شقردنالهم في المدرجات بس ما شقردولنا في الملعب ...... !!!! - نادي الهلال السعودي - شبكة الزعيم

ماجد 2010 · #1 26/02/2014, 11:43 PM

بسم الله

هاردلكم التعادل

الصراحه المستوى اقل بكثير من المتوقع
لكن القادم افضل بإذن الله

المشكله الرئيسية من //// المحاور

عودة الشلهوب لمركز المحور و توزيع الكرات هي سبب عودة الهلال

كاستلو لاعب ماسك خانه على الفاضي

نطالب بلاعب محور صغير و سريع و مميز في صناعة اللعب

وشكرا

المهند5 · #2 26/02/2014, 11:46 PM

الشقردية كلها تجتمع في ناصر الشمراني فقط الحسنة الوحيدة من التعاقدات وانجحها

ربك يعين

تايتنك الهلال · #3 26/02/2014, 11:46 PM

انا مستغرب كيف يخلون كاستيلو ويبعدون هرماش ؟؟؟؟؟

هرماش اقل شي يسدد يوزع كور صح عكس كاستيلو مزهريه تركض بدون فايده

نجم المباراة الاول الجمهور وناصر الشمراني اللي اعجز اوصف وش قد لاعب حماسي قتالي يحترق لعيون الجمهور والشعار لو عندنا زيه 3 ناخذ آسيا بالراحه الله يعافيه رجال بمعنى الكلمه

فيه ملاحظات على الدعيع لايغطي واخطاءه كثرانه اتمنى يلعب سامي بالحافظ افضل منه ارتقاء ولعب بدون اخطاء نكبنا الدعيع ولولا الله ثم ديقاو كان رحنا وطي

الحمدلله بس على التعادل بطعم الخساره

أبو عدواان · #4 26/02/2014, 11:48 PM

كل مباراة نلعب بـ 10 لاعبين اصلا
كاسسسسسسسسسسسسسسسستيلو منقص الفريق
سلطان الدعيع اليوممم اخطائه كثيرهه وتمركزه خطأ
الزوري نايمممم من بداية المباراة واغلب المباريات نوممم
ياسر الشهراني من بداية الموسمممم صفر على الشمال
والحمد لله جت على التعادل
ويآرب توفق هلالنا بقادمم الايام

المهند5 · #5 26/02/2014, 11:51 PM

إقتباس

الرسالة الأصلية كتبت بواسطة تايتنك الهلال


	انا مستغرب كيف يلون كاستيلو ويبعدون هرماش ؟؟؟؟؟ هرماش اقل شي يسدد يوزع كور صح عكس كاستيلو مزهريه تركض بدون فايده

كاستيلو وراه كأس عالم وراه فلوس !!

الـــزعـــيـــم911 · #6 26/02/2014, 11:51 PM

والله ماعاد صرت ادري

مشكلة مدرب ولا مشكله لاعبين

ولا كلها الاثنين

بصراحه محترفين الاهلي الاماراتي ماقصرو وهذا ما نحتاجه بالهلال

لاعب سريع ومربك للخصوم بجانب تياقو نيفيز

الدفاع بصراحه صدمني .. بهذي الطريقه ممكن نستقبل اهداف كثيره وقد تصل الى هزيمه تاريخيه

مو هذا دفاع الهلال المتحسن اللي شفناه في المباريات السابقه

الان اصبح سهل جدا والسبب خطة التسلل الغير محكمه

تياقو .. اتمنى ياخذ لفت نظر من مدرب الفريق ويترك الانانيه

ياسر .. وهقتنا ياخوي ما درينا انت بترجع لمستواك ولا بترجع لورا

ناااصر .. ياحبي لك انا اشهد انك شقرردي ولد شقردية

جمهور الهلال انتم وقود الهلال بالرياض لاتتوقفو عن الحظور لبى قلوبكم

ولو جا الهلال بجده ابشرو باللي يرضيكم

معك ياهلال لو خانك الف لاعب ^^

الموج الملكي · #7 26/02/2014, 11:51 PM

ماشقردناهم في المدرجات ،، الحضور كان ٣٨ ألف بسس !!!
هم يبون ٦٥ الف مشجع ،، الجايات أكثر ،، سامي فقدناه اليوم !

روحي الوجله · #8 27/02/2014, 12:09 AM

ذبحتونا بكاستلوا صحيح سئ
ولكن فيه منهو اسوء ونكبه
الزوري العاله فكنا منه ياسامي
نسقه ابعده نظفت الفريق من كل
الفاشلين الا الزوري اليوم يسحب
رجولة ولايغطي ولايهاجم بارد
امكانياته ركيكة وضعيفة ونقطة
ضعف يستغلها كل الفرق
يجب ابعادة ويحل محله
لاعب اولمبي صغير
او التعاقد مع اي ظهير
وبعد سلطان الدعيع
قليل خبرة ولايجيد التمركز
يجب الاسراع في عودة الكوري
كواك افضل من الدعيع بمليون
مره

saaker · #9 27/02/2014, 12:23 AM

ناصر الشمراني روح الفريق الله يوفقه ويحفظه من الاصابات

في لاعبين نلاحظ انهم ما يحبون يتعبون نفسهم ولا يلعبون بروح
مثل :
كاستيلو
ياسر القحطاني

لم يكن ياسر القحطاني مميز الا في مباراة النصر فقط

ناصر الشمراني روح الفريق الله يوفقه ويحفظه من الاصابات

هلالي رقم 70.000 · #10 27/02/2014, 12:36 AM

إقتباس

الرسالة الأصلية كتبت بواسطة الموج الملكي


	ماشقردناهم في المدرجات ،، الحضور كان 38 ألف بسس !!! هم يبون 65 الف مشجع ،، الجايات أكثر ،، سامي فقدناه اليوم !

الجماهير من الساعه اربعة ونصف تقريبا .. وجهزوا وغنوا وصفقوا وكل شيئ
بس للاسف خذلونا اللاعبين
الجمهور يحترق اكثر من اللاعبين . وداعاا اسيا

valentino · #11 27/02/2014, 12:40 AM

فعلا وداعا آسيا لانك منت فيها اصلا يا ابو 4 .. حرك على منتداكم

هلالي رقم 70.000 · #12 27/02/2014, 12:45 AM

إقتباس

الرسالة الأصلية كتبت بواسطة valentino


	فعلا وداعا آسيا لانك منت فيها اصلا يا ابو 4 .. حرك على منتداكم

ترى انا حاضر المبارة من الساعة ست تقريبا . واصواتنا راحت فيها
اجل رح لمنتدانا خخخخخ . الله يعيننا ع هالناس المطبلة . اجل تبي توصل اسيا بالفريق هذا

احوب الفقر · #13 27/02/2014, 12:45 AM

^^^

البطولة لسى بدري عليها يااخي العزيز .. ان شاءالله المباريات القادمة يقدمون لنا مباريات حلوة ويسعدوننا بالإنتصارات

الف شكر للجمهوور اللي حظر وساند

بالتوفيق للزعيم ان شاءالله بباقي المباريات الجاية

سيناتور · #14 27/02/2014, 12:46 AM

ما عليه يالغالي المره هذي كبوة جواد

لكن المره الجايه بنشقردهم على قولتك هههههههههه

وصدقني عندي احساس بعودة الزعيم خصوصاً في البطولة هذي >> ويارب توفق الزعيم .

valentino · #15 27/02/2014, 12:50 AM

نوعيتك ما نبيهم في المدرج .. قال من اول مباراة وداعا آسيا ..