|
#حملة_جمهور_الهلال_لدفاع_عن_الهلال -الضعيف لايدخل السلام عليكم وتحيه طيبه لكم جميعآ الجمهور البطل اللي هز اركان اسيا لن يعجز بأذن لله عن اتمام هذه الحمله وهي ردة فعل على الحملات المكثفه و الشرسه ضد كيان الهلال ورموزه واساطيره .. طبعآ الحرب ضد الهلال لاتكاد تخلو منها قناه او برامج او صحف او تغريدات قذره في تويتر .. الحمله بسطيه جدآ ياجمهور الهلال ( طبعآ اللي ضعيف مستحيل يطبق هذا الموضوع او يتفاعل معه لان المطلوب قوة اراده وقوة صبر اذا كنت محارب ) نعم الموضوع الان مثل الحرب لاتستغرب !! الحرب ضد الهلال صارت مكشوفه وخير الدفاع عن زعيمنا يبدا من هذه الحمله ارجو التفاعل ... نبدا ... 1 عدم شراء صحف القذراه المعروفه بحربها ضد الهلال ( الرياضي-النادي-الرياضه-الشرق-الاقتصاديه-عكاظ ،، لان اذا شريت هذه الصحف بتزيد دخلها المالي يعني تجاهلوها والاكتفاء بشراء صحيفة الرياض /الجزيرة/ الرياضيه/اليوم.. لانها صحف معروفه ومحترمه وتعطي كل ذو حق حقه وفيها كتاب نجلهم ونحترمهم 2عدم متابعة البرامج الخبيثه الموجهه ضد الهلال برنامج عالم الصحافة النتن- وبرنامج كورة للمقدم الفقمه (العجمه اللي على قناة روتانا ) و-برنامج الحدث الرياضي-برنامج اكشن يادوري (للممقدم الجبان وليد الفراج) برنامج في المرمى ومقدمه العنصري ( القوس) والاكتفاء بمتابعة برنامج سعودي ليق الساعه 11 مساء على قناة الدانه الفضائيه او برنامج صدى الملاعب اللي اشوفه الى الان معتدل 3 الغاء متابعة كل من يسي للهلال في تويتر من اعلام او جمهور وعدم عمل ريتويت لاي تغريده تسي للهلال حتى لو بداعي السخريه ( حتى اعلامين الهلال الجبناء الغاء متابعتهم واجب. اكيد فيه شخص بيسال كيف نقدر نتحمل مانتابع برامج ?? انا ولله الحمد وبقوة الاراده لي شهر تقريبآ لم اشتري صحفهم لا اتابع اي مسي للهلال في تويتر ولا اتابع البرامج المذكوره المسيه للهلال يعني (مريح راسي ) نعم تقدر صدقني وبتوجيه الريموت الى قناة الدانه وقت تقديم برنامج سعودي ليق لن تجد اساه لاي نادي ولا اساه لاي شخص برنامج محترم ونظيف وبتلقى كل اخبار الهلال وكل مايخص الهلال وهذا المهم تقدر اتابعه.. الان ياجمهور الهلال نبي تفاعل والنتيجه صدقوني بتكون 1 خسارة الصحف المذكوره التي تسي للهلال. بتخسر مبالغ ماليه ويضعف توزيعها وتتكدس في المحلات.. 2 البرامج النتنه المذكوره لن تحقق اهدافها الخبيثه بأشهار اقزام اعلام الفساد لان كل يوم طالع اعلامي كل مايملك هو اساءه للهلال صعد به لشهرهه واعلاميين لهم احترامهم وكتبهم يتم تجاهلهم ومحاربتهم امثال الاستاذ تركي السديري الذي حرم من الظهور في قناة تسمي نفسها قناة الوطن وهي اقل مايقال عنها قناة العفن ! . بتخسر الشركات المعلنه عن منتجاتها في هذه القنوات وقت تقديم البرامج راح تطيح في كبودهم لان جمهور الهلال قوه شرائيه كبيره يعني لاتشتري المنتجات اللي اعلن عنها في برامجهم او حتى في قنواتهم وراح تسحب الشركات اعلاناتها. تدريجيآ . 3 في تويتر بعد الغاء متابعة كل من يسي للهلال وعدم عمل ريتويت لتغريداته الخبيثه سوف يقلل من فاعلية هذا المغرد في تويتر وينتهي بشكل بطيء في ضل ترديد الاسطوانه االقديمه من ادارة الهلال ان التجاهل هو الحل مع كل من يسي للهلال نقول لا هناك ماهو افضل من التجاهل وهو (جيش الهلال) يعمل هذه الحمله الجباره وبقوة ارده وتشوفو كيف يرجع كل من وصلو للشهره والقمه بسبب جمهور الهلال يتساقطون " من صحف واعلامين وبرامج اي هامور هلالي في تويتر يدخل موضوعي اتمنا منه تفعيل هذا الهشتاق ولايقف صامت هشتاق #حملة_جمهور_الهلال_لدفاع_عن_الهلال |
معقوله مافيه احد قوي قال قدام!! هذا حنا للاسف بلانا منا وفينا !! الكل يحسب نفسه مهم ومايشوف قدامه!! مستحيل نتحد |
يمكن ماعجبهم رايك (اقول يمكن) |
كلام كبير واتوقع بنسوي حصانه عن القذاره اللي صارت علنيه بس يمكن مايقدرون يطبقون على طول يعني تدريجي -- مثلاً نبدا بالجرايد شوي شوي تويتر |
أختلف معاك برنامج أكشن يا دوري للفراج ~ الفراج ماهمه غير إنه يزيد عدد مشاهدينه !! والدليل ياما سكت النصراويه ردود تفحمهم ! وبخصوص باقي الصحف والبرامج فأنا عن نفسي من زمان كثير ما أتابع التلفزيون ~ والأخبار هنا فقط من الشبكه أخذها ؛؛ عوافي ع الطرح ~ |
ولاتنسوا دعم صحيفة الجزيرة وربي أنها الحصن المنيع وخط الدفاع الأخير عن حقوق الهلال |
إقتباس:
شكرآ لك والله يكثر من امثالك :smilie47: طيب زي ماقلت خلونا نبدا بعدم شراء الجرايد المسيئه للهلال وهي -النادي-الرياضي ، الشرق - عكاظ-الاقتصاديه-الرياضه ،،، والغاء متابعة كل مغرد في تويتر يسيئ للهلال ،،،، وندعسسس عليهم زي مادعس الهلال على النصر باالرباعيه السنويه :naughty: وعليها ختم سامي الجابر |
ي عزيزي اذا بتهتم بالبرامج كلها بتتعب طنش تعش تنتعش |
هو الفعل مو مشكله،،،،لكن ردة الفعل هي المهمه مفترض نتفق كيف تكون ردود افعلنا عند اي اساءه للنادي او احد رموزة وشكرا |
إقتباس:
|
إقتباس:
مستحيل يتنازلون ويتحدون او يدعمون حملات الجمهور |
والله انا مثل سعوديه كوول ، ما اقرا جرايد ! وما اتابع الا اكشن يا دوري ~ ومو دايم بعد . وتويتر مستحيل اسوي فولو او رتويت لشيء ضد الهلال .. :yes: واتمنى الجمهور يتفاعل مع الحمله ، اذا الادارة ساكته احنا لازم ما نسكت. |
إقتباس:
كفو والله فيه بنات لكن اطلق من الرجال ماشاءالله ،،، الحمله مستمره ان شاء الله |
حمدلله لي سنه تقريبا ماشريت جررايد اصلا قليل اللي يشترونها اللحين اتابع الصدى واكشن اذا كان التويجري فيه |
ماعمري شريت غير جريدة اليوم و أي اعلامي اصفر بالتويتر يسيئ للهلال سبام في وجهه وبالنسبه للبرامج ما اتابع غير صدى الملاعب والحين قناة الدانه مسويه برنامج أسمه سعودي ليق* بنسبة 80 هلالي* ي ليت الكل يدعمه والأهم أنه خالي من التعصب من حيث الضيوف اللي يستضيفونهم هاديين بدون تشنج مومثل باقي البرامج |
كثرة الهاشتاقات تفرق ولا تجمع وتشتت الجهد لا اشتري الصحف منذ بدأ عرضها بالنت الجزيرة ثم الرياض واليوم فقط القنوات منذ اكثر من سنه صوره بدون صوت في التويتر لم اتابع اي شخص في حسابه بذاءه اعيد تغريد التغريدات الراقيه فقط الخالية من الألفاظ الغير جيده احرص على التغريد بالمواضيع المدافعة عن الحق الهلالي وتلك التي تفضح الإساءات ومحاباة اعداء الهلال التغريد الساخر (مع إحترام الذات) استخدمه في اكثر التغريدات الإلتزام بالمفردة الراقيه والقويه |
إقتباس:
الله يقويك والحمله تحتاج زعماء مخلصين امثالك:smilie47: |
كلام صح لمتى وهم يحاربون الهلال لمجرد غيرة هذي منافسة مو شريفة ولا في حلول نفعت مالنا الا نرد لهم بالكلام االي قاله اخونا البقمي وبنفس الوقت بالملعب يردون اللاعبين واتمنى يكون فية من يحاول يفضح اعلامهم الاصفر ويفضح دفعهم الرباعي بادلة وبراهين وان تنتشر بالتويتر وتنتشر عالميا بعد |
إقتباس:
شفنا كيف طبق لاعبين الهلال حملة عدم التصرايح لقناة العربيه " يقولك مذيع العربيه قعد يترجى مسؤل المنتخب عشان يضغط على لاعبين الهلال يجرون مقابله مع قناة العربيه ،،،، ،،، لو جمهور الهلال طبق الحمله والمطلوب منه في الموضوع صدقيني يازعيمه بتكون ضربه موجعه لكل اعداء الهلال لكن للاسف من يفهم بعض الاعضاء يمر على الموضوع وكانه ماهو هلالي!! |
في نفس الوقت المقاطعة بتسمح لهم حرية الانتقاص و الافتراء من و على الهلال دون آي خط دفاع !! يعني بالعامي ( بنفضي لهم الساحة إلين الوسط يصدق افترائانهم ) |
اخر واحد شرى جريده توفى :d جرايد ما اقرى ابدا سواء مع الهلال او ضده التقنيه تطورت واسعار النت رخيصه جدا تقدر تقرا الاخبار من جوال خلال 24 ساعه والكتاب الصحفيين ابواق انديه مرتزقه فما احب اتابعهم ابدا وصدقني لو اقول لك 70% ما اعرف حتى اسمائهم او اشكالهم ناهيك عن ميولهم ! ، والبرامج الرياضيه ما اتابعها ابدا الا اذا كانت الحلقه خذت هايب كبير ارجع اتابعها في اليوتيوب يعني مستحيل اتابعها مباشر ، وتويتر اتابع كبار المغردين الهلاليين بالاضافه لحسابات تهمني غير متعلقه بالرياضه . يعني انا مقاطع لا اراديا :d |
تسلم على هذا الطرح المفيد واتمنى بعد عشان الحمله تأدى مفعولها بسرعه وبأقل وقت ان يكون هنا اتفاق جماعى من كل الهلاليين ان اى منتج يعلن فى هذى البرامج من اى شركه سوف يقاطعه الهلاليين سواء ملابس عطور سيارات مطاعم اغذيه اى شى وكل هلالى يعلن بالعلن لاصحاب المحلات عن ذلك اسبوع واحد بالكثير اسبوعين راح تتغير اشياء كثيره من خلال هذى الحمله ... بس هالكلام يبيله فعل وتصميم من الجميع والوقوف وقفة رجل واحد ..... والأهم من هذا كله تكون هناك حمله اكبر لاسقاط احمد عيد فرئاسة الاتحاد السعودى اذا لم تكن بيد امير معتدل يخاف الله ويعطى كل ذى حق حقه ويعرف كل من يخطئ ان هناك من يحاسبه سوف يعرف كل نادى مكانه الطبيعى ..... هذى وجهة نظر عسى اكون وفقت فيها وان أخطأت ارجو السماح من الجميع ... الهلال يستاهل من الجميع التفاعل بكل قوه مع هذى الحمله اللتى تصب فى مصلحة الجميع وليس الهلال فقط لهذا ارجو دعوة كل الانديه المتضرره لمساندة هذى الحمله والمشاركه بها .... تسلم اخ فواز على هذا الطرح الرائع |
سلمت يدك يابطل على هذا الطرح ويجب على جمهور الهلال مقاطعت الضعفا حتى يعرفو انهم ليسو في الطريق الصح وجمهور الهلال كبير قي كل شي واناواثق انهم مقاطعين من يسي لهلالهم بارك الله فيك |
موضوع في الصميم : اتفق معك 100 % جمهور الهلال الحبيب قد يقول قائل صعب التطبيق لاسيما واغلبنا ( مدمن رياضه ) لكن عندي اقتراح بسيط ويستطيع الجميع تطبيقه اضيفه هنا لموضوع اخي الكريم واستأذنه في ذلك وهــــــــــو : نطبق الفكره بحذافيرها بشـــكل ( جماعي ) لمــدة ( يومين ) فقط ولكن بتنسيق منظم كالاتي : 1- تحديد البداية بتاريخ معيــــــــــن ( بالتاريخ الميلادي ) 2- اعطاء الوقت الكافي للجمهور للاطلاع على التوقيت ومعرفة البدايه 3- قبل تحديد التوقيت يكون هناك حملة اعلان عن التوقيت تسبقه على الاقل باسبوع 4- قبل التوقيت بثلاثه ايام يوضع ( عد تنازلي ) في اعلى صفحة المنتدى بمكان بارز نجرب الفكره يومين فقط واجزم ان ( الشعب الهلالي ) سيهز اركان ( الفساد ) من عاليها للساس |
يمكن ماعجبهم رايك (اقول يمكن) |
إقتباس:
اقتراح من ذهب ،، لكن تدري وين المشكله في ادارة الهلال اللي للان تثق في البرامج والاعلاميين اللي كشفو انفسهم وحقدهم على الهلال والشبكه ،،، اكتشف انهم حاطين مواضيع بسم برنامج كوره اللي من اول البرامج اللي يعمل بكل كراهييه للهلال والا فيه برنامج محترم ومفروض يكون حيادي من ثلاث سنوات والهريفي شغال تقطيع في لحم لاعبين الهلال ،، ومتاحه له الفرصه والفقمه العجمه مسهله الوضع!!!!!!!!! ومع هذا ادارة الهلال تتعامل مع البرنامج والشبكه تنقل تقاريرهم وكانهم يعلنون عن البرنامج!!!! للاسف بلانا منا وفينا ولاحياة لمن تنادي |
| الوقت المعتمد في المنتدى بتوقيت جرينتش +3.
الوقت الان » 12:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd