اعضاء شرف النصر يوفروا باصات من جميع انحاء المملكة؟!وين رجالنا!!!
 

السلام عليكم ورحمة الله وبركاته


زي ماهو باين في العنوان اعضاء شرف النصر يوفروا باصات لنقل جماهير النصر من عدة مناطق في المملكة وباعداد كبيرة،، طيب اعضاء شرف الملكي وينهم نايمين في العسل.
مباراة السبت مباراة لا تقبل القسمة على اثنين مباراة تكسير عظم مباراة اعتقد والعلم عند الله انه الفايز فيها سيحصل على الدوري ايضاً لانها ستؤثر على الخاسر تأثير كبير جداً.
وغير انها اقوى ديربي في الخليج واسيا، اتحركوا يا رجال الزعيم وينكم يا اعضاء شرفنا وينك يا الوليد بن طلال ويا حسن الناقور وكل من هو قادر على توفير الباصات ونقل جماهيرنا العظيمة.
جماهير الملكي في كل مكان وزمان لكن يحتاجون للدعم فمنهم لا يستطيع توفير مبلغ المواصلات والسكن ولكن مستعد ان يقف ويشجع ويساند ويحفز فريقه بكل تاكيد لانهم وبكل بساطة اوفياااااااااء لناديهم.


تكفون الكل يتحرك ولنوحد الزي الهلالي الازرق الخاااالص في معركة السبت واتركوا الباقي على مجلس الجمهور والرابطة فهم باذن الله سيكونون في الموعد كعادتهم.

رجالنا ما قصروا كفوا ووفوا فـ كل مباراهـ مفرين تذاكر كثيرهـ مجانا للجماهير ~

وإذا مب مصدق شوف القسم فيهـ موضوع مثبت عن ١٠٠٠ تذكرهـ مجانا للجماهير ~


وللمعلومهـ فقط لو حضر نص الجمهور الهلالي الموجود بـ الرياض فقط كان شفت ثلاث أرباع
المدرج إنما كان كلهـ مغطى باللون الأزرق !! ولكن للآسف جمهور الرياض بـ المباراهـ
الآخيرهـ ما كان بالموعد والحضور قليل جدا !!


لكن أتوقع بالنهائي بيكون حاضرين كالعادهـ ،، وفااالهم الفوووز إن شاء اللهـ ،، شكرا ~

حاضرين حاضرين ان شاء الله ملعب فل
ولعيون الهلال من الشرقيه الى الرياض

ياااارب ياكريم وفق الملكي الزعيم

قالتها الاخت لو حضر نصف جمهور الرياض يملي المدرج المختص بالهلال
زي هذي المباريات الجمهور مايستنى دعوة احد
بالتوفيق للهلال

اخووووي جمهور الهلال بالرياض يعبي لك الاستاد بس هم قصروا شوي
في اخر مباراة بس فيهم الخيروصدقني هذي مباراة نهائي لا تاخذ هم الحضور انا واثقه
الهلال اكبر قاعده جماهيريه ويعطيهم العافيه رجال الهلال فيه منهم تقدم بتذاكر
ويعطيك العافيه وفالنا الكاس

بهذي ما اوافقك الرأي
هذا نهائي واكيد الملعب ماراح يكفي لجماهير الهلال لأن جماهير الهلال لو جو من جميع مناطق المملكه يبغالهم 4 ولا 5 ملاعب ويادوب تكفي
حقين الرياض ماراح يقصرون بأذن الله راح يحضرون اهم شي يتفاعلون طول المباراه وحتى لاسمح الله دخل فينا هدف اتمنى يتفاعلون ويحمسون اللاعبين لين يسجلون
انا لو اني من الرياض كان حجزت لي مقعد

لاتخاف
النصر يحتاج تعبئة جماهيرية وباصات من خارج الرياض بسبب أن شعبية الفريق في الرياض لاتضاهى بشعبية الزعيم.
أما الهلال صدقني مايحتاج هالأمور فجمهورة منذ الأزل يملىء المدرجات بكثافة وموجود في الرياض اضعاف جماهير النصر.
تحياتي

يعني جمهور الهلال في الرياض 60 الف من أصل 5 ملايين
ويش هالحسبة الله يهديك
صدقني جمهور الهلال في الرياض لايقل عن 1 مليون مشجع بأضعف الأيمان
تحياتي

1+
اتفق مع في كل كلمة
ورجال الهلال مايقصرون بإذن الله ولانا عتب بسيط على جمهور الهلال بالرياض في اخر مباراة ولكن راح يكونو في الموعد في النهائي ان شاء الله

اخي الكريم جمهور الزعيم بوجه عام لا يحتاج ان يدعمه احد فكلنا مشجعين محبين للكيان و لا ننتظر مثل الفريق الأصفر ان يعلن ناديهم عن باصات و نقل و وجبات فلافل .
و جمهور الرياض لا تخاف عليه في النهايات يكونون بالموعد و انا اول الواصلين و الحاضرين و معي قرابة 15 شخص
دمت بود

جمهور الملكي لايحتاج باصات ولا يحتاج ان يشحذ للحظور جمهور الهلال جمهور ملكي كناديه , بالنهائيات هو الاكثر جماهيره على المستوى الاسيوي جمهوره بالرياض بأمكانه ان يغطي عشر ملاعب كاستاد الدره واكثر ورجالات الهلال دائما وسيظلون اهلاً للمواقف للجمهور وللكيان ..

تحياتي لكم

انا اول الحاضر بس عسا اني القاء مكان كويس