![]() |
☜♡فداك الموسم بأكمله يا ♥سامي♥ بسم الله الرحمن الرحيم والصلاة والسلام على رسول الله وعلى آله وصحبه وسلم :smilie47::smilie47::smilie47::smilie47: سامي والله أرعبت الجميع وأصبح الهلال يرعبهم حتى أخر ثانية أصبح الهلال يسجل في كل دقيقة من المباراة أخطاء الدفاع تقلل من أسهمك وأخطاء فردية لسان حالك معها يقول يعني أنزل الملعب وأمرر وأستلم وأسجل لعيبه يخطئون وأنت تتحمل الخطأ والله لو يخسر الهلال كل بطولات الموسم بما فيها الأسيوية ♥♡♥ فداك ياسامي♡♥♡ مدربين خسروا مواسم بأكملها سنين يبحثون عن بطولة ويأخذون الشرط جزائي ويكرمون عند سفرهم وأنت يا ♡سامي♡ قائد الهلال وهدافه والبطولات المحلية والخارجية تشهدلك أنت أحد الذين رفعوا أسم الهلال وصنعوا إنجازاته وتاريخه ألا تستحق أن يرد لك الهلال جزء مما أعطيته ��� ♡سامي♡لو نعطيك ثلاثة مواسم وما تجيب بطولة ما تلحق الفرق الأخرى بعدد بطولات الهلال فداك فداك فداك الموسم بأكمله ومازال الموسم فيه الكثير وبإذن الله تحقق أقل شيء بطولة وأكررها إذا ما حققت ولا بطولة فأنت أحق مليار مرة من الغريب في أن تعطى فرصة وفداك فداك فداك يا :smilie47:سامي:smilie47: الموسم بأكمله |
:: لا اخوي مو إلى هالدرجه نريد البطولات والمتعه أو مدرب غير سامي لكن سامي بالتأكيد لا يفكر بضياع أي بطوله أو التساهل لأي بطوله أو لاعب لأنه يريد للهلال كل شي قبل أن يكون له شي ولنذا بتعاقدات هذا الموسم :) عوافي :: |
ليت لي من الامر شيء يحتاج سامي الى ابعاد كاستيلو والتعاقد مع ظهير ايمن واللعب بكل لاعب بمركزه الأساسي وتكون الأمور تمام (لا اعلم صاحب فكرة تغيير مراكز اللاعبين (كي ادعو عليه)) لا يهمني من يلعب أساسي او بديل فقط كل لاعب بمركزه الأساسي ويكون بديل كاستيلو صانع العاب ايمن او مهاجم . ماللذي تغير ليكون محترفينا من (عمود فقري) الى (مدافعين) كي يبدع ويمتع الهلال نحتاج الظهير الايسر الزوري والشهراني بدلا لبعض وليس مع بعض ! (معاذ او الحسن) والبريك بدلا لبعض بالظهير الأيمن الدعيع قلب دفاع ايمن الكوري او البرازيلي بدلا لبعض بقلب الدفاع الايسر كريري والفضل او الفرحان او النجعي او فلاته بدلا بالمحور العابد والفرج بدلا لبعض بالوسط الايسر سالم وكعبي بدلا لبعض بالوسط الأيمن نفيز وعبدالكريم بدلا لبعض بصناعة اللعب ياسر وعزوز بدلا لبعض كمهاجم ثاني ناصر ويوسف بدلا لبعض راس حربه ومع المباريات سيحدث التفاهم بين السبيعي والمدافعين وتصير الأمور تمام اما اللعب بالشهراني ظهير ايمن والفرج في كل مكان وسالم مهاجم ! كما حدث اليوم فهذا يعني قتل مستوى اللاعبين والفريق وشكرا |
ياجماعة الخير الدوري واملنا فيه ضعيف جدا وخلونا واقعيين فأعداد الفريق وتجانسه وعدم تعريض الفريق ومدربه للضغوط النفسية والجسدية والتعرض للإصابات لا سمح الله في مباريات ماراثونيه شبيهه بمباريات الكؤوس لانه لو استمر الفريق بهذه الطريقه راح نخسر كل البطولات بسبب هالضغوط اللى تمارس على الفريق من جميع الجهات فالفريق استهلك والمدرب لم ياخذ فرصته لاعداد الفريق وتجانسه ويحتاج لوقت حتى نطالبه ببطولات فعلينا عدم الضغط والمطالبه ببطوله وبالذات بطولة الدوري وعلينا الاستعداد لكاس ولي العهد والبطوله الاهم الاسيويه ون حصل بطوله الكاس . وتقبلوا تحياتي |
أتمنى إحالة الكوتش للتدريب مع الأولمبي فالزعيم فوق كل إعتبارات شخصية أو عاطفية |
لا نقعد نجامل سامي صرااحه سامي اليوم ما في تكتيك و جازف باللعب بمحور واحد سامي ما يعرف يتصرف بالعربي الفصيح ( سامي ما عنده خبرة تدريب ) وحرام يمسك فريق كبير زي الهلال لكن الله يوفقنا في القادم |
هههههههههههههههه ترى يوم ضاعت البطولات كنتم تقولون الدفاع ضعيف المرشدي ضيع البطولة وجريتس كان عنده هوساوي وضيع أسيا بسبب الدفاع ورادوي محور وكان بطولتنا الوحيدة كأس ولي العهد وكل سنة نقول الدفاع السبب وهذه السنة الهلال أقوى فريق وأقوى هلال من سنوات وراح تشوف شغل سامي وترميمه للدفاع والحراسة وقوة الهجوم إلي قاعد سامي يجلد الفرق بهم 90 % من لعيبه الهلال لو تلقى الفرق الثانية عليهم فرصة ما راح يبقون منهم أي لاعب واولهم ياسر والله الهلال ما فيه مثله الكل حاسده ولكن الحسد ما يفيدهم عشان كذا يحاربونه 1- إدارة مستقرة وتدفع وديون (0) ومدرب حارب وتعب على نفسه حتى وصل لهذه المرحلة سنة أولى وعمل ممتاز إحترافي 2- لا عبين تنتظر الفرق الأخر أن تجد عليهم فرصة كما فعل بعض الاعبين وطلع من الهلال وندم على خروجهم من فريق الإستقرار والبطولات 3- جماهير كل لاعب يتمنى يلعب ويمتعهم ويلقى ردهم فعلهم على إبداعه |
وفداك فداك فداك يا سامي الموسم بأكمله |
اهم شي نريد بطوله السنه هذي لانه عاده سنويه بطوله هلاليه |
أتمنى نبدأ التركيز على الآسيوية هي البطولة المعتبرة |
التطبيل مافيه فايده كل شيء متوفر ولعيب الهلال افضل من لاعبين الاتحاد ب شكل واضح وفي الاخير لا تكتيك ولا حلول هجوميه في مراقبة نيفيز ولا حتى تنظيم دفاعي |
سامي اخطأ والاخطأ ورادة بكرة القدم اخطأ سالم يلعب بمهاجم ! وكاستليوا مدافع ! الاتحاد فريق سهل ومن سهل اختراقه لكن لاعبين مو بيومهم الحمدالله ع كل شي |
فداه ؟ اولا انا غسلت يدي من الدوري , .. ومبروك للنصر ثانيا انا مايستفزني الا اللي يخلط بين تاريخ سامي كلاعب بتاريخه كمدرب .. , والله سامي على عيني ورآسي لكن اللاعبين ما اشوف فيه تكتيك .. الشخص الوحيد اللي حسيت فيه تكتيك هو زلاتكو ! ما ادري وش كان بيضر سآمي لو صار مساعد مدرب في بداية مهنته ., ما ادري وش كان بيضر سآمي لو مسك نادي صغير او الاولمبي في بدايته ليه عندنا بالسعودية كل ماجينا نسوي خطوة جديدة نبدا بالمقلوب نبدا من راس الهرم وننزل تحت ! الاحتراف عندنا صفر في الشمآل , وكل من هب ودب من لاعب او اداري فريق ما او ماسك لجنة قال انا شخص محترف بدوري محترفين ! لا ياحبيبي الدنيا مو كذآ , امس نايم واليوم الثاني صحيت صرت محترف ؟! احيانا اتمنى الهلال يختفي من السعودية , اريح راسي من هالدوري المخيس والمخزي , اجل وين تحصل بإي دوري بالعالم , الناس تحاول تسوي كل اللي تقدر عليه على شان يتعثر الوصيف .. بالاخير انا قلت اني غاسل يدي من الدوري لان اللاعبين عندهم كذا مشاركة عكس النصر ماعندهم غير الدوري .. موفقين ان شاء الله نحقق الدوري السنة الجاية ., والشكر كل الشكر لنآصر ثم ناصر واخيرا ناصر |
لا والله اذا بيكون الهلال طول الموسم زي الاتحاد يرحل سامي من الان نحب سامي لكننا نعشق الهلال |
لا نبي بطولات واتركوا التطبيل سامي نحبه لاعب ان نجح صفقنا له وان فشل يبتعد حاله حال اي مدرب لكن الهلال ماهو فريق عادي تعود على البطولات وراه شريك استراتيجي من حقه ان الهلال ياخذ بطولات |
الوقت المعتمد في المنتدى بتوقيت جرينتش +3.
الوقت الان » 01:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd