|
هاااام لمجلس الجمهور الهلالي والشقرديه فكونا من الاجتهاد والاتكال واسمعو العلم بدون مقدمات وبدون ترتيب كلام يوم الأربعاء العالم كلها بتشاهد مباراة الهلال السعودي والاهلي الاماراتي والكل ينتظر (( تيفو )) الجمهور الهلالي وعشان ما نفتضح قدام غرب وشرق وشمال وجنوب قارة اسيا اسمعو هذه النصيحه وتكفون ثم تكفون يا مجلس الجمهور الهلالي ابتعدو عن الاجتهاد والاتكال ... وتبون التيفو ينجح باختصر عليكم الجهد والوقت وهو اتباع الاتي : جمهور النصر يستأجر عماله باكستانيه وهنود وبنقال ويجلسونهم بالمقاعد المهمه في التيفو يعني يوم مباراة الفيصلي رسمو " كحيلان " والاشخاص اللي بتلك المقاعد من العماله والدعوى 50 ريال واذا بدت المباراة اسر لاهلك يعني ركزو على الاشكال وضمنو شغلهم الفقراويه . اليكم الشرح بالصورة فمثلا لنعتبر ان هذا تيفو الهلال بالمباراة الجايه : https://pbs.twimg.com/media/BhP0ZExCQAEAkco.png:large اول شي رقم 6 في الطابقين صعبه لنجاح هذا التيفو بسيطه الشغله عبي المقاعد باللون الازرق وارسم الحروف الانجليزية ورقم 6 لكن من يجلس على مقاعد الحروف والرقم 6 ناس مخصصين من المجلس ومتعاونين حتى يضمن اتقان الشغل لان هذي زبدة التيفو ... والناس ذي يا يختارهم مجلس الجمهور من الجمهور الحاضرة او يتم احضارهم للملعب ويكون عليهم ناس مشرفين فمثلا حرف c : له ناس مخصصين بالمقاعد الخاصه فيه ومشرف حرف h ; له ناس مخصصين بالمقاعد ومشرف الخ الخ لباقي الحروف والرقم 6 والشغله كلها 5 دقايق ترى وبكذا نضمن شغلنا واللي من الخربين ناوي يخرب يخرب بالسعه ما يمه احدلاننا سيطرنا على المهم الاجتهاد يالشقرديه والاتكال والاعتماد على ناس ماتعرف فكرها وثقافتها وميولهم ما يولد نجاح صدقووووني والتجارب السابقة خير دليل اتمنى توصل حروفي لاعضاء مجلس الجمهور الهلالي ومني اليكم ولاتنسون الحضوووور فديتكم |
وربي كلامك درر ومن ذهب والماس وفعلا واستغرب من مجلس الجمهور التيفو ليس بذاك الصعوبة ولكن اين التخطيط تروح توزع قطع بلاستيكية على اي واحد من الجمهورلاتعرف هل هو هلالي ام لا وهل عنده رغبه ويفهم التيفو.. نبي مثل ماقلت ناس جماهير هلالية بحته ومستعده ومتخصصين في الحروف والحركات ام اللون الازرق الشامل عادي لو مثلا واحد من الجمهور لم يحمل قطع بلاستيكية زرقاء لن تؤثر لان لون المقاعد زرقاء ولأن التركيز بيكون على الكتابة وهو زبدة التيفو... نبي تكتبون سامي بالانجليزي وعدد بطولات الهلال 6 وبس واتركوا الفلسفه |
الله يعطيك العافيه واعتقد لازم التيفو سهل بالاول قبل كل شي اكل العنب حبه حبه ماهو تزرط العنقود من اول مرة بالاول ارقام وحروف والدور الثاني لون واحد حتى يسهل التطبيق اما شغلة ارسم الشعار واكتب بالعربي صعب للغاية يعني بدون فضايح اول حروف وارقام انقليزية وبعدين نخش بالثقيل |
إقتباس:
تسلم على الرد ياروحي الوجله والله لو يطبقون هذا حتى لو رسمو حروف هنديه واردو ويابنيه وروسيه وفرنسيه ان تجي يعني تجي امتنااني العميق |
انا ضد اللي يقول اكتب سامي لأن هذي الحركة تولد الغيرة عند اللاعبين وماحنا ناقصين وجع راس وتحالف ضد سامي |
انا ضد اللي يقول اكتب سامي لأن هذي الحركة تولد الغيرة عند اللاعبين وماحنا ناقصين وجع راس وتحالف ضد سامي |
إقتباس:
هلابك اخوي بندر خلينا نخش بالثقيل ع طول ههههههههه بس بتخطيط وتكتيك وتركيز على المهم وبتعاون من ناس ثقه الموضوع بسيط وربي بس يبي مخمخه يابندر تحياتي لك |
فــــــــــكرة رائعة لو طبقو مجلس الجمهور الهلالى الاتحاد الأسيوى لكرة القدم سيشيد انجازات الابداع الهلالية |
اختارو التيفو الاسهل حتى يتم اتقانه وبعدها يكون الاصعب يعني صعبه الكلمه الطويله... صعبه جدا اختاروا مثلا HILAL سهله تقريبا مافيها شي .. وبعد فتره كلمة ALZAEEM |
ايه وانا اخوكك بس اولا كم يبي لك واحد من المجلس يقعدون عليها ..! يبي لك عدد وهم المجلس ينعدون ع الاصابع !!! ثانيا ي ليت ع الاقل افكار التيفو يخلونها لنا وبتصويت من المنتدى ! |
شكرا لك وكلامك عين العقل وانا شفت بعض منهممم همج يغير مكانه وقت عرض التيفوووووووو |
عجبني التيفووو جداً وبالتوفيق |
وازيد ع كلامك : استبدال اللون الأبيض باللون الفضي اللماع لأن الأبيض هو سبب فشل التيفو لأنه باهت وموواضح بعكس الفضي اللامع يلفت الأنتباه وبيكون ساطع ولافت |
اخواني واحبابي جمهور الهلال كلمة الشكرتيه كلمه لاتليق بجمهوركيان مثل الهلال . وهي على وزن السكرتيه .اى متعاطين .المسكر . ارجو التنبيه. تحياتي |
إقتباس:
نعم نعم كلامك صحيح الاتحاد الاسيوي بيكون شاهد على ابداع جمهور الهلال مو بعض الناس جمهور الفيصلي يشهد لهم |
| الوقت المعتمد في المنتدى بتوقيت جرينتش +3.
الوقت الان » 05:28 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd