|
معرفات جديدة تخدم اجندة اندية غريبة :rose:بغض النظر عن النتائج والإحصائيات ... بغض النظر عن الفوز والخسارة .... بغض النظر عن كل ما يقال هنا .... لم اكتب منذ فترة طويلة لكن اجبرت بسبب ما أرى .. شيء يحيرني للغاية معرفات اعمارها لا تتجاوز العام والستة اشهر والشهرين والشهر تصول وتجول بالمنتدى لا لشيء وإنما لبث القلاقل واظهار الفتن ... تتكلم كأنها نبض الشارع الهلالي وهي حتما بعيدة تمام البعد عنه احدهم يقول الفوز بالخمسة والأربعة من الهلال ع فرق الدوري كان صدفة وضعف من الخصم .. وتمتاز هجماتهم بتوافقها مع هجمات الإعلام الأصفر واحيانا كل من هو غير الهلال الكل فيهم يهاجم سامي لا الهلال ... كمحللين كفنيين كمعلقين هههههههههههه السؤال هل هم فعلا يريدون صالح الهلال أم انهم يخشون ان يهزمهم سامي مدربا كما هزمهم كثيرا وهو لاعب صدقوني عيب الهلالي أنه سهل الانسياق وراء العاطفة ... صدقوني لو ثبت سامي مكانه كما عهدناه صنديد في مواجهة الإعلام والأشخاص وووإلخ... سيصنع تاريخ للهلال جديد كمدرب كما ساهم فيه كلاعب .... ودمتم سالمين |
غريبة موضوعي ما شد انتباهكم ..... الظاهر انتم تحبون لغة الأكشن اللتي لا أتقنها في أمان الخالق .. وسأعود لسباتي |
مساك الله بالخيرر كلامك ي غالي هو زينة العقل كل شوي طالع واحد ويقول مانبي سامي ومانبي شبيه الريح ووو كلام ماله اول ولا تالي يعتي بالعقل مدرب اول سنة له ف التدريب وكل هالانتقاد والتحطيم ويبون فريق سوبر ستارز اتمنى من المشرفين الاعزاء الوقوف ضد هالمواضيع اللي مالها اي لزمهه ودمتم سالمين |
و الله انا مو فاهم لو راح انظر للامور نفس نظرتك اقدر اقول إنت كمان شوف تاريخ إنضمامك و شوف عدد مشاركاتك يعني عادي جداً اقدر اقول إنت مندس و تبي تطبل ..! بس ي اخوي النادي مو ملك احد ملك جماهيره فقط يعني لما ننتقد سامي صرنا دخلاء و ما نحب النادي ..! حدث العاقل بما يُعقل النادي ليس لسامي و لا لغيره .. ه الكلام مو معناته احنا ضده لا إحنا دايما مع سامي و مع اي شخص عاشق للزعيم و يبغى مصلحته و كل من يقدر يخدمه لكن العاقل لما يشوف خطأ يقول أخطأت و إذا احسن نقول له احسنت انا اسالك سؤال اسألك بالله راضي عن مستوى الفريق لحد يقول وصيف انا اسال عن المستوى عطني جمله تكتيكيه جاء منها هدف وحده بس الحين ماشاء الله صرنا نفكر كويس و لازم نعطي المدرب فرصه ليه م عطينا فرص للمدربين المدري كم اللي قبل ؟ |
ياكثرهم هالايام يازعيم تجدهم يكتبون مواضيع ليس لها علاقه في اي مضمون بمعنى الموضوع في وادي وهم في وادي آخر يعني حشو كلام واخطاء املائيه بالكوم وهات ياسب ومع ذلك يسمح لهم بنشره ف المنتدى !!!! |
السلام عليكم ~ صراحهـ أنا عن نفسي ما أهتم ولا أقارن عدد مشاركات آي عضو وتاريخ تسجيلهـ !! ومن رأييهـ كل شخص لهـ وجههـ نظرهـ ويجب أن نحترمها سواء اللي يأييد بقاء سامي أو اللي يعارض بقاء سامي !! أنا عن نفسي مع بقاء سامي وبشكل عام أنا مع الإستقرار ع المدرب وإعطائهـ فرصتهـ إلى نهايهـ عقدهـ مع الهلال أول ع الأقل إلى ثلاث مواسم !! لأن آي مدرب يجي لآي فريق لابد أن يأخذ فرصتهـ ونصبر عليهـ !! الدنيا آخذ وعطاء !! مثل ما تطالب الإدارهـ والمدرب واللاعبين بـ البطولات لابد أن تنفذ المطلوب منكـ كـ مشجع وهو الصبر وإعطائهم الوقت الكافي لتحقيق مطالبكـ !!! لأن مب من العدل إنكـ تطالب بالبطولات ومدرب ما مر ع التوقيع معاهـ غير ٦ شهور !!!! لأن مب من العدل تضيع فلوس الإدارهـ ع إنهاء خدامهـ وهو إلى الآن ما أخذ فرصتهـ كاملهـ !! وسامي بالتحديد يجب أن نصبر عليهـ لأن ما شاء اللهـ عليهـ حقق إنجازات كثيرهـ وهو فـ أول سنهـ تدريبيهـ وأبرز شيء حققهـ هو المحافظهـ ع جعل الهلال منافس قوي بجميع المشاركات !!! يكفي إن الهلال وصيف الدوري إلى الآن ووصل نهائي لكأس ولي العهد وهو بأول سنهـ تدريبيهـ لهـ بينما غيرهـ من المدربين المبدعين الأوربيين موجودين بالدوري خلفهـ بالترتيب !!!! أحترم وجههـ نظر من يعارض بقاء سامي فـ حالهـ قول رأيهـ من دون تجريح أو تشكيكـ بقدرات سامي ،، وبدون أن يتهم المؤيدين بقاء سامي بالمطبلين أو المندسين !! كل عشاق هالكيان أكيد يهمهم مصلحهـ الهلال فـ عشان كذا أتمنى أي شخص بقول رأييهـ ( سواء مؤيد أو معارض ) يطرحهـ ويطرح معاهـ الأدلهـ ع كلامهـ يمكن يقنع الطرف الآخر ؟! ^^ ولكن النقد والتجريح والتشكيكـ بحب الهلال أنا شخصيا أرفضهـ بالكامل ولا أشوف إنهـ بمصلحهـ الهلال لأن النقاش ما رح يكون الهدف منهـ مصلحهـ الهلال بل الهدف منهـ إثبات براءهـ العضو إنهـ مب مندس ولا مطبل !!!!! اللهـ يووووفق هلالنااا يااا رب ،، شكرا لكـ =)~:rose:~ |
إقتباس:
عليكم السلام أحييك و اهنيك اختي كلامك جميل و فعلاً فكر نير و راقي نعم الاختلاف في الاراء لا يُفسد للود قضيه يا ليت الكل يحترم اراء الاخرين مثلك .. مو يتبع قافلة إن لم تكن معي فأنت ضدي ..! بالعكس اتوقع و اجزم إن كلنا هلاليين و همنا الاول و الوحيد مصلحة الزعيم فقط قبل اي شي عن نفسي صراحه اتمنى سامي يكون المدرب الذي فيه وجد الهلال ضالته لكن إنتقادنا له مو معناته إحنا ضده .. و الله إني مع سامي دائماً لكن لازم الكل يعرف إن الزعيم فوق كل شي مو نجي ننتقد خطأ فني نراه من وجهة نظرنا الخاصه فينا و يصفنا احدهم بالمندسين ..! يوم الخميس إن شاء الله إذا الله احيانا لذاك الوقت ح نحضر و نشجع الفريق و سامي نعم ننتقده بس م راح نتخلى عنه بس أهم شي سامي يتعلم من اخطاءه و اهم شي ي ليت الكل يحترم وجهات نظر الآخرين |
والله يا اخ سعد لقد اسمعت لو ناديت حيا ولكن لاحياة لمن تنادي لقد سمح لكل من هب ودب بالحديث عن هذا الكيان باسم المحبه وهي والله ليست من المحبة في شئ ايعقل هذا ان يبدو هذا السخط على ادارتنا ومدربنا لمجرد خساره نعم هي خساره مريره لكنها يجب ان لاتخرجنا عن طورنا .. تمنياتي لك ولكل غيور ومحب للهلال بالصحه والعافيه |
أشكر كل من علق على كلامي ... بالنسبة للي يقول اني ليش ما اكتب كثير ومعرفي يراه قديم نسبيا وينعتني بالمندس... اقوله جزاك الله خيرا ..... اما بالنسبة للحملات العشواء لأناس اجزم بأنهم مندسين واخرين وإن كانوا هلاليين وانا اشك في ذلك .. يرون التشويش على اللاعبين والمدرب والجهازين الفني والإداري هو هدفهم المهم فأنا اقول لهم اكتبوا ماشئتم لكن عتبي على الإدارة التي تساعد مثل هذه المواضيع ... بالنسبة للدوري ما زال لنا فرصة ليست بالسيئة فيه فتعثر واحد وابتسامة حظ لنا كفيلة بقلب الموازين .... اما السلبية المطلقة التي تنتشر في ارجاء المواضيع هنا وهناك فلن تجلب لنا سوا المزيد من التشويش وعدم التركيز في الفترة التي امس ما نحتاج فيها الى التكاتف والوقوف جنبا إلى جنب .... اشكركم ايضا على مروركم واتمنى بصدق ان تكتبون كل ما ينفع الهلال في الفترة الحالية محبكم سعد النبعة. |
خل الي يقول يقول انا واثق بفريقي ومدربي وادارتي ماهمني اي احد يكتب براحته الزعيم حارقهم وكاسر شوكتهم كلهم |
بارك الله فيك .... وانا الحين بأعمل دراسة على اللي يكتبون مواضيع فيها تهجم على الهلال أو بعض لاعبينه أو مدربه أو ادارته .. واعرضه للجميع ... وبأحاول اجمع شتات تقرير المفروض المشرفين يسونه عنا ... وعلى ضوئه اشوف اذا فعلا هم هلالين أو هم مجرد باحثين عن المشاكل وساعين إلى شق الصف الهلالي طبعا بيكون لكم الرأي النهائي في صحته وفي تقييمه وتقييمي معه .... ودمتم بود |
رفعت الموضوع لأني أريد ان اعرف ردود أكثر ..... ودمتم بود |
هــلآ بكــ سعــد النبعه هذا طال عمرك ـ ينطبق عليك المثل مع الخيل ياشقرا هنا البعض وليس الكل مع الفريق وقت الخساره وقصدي في كلمة البعض (المسيار) واذا تبي تعرفهم زين احفظ المعرفات عندك بورقه وادخل بعد أي فوز للهلال اشرط لك شرط ماراح تشوف الا أقليه والاقليه ذي تحصلها تقلل في الفوز واما بالخساره انا اضمن لك انك تحصلهم كلهم سبق وان فعلتها انا قبل فتره نهاية الكلام الي يبي الفريق بالحلوه والمره ياهلابه والي مايبي يروح يدور له على فريق مايفارق المنصات |
السلام عليكم هارد لك يا زعماء كلامك منطقي من حيث الفكرة لكنه مبهم من جهة التركيز في التفاصيل فيه مشاركبن ينتقدون يقوة و لهم وجهة نظر و هدف للاصلاح .. يفترض على القارئ قبل ما يرد .. أن يلف المنتدى و المواضيع المطروحة بحثا عن المواصفات المذكورة للمعرفات لمعاينة طرحهم. بامكانك توفير الوقت و تسريع المشاركات بالاشارة الى أمثلة للمعرفات المقصودة. موضوع هدية للمشرفين .. مع التحية! |
الله يسعدكم يا رب.... | وبإذن الله من الآن لنهاية الموسم سيكون التقرير جاهز ... وسأتحمل كافة المسؤولية تجاهه ... دمتم بود |
| الوقت المعتمد في المنتدى بتوقيت جرينتش +3.
الوقت الان » 03:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd