|
بعدين اذا بتقارن بكارينيو ترا كارينيو مسك ال!ناادي بنص الموسم وضبطه ضبط ماخسر ولا مباراه من جاء الا مباراتين بكاس الملك قدام الاهلي |
انا مع بقاء المدرب سواء سامي او غيرة المدرب يجب ان يتأقلم مع الفريق موسمين ع الاقل كيف سامي يكشف اخطاء الفريق في نصف موسم باقي في الموسم كاس الابطال + اسيا + والله لن اطبل لسامي على حساب الكيان ولو مدرب غيره لا قلت نفس الكلام |
(( الرد مكرر لكن بحاول اوصله لأكبر قدر ممكن لجمهور الهلال )) يـ جمهور الهلال بتكلم موضوع سامي الجابر و الفريق فيه بشكل عام وبقدر المستطاع بأختصار نجي لموضوع سامي الجابر : اول شيء صحيح وكلنا نعرف ان سامي الجابر الى الان ما بينت لمساته وفلسفته على الفريق بشكل واضح ومؤثر لكن قبل كل شيء نقيس ظروف سامي مع انجازاته وقتها بنطلع بمحصله تجعلنا نفكر بـ الصبر على سامي او الاستغناء عنه نجي لظروف الفريق وسامي : - سامي استلم الفريق بعد مرور اكثر من مدرب و الفريق كان سيء - بالنسبة لسامي اول سنة تدريبية له - نزول مستويات بعض الاعبين في الفريق - مشكلة الحراسة وبعض المراكز الاخرى صراحة الي عانى منها الهلال هذا الموسم - بشكل عام صعب على اي مدرب في العالم ينجح من اول موسم ويقدم مستويات ويضع لمساته على الفريق وخاصة في حالة مثل سامي الجابر - الغضط العالي عليه من الجمهور خاصة جمهور مثل الهلال متعود على بطولات صعب يرضيهم من اول موسم خاصة اذا مافيه توفيق نجي للمستوى سامي في اول موسم مع الهلال في البطولات وكـ اول سنة تدريب له : - نافس على بطولة الدوري ( شيء معتاد الهلال ينافس ويأخذ البطولة لكن جهاز فني جديد يعتبر مستوى جيد ) - وصل نهائي كأس ولي العهد ( طبيعي بطولة الهلال المفضلة وبطلها الدائم ) لكن نفس النظام جهاز فني جديد و اول سنة تعتبر انجاز وحتى لو خسرها اول سنة نصبر عليه - تعاقدات ممتازة وكانت ضرورية للفريق باقي للهلال بطولتين : - بطولة كأس الملك - بطولة كأس اسيا طبعا الحين بتكلم عن مستوى الفريق و الاعبين : لا يخفى على الجميع ان الهلال عانى الموسم هذا من بعض المراكز كثير غير نزول مستويات بعض الاعبين وعدم وجود البديل الجهاز او الجيد في بعض الخانات وهذي ايضا سببت بعض الضعف ومشاكل في الهلال الهلال قادر يوفر كل شيء مع شويت تعديل يتحسن الفريق ايضا تكتيك سامي لازم يتعدل وكل مدرب يكون له اكثر من خطه و اكثر من تكتيك انا الي شفته في سامي من بداية الدوري خطتين واخطأ كثير في التكتيك وايضا اللعب بدون روح من الاعبين على العموم الحين تقريبا الدوري شبه انتهى لصالح النصر لكن لا مانع ان الهلال يقاتل لاخر لحظه لكن نقدر نقول شبه انتهى لصالح النصر وبطولة كأس ولي العهد ايضا انتهت باقي بطولتين قادر سامي ان شاء الله يقدم فيه شيء وبأذن الله نطلع من هذا الموسم ببطولة ترضينا كـ جمهور وترضي الاعبين و الجهاز الفني كـ بداية انا اشخصيا ضد اقالة مدرب من اول موسم وما اخذ كامل فرصته ايضا لا ننسى ان سامي قالها (( انا ما اوعد الجمهور ببطولة من اول موسم )) ايضا ترى لو نلاحظ الضغط الي حاصل ترى عشان النصر رجع وحقق بطولتين ولو نلاحظ شيئين موجود في موضوع النصر اول شيء ان السنة الي راحت بنفس المدرب النصر طلع بدون بطولة والموسم هذا نشوف النصر يوصل مع كارينو للنهائي ويأخذ الكأس وبيأخذ الدوري تقريبا ( ادارة دعمة المدرب + الاستقرار + جمهور + لاعبين = بطولات ) ايضا نجي للشيء الثاني اجزم ان بعض الجمهور زعلان على الفريق عشان بس النصر رجع وكأن هذا شيء مؤثر بس على فكر نادي النصر يعتبر نادي قوي في السعودية طبيعي تجيه فترات بينافس على البطولات وبيأخذ بطولات لكن ان شاء الله هلالنا في البطولات الباقي و الموسم القادم غير بس نبي نطبق ( ادارة داعمه + جمهور + لاعبين ) وان شاء الله نشوف البطولات اضافة : فيه حل اخر ان سامي يحول الى الفئات السنية ويتدرج الى الفريق الاول ويكتسب الخبرة الكافية في التدريب ولا مانع من هذا الامر ( نشوف مدربين عالمين حصل هذا الامر معهم امثال مورينهو و قوارديولا ) |
كارينو هو نفسه كارينو العام الماضي ماتطور ولايحزنون كل ما في الامر أن الفقر استغل هذه السنة تدهور الاندية الكبار فهل الاهلي والاتحاد والشباب والهلال في قمة مستوياتهم الاتحاد تدهور بسبب كبر سن لاعبيه واعتزالهم بلا بديل الاهلي دهوره مدربهم وقضى على مراكز القوى فيه بابعاد سوزا الفنان وفيكتور المرعب الشباب يبدو أن الداعم تخلى عنه وشف مهاجميه مهند وعيسى!!! الهلال تدهور بسبب متدرب لاخبرة له ولاعبين يطبقون ماتعلموه في الحواري الفريق الذي لم ينزل مستواه هو الفقر الذي استغل كل تلك المؤثرات وبمساعدة التحكيم في كم مباراة!!!! |
بالنسبة لي كارينوا مدرب عادي . تفوق لضعف الهلال والاتحاد . ودعم الحكام . الفتح حقق الدوري بدعم الحكام |
كلامك سليم لكن يمكن ان يكون سامي مساعد مدرب مايمنع ويتعلم من مدرب افضل منه من ثم يتعين مدرب لكن كما قال البعض سامي نسى خطوة التدرج الوظيفي |
الحين تقارن سامي بكارينهو بمشيها اما سامي بفيرجسون هههههههههههههههههه شر المطبلين مايضحك |
اعتقد النصر ليس كارينيو النصر يتمثل في حارسهم العنزي فقط الله يذكرك بالخير يالاخطبوط يكفيك من ثقل وزنه حتى لو جاء عليه هدف ماكنا نغضب كما هو حاصل الان لاننا نعرف كم اسعدنا الاسطورة موضوع رائع وجميل والصبر مفتاح الفرج لابد ان نصبر علئ سامي |
في البداية احب اهنيك على العقلية الناضجة .. حيث اخترت من تقاران به وكان اختيار موفق ميه بالميه كلامك جداً سليم في صمام الصميم .. الصبر اقوى الاسلحة لنحلق جميعاً في السحب الزرقاء .. سامي شخصية تحمل فكر عالي طموحة مغامرة تعشق التحدي والفشل لامكان له في قاموسه .. ومهمى تحدثت عن السام 9 لن اوفي له .. كل فريق يمر على أزمات متفاوته في مستوياتها مختلفه في مدتها .. الهلال بطل فريق خلفه رجال لا يقبل غير الذهب .. ان غاب في عام رجع في اعوام .. انه يمرض ولكن لا يموت ابداً .. الخلل بسيط جداً .. مهما حاول البعض التقليل من سامي او بعض الاعبين او حتى الإدارة او تضخيم الامور وهي في الواقع بسيطه جداً .. فـ السقوط في قاموس الكبار هو بداية وليست نهاية .. والنادي الكبير اللي لما يسقط سريع يعود وهذا ما يعمله نادي الهلال .. فقط يحتاج دعمكم انتم الرقم الصعب في الخساراة قبل الأخفاق وفي الاخفاق قبل الأنتصار .. انتصار وحيد بإذن الله ويعود الهلال إلى ثقافة الانتصارات والعودة للمنصات .. صاحب الموضوع :- قدمت سلعة غالية الثمن لما تحتويه من محتوى راقي .. اشكرك وبإنتظار جديدك الشيق :rose: . |
إقتباس:
صح يا سلام عليك..... اللي غير النصر كارينيو عجبني كلامك . بس مدري ليش تناسيت المحترفين الاقوياء : مرعي العواجي / الهويش / وحكم ابو 6 دقايق وقت ضايع مايحضرني أسمه. هذول يد بيد مع كارينيو أتحدوا :ap::ap: وساعدهم إختطاف لجنة المنشطات من قبل جماعه إرهابيه ..الله يفك أسرهم . عرفت اللحين مين رجع النصر للبطولات وخلاهم يفوزون 30 مباراه .؟؟؟!!!!! |
سامي مدرب فاااااااشل جدا استمراره كااااارثة للهلال ,,,,,,,,, |
مدرب النصر اتاء اتوقع في منتصف الدوري السنه الي راحت وغير مستواه ومستوى ملحوظ مايجوز تقلل من شأنه بصراحه المدرب والله بطل ومن اول ماجاء والله اشوفه كفو وعارف انه بيغير النصر وصل النصر النهائي وكان النصر قوي في مباراتنا السنه الي راحت وسامي اعتبره كويس كا اول سنه لكن مايقارن بلمدربين الخبره لحد الان لكن نصبر عليه وش علينا كل سنه ومحققين بطوله هسنه خلوها تمشي لعيون سامي والسنه الجايه عاد نشوف اذا كويس ياسلام ماهو كويس الله يستر عليه |
التغيير في هذا الوقت مهو في محله اهم شئ الاستقرار اي مدرب راح يجي يبي له موسم كامل حتى يعرف الاجواء ويتعرف على قدرات اللاعبين اذا عندكم مطالب رجاءًا خلوها اخر الموسم |
تقارن مدرب لايعرف اي شي عن الكرة السعودية بسامي الذي يعرف كل صغيرة وكبيرة لازم تفهمون يا جماهير سامي وياسر ان هذا عصر احتراف يعني كل نجم يبحث عن مصلحته ولو مافيه ملايين ما شفتوهم يكفي غباء الله يرحم والديكم اليوم سامي اسمه مدرب الهلال فقط وياخذ راتب على عمله هذا اذا كان سامي يحب الهلال فعلا عليه ان يقدم مصلحة النادي على مصلحته الشخصية يكفي غبااااااااااااء |
كارينيو يالطيب جا نص الموسم ولعب الفريق نهائي ولي العهد ورفع من ترتيبه في الدوري يظاهر نهاية الهلال علئ يد سامي |
| الوقت المعتمد في المنتدى بتوقيت جرينتش +3.
الوقت الان » 12:26 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd