|
لمصلحة من مجاملة هذا اللاعب ؟؟!! السلام عليكم ورحمة الله وبركاته اول موضوع اكتبه في منتدى الزعماء وكم يسعدني الاشتراك والقرب منكم عبداللطيف الغنام اسم كبير في كرة القدم السعودية باللعب النظيف لدقائق معدوده وبعدها اصابة لعدة اشهر في عدة مواسم سابقه وهذا الموسم لا ارى هذا اللاعب يعتمد عليه نهائيا فلماذا هذا الانتظار الطويل بدون فائده تذكر طالت مجاملته على حساب نادي الهلال استغنينا عن ماجد المرشدي وهو افضل منه بكثر مع مساوئه القليله ولكن على الاقل تواجده عند الحاجه ولكن الكابتن عبداللطيف الغنام لا ينفع الهلال في الفتره الحالية والمستقبلية اغمروني بوجهات نظركم المؤيدة او المخالفه لوجهة نظري تحياتي لكم |
كثير اللي زيه الغنام القرني البيشي السديري مع احترامي الهلال صار استراحة لكثير من الاعبين المفترض البقاء في النادي للأفضل فقط ومن يؤدي في التمارين والملعب والمنضبط في النادي وخارج النادي |
بلاه هذا موضوع ؟؟ وين المشرفين عن هذي المواضيع لابد احترام اي لاعب هلالي وبعدين الغنام احتياط جيد بعض الاعضاء يتكلم ليش الحارس الشمري مايلعب وليش فلان مايلعب وش الفايده منه ووو !!! ياشباب كرة القدم تحتاج للاعبين احتياط مهوب لازم كل الاعبين اساسي !! الاهم الان التركيز في مباراة الاتحاد والاهلي المهمه والله يوفق الملكي |
وانت ايش مزعلك بتواجده الغنام احتياط |
. بغض النظر عن وجوده في العيادة كما ارهق أسماعنا في الأيام الأخيرة هل الراغبين في رحيلة متأكدين من وجود العرض المناسب له ؟!! |
الغنام وجوده زي عدمه وبقاؤه في الهلال ليس لأمر فني لأنه لو كان كذلك فهذه ام الكوارث لاعب يقضي الموسم تلو الآخر ما بين علاج وتأهيل ( الله يشفيه ) ولا يخدم الفريق أبداً هذا حاله من عدة مواسم لكن الله الرازق .. اللهم لا حسد لا ويجيك واحد يقول طيب ماله بديل : يعني على أساس هو يشارك باستمرار ومؤثر في التشكيله عشان ننتظر له بديل ؟! مع كامل الاحترام له مدري إذا بيرضى اي نادي يشتري عقده حتى من أندية الوسط الصراحه زينه يا جمهور الهلال العزيز .. ومصلحة الفريق هي الاهم بغض النظر عن الأسمااااء مهما كانت بالله بقاء اللاعب في الفريق وش فايدته ؟! ... |
هو اذا لعب مباريتين جيد بس متى يقدر يلعب |
الله يشفيه ويعافيه ويحفظه لأهله ولكن يمكن اذا تم تنسيقه ينفك من الإصابات ويفيد نادي اخر انا مع تنسيقه لانه مستحيل يرجع لحساسية الكره بعد هذا الانقطاع الطويل وراح نستفيد من لاعب بديل وكذلك أي لاعب لا يجد فرصته باللعب أساسيا (البيشي والقرني مثلا) اما يمنحون الفرصه او يعارون لفريق اخر وشكرا |
سبحان الله ، و هل هو أخذ فرصته أساساً ؟! هاللاعب تم تلزيقه بباتكس بكراسي الإحتياط حتى إشعار آخر و لكن مهارته متوسطه و ليست إحترافية أتمنى له التوفيق سوا بالهلال أو غيره |
عبداللطيف الغنام الأن لاعب هلالي والمفروض مساندته في هذا الوقت وعند أنتهاء الموسم لكل حادثاً حديث |
الغنام شايفه في حي السفارات قبل 3 ايام تقريبا مادري وش عنده سألته قلت بتلعب قدام الفيصلي قال لا انا مرحلة تأهيل !!! :s2: مع العلم إني دايم اشوف عبدالله الواكد كثير يجي هنا وآخرها اليوم والظاهر انه يجي يتمشى والغنام بيلحقه والعلم عند الله أضف على ذلك قبل 10 ايام تقريبا شايف أحمد عباس لاعب الفقر السابق وأمس كأني لمحت يحى الشهري الزبده إن أغلب اللعيبه اللي يجون لحي السفارات تكون علاقتهم بالكوره منتهيه أو شبه منتهيه الا اذا كان فيه نادي تدريب أو لياقه في حي السفارات فما أدري |
اكبر علامة استفهام في تاريخ الهلال هو بقاء الغنام مع كامل ووافر الاحترام له مفروض يكون مكانه عطيف كأحتياط مع القرني اذا سامي يقول لا مجامله واحلال بلاعبين يخدمون فليكون لك النظرة نفسها مع الجميع وكان بقاء المرشدي افضل ولكن المرشدي رفض البقاء وكتقدير من الهلال له اعطاه مخالصه واستغرب مدير اعماله يقول تنازل عن 800 نظير الفتره الباقيه لو يبيها كان استمر لنهايه عقده وبما انه من طالب بالمخالصه فلا يبقى للنادي شي يعطيه اللاعبه اذا اللاعب لم يستغني عن دراهمه للنادي بل لنفسه يا مدير ااعماله لا تزايد على الهلال |
الغنام لابد ان يباع... مستوى فني دون مستوى الهلال... واخلاقه العاليه احترمها... لكن مابتفوزنا بالمباريات... |
اخوي انا معك بس كلنا نحترم اي اسم يلعب لنادي الههلال واللاعب الله يستر عليه دايم اصابات اتمنى انه ينتبه على نفسه ويحافظ على نفسه من الاصابات |
هلاعب لو يحولونه مدير اجتماعي بالنادي افضل لانه يحب الاعبين الاجانب والاجانب يحبونه اما كلاعب اشوف ابعاده ووضع بديل له لاعب شاب افضل لانه ماشاءالله محسوب لاعب ويلعب مبارتين بالكثير كل سنه يعطيك العافيه |
كلام سليم وش الفائده من وجوده في الهلال ،،،،،،،،،،،،،،،، |
ياأخي اللاعب هذا وضعه غريب اللاعب وراه واسطه قويه قويه |
انضبط ايام رادوي وعزيز وووو وانضبط لين وقع عقد لمده 4 سنوات بمبلغ خيالي وبعدها رجع لعادته اذا فيه اصابه مزمنه الله يشفيه ويعافيه واتمنى ابعاده تراه شايل خانه على عماها الله يهديه واذا كان ضحك على الكيان الله لايبيحه ولايحلله ملينا من هالحركات |
للأسف هناك أعضاء جدد تاريخ تسجيلهم في الموقع بعد تولي الأسطورة سامي مهام التدريب واغلب مواضيعهم نقد جارح بكل ما يتعلق بسامي من بعيد أو قريب ،،،، نقول لهؤلاء موتوا بغيضكم فالهلال وسامي ماضون للمجد بكل كبرياء ،،،،،، |
الغنام لاعب خبرة مشكلتنا نرمي ابناء النادي ونروح نترجى روساء الاندية يفكون لاعبينهم |
لاكن الهلال يحتاجة لان مركزة محور احتياط ونحتاجة لو لاقدر الله اصابة لاحد المحاور كريري او كاستي عشان كذا مانبي نضيعة |
إقتباس:
ذكرت انه كبير بأخلاقه الرائعه ولكن استنكرت عدم منفعته للهلال لا اساسي ولا احتياط فثلاث ارباع الموسم لا تجد اسمه حتى في لائحة الاحتياط |
آي لاعب هلالي بالفترهه الحآليه بنادي الهلال يجب مساندته حتى وان كان احتياط او كام بمرحله تأهيليه صحيح البقاء للافضل ولكن عند الحاجه وغياب الاساسي اكيد يأتي الغنام بديل عنه رجآء ركزو في الهلال نفسه وابعدو عن العاطفيه الزايده " .. الله يوفق الهلال يآرب خلال المباريات المقبلة .. |
إقتباس:
من كم سنه وانا اللي اعرف انه بالعياده وينزل بقائمة الاحتياط مباراه ويرجع للعيادة نص موسم اتمنى ان لا يظل بس اسم نسمعه من مواسم اتمنى ان نشوف البديل له لاجل اي لحظه نحتاجه فيها لو لا سمح الله في غياب طارئ لسعود او كاستيلو |
إذا كنت تتحدث عن الغنام اليوم با أسير لك مدرب وأرد عليك نيابة عن الكوتش سامي بين قوسين ( أنا أحتفظ بالغنام , لأنه لاعب مميز في الملعب والكثير لايراه اللاعب الذي يخدم الهلال فأنا أراه مميز لأنه لاعب لايحتفظ بالكورة كثيرا , يقوم بالتمرير مبكرا , كي لاتعطل الهجمة في الفريق ) |
والله الذي لا إله إلا هو أنه من أحب اللاعبين إلى قلبي ولكن ... فنياً لا يفيد الفريق بل يحجز مكان دون فائدة مثله مثل الشلهوب وياسر ولكن هذين الاثنين ربما ننتظر منهم موسم واحد ثم نودعهم بانجازات وتضحيات حفرت بالقلوب |
إقتباس:
الغنام رجل مشهود له بالخلق والالتزام الديني والانضباط داخل الملعب وخارجه |
الغنام الان مقييم للطاقم الطبي وجوده مطلب يقفط لك الطاقم الطبي هو ممتاز ولافاشل ممكن نستفيد منه بالمستقبل كمساعد طبي ::) |
اللاعب من ناحية الآداء جيد جداً إلى ممتاز لكن الإصابات أرهقت كاهله وجعلته لا يقدم مستواه المعهود وإلا لو كان يلعب بإستمرار لكان صمام أمان للدفاع وأتمنى انزال إسمه الموسم القادم وتصعيد عبدالإله الفضل مكانه وأيضا تصعيد عطيف لأنه واضح أن الفريق الأولمبي الموسم هذا لن يتم تصعيد أي لاعب منه إلا في حاجة ماسة جداً مثل إصابة المرشدي وإيقاف هوان في مباراة الشعلة لذلك أجبر الفريق على تصعيد الدعيع ليعلب بجانب المسلم الذي أتمنى له الشفاء << ماتحس إنك شطحت هههههه |
والله إذا بيستمر الهلال على ها الاسلوب والاستغناء عن اللاعبين بيكون خسران كثير الفريق يتعرض لاي ظرف ما يقدر يعوض غياب اللاعب أنا اتمنى اي لاعب خدم الهلال ما يتعرض لها النقد والجحود |
| الوقت المعتمد في المنتدى بتوقيت جرينتش +3.
الوقت الان » 09:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd