آلا ليت العربي يعود يوماً !!

لأخبرهـ ماذا فعل بي الإنجليزي !!

فـ بدخل ع الموضوع طول

أنا كائن حي متورط بـ شيء إسمهـ العلهـ الإنجليزي !!

كان مطلوب منا عشان نبدأ دراسهـ ونخلص من التأسيسي إننا نجيب 5

بالآيلتس وجبتها بعد طلعت الروح طبعا
المهم الحين داخلهـ ع التخصص ومطلوب مني هالمرهـ أجيب بـ التوفل 500 !!

والتوفل للآمانهـ أسهل بمليون طعش مرهـ من الآيلتس ~> لأنهـ كلهـ إختياري

دربتهـ ،، أول 30 سؤال ممكن ألحق عليهـ وأمشيهم أما آخر 20 سؤال إذا يأست
وما لحقت عليهم أسوي عقرهـ بقرأهـ وأختار واحد منهم ~
~> الحاجهـ أم الإختراع

ذا أصعب جزء فيهـ !!! ما أعرف شيء نهائيا فيهـ !! أصلا وربي الكعبهـ ما قد
قرأت شيء بالإنجليزي !! والحين متورطهـ فيهـ !!!

فـ الآيلتس كنت كلهـ أحط صح صح صح والإختياري كلهـ يا B يا C يعني بالحظ
ودائما كانت درجتي فيهـ 4.5 ثابتهـ ما تتنقص الحمدللهـ خخخخ

أما يا ذا يخرب بيت عدوهم ما ينفع أختار كلهـ B ولا C !! ما أتخلي الورقهـ كلها
كذا !! *~*

وللمعلومهـ الأسئلهـ بالتوفل بجميع أقسامهـ نفس النمط كل مرهـ الحمدللهـ !!

لكن أبي طريقهـ الحل كيف ؟! كيف تحلون أسئلهـ القرأهـ والقواعد ؟!

أبكم كتبت المعنى مليون طعش مرهـ وأحفظ من هنا ويطلع من الجههـ الثانيهـ ! *~*

ما أفعل مع هالعلهـ ؟! إذا ما جبتهـ قبل ما أخلص هالكورس ما رح أقدر

أتخصص !! يعني تعب السنوات اللي قبل رح يضيع ع الفاضي !! وحصولي ع

الإمتياز مالهـ آي قيمهـ من غير التوفل لأن تكلمهـ الدراسهـ معتمدهـ ع التوفل !!

أدري إن كل مشكلهـ ولها حل وواثقهـ إن في حل إن شاء اللهـ !! لكن مخي مقفل

راااسي افتر والله،،،

الله يعينكم ويثبت اقداامكم في الامتحاناات ^~*

مادري انتم بالامارات نفسنا من ناحية المدرسين الخصوصيين،، اذا انتم نفسنا يااخي حطيلك مدرسه خصوصيه

وخليها تقعد تقرق ع مخك لين تفهمين غصب ^~^

المشكله ان الانجليزي لغة العصر لازم يكون الواحد بلبل عشاان يمشي عمره بالحياه،،

انا من الناس استحي ع عمري اذا سافرت برا وشفتهم يقرقون علي ونا مثل الاطرش بالزفه ^~*

الله يعينك ع هالبلوى وبسسس،،

إقتباس الرسالة الأصلية كتبت بواسطة أوَار سعوديه كول انتي ساكنه بالامارات صح؟ لانه عندنا مافي انك تاخذ توفل عشان تخصص لو كان كذا كان كل الشعب قاعد في البيت عموما انا تخصصي في الجامعة لغات وترجمة وزي ماقالوا لك حفظ الكلمات الأكاديمية المتداولة مهم جدًا غير كذا بالنسبة للقراءة, اقرأي قبل تدخلين الاختبار عشان تتعودين تمرّين على السطر بأقل من ثانية يعني تعودين نظرك على سرعة القراءة وأخذ المعلومات بما إن الوقت قصير... القواعد على قولتك لازم تفهمين قبل تحفظين! لااازم تعرفين كل القواعد الرئيسية سهل لا تصّعبينه وخوذيه بمتعة وإنه لغة جديدة لازم تتعلمينها وترا كل شيء صار سهل بالزمن الحمدلله كل شيء متوفر لك خلال النت, تدرّبي كثير.. بس انتبهي تغلطين وتدرسين القراءة والقواعد والكتابة والسماع كلها في يوم واحد لأنه بيضيع جهدك دام اختبارك الخميس خلي كل قسم له يوم لحاله أفضل! ولا تخلطينهن بيوم واحد مستحيل يدخل بمخك شيء يا عزيزتي أتمنى لك التوفيق

يمهـ أنا قايلهـ السحرهـ بهـ الشبكهـ كثار محد صدقني !!

إيهـ هفت البعثهـ وأختر الإمارات ع أساس إنها دولهـ خليجيهـ يعني أكيد ما رح
يكون فيها إنجليزي كثير !! وللآسف الشديد طلعت أم وأبو الإنجليزي هي *~*

أنا أستاهل لو إني منثبرهـ بديرتي ما كان أحسن لي !! قال أحلل كرف الثانويهـ
قال ! لأبوها من طريقهـ تحليل ذي ! طلعت قرون مني واللهـ

ياللهـ ما عاد أقدر أرجع ريوس الحين ولازم أكمل وأخذ بنت الطابعهـ ذي بأي
طريقهـ كانت ،، لكن هين إن ما أنتقمت منهم ما أكون سعوديهـ كول وبتشوفون إن
شاء اللهـ

ودامكـ ما شاء اللهـ من أهل هالبطيخ ،، خلاص إقتنعت إن هالكلمات مهمهـ وبـ
تثبت بـ مخيخي غصبن عنها إن شاء اللهـ ~> لأني إقتنعت بأهميتها آخيراً

أما بخصوص القرأهـ يمهـ ول وشلون أنطلق صاروخ وأخلص بـ ثانيهـ وحدهـ
سطر كامل !! وأنا بحياتي كلها واللهـ ما قرأت جملهـ بالإنجليزي !! عموما
القرأهـ أحس مالهـ داعي أقراء جميع الفقرات فقط اللي يحددوها هم بالفقرهـ ؟! ^~^
المصيبهـ بالأسئلهـ نفسها !! مثل أكثر سؤال مكرر بالقرأهـ هالكلمهـ ترجع لمين فـ
الجملهـ !!
هي لها قاعدهـ ثابتهـ مثل he تعود لولد فـ الجملهـ اللي قبلها !! لكن في كلمات
مثل has وغيرها ما أدري عنها ذول ترجع لمين وإيش قاعدتهم ؟! *~*

فال اللهـ ولا فالكـ !! ما في كتابهـ بالتوفل الحمدللهـ مع إني أشوف إنها سهلهـ
بس الأيلتس الشرير خلاها فلم رعب لي
والإستماع يخرب بيت عدوهم ما أدري عن آي إيش فيهـ !! فـ التوفل ما نشوف
الأسئلهـ نسمعها ونشوف الإختياريات بس !! فـ الإستماع ما لهـ داعي أتدرب
عليهـ خليها ع البركهـ !

المشكلهـ عندي فقط بالقرأهـ والقواعد !
القواعد عندي كتاب وفاهمهـ الحمدللهـ الأشياء الرئيسيهـ فيهـ ! لكن المشكلهـ في

الأشياء البسيطهـ مثل of وش نختار بعدها إسم ولا فعل ولا صفهـ ! وإيش الفرق
بين the و a !
والسؤال المتكرر دايما فـ القواعد هو يعطينا جملهـ ويحدد بعض الكلمات ويقول
إختاري أربع كلمات الغير مناسبهـ فيهـ !!
فـ اللي عارف مكونات الجملهـ بالإنجليزي بيعرف يحلهـ بكل سهولهـ !!

أشياء بسطيهـ بس تسبب لي أزمهـ سير فـ الإمتحان !! + الوقت فـ القواعد جدا
ضيق !!
وتم تطبيق النصيحهـ إن شاء اللهـ بخلي كل علهـ بيوم لحالهـ ^~*

مشكووووورهـ واللهـ يوفق وتأخذين بنت الطابعهـ بسرعهـ من غير ما تغرزين مثلي ~~

سبق ان أخذت اختبار التوفل ويتكون من أربعة أقسام الاستماع والمحادثة والقراءة والكتابة
لكنه كان بالكمبيوتر على العموم القراءة هي كل اللغة فإذا أتقنت القراءة ستتقن باقي المهارات
بالتوفيق

إقتباس الرسالة الأصلية كتبت بواسطة FAISAL AL7RBY هههههههههههه الله يعينك .. انا ناوي اشتري كتاب لـ اللغة الانجليزي لـ احمد ممدوح الصغير وعنوان الكتاب الانجليزية لكافة المستويات و سعر الكتاب 49 ريـال احب اللغة الانجليزي و عندي رغبة في تعلمها رغم الاحباط الي مريت فيه الا اني ارجع في اليوم الثاني لـ حب اللغة الانجليزية أوار ان شاء الله نشوف لك موضوع عن اللغة الانجليزية و بالاخص في الصيفية

حبها برص وميهـ خرص هالعلهـ ،، أكرررررها لآخر يوم في حياتي


ههههههههههـ الكتاب ذا شكلهـ كاتبين فيهـ قصهـ حياتهم


صراحهـ دام ما شاء اللهـ تحب هالعلهـ رح تفلح فيهـ إن شاء اللهـ ~


وبدال هالكتاب ومستوياتهـ خخخ أنصحكـ فقط تحفظ الكلمات الأكادميهـ اللي
بتلقى رابط لها بالموضوع !! وهي عبارهـ عن 570 كلمهـ موزعهـ ع عشر
مجموعات !! وكل ما حفظت مجموعهـ إدخل الإمتحان اللي حاطينهـ لكـ وقيم
نفسكـ فيهـ !!
أنا صراحهـ ما حافظتها لأني مب مقتنعهـ بأنها مهمهـ فـ مستحيل أسوي شيء
مب مقتنعهـ فيهـ !! ولكن بعد كلام أخت العرب أوار إقتنعت بأنها هي المنقذهـ لي
بالإمتحان *~*


بالإضافهـ لهالكلمات في كتاب إسمهـ اللغهـ الإنجليزيهـ للعالم العربي لـ موسى


الرجيبي وأذكر إنهـ بـ العشرينات فقط


هالكتاب بسببهـ حبيت القواعد بالإنجليزي وفهمتها لأن يشرحها بالعربي


والإنجليزي ويعطي مثال فيها ! ورح يفيدكـ كثير بمعرفهـ الأشياء الأساسيهـ
بالإنجليزي !


وهذهـ صورهـ للكتاب :





موووفق يا أبو الإنجليزي إن شاء اللهـ ~


أوار لا تسمعين كلام هالكائن الحي لأنهـ شرير يبي يخرب مخيخي شعبنا


ويخليهم زيهـ يحلون يحبون هالبطيخ !!


لا هنت ع المرور المميز ،، واللهـ يوفقكـ =)~~

إقتباس الرسالة الأصلية كتبت بواسطة بن جبله راااسي افتر والله،،، الله يعينكم ويثبت اقداامكم في الامتحاناات ^~* مادري انتم بالامارات نفسنا من ناحية المدرسين الخصوصيين،، اذا انتم نفسنا يااخي حطيلك مدرسه خصوصيه وخليها تقعد تقرق ع مخك لين تفهمين غصب ^~^ المشكله ان الانجليزي لغة العصر لازم يكون الواحد بلبل عشاان يمشي عمره بالحياه،، انا من الناس استحي ع عمري اذا سافرت برا وشفتهم يقرقون علي ونا مثل الاطرش بالزفه ^~* الله يعينك ع هالبلوى وبسسس،،

هههههههههههههـ إفتر من شرح المعاناهـ بس فكيف لو عشتها مثلنا ؟! *~*

آمييييين ياااا رب العاااالمين ،، إن شاء اللهـ أفلت منهـ وأخلص من هالهم ~

هههههههههههههـ أنا بنت سكن ،، يعني مقيمهـ مرتزعهـ بالسكن ما نشوف غير
وجههـ مشرفآتنا العزيزات !!

والجامعهـ فيها تدريبات عن التوفل والأيلتس لكن ما في مين يقعد ويشرحها لنا !!
لأن مب مهمتهم ذي !! ع قولتهم إنتوا بنات جامعهـ لازم تعتمدون ع نفسكم !

نعتمد ع نفسنا بـ هالموضوع كيف باللهـ وحنا في منا مقيمات ؟! يعني ما نقدر نطلع ؟!

وللأمانهـ في تقويهـ بالجامعهـ للإنجليزي لكن يتم شرح دروس المستوى الأول
والثاني والثالث اللي ندرسها بالجامعهـ أما أشياء خارج المنهج لو تحج البقر ع
قرونها ما رح يشرحونها !!

لا ما هو لغهـ العصر !! حنا اللي عطيناهـ أكبر من حجمهـ ، إصبر بس خلني
أجيب بنت الطابعهـ وأخلص من الجامعهـ ويصير خير وقتها إن شاء اللهـ

كللوووووووووش لقيت أحد حالتهـ أصعب من حالتي أخييييرا
أنا الحمدللهـ تطورت وأفهم وش يبربرون لكن ما أعرف أرد إلا في حالهـ وحدهـ
إذا الدكاترهـ كانوا ظالمينا بشيء أو في سوء تفاهم فجاءهـ أتكلم بطلاقهـ وبعدها
أرجع طبيعيهـ ما أعرف أتكلم *~*

خذلكـ مدرس خصوصي وخلهـ يعلمكـ الإنجليزي

موووفق إن شاء اللهـ ،، وشكرا لكـ ع المرور المميز =)~~

إقتباس الرسالة الأصلية كتبت بواسطة UWW سبق ان أخذت اختبار التوفل ويتكون من أربعة أقسام الاستماع والمحادثة والقراءة والكتابة لكنه كان بالكمبيوتر على العموم القراءة هي كل اللغة فإذا أتقنت القراءة ستتقن باقي المهارات بالتوفيق

اللي إمتحنتهـ يسمى التوفل الخارجي ع ما أعتقد !!

أما انا رح امتحن إن شاء اللهـ التوفل المحلي لأن هم تاركين لنا حريهـ الإختيار بينهم !

والمحلي واللهـ أبركـ بمليون مرهـ من الخارجي *~*

أبسطها ما فيهـ تحدث ولا كتابهـ !! والإمتحان كلهـ إختياري ~

أجمعين إن شاء اللهـ ،، لاهنت ع المرور الراقي =)~~

انا شخصيا ثقافتي روسية

وهي لغة ثرية وعميقة لذلك نجدها ذو صلة وثيقة بلغتنا العربية الحبيبة

لذلك حاولت اقناع حبيبنا ماجد مقبل ان يتزوج روسية وانا اقوم له بالترجمة ولكنه لا زال يفكر بعمق

جمالية هذه اللغة انها دوما تنتهي بـ خوف و شوف

يعني يوزرك يا سعودية يكتب وينطق .. هكذا :

سعوديشوف كووولخوف


نتمنى لك التوفيق

في اختبار التوفل هنالك مسألة في غاية الاهمية الى جانب حفظ الكلمات

وهي جعل الأذن تعتاد على المحادثة والتقارير الصوتية والعين على القراءة السريعة حتى تتمكن من متابعة اسئلة الامتحان المتتالية دون ان تصلي لمرحلة الفيوزات الضاربة والتي قد تتطور في حال الامتحان الى انفجاروف


كل التمنيات لك بالتوفيق

وانصحك ان تنشبين في حلق اوار

الله يوفقك وتعدي منه على خير يارب

القواعد انا اذكر كتاب جميييييييل كان مقرر لنا بالسنة التحضيرية ما اذكر المؤلف كان الغلاف اسود مميز ( اهم شي الووصف)

بس فعلا كان جميل وكل حاجة فيه

بس مافهمت وش هي بنت الطابعة ؟؟

الله يوفقك مرة أخرى ولاتنسين تبشرينا

إقتباس الرسالة الأصلية كتبت بواسطة هلالي من ارض اليمن انا شخصيا ثقافتي روسية وهي لغة ثرية وعميقة لذلك نجدها ذو صلة وثيقة بلغتنا العربية الحبيبة لذلك حاولت اقناع حبيبنا ماجد مقبل ان يتزوج روسية وانا اقوم له بالترجمة ولكنه لا زال يفكر بعمق جمالية هذه اللغة انها دوما تنتهي بـ خوف و شوف يعني يوزرك يا سعودية يكتب وينطق .. هكذا : سعوديشوف كووولخوف نتمنى لك التوفيق في اختبار التوفل هنالك مسألة في غاية الاهمية الى جانب حفظ الكلمات وهي جعل الأذن تعتاد على المحادثة والتقارير الصوتية والعين على القراءة السريعة حتى تتمكن من متابعة اسئلة الامتحان المتتالية دون ان تصلي لمرحلة الفيوزات الضاربة والتي قد تتطور في حال الامتحان الى انفجاروف كل التمنيات لك بالتوفيق وانصحك ان تنشبين في حلق اوار

أهلا بـ أستاذ اللغهـ الروسيهـ ~


ههههههههههـ ما شاء اللهـ يا كثر اللغات المرتبطة بالعربي وكلهم محط إهتمام


خلق اللهـ إلا العربي نفسهـ محد مطوط عليهـ


خخخخخ ماجد مقبل هالكائن الحي أسمع بإسمهـ من دخلت الشكبهـ وع ما


أعتقد شفت حسابهـ بتويتر لكن الحين ما عرفت وش إسمهـ بالشكبهـ !!


وكل اللي آعرفهـ إنهـ من ضمن اللي رافعين شعار عوانس ستي أقصد عزابين ستي ^~*
أنصحهـ يتزوج قبل ما تزوجهـ إنت من هالروسيات وتخرب مخيخهـ

ههههههههههههههههـ حبيت أسمي بالروسي ع الأقل عرفت أقراها !


ههههههههههههـ لا تطمن توني شريت المؤونهـ كاملهـ ( جميع أنواع الكاكاوات
15 نوع تقريبا وع رأسهم فليكـ ،، كيت كات + البيبسي ) هذول هي اللي
ضامنهـ إن شاء اللهـ إنها بتخلي فيوزاتي معدلهـ ومضبوطهـ 100٪ فـ الإمتحان ^~*
وما رح يصير إنفجاروف خخخخخ لأن حياتي فـ هالإمتحان


هههههههـ أوار ما قصرت وأشكرها من الأعماق صراحهـ أقنعتني بـ رد واحد
إني أحفظ هالكلمات وأمهـ محمد كلها من يوم ما عرفت الإنجليزي وهم يقولون
لي إحفظهم وما حفظت لأني ما كنت مقتنعهـ بـ أهميتهم *~*


والآن خلاص نص يوم حفظتهم كاملهـ الحمدللهـ ( 570 كلمهـ ) ~> طبعا حفظت
المعني بالعربي فقط ما حفظت نطقها وكتابتها ،، مالهـ داعي لامتحان كلهـ
إختياري الحمدللهـ


اللهـ يعطيكـ العافيهـ ع المرور المميز كالعادهـ =)~~

إقتباس الرسالة الأصلية كتبت بواسطة الســفيرة الله يوفقك وتعدي منه على خير يارب القواعد انا اذكر كتاب جميييييييل كان مقرر لنا بالسنة التحضيرية ما اذكر المؤلف كان الغلاف اسود مميز ( اهم شي الووصف) بس فعلا كان جميل وكل حاجة فيه بس مافهمت وش هي بنت الطابعة ؟؟ الله يوفقك مرة أخرى ولاتنسين تبشرينا

آمسيييين اللهـ يسمع منكـ وأعديهـ ع خير <


أمممم واللهـ ما ادري صراحهـ ،، لكن القواعد الرئيسهـ بشكل عام فاهمتها
وسهلهـ عندي ،، المشكلهـ بالقواعد السهلهـ !! ~> أنا عكس التيار أحب الصعب
ما أحب السهل ^~^


ههههههههـ بنت الطابعهـ هي الشهادهـ بس بلغتي الخاصهـ نفس لغهـ أخ العرب
هلالي من أرض اليمن الخوف وشوف


أجمعين يا رب ،، إن شاء اللهـ يصير خير =)

النتيجهـ بعد أسبوع من الإمتحان !! اللهـ يعين بسسس <
مشكووورهـ ع هالدعوهـ الجميلهـ ،، و ع هالمرور الراقي =) ~~