|
إقتباس:
اولا موضوع نيفيز نيفيز بصراحة كثفت عليه الرقابة واقفلت عليه المساحات وفي ظل عدم وجود صانع لعب ايمن معه طبيعي انه بيستسلم للرقابة ثانيا موضوع خوف سامي من الصحافة ماعتقد سامي يخاف لأنه تعود على الحرب الصحافية والاعلامية وضغط الجماهير من بداية تواجدة بالملاعب كلاعب الموضوع بكل بساطة 1- ادارة انتهت ويجب عليهم اخلاقيا ان يعطوا المجال لغيرهم لتجديد الدماء والحماس 2- غياب عناصر من الفريق في كذا مركز وهبوط واستهتارية وتشبع بعض العناصر التي كانت مؤثرة وهذا بعد تجديد العقود بالمبالغ الخيالية 3- مدرب ينقصه الخبرة فقط واعتقد موسمنا هذا سيكون مستفاد منه كثيرا للموسم القادم باذن الله ------- ردي على اخوي ثائر كلام سليم واتمنى الاستفادة من الاسماء الذين ذكرتهم وان يعطوا الفرصة لاعتقادي الشديد بأن من يضمن الخانة يهبط مستواه وهذا شي طبيعي في كرة القدم لكي ترفع مستوى العناصر الحالية يجب عليك احلاله او ايجاد المحفز له ومن التنافس الثنائي الذي سيظهر بين اللاعبين على الخانة الواحدة ستستفيد من ارتفاع المستوى والحماس يعيب على كل الاندية والهلال ليس استثناء بأن هناك لعيبه تبعيتهم لبعض اعضاء الشرف ان اوعز اليه عضو الشرف باللعب جيدا لعب وان اوعز اليه بالبزوطه على قولتهم بيبزوط وان صح هذا في الهلال فقل عليه السلام لأن هذا تلاعب في كيان وتاريخ وجماهير اكبر اندية آسيا |
اهنيك على النقد العقلاني والايجابي وبصراحة مثل هذه الانتقادات هي اللي راح تجلب لنا الفائدة في المستقبل واما التجريح هو الذي سوف يقتل الفريق فشكرا لك اخي العزيز على هذا الموضوع الجميل |
حماس يــــــــــــــــــــــــــــــــــــا زعيم وعدم التهاون والبرود |
يعطيك الصحة والعافية على موضوعك، وأضيف قائلا: وين راح التقييم من بعد كوزمين و جيرتس؟ وإلى متى المجاملات مع بعض اللاعبين؟ وين طار شباب الأولمبي المعد للترقية إلى المستوى الأول؟ وين وين وين وين وين؟ ملينا كثر أسئلة. النهاية إن أردتم النجاح فالتغيير من عند أنفسكم أولا كإدارة؛ لأنكم المسئولين عن كل صغيرة وكبيرة بالنادي. أتمنى لكم الهداية والبطولة والتوفيق. |
أحسنت الاحلال والتخلص من لاعبي الواسطات رفقاء العيادات هو الحل .. الفريق يحتاج لتجديد لاعبين موهوبين وليس مجرد الاستقطاب فقط الغنام عزوز العابد السالم يفترض برى الهلال الموسم القادم بيع اعارة الغاء عقود المهم ما نشوفهم اللي بيجامل لاعب يستقبله في بيته اما الهلال فلا يبقى فيه الا من يحترق لشعاره |
اقرأ بين سطور هذا الموضوع تلميح ضد نجم كبير واقول لا تخف سامي ماقصر ابعده تماما بقصد او دون قصد لكن لا تتوقع انه سينتهي الذهب لا يصدأ ياهذا والايام حبلى بمفاجأت لهذا النجم حتى وان غادر الهلال ستكون انت اول الراكضين خلفه بحثا عن المتعه والسحر الخاص به :s2: |
محور جامعة الملك سعود خليفة عزيز ابن النادي /بلون السماء نأمل كل يوم بعودة الروح العاليه للاعبين وحرصهم الدائم لوضع الفريق بالموقع والترتيب المناسب . ونشكر المدرب على فكره النير و مساعدته لتجديد دماء الفريق والصعود للمنصات والحرص على وجود لاعبين باعمار الالومبي والاستفاده من اللاعبين الجاهزين بمنتخبات الجامعات وبالتوفيق .. <!-- Ajax Comment JS --><!--/ Ajax Comment JS --><!--/CommentArea--> |
الله يوفق بصراحه مدري رغم الفوز ليلة البارحة بس المستوى ابد ما يطمن |
كلام جميل جدا تحياتي لك |
كنت اطالب بأبعاد المرشدي والقرني وعزوز وياسر من الهلال اخذوا فرصتهكم وكفايه وهالموسم العابد زودها معهم .. مسألة اخر سنه بالعقد اجتهد مثل العابد وعزوز حاليا واذا وقعت العقد بالطقاق النادي ملينا منها نبي لاعبين يلعبون للشعار وياخذون حقهم ماليا مثل سامي ونواف التمياط ومحمد الدعيع والبطل الشلهوب اللي لازال يلعب من قلبه رغم تقدم عمره ملينا من اللي يتمشى ويتدلع بالملعب نسقوهم وبنلقى اكثر من سلطان الدعيع |
أشكرك على الطرح الرائع جداً بالتوفيق للهلال |
مابين السطور .. ياسر القحطاني .. يوسف السالم ...كريري ان تصنع نجم (شاب) خير من وقت ضائع في محاولة اعادة نجم (خفت) بريقه ... (ياسر القحطاني .. يوسف السالم ...كريري) .. بسبب العقد المغري. لا بسبب حب الشعار.. (نواف العابد ) ..\ عيادة الهلال لهم استراحة (الغنام ) واحب اشكره ع موضعه الاكثر من رائع من جدا ذا حال الهلال |
سامي الله يطول عمره استعجل على التدريب هذا الموسم ولا احد ينكر ذكاءه وقدرته على قراءة المباريات . لكن الجميع حاربه واللاعبين لا نعلم ما بينهم وبينه ، لكن الحل في نظري التعاقد نهاية الموسم مع المدرب خورخي سامبولي او باوزا لأني أراهم الحل الأنسب الممتاز للهلال في الموسم القادم . تقبل خالص تقديري |
السلام عليكم ورحمة الله وبركاته .. تحيـه طيبـه وبعـد ... يعطيك العافيـهـ يالغالـيـ ع الموضوع .. وهاذا ماذكرتهـ بالسابقـ بأن المشكلة في بعض اللاعبييـن وتذبذب مستوياتهـم وهاذا ماجعل المدرب لا يستقـر على تشكليهـ معينهـ .. من وجهـة نظري .. فكرة الأحـلال بنسبهـ تتعدى اكثر من لاعب لن تجدي نفعـاً بظـل مطالبات جماهير الهلال في كل موسم بطولهـ والأهـم عدم الصبـر ..! التصعيد من الاولمبي تحتاج إلى موهبـة وبعدها سقـل الموهبه وابرازها وتقديمها بشكل تتحمل كل ضغـوطات الفريقـ الأول العقود التمارين الانضباط وتحمل الاعلام وخلافهـ .. .. الأفضل .. بأن يتم تصعيد كل موسم لاعب او لاعبيـن واختلاطهم مع المخضرمين حتى يتستفيدو مثل ماحدث مع احمد الفريدي والعابد وسالم الدوسري .. الخ . ونجـح هاذا الأمـر مع وجود المدرب سامي الجابر .. بأبراز سلطان الدعيـع .. ونحتاج بأن نبرز لاعب آخـر بالموسم القادم في خانه الوسط والي يليها في خانه الهجوم وهاذا ما اريد ان اصله إليكم بأن كل موسم يصعد لاعب او لاعبين فقـط .. لأن تصعيد اكثر من لاعبييـن قد تسبب بمشكله مثل ماحدث مع نادي الاتحـاد .. احلال بنسبه كبيره من اللاعبييـن واصبح مركزه مابين السادس والسابع .. وخروج من ( فريق درجه ) اولى بكأس ولي العهد مع انـه يملك لاعبييـن مخضرمين في الفئات السنيـه وإغلبهـم متواجدين مع المنتخب السعـودي للفئات السنيـه .. الفريـق الأول يختلف تماماً عن الاولمبي .. أما بالنسبهـ من يطالب بالاستغناء العابد او الدوسري وبيع عقده .. اعتقد هاذي مخاطره كبيره جداً ومن الصعب التفريط بمثل هؤلاء اللاعبييـن .. وهبوط المستويات اللاعبين تشمل جميع الانديـة .. وليس بالهلال فقـط .. مشكلة الهلال حالياً وفي السابق البحث عن اللاعب الجاهـز وبشكل سريع وصاحب سمعـه بغض النظر عن مستوياتهـ بس مجرد تغطيه خانه وارضاء الجماهير.. التعاقد البحث عن الخلل في الفريق ووضع النقاط عليها والبحث بالطريقه الصحيحه عن اللاعب وبشكل مسبـق الاستعجـال وارضاء الجمهور .. جلب .. يوسف السالم .. و .. كريري .. وغيرهم بمبالغ طائله ولكن في دكـه البدلاء ومع كامل احتراميـ اذا نزل داخل الملعب مثل عدمهـ .. .. وتركوا لاعبين صغار السـن ومميـزين مثل .. الجبرين .. كـنو .. كادش .. حمد الحمد .. وغيرهـم .. |
كلام جميل قلت كل الي احاول اقوله من شهور |
| الوقت المعتمد في المنتدى بتوقيت جرينتش +3.
الوقت الان » 09:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd