|
سلطان الدعيع مكانه الافضل ليس ليبرو ##### سلطان الدعيع ومن خلال جلوسي مع احد المدربين قال لي , هذا اللاعب لمساته على الكورة رائعه واستخلاصه اكثر من جيد لكن يعاب عليه قصر قامته تحرجه احيانا في الكور العالية والعرضيات وبعض الكور الثابتة اللي تجي ساقطه في ال 18 , ليس سوء مستوى اللاعب او قله خبرة زي مايقال لكن قصر قامته هي المشكلة لذلك مركز السنتر او الليبرو غير مناسب تماما لهذا اللاعب لكن راح يبدع ويذكرنا بخالد عزيز بس على اقوى في حاله وضعناه في مركز المحور الدفاعي لان اللاعب يصنع كور ويهاجم ويستطيع التسديد ويمتاز بالسرعه والتحرك في كل الاتجاهات ويقطع التمريرات للفريق الخصم ويستخلص الكورة من المنافس بشكل رائع يكون يعني بدل كريري اللي نسينا انه في الهلال اصلا , طيب تقولولي مافي بديل , مافي متوهقين الكوري ومصاب طيب اقولكم البديل موجود هو النجم عبدالله الحافظ طول قامه , ثقه , قيادي , حماسي , ارتقاءاته حلوة على الكور العالية يعاب عليه البطء احيانا في الركض لكن هذي حلها اللياقه لازم يكثف تمارين لياقيه وانطلاقات سريعه وراح يصير عندنا قيادي مستقبلي ورا ونوفر خانه اجنبي الولد متأسس كويس في البرتغال يعني شوية خبرة راح يطلع نجمه باذن الله |
يا محور يفكنا من كاستيلو البطيء ولا ظهير أيمن وفي كل الحالات اتوقع يبدع بس لازم يبدأ مدربنا سامي في اعطائه الفرصة في إحدى تلك المراكز ومن ثم يبان مستواه والأخبر ابوعبدالله |
رغم أن الحافظ أطول من الدعيع إلا ان الدعيع أفضل منه في قلب الدفاع وتظل وجهة نظر خاصه فيني شكرا لطرحك .. |
إقتباس:
يقرا الملعب صح ويرفع راسه ويوزع صح , واهم شي ان يقطع كور الخصم حتى لو كان الخصم قوي او صلب بدون اخطاء وكروت تتسبب في طرده فقط مشكله البطء لكن هذا ستايل اللاعب , بس قاعد يعوضه بالتوزيع الصحيح والاستخلاص بدون ارتكاب اخطاء ,, تحياتي لك |
إقتباس:
الدعيع اي كورة عالية تحرجه وهناك اهداف مؤثرة دخلت بسبب انه القفز عنده يسبب له مشكله يا انه ينقز فوق مستوى الكنترول حقه فتصير قفزته فاقده السيطرة والتوازن وضربه الراس اللي تطلع منه بتكون ضعيفه لانه قفز قفزة اسمها over load jumping فتطلع من عنده ضربه راس ضعيفه لانه نقز فوق مستوى اللي يقدر يتحكم فيه بضربه الراس فتجيك توجيه الضربه موش مكتمل فتسبب مشاكل كبيرة بالذات الموقع مافيه مزح موقع حساس جدا ,,, ماوراه الا الحارس بس ... تحياتي لك ومنوور |
إقتباس:
الدعيع افضل ولكن اتوقع الدعيع في المحور كما ذكر صاحب الموضوع راح بقدم افضل من السنتر انا اتوقع لو المرشدي ما استعجل عليه وطيروه كان اتوقع انه راح يقدم مستوى مع ديقاو لان دايم اللي يكب المرشدي هو المدافع اللي معاه وجمهورنا ما يقصر حاط اللوم على ماجد :mad: |
انا اقول ما يصلح ابد لان المحاور لحد الان مافيها شخص قيادي لاكن اتمنى الجبرين لا يرووح عليناا لاننا راح نوفر خانه اجنبيه |
انا اشوف الدعيع ظهير راح يكون نجم وينسينا وجع الراس بس اتمنا يعطا فرصه خصوصاً ان المباريات في الدوري سهله وظامنين الفوز |
صراحة استغرب اراء بعض الجماهير الهلالية وبعض اراء جماهيرنا السعودية حيث للاسف لاتنم بوجود ثقافة كروية ومعرفة بأبجديات كرة القدم .. الاعب المتمكن منذ الصغر تكون عنده حساسية تجاه كرة القدم من استقبال وتمرير ومهارة ورؤية الملعب بشكل كامل. انا سلطان الدعيع من اول مباراه شفته عرفت انه ماله شي في كرة القدم وانه يلعب على حماسه فماعنده ثقة الاعب في نفسه. واستغرب عندما اسمع جماهير ناديي تهتف لاشباه الاعبين او تنتقد بعض الاعبين المتمزين .. حيث انهم يدمرون الفريق باكمله بسبب النقد او الاطراء في غير محله، وللاسف يوجد لدينا مدربين يدخلوا المنتديات لايجاد خطط لمبارياتهم، فارجوا الانتباة. سلمان الفرج اكبر مثال على ذلك حيث اتذكر في العام الماضي عندما طالب نصف أعضاء المنتدى بالأستغناء عنه. الحافظ شفتله مباريات محدوده لكن من خلال حساسيته وتمركزه في الملعب استنتجت بانه لاعب ممكن يعول عليه في المستقبل لو اتيحت له الفرصه. |
انا بعد استغرب هذا المديح و الثناء على اللاعب قسم بالله لاعب اقل من عادي و ما عنده امكانيات و الحافظ احسن منه و مايلعب الا مجامله و واسطه ما من وراه الا النكايب بغض النظر عن تسجيله لهدف التعادل في النهاىي دفاع الهلال يعاني من سنتين و مع سلطان يعاني اكثر اتمنى من الاداره و المدرب ما تجامل اي لاعب و تلاعب الاعب الكفوء فقط ما ضيعنا الا هالمجاملات |
اصبروا الى اخر صافره للدورى واتوقع الجابر يحمل مفاجئات كبيره وكل من يملى على الجابر قناعاته سوف تعلن له الاحداث ان الجابر قارئ ممتاز ومدرب يعرف من اين تؤكل الكتف علينا الصبر لان فتره الانتقالات اقفلت هذا اولا وثانيا المنافسات قائمه والانسجام مطلب ملح للفريق وثالثا الجود من الموجود وهذا احتياطنا الذى طالما كان من العلل في عز المنافسات وبحت حناجر الهلاليين في الشكوى من ضعف الدكه وليس لدينا الان سوى ورقة كواك يمكن ان نعمل عليها وندعم الفريق بسبب الاصابه المزمنه للاعب كما فعل النصر وقبله الاتحاد والهلال اكثر وضوح بشهادة الجهاز الطبي للمنتخب الكورى فمن يعلق الجرس من اعضاء الشرف ومن يهدى للهلال احد الهدايا التى تنتظرها الجماهير الهلاليه اسيا بحجمها وبدولها لم يروق لنا منها موهبه لايمكن |
لا ان شاء الله مع رجعة كواك يمسك قلب مع ديقاو والمحور فيه الفرج وكريري والجبرين ان شاء الله الدعيع بالدكه كويس اما كاستيلو بيمشي ان شاء الله بفترة الانتقالات الجايه ونجيب بداله صانع العب مميز او جناح مميز يخفف الضغط عن نيفيز اللي كل الاندية ماغير توجه لعيبته على نيفيز |
الدعيع افضل قلب دفاع شاب في المملكه وليس قصير القامه وكنتروله رائع وثقته بنفسه كبيره والحافظ ان شاء الله يتطور مع المشاركات ويكون لدينا افضل خط دفاع محلي اما تغيير مراكز اللاعبين فهذا ما قتل مستوى الفرج قبل استقراره أخيرا كوسط ايسر وما قتل مستوى الشهراني بنقله ظهير ايمن وعزوز بلعبه في الوسط ولكن سيكتشف مدربنا إمكانيات لاعبيه مستقبلا ولكن عليه ان يبتعد عن استشارة بعض الصحفيين الذي يكون ضد أي لاعب لا يصرح لمندوبه ... وشكرا |
سلطان الدعيع لاعب وااااااسطة والله لو بيدي ما يطب النادي |
فعلا .. الدعيع له هفوات كثيره في قلب الدفاع .. وأتمنى إعادة النظر في مركزه ويتم تجربته بأكثر من مركز آخر ولعل أبرزها في منتصف الملعب كلاعب محور دفاعي. |
| الوقت المعتمد في المنتدى بتوقيت جرينتش +3.
الوقت الان » 10:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd