|
سامي ولدنا ولازم نعطيه الفرصه حتى لو خسرنا البطولات كلهااا هذا رأيي بعيد عن المجاملات .... بسم الله الرحمن الرحيم في البدايه لازم نعترف بحجم الصعوبات التي ستواجه الكوتش سامي بن عبدالله الجابر بحكم انه اول سنه تدريب ولابد من الصبر عليه لان الواجب يتطلب اننا نوقف معه ولا نتركه حتى لو خسرنا البطولات بسببه . من سوء حظ الكوتش ان طريق الزعيم كان وعرا امامه ومنافسه وضعت له التسهيلات اللازمه من لجنة المسابقات حتى مهدت له بطولة الدوري وارجعوا للجدول وسترون صدق كلامي عدا اللجان الاخرى التي تجامله ومن ضمنها لجنة الحكام . لازم نصبر عليه ولا نترك للمتربصون ان ينالوا منه واذا ماوقفنا معه اجل من يساعده حتى يصل للمكانه التي ينشدها بعالم التدريب . صحيح ان المجاملات لاتكون على حساب مصلحة الزعيم ويجب اننا نجعل مصلحة الكيان فوق كل اعتبار ولكن عندما يتعلق الامر بولدنا واسطورتنا لازم نضحي شوي ونصبر عليه حتى يتحقق المراد بحول الله . المطلوب من الكوتش تنبيه اللاعبين بالابتعاد عن الاخطاء وتصير الامور عال العال ان شاءالله . |
اذا استمر سامي على المكبره لاينجح واذكر القرني والبيشي و عطيف والغنام و الشلهوب والسالم ليش مايلعبهم احسن من الموجودين وخاصة القرني قتل موهبته |
اتفق معك وبرضو ياسر القحطاني ولدنا لابد من المباريات القادمه ان يلعب اساسي ورمي الشمراني ع الدكه وبرضوو السديري ولدنا لابد ان يلعب اساسي ورمي شيعان ع الدكه وبرضوو سلطان البيشي لابد من مشاركته ورمي الشهراني ع الدكه مو مهم تطير البطولات ونخسر ي جماعه اهم شي اولادنا |
انا اعتقد ان مصلحة الكياان تكون مقدمه على الاشخااص سامي ممكن يأخذ فرصته في الاعوام القادمه اذا اكتسب الخبره |
ايه هذا الكلام الزين سامي ولدنا ولازم نوقف معه واللي مو عاجبه يروح ويترك الزعيم لاني بصرااحه اشوف ناس تمادو ف النقد اللي ماله داعي شكرا لك |
كلام جميل واوافقكم الراي .. ويجب عالمقصرين الدكه ويعطي فرصة للبدلاء لتكون لمصلحه الزعيم المنافسة عالمراكز بين اللاعبين ولكل مجتهد نصيب وليين لهم عدم المجاملة |
شي غريب صراحه .. تضحي عشان سامي و لا تضحي بسامي عشان مصلحه الهلال |
كنا من اشد المعجبين بـ سامي ولا نرضى عليه الخسارة راحت اول بطوله قلنا فداكم الثانية تروح بسبب المشاكل في الفريق والمشكله ان سامي يعترف فيها ويطلع يقول اتحمل الخسارة طيب الى متى تتحمل الخسارة الى ماتروح البطولات سامي كان لاعب ويعرف ان الجمهور مايرحم وصحيح هو ولدنا بس الهلال كيانا ادعم شخص واهدم تاريخ .. لاتعليق |
مع احترامي لك الكيان ليس ملك لسامي او عبدالرحمن بن مساعد اذا انت من عشاق سامي فأرحل انت وسامي عن الكيان الكيان اولا وسامي اخيرا اخر ١٥ سنه الهلال لم يمر سنه من تاريخه بدون تحقيق بطوله وتبي الحين مع سامي مايحقق سامي ملقوف ولا انت مشجعينك نسبه بسيطه بالهلال هل تريد خسارتهم عندما تمسك نادي كبير زي الهلال الفريق الاول وهو واجهه النادي سامي مشكلته انه طمح للفريق الاول فزيدان والكل يعلم منهو زيدان افضل لاعب بالعالم ٣ مراات لم يرشح نفسه كمدرب من المفترض على سامي ان يكون مساعد مدرب او يمسك اولمبي او شباب او ناشئين هذي نهايه اللعب بالكيان من اجل العاطفه بعيداً عن العاطفه والمجاملات اتمنى رحيل الااداره بما فيها سامي فكفايه عبث بالزعيم |
ليش نجامل سامي على حساب الهلال اذا كان سامي يبي التدريب الله يوفقه بس يروح لفريق درجة اولى واذا صعد بفريقه الى الممتاز و وخلاه من فرق الوسط يجي يقول ابي ادرب الهلال |
الف مليون شكر هذا الكلام المميز سامي مبدع الان لعب على نهائي والوصيف والمستوى متميز لاسف الكثير مع الفوز خذ مدح ومع السقوط الاول يعلقون المشانق سامي نحن معك لانك الاميز والافضل تستحق التقييم |
يااخي وقفنا معه موسم شبة كامل وماشفنا لمسة مدرب يعني مافيه شغل مدرب رجاءا مانبي مجاملات مستوى هلالي معدووم يعني اسماء فقط وشغلت المدرب يعلمهم اخطاءهم ويعطيهم التكتيك السليم والله ثم والله ان ودي سامي يكون مدرب الهلال ولاكن بخبره وبمستوى اجمل من اللي نشوفه واتمنى انه يكون مدرب لأي نادي اخر ويكتسب الخبره الازمه وبعدها باب الهلال مفتوح له |
مختصر الكلام سامي جالس يتعلم التدريب على حساب الهلال |
ياخي والله امس حال الشباب ينررحم الهلال ماسك اللعب طوول وعرض ولم يستغل الهجمات لازم ستفييد الاعبيين من هذي المبارة لازم تسجل عندما تتاح لك فرصه لازم تحرص تسجل حتى لا يكون العقاب وخييم الحمد لله بصرراحه الى لان سامي مدرب عالمي لعب الهلال خيالي الهلال مع سامي اصبح يلعب مثل البرشا و الريال ومانشستر السيير الراحل كمل يا سامي انت نجحت |
صحيح لازم نوقف معه ونسانده بس مو على حساب الكيان اعتقد ان الموسم شارف ع الانتهاء واخذ فرصته حتى النهايه ولازم نشوف لنا كوتش على مستوى كبير |
| الوقت المعتمد في المنتدى بتوقيت جرينتش +3.
الوقت الان » 01:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd