نتمنى التعاقد مع مدرب قوي للحراس
 

السلام عليكم ورحمة الله وبركاته

اصوم وافطر على بصله

الهلال في تعاقداته الاخيرة يجعلنا نقول الطنازه مشكلة
والهلال تعاقد مع كريري وهو بلا شك مميز ولكن تعاقدنا مع شيعان جعلنا نفقد الامل في اي بطولة العناد لماذا مشكلتنا في مدرب الحراس والشاهد والدليل والاثبات مدرب حراس النصر جعل من العنزي الغير مرغوب به من الجماهير افضل حارس واحتياطه مميز واتمنى أن لا يأتي احد ويقولي هذا كان موجود وقت جريتس لانه نسى او تناسى ان الحراس هما الدعيع والعتيبي
مشكلتنا في جلب هالمدرب احضر للتنارين لتعرف كيف يدرب حراسه مدرب عادي جداً
نتمنى التعاقد مع مدرب قوي للحراس

مشكلتنا في اختيارات هذا الموسم تضع عليها خطوط حمراء وغريبة

الله يجعل كلامي عن شيعان خاطئ ويصير ممتاز ويكذب الواقع اللي عليه اللاعب

للاسف الاداره ما عندها فكر من النجعي لشيعان مدري السنه الجايه من بيجي للنادي

اصعد لاعب من الاولمبي والا اجيب لاعبين اعرف انهم ماراح يقدمون شي

يلا نشوف الصفقه الخطيره هذي وش بتفيدهم فيه

يعطيك العافيه

مدري ليه احس الهلال من سوء لاسوء وش الي صاير الله اعلم

السلام عليكم

اخي الكريم شوية تفكير بهدوء لو سمحت ....مدحت مدرب حراس النصر وكأنه هو من جعل العنزي بطل الحراسه بالعالم !!!!!!.

سؤال جاوبني عليه تكفى ...هلى الحارس الثاني للنصر ( الشمري ) أيضا جعله بطل بالحراسه ؟؟!!!.

هلى أستطاع مدرب الحراسه النصراوي اللي معجب فيه بقوه أن يجعل من الحارس الثالث للنصر (متعب عسيري ) بطل بالحراسه مثل العنزي ؟؟!!!!! أرجوك شغل مخك شوي وجاوبني .

وبعدين شيعان التعاقد معه لو حصل أو غيره ضروري كونه يكون بديل ثالث او حارس جاهز وقت اللزوم .


الله يصلح الحال ويوفق الهلال في قادم الايام

كلامي واضح وانا اخوك انا يهمني الكيان
فالتعاقدات الاخيرة للهلال ضعيفة منطقياً وقد ينجحون وانا ذكرت لك حراس النصر اتضح معهم عمل المدرب فالقضية هي مدرب والشمري تنسيقه لا اعتقد فنياً لاننا لم نشاهد لدينا حارس يملء العين فالجميع نوعيه واحدة اخطاء قاتلة يعني بيقول لي ان الشمري اسوء من الاثنين صعبه على الهلال عاجلاً البحث عن مدرب حراس مميز وعلشان تعرف اكثر كيف كان فايز مع الاتفاق وكيف كان السديري قبل ثلاث او اربع سنوات فلماذا المكابرة الهلال يحتاج مدرب من فئة الخمس نجوم للحراسة

الشمري وعسيري قدموا مباريات مميزه هذا اللي شفته s13s

اما مدرب الحراس عندنا الله بالخير واكبر دليل ع فشله شوف الدعيع وش يقول عنه ومابعد كلام ابو عبدالعزيز كلام

السديري كان مميز بالحراسه والواكد حاليا ممتاز تشوف ان المدرب هو احد الاسباب

غريبه !!!!!!!

مع أن الشمري النصراوي جاب العيد قدام الاهلي !!! وهدفين عليه من نجران قبلها جدا ساذجين !!!!!.

والعسيري أرجعي لمباراته اللي كملها مع الاهلي وشوفي البلاوي (ذاكرتك ضعيفه ) مع الاخ صاحب الموضوع !!!!!!.
وحاولي تتذكرين الهدف النهضاوي عليه (متعب العسيري ) وحاولي تتذكرين توجيهات مدربه بعد مباراة النصر والاهلي بعد نهاية المباراة على أرض الملعب كان يوجهه كانه ( أهبل ) [/ شوية تفكير بارك الله فيكم وأصبروا شوي على الكوتش سامي ..[/

ما عندنا مشكلة مع سامي بالعكس نتمنى نجاحه وبقوة وهذا لا يعني اننا لا نعطي رأينا فالحراسة والدفاع هي سبب مشاكل سامي في الملعب وهي التي سببت الكثير من الاهداف بل جلها من عندهم ويجب أن يستدعي سامي محمد العيع ليقف معه

مطل اضحكتني يخرب عألك
يستدعي الدعيع ... ملف هو ولّا للخدمة العسكرية!!؟
ولكن أنا معك فيما تقصد وقد كتبت ذلك منذ سبتمبر 2013 إذا كان محمد الدعيع يحب الهلال الكيان فعليه أن لا يبخل عليه بالمشورة ولتكن على شكل محاضرات للحراس عن التمركز السليم وتوقيت الخروج في العرضيات والاهم وهو ما ينقص كل حراس مرمى الهلال بعده _عدا شراحيلي _ التوافق العضلي العصبي وعدم تأهيل وتدريب الحارس على مهارة كهذه ينتج عنه حالة الجمود أمام التسديدات المباغتة التي تمر قريباً جداً من يد الحارس ولا ينجح في صدها بل يبدو في وضعية غريبة متقوس تحت مسار الكرة أو في اتجاهها دون أن تمتد يديه قليلا للاصطدام بها

صراحه حسين شيعان وقته سيئ وكذلك ثلاثه شهور بس لو حسبتها ومليونين ريال
صراحه قويه قويه ومانقول شي عنه الحارس يجوز انه كويس لكن مكتوم بالاحتياط لوليد عبدالله بالنادي والمنتخب
والحارس مايلعب احتياط يعني بيجيب العيد الله يستر في البدايه وبيقولون انتظروه انه لسه بعيد عن المباريات


الله يحسن الحال ويطيب الفال
الحقيقه اذا مثل الهلال من اول مباراه اتوقع بتطلعه فووووق خصوصا اذا شاف تشجيع وحماس وجمهور

مدرب حراس النصر ماهو صاحي والظاهر خبيل خوياه راحو الا هو

وبعدين الحارس العنزي ياناس وبدون تعصب اقسم بالله لو جاء في الهلال ان اول من ينتقده انا واول من يعارض عليه انا حارس يجيب الطعات والكوارث لكن ذكي كسب جمهور النصر تتذكرون اول مالعب وتسبب في هدفين بمرماه وبكى بكاء طفل ماسكت ابد
وحطوه الجمهور محب الكيان النصراوي وانه مخلص
مباراه له بالدور الاول تسبب في هدفين للتعاون ع ما اظن واعترف كالعاده

الدعيع مثل قال احد الاخوة يتعاقد معه كمدرب حراس فحراسة الهلال تحتضر وبحاجة لمن ينتشلها وحراسنا ليسوا بالسيئين البلاء في المدرب

أنا مع تغير مدرب الحراسهـ ،، لأن لو ركزنا بنشوف أخطاء السبيعي نفسها أخطاء السديري

والمعامل المشتركـ بينهم مدرب الحراس !!! عموما اللهـ يوفق الهلال ويفوز ع الأهلي بالمستوى


والنتيجهـ ،، شكرا لكـ ع الطرح ~