طريقه للعب امام الاهلي ( صوره )
 

الاهلي بدأ يستعيد عافيته .. ولا تعتقدون ان مواجهة الاهلي سهله
خصوصا انه سيلعب امام الهلال يعني رح يبذلون كل ما في وسعهم..
سنة الله في الحاقدين على الهلال. اصبحت الفرق تلعب الدوري استعدادا لمباراة الهلال. طبعا يزيدنا شرفا :)
....
اقترح هالتشكيله ويارب اسمع اراؤكم لان والله كاستيللو صرت ما ابلع اشووفه في الملعب..
هذا اللاعب اظن والله اعلم عنده خلل في الورك ما يقدر يحركه شوفوه كيف يركض وبتعرفون..
اهم شيء لااااااااااا يلعب ولا يدخل الملعب لا احتياط ولا اساسي.. وان نلعب نكبنا.
....
http://fans.alhilal.com/imagef-d9fb970436921-jpg.html

كفاية تركين البيشي ياسامي .. شفناه قدام الشعله وكاااااان شعله.
اللاعب يحتاج لدعم ..
..
ناصر ونيفيز .. وسالم والعابد تبادل مرااكز كل عشردقائق او اقل في جهه.. خصوصا سالم والعابد.
وخصوصا اذا عرفنا هالاثنين يجيدون التحرك يمين وشمال.
مع الضغط من الاربعه على حامل الكرة وعدم السماح ببناء الهجمات بسهوله.

الفرج يجب ان يتحرك مع العابد وسالم بالتناوب ويدعم نيفيز يعني يسيطر على كل الوسط خلف نيفيز .
ويعود للسقوط مكان كواك او الزوري اذا تقدم لتغطية الشهراني. في ارتداد هجمات مفاجئه..
الاظهره يجب ان لا يتقدمون معا بوقت واحد .. اذا تقدم ياسر يثبت البيشي والعكس تماما.
الدعيع (وكواك او الزوري) في حال ذهب الدعيع لتغطية البيشي يعود كريري قلب دفاع مع كواك او العكس ..
يجب ان يلعب كريري دور دفاعي اكبر والفرج دور هجومي اكبر ..
يعني رجوع الفرج للدفاع يكون في حالات تقدم الاهلي للهجوم .
ولكن المهمه الاساسيه مساندة لنيفيز بشكل اكبر...


اذا كان الهلال يهاجم من اليمين يعود الفرج لهذه الجهه ويعود ياسر للدور الدفاعي مع الثباااات دفاااع وبس .
ويتقدم نيفيز لاسناد ناصر ويتقدم البيشي للمساعده ويعود العابد لوسط الملعب للدعم .
بحيث يكون قريب للدفاع المبكر ومساندة الفرج.
ويجب على ياسر في مثل هذه الحاله التركيز على بصاص
لانه سيذهب للتمركز في الجهه اليمنى اليسرى للهلال لانها ستكون فارغه..
وعادة بصاص يتنقل يمين وشمال وعلى البيشي وياسر اثناء مراقبته
عدم الاقتراب كثيرا من قلبي الدفاع وترك مناطق الاجنحه فارغه ..
لان بصاص والسوادي سيبحثون عن اماكن فارغه .. ويستغلونها بسرعتهم.
يجب ملء اطراف الملعب دفاعيا وعودة كريري للسقوط بين قلبي الدفاع وعودة الفرج على راس القوس وداخل الصندوق وعدم التأخر في الرجوع..

الدفاع يجب ان يكون في الجزء الامامي من ملعب الهلال ..
وفي حال ارتد الهجوم اهلاوي يتراجع المدافعين مع مهاجمي
الاهلي وكسب مساحة من الملعب واعطاء لاعبي الوسط فرصه للتراجع والمساعده ..
بالعربي لا تسووون شجاعه وتحاول تقطع الكوره
لان المهاجم عندما يتقدم وامامه مساحات فارغه رح يكون
هو الاقوى ويسحب فيك ..
يجب تاخير المهاجم الى ان تجد المساعده
وتتأكد ان الدفاع والوسط قد تراجع. ويدافعون معاك.

.. اللهم وفق الهلال يارب

الله يعطيك العافيه على طرحك جميل ولاكن هذي امور خاصه بالجهاز الفني وهو الاقرب للاعبين وادرى

بس ان شاءلله كلنا ثقه في سامي والاعبين نبي نشوف هلال ممتع جميع المباريات الي فاتت حتى الي فزنا فيها بالخمسه

كانت صعبه وبعد عناء كبير نبي فوز سهل ومريح وممتع للجماهير

الله يعطيك العافيه


,,

قاهرتني فكرة اللعب بمحورين دفاعيين ؟ وليتها حلت مشكلة الدفاع إلا ازدادت سوء و حرمتنا من المحور الهجومي المساند للهجمه

بوجود كريري لاحاجة لنا في كاستلو وخصوصاً أنه محسوب علينا أجنبي ع الفاضي نريد صانع لعب لفك التكتلات الدفاعيه

بالنسبة لمباراة الأهلي القادمه :

البيشي بالجهه اليمنى + وضروري العابد يكون بدل عزوز

البيشي ما ينفع ظهير
ما عنده سرعة
وارتداده بطئ
وما يعرف يرفع كورة
نكذب على بعض
ليش !!!

الأهلي - النهضة - شوط المباراة الأول - 10-01-13 - فيديو Dailymotion
بالله اسمعوا كانو ساكتين الى الدقيقة 5 رئيس الرابطة كان غير موجود
بعدين اسمعوا التفاعل مو مثل جمهورنا نبغغغى تفاعل مثل جمهور الاهلي تفاعل طول المباراة الى متى ي زعماء

نشرت الرابط هنا لاني غير مصرح لي بالمشاركة الردود فقط

الاهلي يلعب بمصيده التسلل في الدره ملعب كبير يعني ابوكلبشه بيكسر التسلل في كم كوره لذلك نلعب كورات ساقطه خلف المدافعين
كل الانديه تطبق هالنظام ضد الاهلي وتكسبه الاهم العب بمهاجمين الشمراني القحطاني من الاساس الشوط الثاني السالم يدخل

خطه جميله
في ظل تواجد سلطان البيشي s60s
الله يعطيك العافيه

الله يرحم والديكم اتركوا الخطط للمدرب ...

اهم شيء الدعيع لايلعب والله انه نكبه ممكن يؤدي في الظهير

لكن كقلب دفاع سيء مستحيل يوقف مع المهاجم دائما يعطيه مساحه يستلم ويتفدم

والشهراني ماينفع يمين ملينا وحنا نقولها

انا اخالفك في التشكيل
لان الوسط كذا فاضي مافيه الا كريري

ؤالله أنا إشوف أنو الدعيع يلعب يمين أولا لأن لياقته عاليه وحماسي وثانيا لأن تمريراته ماشاء الله متقنه جدا جدا يعني بالملي.

أما البيشي بطيييييييييء ومايعرف يرفع اووفر سليم.

اخوي المحورين امر ضروري اذا فيه مهاجمين سريعين وفي نفس الوقت مهاريين..
بالاضافه الى ان وسط الاهلي مكثف ولا تنسى عندهم لاعب جديد يقولون انه حريف وصانع لعب ممتاز .. ما حد يعرف عنه شيء الى الان.
ولا تنسى ان الفرج هجومي وبنفس الجوده يدافع .. يعني وجوده يدعم الوسط في الامام ويدعم الدفاع في الخلف.
باختصار الفرج يحل مشكلة عدم وجود صانع لعب مع نيفيز.. ويخليه يتفرغ لصناعة الهجمات.