|
الاسطورة سامي الجابر سوف يحقق كأس اسيا وسوف يصنع مجد جديد للهلال؟ هاردلك على الخسارة المتوقعه دام اللاعبين الباردين مستمرين وليس المسكين سامي اللي تمارس ضده حرب قوية وشعواء من بني فقر وخط110 الهلاليين... يجب على الهلاليين العقلاء يعرفون المسأله ليس فالمدرب والدليل نكباوية وهاشيك وتماس دول الفاشلين والذين لايمكن لهم تغيير جلد الهلال يلعبون بنفس الاسماء المستهلكه لو تخطي الف مره بينما الاسطورة سامي يفرق عنهم انه شال وابعد لاعبين استهلكوا وكان جمهور (السسماء) يطالب اكثر من مره بإبعاد هؤلاء ولمن جاء سامي ابعدهم ولو استمر سوف يبعد جميع المستهلكين الباردين وعلى رأسهم الزوري والعابد وعزوز الدوسري... ويجلس سالم الدوسري والشهراني احتياط لضغط عليهم... اقول لكم أمر مهم للأسف من ثلاث سنوات والبعض لم يتطرق له يتكلمون عن المدربين وعن الدفاع وعن امور اخرى... ياناس يعالم علة الهلال هي في وسطه ولاعبي الحواري العابد والفرج وسالم الدوسري وعزوز لاعبين فردين انانيين لايصنعون كور لايسجلون فيهم برود عجيب واضم لهم العاهه والمستهلك الزوري العله تكمن في هولاء يجب على سامي ابعادهم على الاقل بالاحتياط والبديل جاهز وافضل بمراحل وهم بالاسم: لاعب الاولمبي الفنان الجناح الايمن خالد الكعبي: مكان سالم الدوسري ... الكعبي فنان وشاهدته بالاولمبي يصنع كور بشكل رائع وعرضيات متقنه وخطيرة ويسجل بطريقة لايمكن ان يتقنها سالم والعابد والفرج الذين اذا قابلوا المرمى طوحو بالكره الى المدرجات.. ولاعب الاولمبي عبدالله العمار جناح ايسر: مكان نواف العابد ...العمار الكل شاهده مع المنتخب الاولمبي بكأس اسيا ومع اولمبي الهلال لاعب من طراز نادر عرضيات متقنه تهديف صناعة لعب.. لاعب يفوق العابد بمراحل... لاعب الاولمبي الحمدان مهاجم: لاعب جيد طول وتهديف بدون فلسفه واتمنى يكون احتياط لناصر الشمراني مع اعطاء الفرصة لعبدالله عطيف وسط وعبدالاله الفضل بالمحور بدل من كريري المستهلك والشايب وابعاد كاستلو وجلب صانع لعب او مهاجم سوبر ستار مع الشمراني هنا ابصم لكم بالعشرة الهلال سوف يعود بكل قوة الهلال يحتاج غربله بالوسط وابعاد العابد وسالم والفرج وعزوز والزوري واستبدالهم بلاعبين جدد وراح تلاحظون الفرق بروح بالحماس... واتحدى جميع الهلاليين والمحايدين اذا اتى مدرب عالمي يفوق سامي بمراحل ومع وجود العابد وعزوز والفرج والزوري وسالم لن يحقق شي هولاء هم سبب ضياع الهلال يلعبون بفردية وبرود عجيب ولاصناعة لعب ولاتهديف الا في المدرجات وكور مقطوعه ولايمكن يعرضون عرضية واحدة الا بطلعة الروح ... ابعدوهم الهلال يفلح ويتغير للافضل... 1- خالد الكعبي _ جناح ايمن_ موهبه قادمة 2- عبدالله العمار_ جناح ايسر_ موهبة قادمة 3- الحمدان _ مهاجم _ موهبة قادمة البعض يقول طيب ولماذا لايصعدهم سامي ويلعبهم اقول لكم السبب لانهم متصدرين دوري فيصل بن فهد ولايريد سامي ولا ادارة الهلال التفريط في دوري فيصل بن فهد خاصه ان الهلال خرج من كاس ولي العهد والدوري ولم يتبقى الا بطولتين... |
إقتباس:
اي تكتيك كارينوا من افشل المدربين ولكن مشت معه بالدفع الرباعي والحظ اللي يفلق الصخر ... ولا كور عشوائية ترفع للمرمى ياتضرب بمدافع وتدخل هدف ولا ترجع وتضرب بظهر السهلاوي تدخل هدف هل هذا برأيك تكتيك للاسف بعض الهلاليين انضحك عليهم كارينوا مدرب عادي جدآ وكل المبارتين اللي فاز بها على الهلال هي بالحظ والتحكيم والدليل ان الهلال سجل بكل المبارتين وكارينوا يلعب بثلاث محاور ؟؟؟؟؟؟؟؟؟؟؟؟؟؟؟ |
للامانه لازم يصعد لعيبه من الاولمبي لازم يكون فيه تبديل لبعض الاسماء الموجوده شوفو الاتحاد كيف صار بعد ما صعد لعيبة الاولمبي |
سامي راح ينجح رغم الحساد بامر الله |
سامي خذله 4 العابد وسالم والفرج وعزوز... هالرباعي محد انتبه للهبوط الحاد في مستواهم .. كنا مشغولين بمشاكل المحور والدفاع والحراسه وغفلنا عنهم ... رباعي كانت عليه بعد الله الأمال ولأجلهم ما فكر سامي في اجنبي رابع وسط متقدم يساعد نيفيز ؟؟!!!! لكنهم خذلوه .. خطة سامي تعتمد ع 3 منهم او 2 مع نيفيز ال 4/5/1 او ال 4/1/3/2 .. الهبوط الجماعي في مستواهم لخبط الاوراق كلها سالم يذكرني بمنصور بشير ((سبرنت .. اسحب الظهير .. حاول تسحب ثاني بعدين اوفر غلط ولا تنقطع الكوره وترتد او تسديده بعيده ؟! رعونه غريبه في التسديد لدرجة الاستفزاز العابد .. ناقص يلبس بشت في الملعب بس:wub:الشيخ نواف في 2014 شئ غريب ! وعلى فكره لياقته جدا سيئه ما كأنه لسه 24 سنه جاملناه بما فيه الكفايه اما ينضبط ويهتم بنفسه والا قائمه الانتقال والله يحفظه وين ماراح عزوز .. لاجديد ...لا التحام لا مسانده لاباص في الوقت المناسب الفرج .. ممكن كثرة المراكز اثر عليه لكن بأمانه ما اعطى اي اشاره جديه لاستحقاقه اللعب اساسي هو قصه لحاله هالسنه ..برود غريب مع سرحان تقريبا نص باصاته غلط ! |
اختلف معك ع الزوري ... عندي امل فيه شف الوسط الايسر مين:wub: وتعرف انه معذور .. حرام يقارن بالاربعه نواف سالم عزوز الفرج .. الاربعه علاجهم الدكه وتمارين الصباح مع تلويح بعرضهم ع الانتقال ...اتمنى ان عقودهم فيها فقره عن اللعب اساسي او الحسم الشهري .. اللي يسوونه هالاربعه هالموسم لايطاق .. واتوقع واحد منهم يكفي لردع الثلاثه الباقين .. اتمنى هالرابع العابد صراحه ملينا من الدفاع عنه ... ياليت يلبس بشت ويجلس احتياط ويسخن مع اي واحد يسخن الى نهاية الموسم .. في الملعب دققت في بعض حركاته المبارتين الاخيره قدام الفقر والشباب واقتنعت ان الامل فيه اضاعه للوقت ويعلم الله اني دافعت عنه عشرات المرات بكل منتدى اكون فيه لكن للصبر حدود ! |
لازم سامي يرفع لاعبين الاولمبي للفريق الاول وخاصتا قبل بدايه دوري ابطال اسيا حتى ينسجموا مع الفريق |
أيها الجمهور العظيم ... تحية طيبة للجميع. من حقنا كجمهور إبداء رأينا في كل مايخص الزعيم. ومن حقنا أن نطالب نادينا ولاعبينا بحصد النقاط والبطولات ... ومن حقنا إبداء وجهات نظرنا المختلفة حول المدرب واللاعبين. لكن أليس من حق الكابتن سامي أن يأخذ فرصته كاملة. ألم يسعدنا الكابتن سامي طوال فترة لعبه للهلال بالأهداف والبطولات. أليس سامي في المركز الثاني ومنافس على جميع البطولات. .............................................................................. جميعكم يرى الحرب الشعواء التي تشن على الكيان الهلالي وعلى رئيس الهلال وعلى المدرب سامي. في هكذا حروب يجب الوقوف إلى النهاية. وإلا خسرنا من أول جولة. الكوتش سامي يحارب من أعضاء شرف الهلال وهو صامد,,, وفي الصحف المعادية لنجاحه وهو صامد... وفي البرامج الفضائية وهو صامد... وفي تويتر وهو صامد... وفي كل وسيلة متاحة وهو صامد ويعمل ... هل تريدون فتح جبهة جديدة لمحاربته... فريقنا بالمركز الثاني في الدوري. فريقنا نافس على كاس ولي العهد. فريقنا مشارك في آسيا. سامي لايستحق كل هذا سامي لو كان في دولة أروبية وينجح كل هذا النجاج لرأينا تكريمه من أعلى المستويات... نجح الإعلام المضاد في تفريق صف الهلال, نجح الحاقدون في بث الفرقة بين أعضاء الشرف واللاعبين والجماهير نجح أعداء النجاح في زعزعة الثقة التي في نفوسنا للكابتن سامي... فأين أنتم ياجمهور الهلال.... وياخوفي تكون إدارة الهلال تبحث عن مدرب في هذه الأوقات خلفاً لسامي. أيها الجمهور العظيم,,, لم لانقف مع مدربنا الوطني لو لم يحقق لنا بطولة ألا يستحق أن ندعمه وفاءً له؟ ألا يستحق الهلال بإدارته ومدربه ولاعبيه التضحية ومجابهة الخصوم في المدرجات كل هذه الأسئلة أتمنى أن يجيب عليها كل منا مع نفسه.... موقف مؤلم لن أنساه ماحييت عندما هزم الهلال في آسيا من أولسان الكوري وفي الرياض بم هتف الجمهور الهلالي أسألكم بالله جميعاً هل نحن أوفياء ؟؟؟ أسأل الله العظيم أن يوفق الهلال فوق كل أرض وتحت كل السماء... كل التحية والتقدير لكم جميعا. أخوكم العاشق الأزرق. |
علة الهلال في الخماسي نواف العابد عزوز الدوسري سالم الدوسري الزوري والفرج ابعدوهم على الاقل بالاحتياط وتصعيد لاعبين كانهم من الاولمبي |
أنا من اميل ان يبقي لنهاية الموسم ونشوف بعدها ونقرر |
سامي لن ينجح ابداً مع هذه المجموعه نهائياً و لايزال يتعلم على حساب الهلال واللاعبين واضح انخفاض مستويات اكثرهم والبدائل اضاعها الكوتش في المدافعين والعواجيز والرجيع |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 03:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd