|
اثبت يا سامي ولا عزاء للمرتعدين%%% لم تنتهي الدنيا بخسارة كأس ولي العهد حتى ولو كانت أمام النصر وهي في النهاية كورة مستديرة ولا تستدعي الإطاحة باستراتيجية نادي خصوصا أننا نرى ثمارا يانعة لاتحتاج إلا لبعض الوقت لتثمر. وليست نهاية المجرة هزيمتنا أمام الشباب بكرة ثابتة . سامي يحظى بثقة الهلاليين كبارا وصغارا وسيعمل ولن نستعجل النتائج مهما كانت الأصوات المرتعدة والعالية فنحن أدرى بنادينا إذا كنا نعمل لليوم فقط فنحن خاسرون وإن كنا نعمل لبطولات الموسم القادم وآسيا فسامي هو ربانها بإذن الله والله معكم ولن يترككم ما دمتم تحسنون التصرف في الأوقات الصعبة كما هي الأوقات الجميلة . لاتنظروا للآخرين فالنظر إليهم يعطلنا عن العمل بل اجتهدوا بما في أيديكم وسوف تصلون لما تريدون . أما اللاعبون فنحن نريد لاعبين بروح عالية لا يهمهم إلا هلالهم ولاعبونا تتوفر فيهم جميع الإمكانات المطلوبة لنهضة ناد عملاق كالهلال .. الفريق بحاجة للانسجام فقط والله على ما أقول شهيد وسيعود الذئب يجندل الخصوم بهمة لاعبيه وروحه العالية التي نعرفها فالكوتش سامي لا يرضى بالفشل أبدا . والعجلة ربما وهبت ريثا . خواطر أحببت أن أشارككم بها دمتم سعداء منصورين بإذن الله . |
أتفق معك أخي الكريم فيما ذكرت .. سامي ذكي و هو الآن في ورطة و بإذن الله سيخرج منها سالماً غانماً رافعاً اسم الهلال عالياً ... |
بالتوفيق للزعيم ,,,,,,,,,,,,,,, |
اتعجب من كلمة كورة مستديرة ولا تستدعي الأطاحة باستراتيجية نادي طاحت فيها استراتيجية دول وهزت اقتصادها مو نادي ها المستديره وعلى قولتك مو نهاية العالم تخسر من النصر مرتين ومو نهاية العالم يدقو خشومنا ببطولتين ومو نهاية العالم لمى نطلع من كاس الملك وم نهاية العالم لمى نطلع من الحلم الأسيوية خلونا نطبل وخلونا كل سنة نسوي أعداد وتدريب لكل مدرب جديد يقود الدفه ونصبر عليه ومضه #كل يوم نقول اليوم تتحقق الأحلام يا قلبي يا محروم من فرحة الأيام |
- اقسم ب الله العظيم عصر اليوم قابلت احد الاصحاب وميوله نصراويه بل ومتعصب لدرجه لابسه التيشرت النصراوي اثناء محادثتنا وقال بالحرف الواحد ( اتمنى بقاء سامي ) وما ضيعكم الا سامي !! يعني اثبت يا سامي ابقى يا سامي كلام يقوله النصراوي قبل محبين سامي !! انا م اقصد انك شخص مندس بس حبيت انقلكم رأي النصراويه بحال فريقنااا !!! رجاءاً سامي حاله ك حال اي مدرب فشل لماذا المجامله والتطبيل !! الكيـــان اكبر من الاسماء ي اخووه |
إقتباس:
يهنو بالفوز ويتمنون أستمرار سامي 10 ستوات كدعم للمدرب السعودي ويضحكو بأمكانكم العودة لحلقة الأذاعة وسماعها |
إقتباس:
ممكن سامي ينجح بالمستقبل في عالم التدريب لكن للأسف سامي مازال يفتقد خبرة التدريب يحتاج لسنوات عديدة حتى يصبح مدرب محترف ! ما أقول الأ الله يصبررنا :smilie47: |
المشلكه في بعض الجماهير تقرا في البلاك بيري وتشوف بعض البرامج الرياضيه الي تحارب الهلال خصوصا سامي ، وتجي زعلانه وتكتب بدون تفكير وما تفكر عمر خصمنا ما تمنى لنا الخير بالعكس يسون اي شي عشان الهلال يطيح وسامي اذا نجح كمدرب بيمسح اسطورتهم فلذلك الصبر حتى لو طلعنا بدون بطوله الهلال كان مع كمبواريه وكنا صابرين عليه وسامي قدم مستويات كويسه حتى هزيمته بالكاس ما كان هو السبب ما توفقنا وغلطة نجم وخطاء حكم اتمنى من الجماهير ما تمشىى وراء رسايل البلاك والوتس |
صدقت اخي الكريم وخاصة في هالكلام لاتنظروا للآخرين فالنظر إليهم يعطلنا عن العمل بل اجتهدوا بما في أيديكم وسوف تصلون لما تريدون . وهذي مشكلة جمهورنا اللي يقول شوفوا كارينيو واللي يقول شوفوا النصر واللي يقول شوفوا تيفو النصر ياخي اعمل بفريقك واجتهد ولا تنظر لغيرك لكي تنجح ، اجعلوا سامي ينجح وادعموا الهلال فجمهورنا الكريم مايقصر ان شاء الله |
إقتباس:
هذي وسيلة ظغط ليضربوا الجمهور بسامي بدا بها المريسل والعنزي وهم يرددون نفس الكلام . والله ثم والله زاد اصراري على التمسك بسامي بعد ما سمعت هذا الكلام وصدقني ياخوي سامي لم يفشل الفشل الي صوره إعلامهم وحرص التماسيح الي قاعدين يحاولوا يمرروه على من هم تحت العشرين سنه من الجمهور وللأسف نجحوا في حملتهم وافقدوا ثقة جمهور الهلال بمدربهم. والله سادعم سامي إلى آخر يوم لانه يستاهل الوقفة من افرحنا وبكى وانحرق من أجلنا . تحياتي للهلاليين المخلصين فقططططططططط |
استغرب من التعاليق اللي فوق لهدرجه اطاح بكم اليأس , هل تؤمنون بأن الفشل اول خطوه من خطوات النجاح . ولكم في ذلك مثال انظرو لحال المان يونايتد بعد السير فيرغسون اين يقبعون وهم نفس العناصر التي كانت مع السير ولكن تريثو قليلا فبعد الفشل والصبر يأتي النجاح , |
سامي عبدالله الجابر جابر عثرات الهلال سام٩ سااااااااااااااااااام جدا لكل المنافسين لاتصدقوهم هم يتمنون ان سامي غير موجود لانه سبب في حرمانهم وحرمان انديتهم من بطولات كثيره وياما اسعد جماهير الزعيم وكدر جماهير الخصوم وابكاهم يجب ان لا ننسى ونكون امعات ! |
اما ان الهلال بياخذ بكلام جمهور الفقر هذي مصيبه وام المصايب يعني اذا قال واحد ميوله فقراويه ماودي يروح سامي ومانكبنا غير سامي خلاص اصبح هو الناقد الفاهم الذكي في امور نادينا؟ سامي هو من سيقود الزعيم للبطولات والمجد مو لاننا خسرنا بطوله خلاص نخليه هو كبش فداء تفداك البطوله ياسامي استمر وسنشاهد فريق يدق خشوم بقيادتك |
إقتباس:
متعصبين الأندية الأخرى والذين أوجعهم سامي 20 سنه وما خذني الأمور بشكل شخصي تجاه سامي وتأثروا من كلامهم ولو حقق سامي جميع البطولات لانتقدوه وقالوا الاختبار الحقيقي آسيا وكأس العالم . من يعرفون سامي وتضحيات سامي وتاريخ سامي ووقوفه بجانب النادي في جميع الأوقات ولم يتخل عنه الا في سنه وحدة لأجل الطموح وخدمة الكيان سيقفون معه ويقدمون التضحيات لأجل ابن الهلال البار. تحياتي مرة ثانيه للهلاليين المخلصين والمؤمنين برد الجميل فقطططططط |
إقتباس:
وما نفكر أو نتجرئ على التفكير في الافتراضات يعني انتم جاين تبون تقيلون سامي عشان النصراوية مبسوطه منه ورب الكعبة انها تبغا اقالة سامي باي طريقة وترى لو لا التحكيم لكن النصر هذا الموسم بدون بطولة |
اخي الكريم سامي الجابر يفتقد قراءه المباريات يفتقد التكتيك فريقنا معه بلاهويه .غير جريء يعتمد على الاسماء .اغلب لاعبي الوسط الاساسيين هجوميين ويستخدمون القدم اليسرى فقط وهذا عيب في اختياراته مما يشكل ضغط على المحاور والدفاع . ارى انه لو تتدرج في التدريب . لكان تفاؤلنا معه كبير . يجب اعادة الثقه في نفوس الجماهير الهلاليه في فريقهم .وعلى سامي اخذ دورات ان كان يريد تطوير نفسه في التدريب على الاقل لمدة 4 سنوات قادمه ولايغامر بتدريب فريق كبير مثل الهلال في مقتبل عمره التدريبي |
ياصاحبي الهلال بلا هويه خل مني الروح والاعبين .. سامي ليس مدرب فقط بل رئيس ومدرب عفوا ليس مدرب بل(متدرب) كفايه مجامله ي زعماء الهلال فوق سامي والاداره اتمنى نهاية الموسم استقاله جماعيه للجهازيين الاداري والفني دمتم بخير. |
إقتباس:
|
- اووك بمشي ع كلامكم واقوول صاحبي النصراوي قال كذا منشان ابعاد سامي و و و و !! بس شويه عقل لو انا صاحب قرار ك بندر بن محمد او ابن مساعد امشيها واقول تفكير هذا النصراوي خبيث وهدفه ومقصده طرد سامي !! اما يقووولها ل مشجع حاله زي حالي لا سلطه ولا قرار !!! اوك نترك النصراوي ع جنب ونشوف هذه التغريده عادل التويجري @Adelaltwaijri لا يجب أن يضحى بالهلال من أجل عناد إدارة وتواضع ومكابرة مدرب ! أما قصص ( الخذلان / الدسائس) ... فهي ( إرجاف ) .... سامي مدرب متواضع ومكابر !!! وقصص الاكشن التي انتم عايشينها الان وليد الفراج والعجمه وبتال واوباما يريدو اسقاط سامي وهناك حملات وهناك مؤامرات و و و ! اختصرها ابوغيداء لكم انها ارجاف وكذب !! لا استغرب تقولو حتى عادل التويجري مندس نصراوي !!!! عادي هذي الايام اتوووقع منكم كل شي ي اخونااا بلاش [ نكذب ع بعض ] اللي نشوفه ف الملعب عك كروي فريق يلعب بلا تكتيك و لا روح غااابت الجماعيه غابت اللمسه الواحده غابت الرووح !! اللي نشوفه تمركز خاطئ وتمرير خاطئ وكل لاعب يلعب لوحده !!! لو اشوف غير كذا قسم لأكون اول الداعمين ل سسسامي بس للاسف ما اشوف شي يستاهل الدعم والصبر !!! |
إقتباس:
ولكن اشوف كل الهلالين مع سامي والي ضد سامي مندس وهذا العضو الفقراوي اكبر دليل شوفو مشاركاته وتعرفون وبخصوص ان النصراويه يبون سامي هههه لانهم مثل اليهود خبث كبير حسبي الله ونعم الوكيل على التعصب |
إقتباس:
قلنا لكم ونعيدها .. مارادونا افضل لاعب في العالم .. فشل كمدرب .. وهو الاسطوره العالميه وليس اسطوره الارجنتين فقط .. مورينيو .. وهو الذي لم يلعب كره قدم في حياته .. صار افضل مدرب في العالم .. ان تكون لاعبا ناجحا ليس شرط تكون مدرب ناجح ، التدريب فكر وتخطيط وخطط وقراءه للخصم .. مو بس توظيف لاعبين وخلاص |
إقتباس:
حبيبي هذي الالقاب وهو لاعب الحين مدرب في فرق اتمنى رحيله نهايه الموسم |
ولن تنتهي الدنيا حتى لو اقفل النادي ابوابه والغى كل نشاطاته اذا كان العذر مقنع اما اذا كان ضياع الموسم كاملا (في سبيل مدرب مستجد اثبتت التجربة الميدانية فشله) عادي بالنسبة لك فاسمح لي هذا ليس طموح اي هلالي . |
معك في كل كلمه قلتها وهذا المطلوب جابر عثرات الهلال قدها ان شاء الله |
صرنا نعمل ونفكر بالجار لايقول ولايشمت نجيب مدرب عالمي عند CV عالية المستوى ونشوف فريقنا وابو عبدالله يمسك الأولمبي حتى يتشرب أسرار التدريب مدربين خبرتهم 20 و 30 سنة يخطئون في حساباتهم أحياناً تحياتي |
| الوقت المعتمد في المنتدى بتوقيت جرينتش +3.
الوقت الان » 12:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd