نادي الهلال السعودي - شبكة الزعيم - الموقع الرسمي - خبر مزعج لمن يتمنون رحيل سامي ادارة الهلال تجدد الثقه بالاسطورة سامي

لاحول ولا قوة الا بالله العلي العظيم
عظم الله اجركم يامشجعين الهلال على صبركم والله انه خبر يضيق منه الصدر

أقسم بالله العلي العظيم ان أستمرار سامي بتدريب الهلال يضر بشعبيتة في نفوس محبية

ووالله العظيم إن إفتقارة لقرائة المباريات والخبرة والدافع النفسي الحماسي للاعبين وآضح وضوح الشمس لكن مانقدر نتكلم بكل شيء

وبالنهاية ياسامي انت اللي راح تجني على نفسك وكل مشجع هلالي ماراح يذكر فترتك التدريبية بخير ولنا لقاء ياجماهير سامي عند نهاية الموسم ومن هالحين أقول لكم

بطولة الدوري بح .. كأس الملك حاول أنك تحلم فيه أفضل لك .. لأن الواقع صعب عليك

أما آسيا .. أتوقعها نتايجها مثل نتيجة الشارقة أو أكثر

وانا ما أجزم مية بالمية أن الهلال راح يخرج بدون بطولة ... يمكن تصير معجزة الله أعلم

لكن واضح والله ياناس أن الفريق منهار نفسياً تكتيكيا فنياً .. بالله عليكم كيف تمدحون سامي وهو كان متصدر الدوري والان فرق بينه وبين النصر 6 نقاط .. وفوق هذا تقولون مدرب ذكي ومستواه يتطور كل مباراة

وين المستوى المتطور ياناس أبي أعرف وش النقاط الإيجابيه اللي سواها سامي للهلال ..؟؟
يمكن الحسنة الوحيدة سلطان الدعيع شاب توه صغير ومايتحمل خطأة لقلة خبرتة .. بس يستحق نصبر علية
طيب وش غيرها ..؟

بالعكس والله أن الفريق من جرف لدحديرة

الحمدلله أن النصر هالموسم ضعيف وأقسم بالله العظيم أن النصر سيء ومدربة دلخ ... ولا كان صقع روسنا بخمسات وستات

نشوفكم بالنهاية يامحبين سامي هو مسيكين جاي بوجة المدفع بس للحين ماثار بوجهة

الحمدلله على كل حال والله يكتب الخير لزعيمنا

ملاحظة للمرضى النفسيين اللي ماعندهم غير كلمة مندس ومندس

.. أسأل الله أن يشل يديني الثنتين إذا كنت أشجع نادي غير نادي الهلال السعودي زعيم نصف الأرض