فواز تركستاني! نادي القادسية من أنجب ياسر القحطاني ويوسف السالم والسهلاوي الآن لديه مهاجم يذكرني ببدايات القناص هدفه في الزعيم يعكس إحترافية ومهارة (كهدف الشلهوب في القادسية في كأس ولي العهد وهدف الرابح في الكويت في تصفيات كأس العالم 2006). بالمناسبة هو هداف الفريق في دوري ركاء أرجو من إدارة الزعيم التحرك لضمة قبل تكاثر المزايدين |
يا رجال والله يالكورة في وادي وأنت في وادي انت شفت طوله ؟ طيب شفت بنيته الجسمانيه؟ وبعدين هدفه العالمي اللي تقول عليه تراها مشيت معاه بالحظ ولا هو اصلن كان يبي يناول خويه هههههههه مره باينه ياخي بس اهم شي قبل لا يكثر المزايدين ؟ منننن ججدددك ؟ مع احترامي لك وللاعب حتى في الاولمبي ما احطه وفهد الجهني افضل منه الف مره |
اشوفه لاعب عادي جدا لايجي مثل ياسر ولايوسف لاعب عادي جدا واشكرك اخي على موضوعك |
يابوي عندك بالاولومبي اطلق منه .. والله مستواه عادي جدا جدا .. ومو كل من سجل بالزعيم صار لاعب ممتاز .. ولكم بوليد العلياني لاعب النصر عبره .. الهلال لايحتاج الا صانع لعب .. وليس لاعب يركض |
صدق كل ماشفتو واحد سجل قلتو نبيه يااخوان اتمنى من الاداره بدل صرف الملايين على لاعب ياتي ويخرج من الهلال نبي مدرسة تسجل فقط 20 لاعب والاموال التي تصرف على جلب لاعب ناتي بمدرب للضربات الحره ومدرب لضربة الراس ومدرب للسرعه في اخد الاماكن وفتح خانه وتسليم صح وخلال 2 سنتين يكون عندك فريق كامل شرط ان لايلعب مع الفرق المحليه يكون اعداده خلال الزيارات لدول المنطقه والمعسكر الخارجي |
انسبكتور مع احترامي لك هذا تصنفه لاعب وسجل طيب هدف في الهلال انا لو جايتني الفرصة بحطها في المرمى كيف حكمت عليه بأنه ممتاز من مباراة وحدة شفته بس ؟؟؟ أنا اللي اعرفه ان اي لاعب في العالم ما يتم الحكم وابداء الرأي حوله الا بعد مباريات عدة اقلها 6 او 7 مباريات وانت ما شاء الله عليك من مباراة وحدة ؟ يوما ما ستشرق شمس الزعامة من جديد 54 |
اي لاعب بيسجل بالهلال تبونه ..؟؟ بعدين من متى صار نجم ؟؟ |
ههههههههههههههههههههههههههههههههههههههههههههههههه تتكلم من جدك انت ؟؟ هذا لاعب بالذمة لو تجي لي الكورة اللي حطها قووول انا احطها وبطريقة افضل انت اكيد شفته منزل الشرابات الله يكرمكم وقلت شبيه ياسر لازم نجيبه هع |
صانع اللعب هو الباقي لإكتمال صفوف الهلال، حيث إن الاعتماد على نيفيز أو الشلهوب الموهوب لا يكفي، فكون صانع اللعب وحيدا في المباراة كما حدث مع نيفيز أمام مباراة النصر ومن بعدها الشباب سهل المهمة على الخصوم بتغطية هذا الصانع، وإقفال كل أوراق الهجوم، ولكن بدأ التحسن بعد المباراة التي نزل بها الشلهوب بجانب نيفيز، وللأسف نسيت هذه المباراة، ولكن المهم هي المباراة التي تحرر بها نيفيز، وبدأ يعود بشكل تدريجي في الرقي بمستواه المعهود. وعندنا بعض اللاعبين ما ألومهم إذا طاحت مستوياتهم؛ والسبب قلة التدوير في التبديل، والاعتماد عليهم كثيرا في المباريات، مثل ياسر الشهراني، وغيره من اللي تعرضوا لضغط المباريات ولا تم التدوير بينهم وبين البدلاء الموجودين |
فواز تركستاني لاعب موهوب وسريع انا اراهن عليه .. اتمنى التعاقد معاه بأسرع وقت بس معروفه مواقف القادسية مع الهلال بالتعاقدات ع العموم دوري ركاء فيه اكثر من لاعب ممتاز اتمنى يستفيد منهم الهلال |
لاعب له مستقبل وليش لا ممكن يجي مع الهلال اذا بيفيد الهلال |
بالفعل عندنا لاعبين اطلق منه الف مره يعنى عشان القادسيه انجب بعض الاعبين البارزين وسجل فى الهلال هدف صار نجم اتمنى من الكوتش سامى اعطاء الفرصه لبعض لاعبين الاولمبى من بعد مباراه النصر لتاهيتهم للموسم القادم |
رجع الجهني وصعد العمار واضمن لك بيكونون افضل ثنائي بالسعودية لكن الادارة الى الحين متمسكين ببقايا ياسر |
يالله استلم مباراه وحده وتبي الاداره تتعاقد معه؟ على قوله شبيه الريح بقاله!! :d |
اشوفه لاعب عادي جدا لايجي مثل ياسر ولايوسف لاعب عادي جدا واشكرك اخي على موضوعك |
الوقت المعتمد في المنتدى بتوقيت جرينتش +3.
الوقت الان » 12:11 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd