فرع قريب وخبصوه لي ولا اشتغلت . رحت فرع في الرياض افضل من الفرع الموجود عندنا ! وللحين انتتتظر ! لي حول اسبوع . رحت لفرعين و شريت بطاقة جديده مدة شهرين و البطاقة القديمه كنسلتها باقي عليها 5 شهور .. قروشه حسسبي الله عليهم !!!! |
إيران دوله قويه جدا وانت من جنبها إيران ما أحد يقدر يستغل شعبها ولا عندها لف ولا دوران يعجبك وضعي وشروطي وإلا برى بكمراتك . تجبر الشركه الراعيه والقنوات بالقوه ولا كلام فوق كلامهم . ولكن الله يقرب الخصخصه وتكون لنا قنواتنا الخاصه ترحمنا من قنواتنا الخشبيه المحتله من الأعلام الأصفر وتريحنا من قنوات الأستغلال القطريه |
مساء الخير الجهاز لابد أن يكون فري اتش دي أو رقم 3000 وطريقة الربط تشغيل الجهاز على قناة 9hd لأن القنوات من 1hd الى 5hd تعمل بدون ربط ولتفعّيل الربط الدخول على موقع بين سبورت ووضع رقم اشتراك قنوات الجزيرة ورقم الجهاز وبعد المراجعة تختار البلد ويضهر لك الكود (966) وتضع رقم جوالك في المربع ولكن لابد أن تضيف صفر مثلاً ( 055**** ) لأنه في حالة عدم إضافة الصفر يظهر لك عبارة أن الرقم غير صحيح .. ثواني يأتيك الرقم السري على جوالك وتضعه في المربع المحدد وبالكثير ساعة أو ساعتين وتشتغل القنوات بإختصار هذا ماحدث معي تحياتي |
إقتباس:
انت وجميع المتضررين من هذه المشكله خذو رصيفراتكم وروحو للجهه الي باعت عليكم الرصيفر والحقوق واحكولهم المشكله ويصلح ع الضمان وانتهت المشكله وإذا تبوني اروح معكم انشبلهم ماعندي مانع راسلوني وابشرو بعزكم |
اي والله انك صادق امس كانت حالتي نفس حالتك وتوترت طلعت شريت الرسيفر و برمجته وربطته بالموقع وقروشة اخذ من وقتي ساعة ونص تقريبا والله شي يقهر راح تكون فئة كبييرة من جمهور الهلال لن تستطيع ماشهدت الهلال الا عن طريق المواقع و المقاهي وعاد ياليت المباراة في الرياض عشان البعض بحضر |
فكر خبيث تحمله هذه القناة .. مالك إﻻ تشوفها على الأنترنت |
حسبنآ آلله ونعم الوكيل عندي سؤآل واللي يعرف لآيبخل علي بالجوآب : يعني حتى لو سوينآ الربط ودخلنا أرقام البطآقه والرسيفر مآبيفتح !! لآني انا دخلت الرقم وسويت كل شي ومآطرشوآ لي الرساله !!! دخيلكم يآزعماء جآبوني وإن شاءالله بنشوف المباراه على الرابط وأمرنآ لله |
قناة الكأس 3 تشتغل على عربسات |
يا عرب اللي سوته الجزيره إجراااااااااااااااام ما فيها أي كلام ... الله لا يوفقهم وبالنسبه لقنوات الكاس الجديده اللي أنا سويته وضبطت معي بعد ما تدخل كافة البيانات من تردد وخلافه ما راح يطلع لك قوة إشارة ولا شيء ومع ذلك اضغط بحث وراح تطلع لك القنوات ... وبالتوفيق لكم ... |
في قناة الكأس الثالثة بتنقلها وقناة إيرانية ... إن شاء الله تشتغل عندي وماتضيع علية المبارة ~_~ |
شباب فيه نقطه مهمه ..! اللي عنده الكرت الجديد من الجزيرة يروح بكره يشتري الرسيفر لان بكره اخر يوم تسجيل ! اذا ما شريته بكره لازم تنتظر الكرت اللي بعده وتشتريه بـ 1020 ! سنة كاملة ..! واخر نقطة جميع الكروت راح تتوقف في تاريخ 12\5 ميلادي بعد شهرين من الان ..! م عليك اهم شي تشتري الرسيفر بكره لانه اخر يووووم والباقي تساهيل ..! مهم ي جماعة تراه .. |
ايه ي جماعة شي اخر ^ ^ < غثيتكم مزبوط .. قناة الكاس الثانية راح تنقل المباراة والتردد : نايل سات .. 10777 .. 6\5 ! ومو لازم الرسيفر لها تشتغل عادي معك .. اللي منقهر من الموضوع .. عذرهم ان 9 ما تنقل عليها مبارايات لذلك الغوها ..! طبعا تصريفة ولا احلى .. ! ودي لكم .. واي استفسار انا حاضر ! |
هل هو اكيد الكاس بتنقل المباراه ؟ لان في موقع كوره قناة 9 hd هي الوحيده الناقله |
الاستغلال هذا لايوجد الاّ في دول الخليج وتحديدا السعوديه - اكثر من 15 سنه وصالح كامل عليه من الله مايستحق يستغل الشعب السعودي بقنوات ART والآن الخليفي يسير على نفس النهج شغل البلطجه لن تستطيع القناه ان تمارسه لو علمت ان هناك اشخاص يمثلون المملكه في الاتحاد الآسيوي اقوياء ويستطيعون مقاضاة القناه وتركيعها والمطالبه بتعويضات ماليه كبيره كيف يسمح لقناة واحده تحتكر مباريات ( قارة ) بأكملها يقطنها اكثر شعوب الأرض وفوق هذا تمارس ( بلطجه ) واساليب خداع للمشتركين اللي دافعين فلوس دون محاسبه من الاتحاد الآسيوي ؟؟ |
ما يسد نفسك الا اذا كانت البطوله مشفره ... |
| الوقت المعتمد في المنتدى بتوقيت جرينتش +3.
الوقت الان » 02:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd