دائما كرة القدم تحتاج للاعب سريع ..لاعب ذو حركة دؤوبة ..دائما حاضر بذهنه ..وجريء دائما ..لن نجد في الهلال مثل سالم به هذه الميزات ..وبعده النجم نواف العابد ... سالم قلب الهلال النابض ..يتحمل المسئول في اي مباراة كانت ..بطولة او غير بطولة ..تجده دائما متحمل لمسئوليه الفريق وشايل الفريق على راسه ويركض اميالا دفاعا وهجوما ..ولهذا انا احب هذا اللاعب وكل من فيه تلك الصفات اللي مثل هذي ..
لكن مع كل هذه المزايا الرائعه فيه كما قلت لكم ..الا ان سالم تنقطع منه كرات عديده وتضيع منه فرص كثيره ..فلو عددتم كم انقطعت منه كره او كم مرر كره خاطئه ..لقلتم هو يتحمل اكبر اسباب هزائم الهلال ...
سالم يتحرك صح ويمكن هو افضل لاعب يتحرك بعد نفيز لكن المشكله الكوره كيف تطلع من قدمه ؟؟؟
سالم نتامل من خير وهو بأذن الله قادم ويتطور شيئاً فشيئاً ..لكن في هذا الموسم يمر بحالة ضعيفه جدا في المستوى
سالم احبه لميزاته التي ذكرتها اعلاه ... لكنه يجب ان يطور نفسه بشكل مكثف ...وينسى طلعات الزملاء والسهر ..لانه يشتته .. يمكن يتواصل مع زملاءه يومين فقط في الاسبوع وبوقت غير طويل ايضا ..وياليت يقول او يطلب من ادارة نادي الهلال ان يوفر له مطور قدرات كيف يتصرف والكره في الطرف كيف يرفع الكره بشكل آمن ..كيف يخترق ..كيف يسدد .كيف يموه ..كيف يحجز اللاعب ..كيف يتجاوز من الطرف ..كيف يتجاوز من العمق ..كيف يلعب بأسلوب هادىء ..هذا اللي ناقص سالم


المهم المهم المهم
سالم هذه الفتره يعتبر للفريق ..مثل الفايرس للكمبيوتر ..والافضل العابد 2- عزوز 3- الفرج 4- الشلهوب
سالم قوي دفاعيا الآن فقط ...[[[[[[ والفرج افضل منه هجوميا الآن ]]]]]]] ...لاتستغربون اني قلت الفرج افضل منه هجوميا .. بس ابي ابينلكم حد مستوى سالم الحين ...عليكم بالمباريات عيدوها وشوفو واحسبو كم كره تضيع من سالم ....المسئلة ترى ماهي سهله تكتيكياً ؟؟؟؟؟؟ لانها تلغي مجهود فريق بالكامل...وقد ينهزم الفريق بسببها ...لان كل كوره ياخذها تنتهي بدون شيء ... ياتنقطع ياتطلع للاوت ياتطلع ضربة مرمى ....كيف يسجل الهلال اجل ؟
يمكن اقدر اوصفلكم مستوى سالم اللحين وليعذرني سالم ويعذرني الجماهير على اللفظ ..." تخبيص "
لكن مع ذلك والله اني اتأمل في هاللاعب كل خير اذا طور مستواه ..لانه روح الفريق التي لاتهدأ ....

سالم يعتبر من افضل لاعبي الهلال لكن حاليا مستواه في هبوط

اتمنى من سامي يبعد كل لاعب ما يقدم مستوى ويجيب له منافس من الاولمبي عشان يعرف ان الخانه مو ملك له ويشد حيله

اما لاعب ضامن انه اساسي ليش يلعب ويتعب نفسه واشوف ان خالد كعبي بديل ممتاز جدا كذلك الشهراني ضامن خانته ويجب الضغط عليه بالبريك

والله عندنا فريق بطل في الاولمبي انا عني ما احب اضيع مبارياتهم فريق ممتع والمدرب له دور في ذلك اتمنى يكون مساعد لسامي

يعطيك العافيه

سالم يعتبر من افضل لاعبي الهلال لكن حاليا مستواه في هبوط

هـاردلگ خسارة البطولة وليست نهـاية المطاف وبقي لنا الكثير وان شاء الله هـلالنا يسعد جماهـيرنا الوفية في قادم الايام .

مشكلة سالم الدوسري هي :

عدم رفع الرأس أثناء الاستلام والتسليم , وهذه النقطة مهمة للغاية في عالم كورة القدم .

التسرع الزائد وعدم التركيز في بناء الهجمة بعد استلام سالم الدوسري بالإضافة إلى ياسر

الشهراني الكورة دائما مردودها سيء وعكسي على الفريق !

في اعتقادي بأن سالم الدوسري على السرعة والمهارة التي يتمتع بها لو كان في ( شوية ذكاء )

لكان أفضل لاعب في العالم العربي والآسيوي .

مشكلة الدفاع الحمدلله انتهت بس احس الآن مشاكل في

خانات ثانيه بدأت الله يستر في المباريات القادمه يبغالهم شوية تركيز وبعدعن الأنانيه

وأن شاء الله تتضبط أمورهم

مشكلة سالم إنه يسرع وما يدري وش يسوي وأناني في كور كثيرة وإن شاء الله يضبط
يعطيك العافية

الجماهير هيا اكبر خطر على الهلال فكل يوم ينزلون على لاعب وهات تحطيم وتكسير لا وتبغون الاعبين يتحمسون ويلعبون بقتاليه ليه من اجل جمهور فوز ولا من اجل ينسب بعد 3 ايام في المباره القادمه يجب ان تذوق الجماهير المر والحزن بعدها أي لاعب في الهلال بصير عندكم ميسي كما يفعل جمهور الجار اليوم يفرحون حتى في الصداره وكأنها بطوله وانتم تنافسون على جميع البطولات وكل سنه الهلال ثابت والانديه تتغير ومانفع معكم . انتم السبب في الضغط على الاداره والمدرب والاعبين فهم يلعبون وكأنهم اول مره يلعبون على بطوله هل شاهدتم كيف يرتبكون عند استلام الكوره والتمرير الخاطئ لماذا كله بسبب الخوف من الجماهير . الفريق الذي له 40 سنه ما اخذ الكاس يلعب مرتاح لان جماهيره وادارته متعودين على الهزائم لذا لعب مرتاحين جت خير وبركه واذا ماجت ليسى المره الاولى وعندهم اعذار جاهزه واعلام يغطي لهم الفضائح

يجب عليت توير نفسه و لا هو لاعب خطير

مافيه لاعب ما عنده نقطة ضعف أو عيوب ، اللاعب مطلوب منه التركيز على الجوانب اللي يتقنها واللي يتميز فيها وتوظيف امكانياتة لخدمة الفريق داخل الملعب ، وهذا الشي يتحقق عند توفر الظروف المساعدة على ذلك ومنها :
١- التوظيف الصحيح داخل الملعب من قبل المدرب
٢- تركيز اللاعب داخل وخارج الملعب ذهنيا
٣- الانتظام في التمارين و الالتزام بنمط حياة مناسب للمحترف الرياضي
٤- الدعم من قبل اللاعبين الآخرين فنيا داخل الملعب و معنويا خارج الملعب
٥- دعم الجمهور

سالم الدوسري لي نظره خاصه في هذا اللاعب هو لاعب مميز امكانيات هائله واكن للاسف فكره فكر لاعب حواري

كان من المفترض على المدربين الذين مرو على الهلال ان لا يستعجلو على سالم وان يبدا يتعلم من الدكه

- بكل صرآحه اللي خآيف منهه في المستقبل هي خروج سآلم او العآبد او الفرج او حتى عزووز من الهلآل , نحن الآن في زمن الأحترآف معنآتهآ زمن العقود العآليه والفلوس , خوفي يجي عرض لأحد منهم ويقبله بعد تطفيشهم من قبل اي شي في الهلآل , يمكن البعض يستغرب من كلآمي , بس هم ابنآئنآ احنآ لآزم نوقف معهم ونسآدهم اكثر من الأجآنب حتى , ويجب من الأدآره والمدرب ان يوقفون معهم وتوصيتهم , فهم في بدآيه مشوآرهم تقريبآ ف يجب المحآفظه عليهم

شكراً لك يازعيم على موضوعك المنصف .

ماشاء الله لا قوة الا بالله على هاللاعب الصغير سالم الدوسري ، العملاق بادائه الجبار ، ماكينه المانيه ماشاء الله عليه ، وحركه دؤوبه طوال المباريات حتى النهائي كان رائع جداً لأخر دقيقه ، الله يوفقه ويحفظه من شر الاصابات يارب .

ولا تنسون هو من صنع هدف التقدم الهلالي في النهائي للزلزال ناصر ^_^

أتوقع سالم من افضل لاعبي الهلال فقط ينقصه امام المرمى (تسديد الكره الأولى امام المرمى) الاحظ انه يحاول يعدي او يمرر في وقت يجب عليه فيه التسديد .....وشكرا

سالم يلعب وهو ضآمن الخآنه ، ماله بديل بنفس أمكآنيآته
اتمنى يستعين سآمي ف الكعبي والعمار من الأولمبي
التنآفس ع الخآنه ضروري














الله يوفق الزعيم الملكي









،،