|
تقولي آسيا و كأس الملك اذا الوضع كما هو مافيه لاعبين من الأولمبي اتوقع راح ينطبق علينا المثل : لا عنب الشام ولا بلح اليمن |
الحقيقة يا زعماء لا يمكن تجاهلها الفريق يسير بلا هوية العتب على الجميع من ادارة وجهاز فني وكذلك اللاعبين بلا أدنى مسئولية او روح هلالنا غائب وان حقق بطولة نحن نريد الهلال الذي يهابه الجميع سنقتنع بالهزيمة عندما نرى الهلال يقاتل الى اخر ثانية سامي اعطنا هلال ممتع من بداية الدوري ولسان حال الجماهير ( تنشد عن الحال هذا هو الحال ) لاجديد فمتى نرى هلال سامي فعلا لا قولا |
انا ماقدر استحمل والله :cry: خلإص صرت اكره الكوره مدري ليه قببل اذا خسر الهلال يفرحنآ ميلآن و اذا خسر الميلآن يفرحنآ الهلأل :smilie47: الحين مآشش الميلأن مدربه اول مره يدرب و الهلال نفس الشيء الله يعيننا نصبر عليهم كم سنه ونشوف :( |
عفى فكره ياشباب ترى زين الدين زيدان افضل لاعب بالعالم يدرس الان مهنه التدريب له شهور وبيكمل سنوات وهو يدرس على كلامه |
انا كنت اراهن على سامي من البدايه بحكم انه له خبره في اختيار العناصر بس بعد اللي شفته اقول الله يهديك ياسامي ترانا نحبك والله العظيم بس حاول تبتعد عن الفريق لانك لم تقدم لنا شي يذكر ولا لتاريخ الهلال ولا لك شخصيا ولا لنا كجمهور ندعمك من بداية الدوري |
أكيد تمزح!! التعاون والشعلة والعروبة ويالله نفوز بطلعة الروح وش بيسوي سامي قدام الأهلي الإماراتي مثلاُ؟!!! سامي ذبحته المجاملات في مشكلة بين نيفيز وناصر وااااضحة من مباراة الأهلي وسالم واقف مع ناصر والشغل أنانيييية في الملعب سامي يشوف اللي نشوفه وإلا لا؟؟!! |
كلنا مع سامي وستأتي بأذن الله البطولات وأولها كأس الملك وتليها آسيا كلي ثقه بالله ثم برجالات الزعيم |
لو انه مدرب اجنبي اللي ماسك الفريق مو سامي كان طالبت باقالته وما قلت عادي نفرط ببطولات |
الحمد لله قدر الله ما شاء فعل / ذهب الكأس . و الدوري في المنعطف الاخير . %5 هلاليـــــه على سامي ان يصصح الأخطاء اللمسه الأخيره بين الاعبين و السرعه في الإرتداد بالهجمه المرتده و اعتقد ان اقوى مباريات الهلال مع النصر مع احترامي للأنديه التي سوف نلتقي بها في المنعطف الاخير . اما شقيقناااا النصر فلا ندري ماسيحدث فلا زال هناك الفيصلي +الاتفاق+الهلال+الاتحاد+الشباب+التعاون = فيــــه فيـــــــه فيــــــــه كلام تاااااانـــــــي. |
الهلال ماضيع الدوري و الكاس فقط الهلال ضيع هيبته !!!!!!!!!!!! لاعبين بدون روح وفريق بدون تكتيك انا كنت اول الداعمين لسامي بس معليش مصلحة الهلال اهم من الجميع |
سامي مع احترامي له كلاعب اسطورة ولكن الادارة قامت بإعطائه فرصة ليتعلم التدريب في هلالنا وهو لا يملك اي خبرة تدريبية وهلالنا ليس حقل تجارب فليذهب سامي الى الفئات السنية او احد اندية ركاء ليتعلم التدريب هناك |
سامي تم دعمه اعلاميا وجماهيريا واداريا حتى الادارة قامت بجلب لاعبين لدعم سامي وعناصر مميزة مثل الشمراني ونيفيز والمدافع البرازيلي وسعود كريري هذه العناصر لو جات ايام جيريتس او كوزمين لحققنا اسيا بكل جدارة واستحقاق |
(( الرد مكرر لكن بحاول اوصله لأكبر قدر ممكن لجمهور الهلال )) يـ جمهور الهلال بتكلم موضوع سامي الجابر و الفريق فيه بشكل عام وبقدر المستطاع بأختصار نجي لموضوع سامي الجابر : اول شيء صحيح وكلنا نعرف ان سامي الجابر الى الان ما بينت لمساته وفلسفته على الفريق بشكل واضح ومؤثر لكن قبل كل شيء نقيس ظروف سامي مع انجازاته وقتها بنطلع بمحصله تجعلنا نفكر بـ الصبر على سامي او الاستغناء عنه نجي لظروف الفريق وسامي : - سامي استلم الفريق بعد مرور اكثر من مدرب و الفريق كان سيء - بالنسبة لسامي اول سنة تدريبية له - نزول مستويات بعض الاعبين في الفريق - مشكلة الحراسة وبعض المراكز الاخرى صراحة الي عانى منها الهلال هذا الموسم - بشكل عام صعب على اي مدرب في العالم ينجح من اول موسم ويقدم مستويات ويضع لمساته على الفريق وخاصة في حالة مثل سامي الجابر - الغضط العالي عليه من الجمهور خاصة جمهور مثل الهلال متعود على بطولات صعب يرضيهم من اول موسم خاصة اذا مافيه توفيق نجي للمستوى سامي في اول موسم مع الهلال في البطولات وكـ اول سنة تدريب له : - نافس على بطولة الدوري ( شيء معتاد الهلال ينافس ويأخذ البطولة لكن جهاز فني جديد يعتبر مستوى جيد ) - وصل نهائي كأس ولي العهد ( طبيعي بطولة الهلال المفضلة وبطلها الدائم ) لكن نفس النظام جهاز فني جديد و اول سنة تعتبر انجاز وحتى لو خسرها اول سنة نصبر عليه - تعاقدات ممتازة وكانت ضرورية للفريق باقي للهلال بطولتين : - بطولة كأس الملك - بطولة كأس اسيا طبعا الحين بتكلم عن مستوى الفريق و الاعبين : لا يخفى على الجميع ان الهلال عانى الموسم هذا من بعض المراكز كثير غير نزول مستويات بعض الاعبين وعدم وجود البديل الجهاز او الجيد في بعض الخانات وهذي ايضا سببت بعض الضعف ومشاكل في الهلال الهلال قادر يوفر كل شيء مع شويت تعديل يتحسن الفريق ايضا تكتيك سامي لازم يتعدل وكل مدرب يكون له اكثر من خطه و اكثر من تكتيك انا الي شفته في سامي من بداية الدوري خطتين واخطأ كثير في التكتيك وايضا اللعب بدون روح من الاعبين على العموم الحين تقريبا الدوري شبه انتهى لصالح النصر لكن لا مانع ان الهلال يقاتل لاخر لحظه لكن نقدر نقول شبه انتهى لصالح النصر وبطولة كأس ولي العهد ايضا انتهت باقي بطولتين قادر سامي ان شاء الله يقدم فيه شيء وبأذن الله نطلع من هذا الموسم ببطولة ترضينا كـ جمهور وترضي الاعبين و الجهاز الفني كـ بداية انا اشخصيا ضد اقالة مدرب من اول موسم وما اخذ كامل فرصته ايضا لا ننسى ان سامي قالها (( انا ما اوعد الجمهور ببطولة من اول موسم )) ايضا ترى لو نلاحظ الضغط الي حاصل ترى عشان النصر رجع وحقق بطولتين ولو نلاحظ شيئين موجود في موضوع النصر اول شيء ان السنة الي راحت بنفس المدرب النصر طلع بدون بطولة والموسم هذا نشوف النصر يوصل مع كارينو للنهائي ويأخذ الكأس وبيأخذ الدوري تقريبا ( ادارة دعمة المدرب + الاستقرار + جمهور + لاعبين = بطولات ) ايضا نجي للشيء الثاني اجزم ان بعض الجمهور زعلان على الفريق عشان بس النصر رجع وكأن هذا شيء مؤثر بس على فكر نادي النصر يعتبر نادي قوي في السعودية طبيعي تجيه فترات بينافس على البطولات وبيأخذ بطولات لكن ان شاء الله هلالنا في البطولات الباقي و الموسم القادم غير بس نبي نطبق ( ادارة داعمه + جمهور + لاعبين ) وان شاء الله نشوف البطولات اضافة : فيه حل اخر ان سامي يحول الى الفئات السنية ويتدرج الى الفريق الاول ويكتسب الخبرة الكافية في التدريب ولا مانع من هذا الامر ( نشوف مدربين عالمين حصل هذا الامر معهم امثال مورينهو و قوارديولا ) |
سامي مبدع ورجل يعمل اول سنة تدريب ويلعب على نهائي وينافس على الدوري للاسف نحن كهلاليين دائما نريد الانتصار فقط الكره فوز وخساره والكوتش يقدم اداء مميز لكن التوفيق بيد الله معك ياسامي فانت الافضل حتى الان |
اعطو سامي الفرصه الكامله وقد يصبح اعظم مدرب سعودي وعربي</STRONG> شكلك تنكت مو وقت التنكيت ترى طا قة اكبدنا سامي ما يعرف التدريب نبيه يروح يتكي بالملحق وبس |
| الوقت المعتمد في المنتدى بتوقيت جرينتش +3.
الوقت الان » 08:20 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd