بدون مجامله ( سامي ، ياسر القحطاني ، الدوسري ، أسيا ) ..
 

بسم الله الرحمن الرحيم ..

أول شي هارد لك على الخساره وإن شاء الله نعوضها ..

حقيقه كان النصر أفضل بكثير من الهلال ..

هل من المعقول فريق كبير مثل الهلال يعتمد على نيفيز واذا حاصر لاعبين الفريق المنافس نيفيز (يختفي الهلال ) ..

النصر سواها معنا بالدور الاول في الدوري ونجحت معهم وفي النهائي كررها وفاز بالبطوله ..

لاعبين الهلال في المباره بعد تغطية لاعبين النصر على نيفيز وعدم قدرتهم على إيصال الكوره له أصبحوا ضائعين

ولم يجدوا الا سالم الدوسري يوصلون له الكوره اللذي يستخدم مهارته الفرديه ويواجه لاعبين من النصر وتنقطع الكوره

وترجع مرتده على المرمى الهلالي ..


سامي : كلنا نحبك كهلاليين ووقفنا معك وشجعناك من أول ما اصبحت مدرب ..

بس معقوله ما تستفيد من أخطائك مع النصر في الدوري وتحاول تصححها .. كلنا نعرف ان كارينيو

بيفرض مراقبه لصيقه على نيفيز وين الحلول البديله ، حتى الهجمات الخطيره للهلال على النصر اجتهاد لاعبين فقط ..

بتكلم عن بعض اللاعبين :

نواف العابد : مستواه منخفض جدا بعد توقيع العقد .. أتمنى الاداره وسامي يجلسون معه ويضعون حل .

عبد العزيز الدوسري : إلى الآن لم يقدم المستوى المأمول منه بعد عودته من الاصابه .. يكتفي بإستلام الكوره والتسليم فقط ..

والغريب تسمع إن الاداره تفاوضه بـ 9 مليون وهو إلى الان لم يقدم شي للهلال ..

ياسر القحطاني : اللاعب المحبوب عندنا كهلاليين .. لكن الصراحه لم يعد ياسر كما كان في 2007 ..

بيجيني واحد ويقولي إنت مندس .. وبيقولي ياسر قائد الفريق ولاعب تكتيكي ..

كيف يكون تكتيكي وهو بس واقف بالملعب ودايم يعطي المرمى ظهره والشي الوحيد اللي يسويه يناول كعب ..

ياسر اللي نعرفه دايم يبادر يواجه المرمى ، حتى المدافعين يخافون منه ..

والله مافيه جمهور بالسعوديه صبر على لاعب ، مثل جمهور الهلال على ياسر ..

كل موسم نقول ياسر بيعود .. ولكن للأسف كل موسم أسوأ ..

سالم الدوسري : لاعب قوة ضاربه بالهلال لكن للأسف الهلال مو مستفيد منه .. مشكلته الفرديه الزائده

ودقة التصويب على المرمى ..

ياسر الشهراني : أخطاء قاتله جدا من ياسر في كل مباره ومستوى ضعيف .. ياسر من أكثر اللاعبين اللذين شاركوا

مع الهلال ولم ينقطعوا عن المباريات وتغيير مركزه ايضا أثر على مستواه .. أتمنى سامي يريحه في بعض المباريات ويضعه

في مركزه الاصلي الظهير الايسر ..


* ما أتمناه :

1- أن يتأهل الهلال من مجموعته الاسيويه الصعبه ويتأهل ..
ونستعد جيدا لأسيا بعد انتهاء هذا الموسم ..

2- الإستغناء عن كاستيلو ..( لاعب ثقيل جدا وغير مستفيد منه الهلال )و التعاقد مع عبد العزيز الجبرين
بجانب كريري وتصعيد اللاعب عبد الله عطيف من الاولمبي ..



3- الإستغناء عن اللاعب الكوري وجلب مدافع محلي ويكون بديل للاعب اللذي يقدم مستويات رائعه سلطان الدعيع ..

4 - جلب ظهير أيمن ( حسن معاذ ) و وضع ياسر الشهراني في الظهير الايسر ..

5 - التعاقد مع مهاجم أجنبي مثل ؛ جيان وفيكتور سيموس ،لاعبين لا يرحمون أمام المرمى ..

6 - التعاقد مع لاعب اسيوي بجانب نيفيز في الوسط يساعده مثل عمر عبد الرحمن أو اللاعب الكوري لاعب خط الوسط مع لخويا ..

__________

الإتحاد 2009 هجومه : هشام ابو شروان وامين الشرميطي ولوسيانو ونايف هزازي ..

الاهلي وصل نهائي اسيا هجومه : عماد الحوسني وفيكتور سيموس ..

جوانزو : كل اللاعبين الاجانب في خط الهجوم والوسط ..

كل هذي الفرق اعتمدت على خط هجوم قوي في دوري ابطال اسيا ووصلت إلى النهائي ..

اذا الهلال يريد البطوله عليه ان يكون هجومه قوي ..


في الاخير :

أنا مشجع هلالي وعاشق له ..أتمنى أن يكون هلالي في أحسن أحواله ولا أنتقده الا لأني اعشق هذا الكيان .. :smilie47:


"أن أصبت فمن الله وأن أخطأت فمن نفسي والشيطآن " :rose:

بالتوفيق للهلال غدا أمام الشباب ..

نقطة اتفق معاك فيها اووووت كاستيلووو و جلب الجبرين مع كريري قبل لا يطير

أسعدني مرورك .. بالفعل كاستيلو يجب فسخ عقده :rose: :alzaeem:

,وانا ايضا
اتفق تسريح
كاستيلوا
وجلب الجبرين
وايضا الاظهره
في الزعيم
لايستفاد منها
نريد
حسن معاد على الاقل

اتفق معك في كل نقطه ياعزيزي..
احب ان اضيف ان خطة 442 في وجود هذا الهجوم لاتصلح..
ياسر والسالم حقيقتا لا اعلم ماهو سر ابقائهم حتى الآن اضافة الى كاستيلو في المحور..
اين هو غضب الهلال..!
الاسد عندما يغضب لاينام..

عين الصقر وأليس كذلك .. اسعدني مروركم كثيرا .. :alzaeem:

عين الصقر وأليس كذلك .. أسعدني مروركم ..

كلام سليم

تتوقع في احد يسمعك؟؟؟؟؟؟؟؟


كل التوفيق للهلال

شاكر لك مرورك حنين مكه .. متفائل بتصحيح الاخطاء الايام القادمه:ba:

ياسر القحطاني لاعب منهي للهجمه واللي وراه ياساتر مايعطونه كوره من زمان وهو على هالمنوال لاوسط يصنع كور ولا اظهره وين تبغاه يتالق ويسجل ......
اللاعبين في الوسط يلعبون كور ون تو وتنقطع كورهم وهم اكثر اللاعبين اخطاء لكن الخطأ في الوسط يصلح من لاعب اخر ومستوياتهم تنحدر لكن لايشعر بذلك احد
اما ياسر قدام ايش يسوي اذا ماتصله كوره صح الكور التي يحصلها دربكه او مرتده من حارس او خطا مدافع اما باص هدف مايمكن يحصله من هالانانيه بالفريق الذين اتمنى ان تتعامل معهم الاداره بحزم لكن ماظنتي

يعني لازم تجيه الكورة علشان يسجل !!

وين التحركات وين فتح المساحات
وين مشاكسة المدافعين وين
ياسر 2007 !!!!

أخي العزيز كلامك صحيح جملة و تفصيلاً

ولكن الغريب ان يهبط مستوى اكثر من نصف لاعبي الفريق فهذا امر غريب جدا
والمشكلة ليست من اللاعبين بقدر ماتكون فنيه او اداريه او شرفيه

للاسف خلاص ياسر عاله عالفريق
بطيييييئ

ان شاء الله يرجعون لمستوياتهم و اكثر بعد بس ادعموهم