|
سبب الخروج من الاسيويه المتكرر + طريقة تحقيق البطوله بسم الله الرحمن الرحيم اعزائي في خاطري شي كبير نحو البطوله الهلاليه المستعصيه على زعيمها ومتسيدها بصراحه في كل بطوله يخرج منها الهلال تتكرر نفس الاخطاء ونفس السيناريو بودي ان اذكر بعض الاسباب من الخروج ف الاسيويه : التهاون في لعب البطوله واللعب بطريقه هجوميه بحته وغير متوازنه اطلاقا والنتيجه ؟؟؟ اهداف من مرتدات وخروج من الباب الضيق والخص لكم هذه الطريقه حسب وجهة نظري المتواضعه ؛( لو نظرنا لمحترفي الهلال في الفتره الماضيه نجد ان اغلبهم في الدفاع او منطقة المحور او الوسط المتقدم وخلو هذه العناصر الاجنبيه من صانع اللعب المميز او الهداف الحقيقي بالاضافه كما ذكرت التقدم للهجوم وترك المناطق الخلفيه اريد ان اذكركم بكلام مهم جدا قاله مدرب اولسان عندما لعب مع الهلال في كوريا قال بالحرف الواحد همي اليوم ان لايسجل في مرمانا ( كلام كبير وعقلاني جدا ) ممكن يجيني واحد يقول انت تطالب باللعب دفاع وبنفس الوقت تقول ماعندنا محترفين هجوم المطلوب ياسيدي حسب وجهة نظري وحسب روؤيتي للفرق الحائزه على البطوله ماهي سياستها في هذه البطوله نحو المحترفين الاجانب والمحليين اولسان الكوري ( هجوم اجنبي ضارب ودفاع محلي قوي والتركيز على هذه النقطه الاتحاد السعودي دفاع محلي قوي وهجوم اجنبي ضارب السد القطري دفاع محلي مميز سانده تكتيك فوسلتي الدفاعي وهجوم اجنبي قوي بقيادة مامادو نيانج وكيتا ولو راجعنا جميع الفرق لاحظنا نفس الشي جوانزو الصيني كذلك ادارة الهلال لاتريد جلب لاعبين محليين مميزين وخمس نجوم وبنفس الوقت اجانب ليسوا بذلك المستوى في الاونه الاخيره طريقه عجيبه غريبه من الكابتن سامي محترفين تقريبا جلهم في الدفاع ماعدا نيفيز واللعب بطريقه هجوميه وسط غياب وسط الهلال وهجومه ماعدا الشمراني هل يعقل ان تحظر اجانب جميعهم ف الدفاع وتلعب بطريقه هجوميه بحته وتعول على سالم قليل الخبره والعابد المزاجي وهبوط مستوى الشلهوب وياسر وغيرهم اعزائي تعبنا واحنا نتكلم اسيا والله لن تحظر الا بطريقه واحده فقط دفاع محلي قوي جدا وثلاث محترفين ع الاقل في المناطق الاماميه بيجيني واحد ويقول تو البطوله مابداات بس حبيت اوضح ان الكلام اللي قلته ودي اقوله في كل سنه مع خروج الهلال من البطوله لكن مع حزن الخروج والابتعاد قليلا عن المنتدى والانشغال منعني من كتابته ويعلم الله ماكتبته اليوم الا لخوفي من خروج وسيناريو متكرر شفته مع الاهلي الاماراتي وحزني الشديد على المستوى الباهت والطريقه السيئه في اللعب اسف على عدم التنسيق وشكرا |
أنت وصلت إلى نقطة من الموضوع وهي الثلاثي الأجنبي في الهجوم وفتح الملعب واللعب مهاجما وهذي بالذات ملاحظة ذكية وصحيحة أنت ياهلال تلعب في دوري أبطال أسيا وليس دوري أندية السعودية وحتى لوكان الهلال زعيم أسيا ومتسيد بطولاتها بنظامها القديم 6 مرات إلاأن فرق أسيا تغيرت وتطورت كثيرا في الشرق والغرب بسبب الأحتراف كما أن هناك أمرمهم ساهم في زعزعة فريق الهلال في المواسم الماضية عند مشاركته أسيوياً وهو كثرة تغييرالمدربين كل موسم وعندما يأتي مدرب جديد لم يمضي على وجوده مع الفريق سوى أشهرقليلة ولايشعرإلاوالمعترك الأسيوي حان وقته وهو لم يتعرف على الفريق بشكل كامل ولم يختراللاعبين الأجانب حسب توصيته ورغبته وضيق الوقت مع كثرة تغييرالمدربين أصبح عادة موسمية لمشاركات الهلال في آسيا |
رسالتي للاعبين أنسوا كل المباريات السابقةة ولاتفكروا في الماضي من أخفاقات في الدوري و كأس ولي العهد وكلنا نعلم كيف حققها الجار بدفع الرباعي المخجل !! ولكن نعترف أن النصر فريق متطور جدا وجلب لاعبين محليين ع مستوى عالي ! عموما يجب ع الزعماء نسيان الماضي والتفكير في الحاضر فقطط تكفوون ي الاعبين حنا مانبي منككم الأ تشدون حيلككم في بطولة كأس الملك اذا حققتوها خير وبركهه واذا ماكتبها الله لنا الحمد لله ع كل حال لكن يجب عليككم الفوز في جميع مباريات في كأس أسيا واللعب بقتاليةة ع الكورة نبي منكم تلعبون بروح مثل ناصر الشمراني ونبي منككم فقط التأهل لدور الـ 8 وكثر الله خيرككم والله لو الهلال هذا الموسم لم يحقق أي بطولة محليه ويتأهل لدور الـ 8 من أبطال أسيا أعتبره موسم جيد لنا وراضي عنه كون الهلاليين يتمنون تحقيق البطولةة الـ 7 الأسيويةة ويجب ع سامي تصحيح أخطاء الموسم الحالي ويجب عليه أن يدعم الهلال بلاعبين أجانب ع مستوى عالي في الموسم المقبل أقترح ع سامي أن يستبدل كوواكك بعموري عمر عبدالرحمن لو بالأعاره لأن العين في الموسم القادم لن يشاركك في أسيا مثل ما اعطيناهم ياسر أعاره قادرين ع جلب عموري لو ع الأقل موسم واحد وبشرط يلعب في بطولةة أسيا كلها وبعدها بكيفه يروح للعين وكثر الله خيرهم والنقطةة الثانيةة أستبدال كاستيلو بلاعب طرف عالمي مثل طيب الذكر ويلهامسون كذا بيكون الهلال وسط ناااااري والي يبي ينافس ع كل البطولات لازم يكون عندكك وسط قوي جدا وأقرب مثال هلال جريتس وأهلي كوزمين ! وسط وهجوم ناااااااااار تخيل نيفيز + عموري + ويلهامسون كمثال + العابد + سالم والشلهوب وعزوز كذا راح يكون الوسط فل والكل بينافس ع الخانه وبالأخير المستفيد الهلال ولاننسى أن الزعيم بيشاركك أكثر من بطولةة في موسم واحد ! النقطةة الثالثةة يجب تصعيد عبدالله عطيف في خانةة المحور وأعطاءه الفرصه مع كريري وسلمان الفرج وكذالكك الفضل فهو محور ممتاز وراح يتنافسون ع الخانةة ! النقطةة الرابعةة يجب تصعيد عبدالله الحافظ مع ديقاو بجانب الدعيع لكي يتنافسون ع الخانة والمستفيد بالأخير هو الهلال ! النقطةة الرابعه يجب تصعيد لاعب الهلال الأولمبي في خانةة الظهير الأيمن الكعبي وأعادة الشهراني في مركز اليسار لكي يتافس هو والزوري ع الخانةة والمستفيد بالأخير هو الهلال النقطةة الخامسةة التعاقد مع مهاجم محلي رابع مهما كلف الأمر لكي ينافس ع الخانةة مع ناصر وياسر وويوسف ! أن شاء الله بطولة أسيا من نصيب الزعيم ياااااااارب |
ياخي موضوعك على الجرح وربي .. لكن بوجه لك سؤال .. هل عندنا دفاع محلي مميز ..؟ الاجابه وبكل أسف ( لا ) .. لا يوجد دفاع محلي يستطيع قيادة الفريق وحمايته بالشكل المطلوب .. فـ على سبيل المثال : اسامه هوساوي المدافع اللذي كان يلقب بابو كلبشه وكان افضل مدافع محلي هو الذي أخرجك من البطولة الآسيوية بخطأ فادح لا يصدر من مدافع يلعب في البراعم .. هذا هو السبب في اضطرار الفريق او اغلب الفرق السعودية في جلب مدافع اجنبي .. |
إقتباس:
طيب اخوي ايام جيرتس كان الهلال اقوى دفاع واقوى هجوم وكان عندنا اربع اجانب على مستوى عالي ودفاع محلي قوي ومع ذلك طلعنا من البطولة ......... واللي جلب المدرب والاجانب ادارة عبدالرحمن بن مساعد بطولة اسياء خروجنا منها اخطاء فردية من بعض اللاعبين والحظ |
أنا اتفق معك اخوي رادوي تما ما يبلها توفيق وان شاء الله البطولة من نصيبنا قريبا وتكون من حليفنا يارب |
والله الهلال فريق موجود فيه افضل الاعبين لكن العيب في الانانيه وعدم الثقه بالنفس والاخطاء المتكرره من غير سبب؟؟؟ |
اسيا هالسنه مثلها مثل الي قبلها من الصعوبه تحقيقها يعني اتمنا لاعبين الهلال يمتعون انفسهم ويظهرون قداراتهم فقط |
أخي العزيز أرجع لسجل البطلات تجد أعتى الفرق الصينية واليابانية خرجت من البطولة وهي بعزها وأخذ البطولة من أتىى من الملحق فريق السد القطري أخي البطولة فيها جزء كبير من توفيق رب العالمين والحظ والهلال مشكلته نفسية يدخل وهو قوي ويحدث له إنهيار في بعض المرات داخل المباراة كما حصل مع المباراة الماضية عندما تأخر في هدفين خلال دقائق ولكنه تدرارك وأستعاد قوته وتعادل يجب التركيز على شحذ الهمم وليس التغيير تذكروا خروجنا من أم صلال بعد ما هزمت بسبعة أهداف ومن أضعف الفرق الأيرانية تقبل مني التحية |
ياخوي كل الجمهور شايف اللي تقوله بس الإدارة ماتدري عن هذا الشي --- خلالالالاص ملينا من بطولة آسيا نلعب فيها وندري إننا طالعين ،، المشكلة الحين فريقنا أضعف المجموعة - والله قهر هي بس مسألة وقت خروجنا منها --- الله يعيين -- جانا الضغط من لعب فريقنا -- وحسيت ان الادارة ماقصرت بس في ٢٠٠٩ أما باقي السنوات كلها رفعت ضغط |
لا تنصدمون بس احس السيناريو بيتكرر زي كل سنه ما ادري ليش الفريق ينهار في اسيا وقت الحسم وتتلخبط اوراق الفريق في ارض الخصم وتصعب علينا بالرياض |
اول شي سامي ماينلام يوم جاب قلبين دفاع اجنبي ، دفاعنا مضروب وشوارع وماينشد بهم الظهر ابدا ابدا ولا قلي بتلعب بالمرشدي والدعيع بآسيا والله شوارع ، اما سالفة نجيب مهاجمين اجانب لا ياخي عندنا افضل 3 مهاجمين بالسعودية ويتفوقون على كثير من الاجانب ، الهلال يبيله لاعب وسط صانع العاب او جناح يمين اجنبي مميز بدال كاستيلو ويكتمل ان شاء الله ونحقق آسيا |
الهلال يحتاج اللعب المتوازن صحيح تامين الدفاع مهم جدا ولكن انت تابعت ام صلال وكيف لعبوا 90 دقيقه في ال18 وبالترجيح فازوا ولكن الهلال الان يحتاج ظهير ايمن ومحور قوي وسريع مع كريري او الغنام اذا صح انه طاب واتفق مع احد الأعضاء الذي طالب بعطيف او عبدالكريم كمحور مساند ولكن الظهير الأيمن الأفضل معاذ او القميزي الشباب فهل يستطيع الهلال ظم احدهم ؟ وأتمنى (الكولمبي فريدي مونتيري صانع العاب وهداف) بديلا لكاستلو الان المهم التاهل للدور القادم ثم حينها سيكون لدينا وقت كافي لدراسة خطوط الفريق وشكرا |
مازلت أقول ان مقياس قوة الفريق بالغالب هو أظهرة الفريق متى ما كان عندنا اظهرة مميزين بمعنى الكلمة عندها ستشاهد الهلال يحمل كاس اسيا الظهير هو العنصر الوحيد المتنقل من الدفاع مرور بالوسط الى الحالة الهجومية هذا ليس تنقيصا من الأدوار الاخرى كالدفاع والحراسة والصناعة وغيرها اللي ودي أوصله ان طموح الهلال في الخامات لازم ترتفع لأننا الهلال (أغنى أعضاء شرف وأعلى عقد رعاية) وقادرين على جلب نجوم بارزين |
البطولة هذي بطولة تعتمد على العمل اللي يجي فوقة توفيق رب العالمين، ارجو ان لا ننسى الظوروف اللي مر فيها الهلال في اكثر سنتين كان فيها الهلال مؤهل لخطف البطولة (السنة الثانية لكوزمين و موسم جيريتس) كان الهلال قوي وقادر على الوصول للكأس بكل اقتدار ولكن قدر الله وما شاء فعل طرد كوزمين وباعنا البلجيكي. هذي ظروف مهمه لازم نحطها في الإعتبار كمحبين ومتابعين للشأن الهلالي. ما ينفع نتكلم بلسان المتربصين وكأننا لا نرى الواقع!! وبعد هذيك السنتين ماتوفقنا في مدرب صاحي، ولو ان الإدارة تتحمل هذا الشيئ، فكل سنه لها ظروفها. وبالنسبة للأجانيب، الفريق يختار الأجانب حسب حاجته ولا ينظر لها من ناحية مراكز وبس. من غير المنطقي انك تقول جب هجوم نار وعندك الشمراني ومن غير المنطقي ايضاً انك تقول جيبو دفاع محلي وافضل مافيهم هوساوي اللي طلع يتبسم ويوقل "هذا احتراف" الفريق الحين في مرحلة نهوض ولازم نوقف معه وصدقني لو يقدر عبدالرحمن بن مساعد كان طق التكميلة ودخل الملعب عشان يجيب اسيا ولكن كل انسان يجتهد ومن حقة علينا ندعمة |
| الوقت المعتمد في المنتدى بتوقيت جرينتش +3.
الوقت الان » 11:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd