|
لو سلطان الدعيع ماسجلها في مرماه تدرون وش بيصير ؟ السلام عليكم ورحمه الله أولاً أنا شخص حضرت من الشرقية للرياض لحضور النهائي ولا أتفضل على الهلال لكن هذا واجب مثل ماحضرت له اكثر من مره :smilie47: في المباراة هجمات النصر " بعد هدف الهلال " كانت عشوائية وكان سلطان الدعيع وديجاو في الموعد .. النصر يفتقد التكتيك والدليل / يبحثون عن الفاولات فقط وضربها بالراس .. الفاول اللي جاء منه الهدف هديه من سلطان الدعيع وضعت النصر في موقف مريح أفضل من الأرتباك اللي واضح عليهم !! " لو " لم يسجلها سلطان الدعيع في مرماه وأنتهى الشوط الاول بـ تقدم الهلال !! راح يدخل الشوط الثاني النصر وهو في ظغط قوي والهلال حذر وبإمكانه يسجل الثاني .. سامي الجابر لا يتحمل الخساره ولا يتحمل أي شئ في المباراة وهذي وجهة نظري ..خطأ من سلطان الدعيع أعاد التوازن للنصر .. وتمثيلية منهم كالعادة .. صحيح الهلال لم يقدم كل ما لديه لكن هدف سلطان الدعيع لخبط اوراق كثيره واعاد التوازن للنصر .. والله العظيم اللي يفتح عقله شوي ويشوف كيف فاز علينا النصر في الدوري وفي النهائي . راح يعرف إنه ليس بمجهودهم والدليل / الدور الاول / خطا من المسلم + طلعه السديري الدور الثاني / سلطان الدعيع في مرماه + تمثيل في الأخير الهلال ثابت والبقية متحركون . وأثق في سامي الجابر حد الكبرياء .. واتركوا العاطفة على جنب ووقفوا مع ابو عبدالله هالفترة تحياتي لكم |
والله انا شفت الفريق حقنا ضايع في الملعب والأنانية كانت هي العنوان الأبرز في اداء اللاعبين |
لو ... ما عاد تنفع تفكيرنا بالمباريات القادمة تحياتي لك |
هارد للزعماء غلطة الكابتن سلطان الدعيع غير مقصوده ومفاجئه جدا والكل توقعها هدف يشكر علي جهده في المباره امامه مستقبل كبير ينتظره الهلال قدم مستوي كبير وصل النهائي ركلة جزاء مشكوك في صحتها + غلطة مدافع اتمني الموسم القادم تطعيم الفريق ب باللاعبين الصغار عطيف وعبدالله الفاضل الهلال ولله الحمد لم يغيب عن البطولات عكس النصر الي يبحث عن مفتاح خزينة النادي الضائعه من عقد ونص |
حظ عيال الدعيع مع النصر غريب بدرالدعيع اهدى الاولمبي بلنتى خدع فيها الحكم واندفاع يدر الدعيع كان مبرر لاحتساب البلنتى الذي اعاد النصر للبطوله الاولمبيه ببلنتى مشكوك فيه والان سلطان اراد ان يقلد اسامه هوساوي في تسجيل الاهداف الحاسمه في مرماه وجاب العيد في الفريق وفي المدرب وكمل الناقص الحكم الفلته ال ( مدري والله وش ديرته المهم انها ديره ماتعرف في كرة القدم ) لكن بحنكة لجنة التحكيم تم اختيار الحكم وكمل الناقص بضربة جزاء لايحتسبها شخص زاول كرة قدم الملاحظ كل انتصارات النصر على الهلال لابد من ضربة جزاء خذ اخر اربع لقائات الفوز بضربة جزاء اين الخلل هل هو في اندفاع لاعبي الهلال ام في التحكيم ام هناك امر اخر لانعرفه عن ضربات الجزاء النصراويه اكبر مشاكل الهلال في الاظهره التى تترك الدفاع وتتسمر في الهجوم ووسط يسابق المهاجمين في محاولة التسجيل والانانيه لمصالح شخصيه وتكاسل بعض اللاعبين في اداء الواجب في الملعب واخيرا ضعف الجهاز الطبي في تهيئة المصابين اصابة كواك واصابة الدوسري واصابة العابد ومعانات الغنام كلها مؤشرات تبحث عن تفسير لما يجري |
مباراة وراحت بخيرها وشرها وهذي ربي كاتبها لنا مافيها لو تابعوا بس الاولمبي متقدم بالسته ع الشعله والله انهم نجوم يبردون قلبك الله يوفقهم ويحققوق اللقب والله يستر لا يروح التحكيم ويهديهم هاللقب بعد يعطيك العافيه |
|
الجاي أفضل أن شاء الله ..s13s |
إقتباس:
ماجبت شي جديد وثاني شي الكورة اخطاء يعني تخطي يجي فيك هدف ماتخطي مايجي فيك هدف ومن وجهة نظري كنا نلعب ب10 لاعبين فقط نيفيز ضيعنا ضيعنا ضيعنا وماهو موجود هجمه جاته والباب فاضي قام يسحب لين ضاعت والهجمه الثانيه سحب الين وصل الباب وكان يقدر يصنعها لياسر او ناصر وتانن فيها والا يمدينا قلبنا النتيجه ي بابا وبقولك شي نيفيز 3المباريات الاخيرة ماقدم شي من مستواه المعهود واذا سامي الجابر لعبه قدام الشباب اعرف ان سامي يجامله ع حساب الهلال وشكرا |
اخوي وليد الهلال لا يوجد فيه ظهير ايمن منذو العام 2005م ! الشهراني يتم قتله بالظهير الأيمن الفرج يتم قتله بالظهير والمحور عزوز يتم قتله باعادته للوسط وصناعة اللعب ومساندة الاظهره ونحن نعرف جيدا مستوى الشهراني كظهير ايسر والفرج كوسط ايسر وعزوز كمهاجم ثاني . كريري افضل من كاستيلو صحيح يحتاج وقت للانسجام مع طريقة اللعب والتفاهم مع المدافعين ولاعبي الوسط ولكن هو افضل من كاستيلو والكارثه حينما يلعبان سويا. المطلوب / لايهمني الأساسي او البديل المهم المركز يستطيع اللاعب فيه تقديم نفسه إعادة الشهراني للظهير الايسر مع الزوري ومنح البريك فرصة اللعب بالظهير الأيمن او التعاقد مع لاعب هاو للظهير الأيمن ومستعد بتقديم أسماء لاعبين مميزين لهذا المركز أيضا إعادة الفرج للوسط الايسر مع العابد أيضا إعادة عزوز للعب كمهاجم ثاني منح عبدالكريم او عطيف فرصة اللعب كمحور ثاني في حال اللعب بمحورين لانهما يختلفان عن استايل لعب كريري وكاستيلو منح كعبي او العلي فرصة اللعب بالوسط الأيمن كبدلاء لسالم في حال غيابه وشكرا |
اللي قاهرني الحمله الشرسه على سامي وكأن فقد بطوله هو نهاية المطاف سامي اقسم بالله اشوف فيه فكر اوربي بس لا تقفون في صف اعداءه عطوه الفرصه كامله بعدين حاسبوه |
لو ما سجلها الدعيع كان سجلها لاعبي الفقر الدعيع تمركزه 100% وكان خلفه 3 لاعبين فقراوية انا مستغرب من التنظيم الدفاعي عناصريا الزعيم اكثر من الفقر بالنسبة لعدد اللاعبين المميزين بالراس والاطول من نظرائهم في الفقر معقولة يطلع محمد حسين ويضربها بسهولة !!! |
بالعكس انا اللي شفته انه الهلال بعد هدف الشمراني صار مرتبك والمفروض يكون اهدأ من كذا لهيك النصر سجل ولو الهلال لعب بثقة بعد الهدف الأول صدقوني ماكانت راح تنتهي النتيجة كذا بالأخير قدر الله وماشاء فعل.. السنة لسا ما انتهت وان شالله بإذن الله نفوز عليهم بالدور الثاني ونطلعهم من كاس الملك |
اتمني تجديد الثقة بالجابر أنا والله متفائل فية كثير وبالنسبة للدعيع مدافع له مسقبل كبير. وتراه اول موسم والجاياات اكثر وفدا راسك البطولة ياسلطان |
على الجماهير ان لا تختلق الاعذار للهزيمة فهذا يقودنا لهزايم قادمه فالاهم نسيان الخسارة والتركيز على القادم |
| الوقت المعتمد في المنتدى بتوقيت جرينتش +3.
الوقت الان » 06:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd