|
وين اختفى هذا الاعب السلام عليكم ورحمة الله وبركاته في لاعب اختفى لا اشاهده بالتمارين ولا بالدكه ولا بالمدرجات حتى لما ادخل على المنتدى ما احد يتكلم عنه الاعب هو محمد القرني هل هو مصاب ولا معاقب ولا شنو الموضوع الاداره مجددين للاعب توهم |
اللاعب هذا ع ما اعتقد وان شاء الله اني اكون غلطان انه مو منضبط وحتى مستواه هبط بعد تجديد العقد بالرغم انه خامه ممتازه ولو ينتبه لنفسه افضل من كاستلو وافضل من كريري حتى جسمه ممتاز بس ما ادري ليه الشباب صايرين مخفات من يستلم اللاعب عقد بملايين يببدأ يبزوط ومايحافظ ع نفسه مايدري انها ماراح تدوم له هالملايين واعتقد الأداريين لهم دور بهالشي لأنهم هم الموجه لهم لكن وش نقول ارزااااااق |
موجووود ولكنه يتدرب تدريبات انفرادية على مااعتقد هو لاعب ممتاز جدا لو طوور من نفسه ولكنه هو الذي اوصل نفسه لهذه المرحلة فالكل يشهد انه لاعب غير منضبط في التدريبات وخارج الملعب ولكن نتمنى من الله ثم منه ان يحافظ على نفسه خارج الملعب وان ينضبط بالتدريبات والتمارين فنحن بحاجة ماسة له اخيرا تقبل مروري اخي الكريم وشكرا لك والسلام خير ختام |
كثير من لاعبين الهلال بعد التجديد يهبط المستوى وبشكل واضح جدا اتمنى من الادارة التجديد للاعب كل موسم |
محمد القرني من يصدق ان منصور البلوي كان يصيح يبيه فالاتحاد محور يجمع صفات خالد عزيز وسعود كريري في لاعب واحد محمد القرني الى اين ؟!!! |
المشكله الحين يجونك ويجددون لعبدالعزيز الدوسري بخمس ملايين بالسنه الواحده !!!!!! والله ما يسوى ولا مليون بالسنه وتخب عليه ... |
كل ما اعرف ان الصحفي اسامه النعيمه ذكر ان سامي يريد ابعاده في في معسكر العين ثم بعدها عاد وتمرن ثم ذكر النعيمه أيضا ان القرني ذكر لمقربين انه سيبعد سامي عن تدريب الفريق وبعدها اختفى وكان المطلوب الوضوح اذا كان اللاعب لا يمكن الاعتماد عليه في تشكيلته وهذا حق مشروع للمدرب فيسمح له بالانتقال او الاعاره اما سياسة التجميد فهي (ظلم) انا طالبت باعارته هو والبيشي بمجرد تسريبات النعيمه وذلك لمصلحة الفريق لكن الاداره تقول سامي هو المدرب والرئيس وكل شي فمن يستطيع التدخل وحل مشاكل اللاعبين ؟ وشكرا |
الصحبه السيئه اودت به وبكثير من النجوم الى الهاويه بالاضافه الى الاموال التي يتقاضاها فتجدهم بعد ان كانو تحت خط الفقر وفجئه يصبحون من اصحاب الملايين ويجدون من يقول لهم ( سم ياعمي / سم طال عمرك / ويبحثون عن رضاهم الى ان تنتهي اموالهم )والامثله في المجال الرياضي كثيره ولكن اين المتعضين وقد قيل ماجاء بالساهل يروح بالساهل الله يستر علينا وعلى المسلمين الموحدين اجمعين اللهم امين |
اللاعب يتدرب مع اللاعبين ويتواجد يوميا كل التوفيق له وللهلال |
الملايين افسدت اللاعبين ......... ترى اللاعبين ابو عشرين وثنين وعشرين سنه يعني توه ما بعد طلع من اجواء المراهقه وفجاءه بعد ما كان يجي للنادي بلميوزين ويتسلف من خوياه عشرين ريال حق بخاري وواحد بيبسي اذا به في عداد الملينويرات ... هذي النقله لا يستوعبها اللاعب السعودي بتلك العقليه ونادراً ما تجد لاعب يخلص للكيان على حساب رغباته الشخصيه مثل الشلهوب .. |
الهلال يملك لاعبين ذو امكانيات عاليه وكثير من المدربين تمنى مثل هالاسماء في فريقه المشكله تكون في نقاط قد يكون بعد الاداره عن الاعب ووجود فراغ بينه وبين المدرب الاعب ممتاز وكان يعطي وصاحب قدم قويه ماشاء لله لكن اذا كان غير منضبط لماذا لا يجتمع به وينقاش ... اذا كان الاعب غير مفيد في وقت تدريب سامي ولايخدمه .. اعاره لاي نادي يطور نفسه مساله التنازل او التنسيق هي المشكله الكبرى في الهلال فالهلال نسق قبل فيصل الجمعان بالمجان .. ويروح يتعاقد ب3 ملايين وهو اساس لم يكن ذو حضور بالهلال قبل المخالصه والاسماء كثيره اتمنى اذا لا يخدم فتره تدريب سامي .. ان يعار لاي نادي ليستفيد الاعب والنادي |
اللاعب معاقب اهو والكابتن نواف .. الى متى ؟ الله اعلم .. نواف ومحمد الى اين ؟! |
شي يقهر بصراحهه لما يجدد عقده يتغير مستواه . ليهه كذا!! ماتدري>> واللاعب في اروبا الى 37 وتحصلهه يدعس كوره حرام والله تصرف ملايين وبالاخير ماتستفيد منهه شي |
اتمني ما نراه يلعب بشعار الهلال لا تركيز ولا ثقة بلنفس واعادة كور مقطوعة وجته فرصه اول الدوري بدون فائده مثله مثل شمايكل السديري اتمني يلحقون بنامي فالهلال اكبر منهم والسوال كيف امكن لمثلهم ان يبقوا في الهلال الي اليوم او يلبسوا شعاره اصلا |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 09:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd