هلا والله بالشباب


ودي مره في حياتي اشوف الجمااهير الهلاليه تتكلم بدون مجامله

ياشباب ما بقى عذر الا طلعتوه على الهلال ناس يقولون المدرب وناس تقول المصيبيح وناس تقول اللاعبين ما عرفنا لكم



شباب ورى ماقلتوا عن المدرب انه سيء بعد مباراة الاتحاد في الدوري والله ياشباب لو ترجعون للصفحات اللي بعد مباراة الاتحااد تشوفون الفرق بين كلامكم

انا ما اقول ان المدرب اليوم ما ارتكب خطاء لكن لازم نعترف ان اللاعبين ايضا ما قدموا شيء امثال سليمان وسااااامي ايه سامي ودنا ياشباب نتكلم بمنطق وش سوى سامي اليوم هل التعديه من لاعب او لاعبين في نص الملعب هذا اللي نبيه من سامي


نقطه مهمه ودي ابينها للشباب اللي هي ان الهلال من بين جميع الانديه السعوديه يعتمد بشكل كبير على نقل الكور من خلال المناوره والتعدية والنقلات السريعه بين الوسط وهذا الشيء ما يصلح في ملعب مثل هذا الملعب هذا مو عذر للهزيمه لكن شيء لازم يؤخذ في الحسبان


اللي ابي اقوله ترى والله حتى لو الشلهوب لاعب اليوم ماراح ينفع عشان ارضيه الملعب


النقطه الاهم هي الكاتو ياشباب والله هذا اللاعب حراام يلعب مع الهلال واللي يقهر انهم حاطين في اعتبارهم انه هو اللي بيكون في كاس العالم ياشباب والله حرام اخسر محترف عشان الكاتو واتمنى الاستغناااء عنه بعد البطوله والتعاقد مع مهااجم راس حربه بمعنى الكلمه مو مثل الكاتو


وبالنسبه لكلامكم اللي تقولونه عن الاستغنااء عن المدرب وش تفكرون الاستغناء عن مدرب لعب عيال هو ياشباب حنا بالطقاق وبالموت تعاقدنا مع مدرب تقولون خلنا نستغني عنه



بأذن اللي ماتنام عينه ان الهلال بيتأهل وبيفوز على بيروزي وقولوا ما قال عاشق



وسلامتكم

السلام عليكم ورحمة الله وبركاته,,

والله صراحة أعجبني كلامك,,لكن نحن الآن في الدور الربع النهائي للبطولة الآسيوية للأندية أبطال الدوري يعني ماهي لعبة ولا حنا ضامنين التأهل وحاطينة في جيوبنة واللي يشوف تشكيلة الهلال من بداية المباراة يقول المدرب ضامن التأهل,,,
شوف يا أخي أن نظلم لاعبين يلعبون طول عمرهم في ملاعب ممتازة 100% وبعدين يجواا على ملعب لو شافه مسئوول في الفيفا قال هذا لا يمكن أن يصلح لللعب أبدا يعني اللاعبين وخر عنهم والأخطاء اللي صارت (زحلقة مثلا لعبد الله سليمان)كلها جاءت من سوء أرضية الملعب وإاللاعبين غير مطالبين باللعب على كيف الملعب والله إذا الملعب غير صالح ليش تتفلسف وتقول أبي أستضيف البطولة وملعبك غير صالح أبدا,,,,,

وبعدين لو كانت المباراة في إستاد الملك فهد:
أولا:صدقني الهدفين ما بكون لهم وجود
ثانيا:هل كنت سترضى بالتشكيلة التي دخل بها المدرب من أول المباراة
الدوخي والثنيان والعلي والكاتو والشريدة على دكة الإحتياط,,,,صدقني لو كانت المباراة هناك لرمى جماهير الهلال المدرب بالحجارة وأخرجوه من الملعب قبل البداية,,,,,

أخوي لا تزعل مني عشان كنت شوية مخالفك لكن هذه مجرد مناقشة وأشكرك,,,,,

تحياتي,,,
وليد

تسلم
 

اخوي الغالي وليد تسلم على الرد الحلو :)

حبيبي انت شكلك ما كملت قراءه الموضوع انا عارف ان ارضية الملعب تعبانه مره

بس يالغالي انا هنا في موضوعي اكلم كل الجمااهير اللي انتقدت المدرب وطالبه بالاستقاله وياليتك شفت الاعضاء وش كثر متحمسين لألغاء عقد المدرب في موضوع هل تؤيد الاستغناء او لا

احب اقولهم انا ترى مو المدرب بس اللي يتحمل المسؤليه حتى اللاعبين يتحملونها


وبالنسبه لكلامك الكاتو والثنيان والشلهوب والدوخي احتياط احب اقول حتى لو العبوا كل الاعبين ما راح تتغير ارضية الملعب

واحب ازيد ان نفسية اللاعبين اليوم اللي يشوفهم يلعبون على علب ببسي والله ما تشوف فيه تحمس هل هي من الاداره هل من المدرب 00000الله اعلم



والله يا وليد لو اليوم ما لعب سامي وملعب الشلهوب مكانه مع العلم ان الشوط الاول سامي لاعب مكان الشلهوب كان اكثر من عضو قال ان سبب الهزيه هي ان سامي ما لعب


اتمنى انك فهمت وش اقصد من كلامي


وسلامتك يالغالي

إلى عزيزي:عاشق نواف
 

والله كلامك صح ميه بالميه وإذا تحب تتأكد إني معاك في إلي تقوله شوف ردي في موضوع إستقالة صفوت

ودي أقول مداخله :
الجميع يتحجج بأرضية الملعب أبي أقول شي واحد للجميع إنو هذي الأرض بيلعب فيها الهلال والإتحاد موالهلال لوحده

وعلى العموم بالتوفيق للهلال مع بيروزي(المفلت)

كلامك صحيح يا عاشق نواف بس ولو المدرب امس خبصها والا لاعب في قمة مستواه وقمت لياقته مثل الثنيان والشلهوب ما يلعبه وش يسوي فيه اجل .

انا اتمنى يقول الهلال للمدرب انت مهمتك المحافظه على لياقة اللاعبين وانظباطهم وتدريبهم بس واترك خطة اللعب والتغير للكبتن اللاعب المعجزه يوسف ابو يعقوب
وسلامتكم