|
أخـــوي نـــصـــراوي ..!! ,,, ,, , قبل عدة مواسم وفي عام الهروب من الهبوط وبالتحديد بمباراة النصر والخليج . كان على الخليج أن يفوز لكي يبقى ويهبط النصر .. لكن مع وقوف الإتحاد السعودي وإستثنائه لتسجيل الكويتي مساعد ندا ومحاولاته المستميتة لبقاء النصر حصل لهم ما أرادوا .. ما يهمني بعد كل ما ذكرته هو كلام أخي الكبير المتعصب النصراوي عندما قال ( أصلاً أنا ما أشجع النصر والدوري السعودي كله فاشل ولو بشجع شجعت الإتحاد هو اللي يدق خشومكم يالزعيق ) فعلاً حاول أن يوهمنا بأنه ترك تشجيع النصر وبدأ ينسحب من الرياضة شيئاً فشيئا ولا يكاد يتكلم بها وهو المتيم بها والمعاصر لجميع نجومها إلا إذا خسر الهلال أو حصل على بلنتي مشكوك في صحته. أعلنها أمام الجميع وفي مناسبات عديدة.. يا نااااااس أناااا تركت تشجيع النصر.. لا ابالغ إن قلت أنني أصبحت لا أتكلم معه بالنصر ولا بالتحكيم ولا ببطولات الزعيم.. لأني أعلم ( أن الضرب بالميت حرام ) أصبح كالحمل الوديع ( كروياً ) هذا العام تغير الحال ,, إنقلب الحمل الوديع إلى أسدٍ ثائر ,, وتبدلت الحوارات الثقافية والسياسية التي كان يكثر منها هرباً من الكورة والهلال والنصر. وأصبح كل حديثة اليوم عن الدوري وعن دق الخشوم والصدارة لها رجالها والفرق ست نقاط ومتصدر لا تكلمني .. أصبح كل حديثة عن نهاية الدوري والتتويج.. طبعاً هذا حق مشروع مع التأكيد أنهم فضحوا أنفسهم بهذه الفرحة الهستيرية. الكارثة أن النصراويين وأخي أحدهم إستطاعوا إقناع بعض الهلاليين بأن هذا الموسم هو المقياس والمحك الحقيقي للناديين. أصبح النصراوي يتكلم بثقة وبعض الهلاليين يتكلم بحرقة..!! إستطاعوا من خلال الإعلام ضرب بعض الجماهير الهلالية بالإدارة والمدرب واللاعبين .. بل صوروا لهم أنهم لا يملكون إلا 21 بطولة.. وأن النصر صاحب الـ54 بطولة..!! لا أنسى بعض المواضيع وفي هذه الشبكة الغالية تتسائل عن كيفية الإحتفال بعد تحقيق الهلال بعض بطولاته فهم على حد تعبيرهم ملوا من الفرح والبطولات.. إذاً ما الذي حدث ..!! ما الذي تغير ..!! هل أصبح النصر هو الهلال والهلال هو النصر ..!! هل إذا حقق النصر بطولة الدوري تعتبر نهاية المطاف للزعيم ..!! كيف إستطاعوا إيهام الجماهير بأن النصر هو الفريق الذي لا يقهر.. فقط لمجرد أنه لعب هذا الموسم تحت رعاية التحكيم وفي ظل بعض الظروف التي خدمته مع أننا لا ننكر أن النصر تحسن مستواه عن السابق. ما أريد إيصاله يجب علينا كهلاليين النظر إلى خزائن وبطولات الفريقين. وأن لا ننساق خلف صيحات جماهير الأندية الأخرى .. ويجب أن تعرفوا أن الزعيم دائماً ثابت والبقية متحركون.. لذلك تجد الفريق الذي ينافس الهلال مدعوم من أكثر الأندية لإيقاف الزحف الأزرق ومحاولة تقليص فارق البطولات بين الزعيم وباقي الأندية. يجب ألا ننساق خلف أصواتهم ومقارناتهم فإرث الزعيم لا يقبل المقارنة مع أحد وإنجازاته لا تقبل القسمة على إثنين. ولكني ذكرت قصة أخي لأنني متأكد إن في بيت كل واحد منكم أخٍ مثل أخي. |
تبي آلصصدق انا معك كلمة بكلمة .. حرف بحرف احنا بمجرد آلنصر صآر متصدر قآمت آلدنيآ وقعدت نسينآ كل مآضي آلهلأل المرصع ب آلذهب وآلبطولآت نسينآ كل آنجآزآت آلهلآل قلبنآ ع سآمي وع آلرئيس وحآلتنآ حآلة كآن آلدنيآ وقفت يوم تصدر آلنصر ! طبعآ مو آنآ ومو آلكل بس بعض آلجمآهير آلهلآلية الله يهديهم ب آلنهآيةة كلمة لكل زعيم عآشق من قلب اذا لم تكن هلاليا وقت الانكسار فلا تستحق ان تكون هلاليا وقت الانتصار !! وآفهم ي فهيم ! |
هذي قناعتهم التي كانت تحكمهم ايام السنوات العجاف بأن البطوله المحليه لاتهم وليس لها اهميه وبمجرد ماعادو الى الدوري بمساعده بعض الحكام والاعلام المطبل لهم اصبح شاغلهم الشاغل واجزم انهم يفكرون بالهلال قبل التفكير بفريقهم المتهالك واصبحو يتغنون بفريقهم وبالصداره التي فارقتهم من سنوات ولولا التحكيم لكان مكانهم تحت الخامس الخليج عقده النصر ولاننسى عندما كان الفقر يصارع الهبوط عام ٢٠٠٧ شكرا لك يكفي انك هلالي فهذا شرف |
احسنت موضوع رائع وفي الصميم الفتح اخذ الدوري العام الماضي ايش المشكلة يعني..... الهلال يسير بخطا ثابتة وان شاالله يحقق البطولات كالعادة يعطيك العافيه........ |
سام 6 معاك حق في كثار من الفقراوية تركو ناديهم لفترة طويلة لبعدهم عن المنصات وكانو يقولون بلا دوري سعودي دوري فاشل بس لما ناديهم تصدر انقلبو وصار اكبر متحمسين |
إقتباس:
إقتباس:
كفيت وففيت إقتباس:
الله يعافيك أخوي إقتباس:
والمشكلة اللحين لو تكلمه قال متصدر لا تكلمني.. وتلقاه قبل سنتين يقول أنا حمار اللي شجعت النصر ..!! |
كل شي بامر الله يكون ان شاء الله تعالى |
الله يعطيك العافيه على الموضوع الرائع كفيت و ووفيت |
كلامك كله بجد وحق وحقيقي وبالصميم فعـلاً هذا اللي صاير كل واحد نصراوي مسوي ماله في الكورة الأعوام اللي راحت ولاعندهم أي نقاش وتداخل بالكورة لهزائمهم المعتادة وخروجهم من البطولات .. صاروا يعلنون نصراويتهم وميولهم بسبب هالموسم بعد السنوااات العجاف !! ((( موسم العجائب والغرائب والكوارث التحكيمية الرهييييبة !!! ))) عندي قريب لي صاير فيه بجاحه وقواة وجه غير طبيعية بسبب هالصداره !! فعـلاً اللي عمره ماتبخر تبخر واحترق وهذا وهم متصدرين بس وسوو الهوااايل وانهبلوا وجن جنوونهم !!... بجد ينطبق عليهم البيت اللي يقول وتعظم في عين الصغير صغارها وتصغر في عين العظيم العظائم .. عموماً يجب ان لانضغط على الفريق ونقوم بتشجيع الفريق بكللل مااوتينا من قووة .. وان ماكتب لنا ربي البطوله فالحمـــدلله على كل حال والزعـيم ماقصر معنا بالتميز ونيل العدييد من البطولات والإنجازات اللي مستحييل أي فريق يتعدى ربع ماسواه الهـلال من بطولات وإنجازات وألقاب .. ونقـول يـااارب اجعـل بطـولة كأس ولي العهد يوم السبت من نصيب الهـلال بــــإذن الله |
نعم للآسف كلامكـ صحيح في بعض جماهيرنا تأثروا بـ كلام الإعلام كثيرا !! أقصد جماهيرنا اللي تغلب عليها العاطفهـ !! لو ركزنا شوي كان شفنا إن الهلال لازال يحقق الإنجازات وإلى الآن هالموسم حقق إنجاز لا يستهان فيهـ وهو إثبات للجميع إن الأسطورهـ يبقى أسطورهـ سوا كان لاعب ولا إداري ولا مدرب !! الهلال هالموسم حقق الإنجاز الأول هو سامي المدرب ،، ما شاء اللهـ سامي فـ أول سنهـ تدريبيهـ لهـ ترتيبهـ عالميا ٨٠ ولا زال يتقدم الحمدللهـ ،، ضمن أي يخلص الدوري يا ترتيبهـ الأول يالوصيف ( وإن شاء اللهـ الأول ) ،، وما شاء اللهـ حل مشكلهـ الدفاع اللي يعاني منها الهلال من سنوات ( منذ التوقيع مع ديجاو وشباكـ الهلال نظيفهـ ما شاء اللهـ ) !! ولازال للمجد بقيهـ ،، وأنا عن نفسي متفائلهـ بفوز الهلال بـ جميع البطولات إن شاء اللهـ هالموسم ،، وإن خسر لا سمح اللهـ محليا كلي تفائل أنهـ يفوز آسيويا ،، لأن الهلال ما شاء اللهـ حتى فـ آسوء حالاتهـ يطلع ع الأقل ببطولهـ واحدهـ ~ ربي يوووفق الهلال ويجعل الفوز من نصيبهـ يوووم السبت ،، تشكرااات ع طرحكـ الجميل ~ |
نعم هذا اللي صاير بعد ماتصدر النصر .. لكن جمهور الزعييم العااقليين والفااهمين. عاارفيين حجم الزععيم وحجم النصر .. وكل الكلام اللي ينقااال في الاعلاام ماايأثر ع جمهووور الزعييم .. .. واللي بيتأثروون قلة قلييلة الله يووفق الزععيم. شكررا لك ،، .. |
المشكله مو هنا وبس المشكله ان فيه هلاليين يقولون مستوى النصر وزاعجينا اذا كان النصر تحسن فالهلال كان افضل وللان الافضل مباراتهم معنا فازوا بأخطأ لاعبينا الكارثيه والا ما هم كفو يفوزون ع الزعيم بالتوفيق للملكي وان شاءالله الاعبين يتركون الاستعراض والانانيه وبإذن الله الفوز للزعيم يعطيك العافيه |
ترى النصر من خبرته كان ممكن ينافسنا في المباريات البينيه ولكن فرق شاسع بين بطولاتنا وبطولاتهم ، انا متابع للفريقين من عام 1405هـ ولايهمكم اكاذيبهم |
مع الهلال وقت انكساره وانتصاره، ياما فرحنا معه سنين وسنين. وبطولتنا الحقيقية مدرب وطني قادم بقوة اسمه سامي الجابر. الدوري خمبقة تحكيمية ونخوزة من بعض التندية أمام الفقر نكاية بالهلال. أما الكأس اتمناها هلالية وإن فاز الفقر بدون دفع رباعي فسوف ابارك له. |
موضوع جميل ومميز ولامس الواقع وفعلاً كثير من النصراويين الذين ادعوا ان الكرة المحلية لا تهمهم ولا تستحق متابعتهم هذا الموسم انقلب حالهم واصبحت المحلية ذات قيمة ورغم كل ذلك مازالت ثقتهم في فريقهم غير كبيرة ومازالت تتراعد فرائصهم من يوم السبت بل ان كل النصراووين حولي يتوقعونها للهلال |
| الوقت المعتمد في المنتدى بتوقيت جرينتش +3.
الوقت الان » 10:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd