لك الله ياسامي حرب من الاعلامي النصراوي حتى اثروا على عشاق الزعيم الحقيقين وليس المندسين ؟؟
 

يعني وقفت موسم ماتاخذون بطوله فرق عالميه تحصد بطولات تصبر على مدربينها 5سنوات واكثر حتى صارت تحصد بطولات وسامي ابن النادي ياما افرحنا وكما افرحنا لازم نقف معه حتى يحقق طموحه وهو وصوله للقمة عن طريق ناديه الذي ترعرع فيه صبراً على سامي اثبتت جميع المباريات انه لديه فكر عالي في التدريب وما يثبت ذلك تغير مستوى الهلال في الشوط الثاني في جميع المباريات وهو كما هو معلوم شوط المدربين انا مع بقى سامي موسم ثاني حتى لو لم نحقق اي بطوله شوفوا مستوى النصر العام وهذه السنه لانهم صبروا على مدربهم الان هم متصدرين وممكن ياخذون الدوري لان لديهم مدرب فهموا لاعبين خطته وفكره
سامي نحن معك الا تحقيقك مرادك وهو البطولات مع ناديك لاعب واداري ومدرب

اكره المندسيين لسبب واحد

وهي مشاركاتهم السلبيه المتعمدة سواء هنا او في تويتر وخلافه

يجب ان نعي ذلك

ندعم سامي و نصبر عليه و الرجل جالس يجتهد والحمدلله النتائج أفضل من أندية عندها مدربين عالميين !!!!

للأسف يوم أمس عانينا من غياب كواك لكن إن شاء الله باكتمال الصفوف يتحسن الوضع

وانا مثلك وهذا الذي جعلني مقل في المشاركات المنتدى صار لايطاق من المندسين يسرحوا ويمرحوا على كيفهم بدون حسيب ولارقيب
ادارة المنتدى مجتهده ولاكن نطالب بابمزيد في المراقبه

:ap:عذا الصحيح وابمفروض دعم من الجمهور وبقوة للسامي كما يفعلوا جمهور النصر مع مدربهم من الموسم الماضي
شكراً لكم على المرور

اول شي يعطيك العافيه على حماسك

حبيت اقول واعلم الكل اني مع الهلال قلبا وقالبا ويخسى كل نصراوي او اتحادي او اهلاوي او غيره يا ثر في الهلال الزعيم الاسيوه والكلام الي يقولونه الاعلام وغير الاعلام الاصفر وغيره كلام شوارع وقله تربيه
الله ينصر الهلال يارب الله مع الهلال يارب
كلنا مع الهلال كلنا مع سامي




جمهور الهلال الرقم الصعب

هكذا يكون الجمهور الهلالي
دمت بخير

لا حول ولا قوة الا بالله
تخيل الهلال خرج هذا الموسم من غير بطله الله اكبر
نضحي بالهلال وسمعته عشان سامي
الله اكبر والله لو اننا شايفين المستوى متطور وان نتايج الفريق متعثره لاسباب فوق قدرتنا صح نقول نوقف معه لكن كل الفرق تسجل اول ونتعادل بشق الانفس لا والله لا والهلال اهم من سامي ومن أي انسان
انت من اسمك تحب سامي وهذا من حقك لكن الهلال فوق الجميع

الهلال اكبر من أي انسان سواء سامي او غيره
وموعلى حساب الهلال ندعم سامي
لو ان الهلال في مستوى متصاعد يمكن نقول ندعمه لكن الهلال معاه ضايع ضايع من بداية الدوري والهلال يسجل فيه والمستوى نفسه ما فيه تطور وتقول ندعم سامي على حساب الهلال ليه

كلنا مع سامي لكن الهلال لا يوجد فيه ظهير ايمن ولا بديل لسالم ولا مدافعين ولا بديل للحارسين ولا بديل للمحور والمسلم مصاب والمرشدي تم مخالصته والشمري تم مخالصته والغنام مصاب سبع سنوات والقرني لا يمكن يلعب ويحرض عليه صحفيين هلاليين والبيشي لا يمكن يلعب والشهراني يقتل مستواه بالظهير الأيمن والفرج (سوبرمان) جوكر لاعب كل مركز وعزوز يقتل بالوسط . من يتحمل هذا ؟ هل تم اصلاح خلل الفريق ؟ لو لم يسرب المدرب مفاوضات معاذ وفتحي لقلنا يمكن ما يعرفون خلل الفريق لكن سبع مواسم على ذا الحال ياخي نحتاج فكر مختلف عن هذه الاداره ال......... وشكرا