|
جمهور الهلال يعاني أدخل وشوف ب عينك ! بســم الله الرحمن الرحيــم السـلام عليكم ورحمة الله وبركاته / كيــف الحـآل ي زعمـآء ي ملوكِ -------------------------------------------------------------------- اولا / مبـرؤك الفوز وان شـآء الله عقبـآل الدوري وقدامنا مباريات قادمه واتمنى المؤازره ,, وساكون اول الحاضرين كما وعدت الملكي ب الحضور طيلة الموسم هذا . ثانياً / اليوم دخلنا الملعب بسبب تاخري 10 دقايق عن الملعب عانينا كثيراً جداً من دخلنا الملعب بسبة العسكر الذي لايسمحون لك ب الجلوس ويقولون لك شل الشعار الكبير واجلس ,, ي جماعة الخير هذا شعار مزين لـ الملعب لـ تزين شعار في الملعب تقولي شله واجلس والمكان الي وراء فاضي وتحرمني من الجلوس على المقاعد الفاضيه . أقسم ب الله شي يقهر كلمنا اكثر من عسكري حاولنا نصعد المشكله شوي نبي نجلس ولا سمحو لنا تقريباً قضينا شوط الاول في عز البرد والتعب ,, ومرضنـآ ب سبة عدم الجلوس والكراسي فاضيه تحت الساعه . كلمناهم ياما يرد عليك من طرف خشمه او يقول لاتحرجني ,, يآبوي انا دافع فلوس تذكره ومعي فوق 50 مشجع جالس ينتظر تفتح الجهه عشـان يجلس وتردنا ماهو من حقك قال ,, لاتصعب الامور علي ولاتحرجنا تبي تجلس ولا خلك واقف . طبعاً ماحبيت اطيل معه وسكت لـ نهاية الشوط الاول ,, ف حاولنا نكلم كذا عسكري ورفض مره اخرى ف ضللنا جالسين وكذالك الدعوه ماخذها عناد ف كلمنا الجمهور وقلنا مشينا مع الجهه الثانيه الى ان تحاشرنا في مكان وفي مدرج الله لايوريكم . انا اجزم ان الي جلس معنا ف المكان هذا أصيب ب تعب والمسكين الحين تعبـان وهو جاي من اجل المتعه والحضور والمسانده . كل ماريد أقوله ( الله يجزاهم خير ولا ابي ادعي على احد ) لكن نريد حقوقنا من المدرجات وافتح كل المدرجات لاتخلي الناس تتحاشر , والناس تتهرب من ( الدخان + البرد ) فيه ناس معهم الربو فيه ناس يعانون من أمراض ,, فلماذا تحشرونا في المدرج والمدرجات فاضيه . اتمنى ان تتصعد القضية لـ صاحب السمو / الامير عبدالرحمن بن مساعد بن عبدالعزيز ,, ويصعد لـ وزارة الداخليه لـ نطالب بحقوق جميع الانديه وخصوصا نادي الهلال في فتح المدرجات وعدم حشرهم ! تعبنا ومرضنـآ بسبة هالعسكر ماهي مشكله اتعب انا لكن الاطفال والناس الحاضرين معي وفي اعلى المدرجات ف عز البرد . اتمنى ان القضية تتصعد ,, او صدقوني سيعاني الهلال كثيرا من الحضور في مدرجاته ومن مشاكل العسكر . * كما اود ان اشكر الزعماء والملوك اليوم على الحضور المميز والمساندة ,, وأشكر كل اجتهد في الملعب على ان يؤدي واجبه على أكمل وجهه . * كما اود ان اشكر اخواني مجلس الجمهور الهلالي على العمل لكن اليوم لم تضهر ب الحله المميزه في قادم المباريات وتشدون حيلكم شوي من اجل مدرج مميز . ------------------------------------------------------------------------ * كما اتمنى من الرابطه تغير المكيرفونات اليوم مادري وش يقولون وانا ب جنبهم فما بالك ب الي حاضر ب الواجهه الكلام غير مفهوم اتمنى الانتباه لـ هاذي المشكله . ----------------------------------------------------------------------- الله يوفق الزعيم اينما كان !! .. |
شكرا للجمهور الهلالي على تحمل المتاعب والمعاناه بسبب هؤلاءالعسكر الهمج لك ودي عزيري .. |
والله الجمهور ما قصرو حضورهم يبيض الوجهه رغم المتاعب |
الله يكون بعونكم المهم طلعتو فرحانيين بالمستوى والنتيجه |
يعطيكم العافية اخوي بوردقا كفيتوا ووفيتوا وماقصرتوا بالنسبة لمشاكل العسكر لاتنتهي ويمكن هناك عسكر لهم ميول أكيد وعلى رأسهم الضباط لكن الجمهور حاضر حاضر مهما كانت الأسباب تقبل مروري |
الله يبيض وجيهكم على الحضور والتفاعل ماقصرتوا وبالنسبه للعسكر للاسف لا جديد فوق سوء البنية التحتيه للملاعب وقلة الخدمات اضافوا لها سوء في المعاملة حشفاً وسوء كيله بس الاهم هو دعم الفريق مهما كانت الظروف وانتم قدها |
اخوي بوردقا الله يعافيك انت ومن معاك وكل من الزعيم الملكي وكل شي يهون من اجل الزعيم الملكي ومن ناحية العسكر صدقني من المرتزقه للفريق اﻻخر تحياتي وتقبل مروري ودمتم والهﻻل وجميع محبيه بخير |
ووجيهكم ,, لكن الي يقهر ,, ماهي على الميول يقول ماني مسؤول طيب اذا منت مسؤول من المسؤول يعني !! او خله يجي نناقشه حنــآ ,, ونتفاهم معه قال مالي دخل ولا اعرفه ,, كلن يرمي على ثاني المشكله ,, ف ذبحنا البرد وجلسنا على الممرات على صبـآت ,, أقسم ب الله شي يقهر ويرفع الضغط لكن ماقدر اقول الله المستعـآن بس . |
ماقصرتوا ياعشاق الزعيم بيض الله وجهكم |
الله يكون بعونكم المهم طلعتو فرحانيين بالمستوى والنتيجه |
الله يعينكم في اوروبا والخليج يحظرون للمتعه وانتم تواجهون عسكر من جمهور الجار نفسيات وهدفهم ابعادكم عن مدرجكم يعطيك العافيه |
الله يعآفيكم ,, وشاكر لكم ردودكم جميعاً والشكوى لله ,, مانقدر نقول غيـر الله يعينّ . |
بتكلم بنقطه تختلف عن اساس الموضوع الجمهور ماقصر البارح بس عتبي على الاخرين سؤالي هنا لماذا لم تحضر كافة جماهير الهلال بالرياض بالخارج اي مباراة ودية تجد جمهور مدريد برشلونه ليفربول مانشستر يونايتد يحضرون لفريقهم بعدد يفوق 45 الف مشجع وهي فقط ودية فما بالكم لو مباراة رسمية ؟؟ نتمنى من الجماهير احتراف عقليتها قليلا والحضور |
إقتباس:
هنا نعاني من أشياء كثيره ,, لا بوفيهات وحقت الببسي المكينه هههه تشوفها غبار ومليانه تربان ,, وبكره يعبيها موية ويبيع على العالم ببسي . الفطائر اجزم ان اكثر من النص انها منتهية الصلاحية . حنا نعاني ف داخل الملعب فما بالك خارج الملعب ,, يعني صعب الجمهور يحضر ,, في مثل هالظروف الا في مباريات نهائية او مباريات قوية . طور البيئة الخارج عن الملعب ,، والعسكر داخل الملعب ( اضمن لك حضور لايقل عن كل مباراه 30 الف متفرج . عموما تشكر على ارائك ,, واسعدني تواجدك في موضوعي . |
حسبي الله عليهم وعلى من فوقهم الله يسلط على من نزل هالأوامر مابعد نسينا سالفة حبايبنا جمهور الجوف ....... |
| الوقت المعتمد في المنتدى بتوقيت جرينتش +3.
الوقت الان » 04:08 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd