|
يا اخوان واحد يعلمنا ليش الكرات الثابتة والركنيات في الهلال سيئة السلام عليكم الكرات الثابتة في الاندية الاخرى خطيرة وتنفذ صح من ركنيات وفاولات وفي الهلال اسوء من السيئة الركنيات تحسنت تحسن طفيف مع نفيز لكن الكرات الثابته من منتصف الملعب سيئة جدا والكرات العرضية فاشلة ايش السبب !!!! الاظهرة الاخرى توصل الى الخط ووافر خطير والشهراني والزوري نصف ملعب الخصم اكثر الوقت ولا يقدرون يكملون!!! مصيبة اقسم بالله شي يرفع الضغط امس شايع يضم للوسط والغامدي يمشي الى الركنية هذه ما نشوفها في الهلال الا فيما ندر .!! .....ز |
لايوجد تدريب عليها واحتكار من قبل نيفيز لدرجة نسيان اللاعبين طريقة تنفيذها معقولة لاعبين محترفين لا يعرف واحد منهم يرفع صح لا يعقل لكن المشكلة عدم إعطائهم الفرصة جميع الفاولات والركنيات من مهمات نيفيز وهذا غير معقول |
موضوعع آتوجهه بتآج آلـآهميهه .. هذي آلموآضيع آلمهمهه .. مآهي زي آلبعض يآسر و سآميء آلذينآ جععلوآ منهم آعدآء ! على آلععموم موضوعك آلكل ملـآخظ هآلشيء و فريقنآ بآلنقطهه هذي سيء بل آنه آسوء من آلسيء يجب آلتدرب على آلـآوفرآت آلصحيحهه وآلركنيآإت يجب آن تنفذ بشكل قوي و دقيق ! آلـآضهرهه يجب آن يعطون دروس خصوصيهه بهذهه آلنقطهه هم و آلـآجنحهه كذآلك .. |
من فتره طويله وفريقنا يعاني من الاوفرات السيئه وهذي ترجع الى قدرة اللاعب ومهارته في تنفيذ الاوفر بالشكل المطلوب |
العرضيات مشكله ازليه حتى بالمنتخب .. وراح تتعالج بوجود كواك الكوري .. الشهراني تصدقون ماعمري شفته رفع اوفر او عرضيه سليمة .. مانختلف على امكانياته وصغر سنه لابد من توجيهه بالشكل السليم لكي نستفيد من امكانياته |
لو يتقن اللاعبون العرضيات سيكون عندك هجوم ناري , كل مهاجمينك ناصر و ياسر و السالم تخصص كرات هوائية .. والله ما شاء الله القدرة التهديفية للفريق ممتازة إذا ما علمنا أننا محرومين من العرضيات , ولما أقول عرضيات أعني كرات من ويلهامسون أو الدوخي !! |
انت شوف من يلعب العرضيات الزوري ولاعرضيه في حياته سجل منها مهاجم كلها ضعيفه وغلط والشهراني نفس الشي شوف عرضيات اظهرة النصر خطره التدريب ثم التدريب |
هذه مع الاسف معضله يعاني منها الهلال من اكثر من ثلاث سنوات والى الان لم يوجد لها حل لابد من تكثيف التمارين وجلب لاعبي اظهره ماهرين اتمنى اعطاء لاعبي الاولمبي فرصه |
الله يعطيكم العافية اذن هي مشكلة ملاحظة من الجميع كييييييف تغفل عن سامي والمساعدين وكلها تدريبات في التمارين ووتحسن ان شاءالله |
موضوع جميل جدا بالنسبة للكرات العرضية اشوف فيه استعجال من ياسر الشهراني بالذات وعدم تركيز وايضا محاولة تخليص الكورة باي طريقة ! بدون تركيز اجزم لو كل العرضيات ترسل للهجوم بشكل ممتاز بتكون كلها خطيرة على مرمى الخصم ثانيا الزوري لاعب مادري ليش كذا ( برود بغير وقته ) وتقدم للهجوم بشكل مبالغ فيه واحراج الدفاع الهلالي خصوصا بالهجمات المرتدة عندما يتقدم يترك وراه مساحة للخصم ! مما يسهل الوصول للمرمى من جهته وايضا لايجيد الرجوع لتغطية خانته بسرعة لانه لاعب بطيء جدا ويقتل كثير من الهجمات المرتدة وعرضياته اما تكون طويلة او خارج الملعب . الزوري تغير كثير عن سابق عهدة واصبح بالنسبة لي مصدر قلق ! .. الهلال بحاجة لـ الجدية مع اللاعبين . لان ادارة الهلال ماقصرت مع اللاعبين من كل النواحي #ملعب وعلى مستوى مميز #كل شيء متوفر لهم #جمهور عظيم خلفهم #كل مايحتاجه اللاعب يجده بالهلال لكن رغم كل هذه المميزات مانشوف شيء من اللاعبين لرد جميل الجماهير العاشقة والادارة اقسم بالله لو يخسر الهلال كل مباراة ونشوف مستوى عالي من اللاعبين مانزعل لكن مستوى مايطمن هو اللي مانبيه .. # باالتوفيق يارب للجميع |
إقتباس:
و ‫هدف ويسلي لوبيز - #الهلال و #الإتحاد كأس الأبطال‬‎ - YouTube اللاعب يلعب في غير جهته , مدري متى سامي يقتنع !! ومستواه هابط هالفترة , إن شاء الله يرجع |
شوف هالنقطة اتفق معاك فيها كثير ،، للاسف ما عندنا تنوع في الهجمات او الاسلوب الهجوم بس اختراقات داخل 18 ، حتى التسديد من الخارج سيئين نسبيا ً الأوفرات يبغالها تدريب و دقة .. اعتقد تدريبات الهلال فقط لياقيا ً تكتيك شبه معدوم ! أضف الى ذاك الطامه الكبرى اي عرضيه ضد الهلال بتكون خطيرة و متأكد انه كل مُشجع هلالي يده على قلبه في كل ركنيه او كرة ثابته او اي عرضيه يأخي وصلت لدرجة انه العرضيات من منتصف ملعب الفريق الخصم و تسبب تهديد على المرمى ما فيه احد يركز على الكورة اثناء التنفيذ الاعين بس على اللاعب الخصم .. النصر فاز علينا في الدوري بالعرضيات و برضو امس فاز و هدد بنفس الطريقة |
معروفه. اذا كانت لعبة فاول او ركني تلعب مقوسه وقويه بين خط السته وسنتر البلنتي فقط تكون خطرة وعلي اللاعبين انهمما يخافون الاشتراك ويعرفون اين مكانه بعد التدريب اما اكثر رفعات المباريات الماضية تكون لاول مدافع وخطا فادح |
هي بس العرضيات .. نفسي يرجع الفريق لأيام جريتس في الفاولات مافيه فاول يعدي كل فاول هدف يالشلهوب يانيفيز يارادوي من اقوى اسلحة جريتس كانت الضربات الحرة وامتلاكه لاعبين على مستوى عالي في التسديد من الركلات الثابته |
الفريق البطل يجب ان يكون لديه لاعبين يملكون المهاره: 1- صانع لعب وقادر على تنفيذ الضربات الحره ( تياغو ) 2- متخصص للركنيات والاوفرات اثناء الفاول ( غير متوفر) 3-لاعب يجيد ضربات الراس اثناء الركنيات والفاولات بنسبه كبيره ( غير متوفر) 4-حارس متميز ( متواجد بشكل طيب). 5- مهاجم قناص ( ناصر الشمراني ) |
| الوقت المعتمد في المنتدى بتوقيت جرينتش +3.
الوقت الان » 01:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd