بسم الله الرحمن الرحيم


ادعو لخواننا المرضى والمندسين في المنتدى اللي يفتون فيما لا يفقهون

اعجب من ادارة المنتدى الصبر على بعض الناس المرضى الذين يقللون

من الاكوادر في نادي الهلال

بلشنا كل شوي طالع ارجو وارجو شيلو حطو

ارجو منك ان تكون ملم بان ادارة الهلال واعيه وتعرف ما تفعل


اما ان تقول ما هو مفيد او تصمت

سامي اسطورة وليس مجرد خسارتين من النصر تمحي تاريخة

الهلال مع جيرتس ومع النجوم انهزم من النصر مستوى ونتيجة


ادعو معي قولو امين وادعو للمرضى يمكن يتقبل الله دعاؤنا


طفح الكيل

اي والله طفح الكيل

الله يهديهم ما يفكرون بان اللي يسوونه هو قمة الأذيه للنادي والاداره والمدرب

أطالب بأن يكون التسجيل بالمنتدى بصور من بطاقة الهوية الوطنية

لا اللوم على ادارة المنتدى اللي تسمح بالمواضيع المسيئه وعدم اتاخذ اي اجراء ضد صاحب الموضوع


المنتدى لمصلحة الهلال وليس لسب افراد البيت الهلالي


ادارة المنتدى تتحمل كل مايجري من اسقاطات تجاه اي شخص يمثل الهلال في المنتدى

إقتباس الرسالة الأصلية كتبت بواسطة محمد ابن سعيد هذاك قلت اسطورة كلاعب مو مدرب ياجماعه الخير الهلال اهم منك ومن سامي ( المدرب ) الكاس طار والدوري 90% طار وكاس اسيا خذها مني طاير وتذكر كلامي واذا انت ماتهمك البطولات ذي حنا تهمنا كثيرررررررررررر بعد وماعندي استعداد تضيع اي بطوله على الكيان سامي قلت الف مرة يروح للاولمبي ياخذ خبرة ويجينا وهياط مابي وانا هلالي غصب عنك وعن اطلق شنب ومو عاجبك اقرب جدار قال ايش مرضي ومندس والله مامريض الا انت

هدي بارك الله فيك واقضب الارض ولا تطير بالعجه .


سامي ما صار أسطوره كالاعب من أول سنه ..!!! جد وأجتهد ومستواه حصل فيه دروبات كبيره وخطيره وصبر وصبروا عليه القائمين على النادي ودعموه وكان عند حسن ثقتهم فيه وأثبت أنه لاعب مثابر وقد المسؤليه كالاعب .


أما كا إداري ما يحتاج نتكلم ونعيد أنجازاته واضحه للكل.


نجي كا مدرب ..... الاعمى قبل المفتح يقدر يقولك أن سامي نجح وحقق ما عجز عنه مدربين أفضل منه كا تصنيف وكا ارتفاع بقيمة عقود في دورينا وبدوريات أخرى !!!.

لو فرضا كان معنا مدرب أجنبي وخسر هذه البطوله بتقول سباك وابعدوه وراح تنسى حسرة ضياع البطوله اللي أنت اللحين حارق دمك عليها ..طيب ابعد المدرب الاجنبي وبعدييين ؟؟؟ يأتي آخر وبعقد جديد وأحتمال 90% لا يوفق في بداية التدريب كما يحصل مع كل الفرق ...وبتقول شيلووه ما نبيه وتضيع بطوله طيب وبعديييين ؟؟؟.

يا أخي محد قال منت هلالي ولا نشكك فيك لكن خلك واقعي وهدي نفسك ...سامي ليس بهذا السوء اللي أنت علشانه جاي تزبد وترعد ومسوي كأن صارت كارثه ....أصبر إن الله مع الصابرين وتحمل إخفاقات قليله مع إبن نادي محب للكيان وليس همه العقد والمال بدرجه أولى .


أتمنى أنت وغيرك ممن سلموا عقولهم للعاطفه الجارفه أن يهدؤو شوي ويفكروا بحكمه .


والسلام