|
المباريات القادمة لاتقبل نصاف الحلول الزعيم في الدور الثاني يسير في خطى ثابتة من ناحية النتائج وحصد النقاط وهذا مهم , أما من ناحية المستوى فيوجد تذبذب . الهلال والحمدلله يسجل ويصنع الفرص وهذا جميل ولكن الشئ الغير حسن أن الهلال الى الآن سهل أن يسجل فيه وهذا عمق المشكلة , فأنت مادمت تسجل وتستقبل في مرماك فكأنك لم تفعل شيء . إذا أراد الكوتش سامي أن يسير بالهلال بعد توفيق الله إلى الأجمل فعليه أن يركز أكثر دفاعيا , فالعمق الدفاعي لدى الهلال سهل الاختراق وأيضا الكرات العرضية سواءا ضربات زاوية أو غيرها الى الأن تشكل خطرا على المرمى . الهلال في الأيام المقبلة تنتظره مباريات حاسمة ولا تقبل أنصاف الحلول ونعلم جمعيا بأن الفرق الأخرى ستستسبل أمام الهلال فتعثر الزعيم هو مطلبها . لذلك يجب على من يقود الكتيبة الزرقاء أن يضع في عين الاعتبار الأخطاء ويركز على العمل الجاد خاصة في الدفاع ويترك خلفه الأصوات المرتفعة والتي تصطاد في المياه الراكدة . أتمنى التوفيق للزعيم نلتقي ,,, |
فعلا كلامك صحيح : المباريات القادمة لاتقبل انصاف الحلول و10 جولات متبقية في دوري جميل لاتحتمل الخطأ والتفريط ونقولهابكل صراحة ووضوح تعثرواحد أوأثنين فقط يعني فقدان البطولة البطولة إنحصرت بين المتصدروالوصيف .. فريقان لاغير وبقية الفرق سوف تلعب دوركبيرفي تحديد مسارالبطولة من خلال نتائج لقاءاتها مع المتصدروالوصيف بشكل مؤثر وأحوال المتصدرأفضل من وصيفه حيث المستوى الثابت والنتائج الكبيرة بينما حال الهلال لايطمئن مستواه أبدا ناهيك عن أنه سوف يقابل الإتحاد والشباب وهومن أكتسحهما في الدورالأول وسيحاولان جاهدان رد أعتبارهما والأهلي ليس لديه شيء يخسره وهو فقد المنافسة على البطولة فسيلعب بإرتياح أمام الهلال مباريات الهلال العشرالقادمة والفارق النقطي وتطوروثبات مستوى النصرتجعل حظوظ الهلال غامضة في ماتبقى من المباريات إحتمالات تعثرالهلال للأسف أكبيرمن إحتمالات تعثرالنصر إلاإذاا كان للاعبي الهلال رأي أخروأعتبروا هذه البطولة بالذات مصيرية وتحدي خاص لايريدون خسارته |
إن شاء الله يستمر الزعيم في حصد النقاط و تستمر الروح القتالية العالية عند اللاعبين الحمدلله لاعبينا يدركون حجم المسؤولية و الدليل رجوعهم للمباريات بعد تأخرهم بهدف و هدفين و هذا مؤشر ممتاز ويزيد من ثقتهم في أنفسهم و في مدربهم و يعزز ثقافة الفوز لديهم |
اتوقع الدوري للنصر بنسبه 99 % ومستحيل الهلال يحقق الدوري الا اذا الله وفق الزعيم :alzaeem: والدليل ان الدوري صعب على هلالنا : الهلال راح يلعب مع 1- الاتحاد 2- الاهلي 3- الرائد 4- التعاون 5- الشباب 6- نجران 7- النصر مباريات الهلال قويه وصعبه عكس النصر لن يلعب مع الهلال او الشباب او الاتحاد الا اذا فاز بالدوري !! يعني في اخر الدوري والانديه تلعب قدام النصر بدون حماس وروح وظغط على لاعبين النصر مثل ماقال الاسطورة سامي نشوف خيانه من لاعبين الانديه امام النصر مانشوف ظغط على لاعبين الوسط الا في مبارة النهضه كان فيه حماس وروح لان رئيس النهضه هلالي اما جميع الانديه لو الكل يركز عليهم راح نشوف خيانه منهم مافيه روح ولا حماس ولا ظغط على لاعبين الوسط للنصر !! حسبي الله عليهم على العموم الهلال يمكن يفوز على الاتحاد ويتعادل مع الاهلي ويتعادل او يخسر قدام الشباب وكذا الهلال خسر 5 نقاط !! وراح يلعب مع النصر والفرق 9 نقاط بين الهلال والنصر !! الا اذا الله وفق الزعيم ويارب الدوري لنا مع انه صعب بسبب : 1- جدول الدوري 2- الفرق بين الهلال والنصر 4 نقاط وهو فرق كبير كبير كبير 3- الانديه تلعب مع النصر بدون روح ومافيه حماس ولا ظغط على لاعبين الوسط للنصر وهذي خيانه من الانديه حسبي الله عليهم ولكن نقول ان شاء الله |
إقتباس:
الهلال جاب الدوري يوم كان الاتحاد والاهلي والشباب بعز مستوياتهم المتصدر مو متعود على البطولات واذا قربت نهاية الدوري راح يتخبط بعدين انت خليت الهلال يخسر ويتعادل. طيب النصر معقولة ما راح يخسر ولا يتعادل؟ تعادل وخسارة امام الهلال راح تقلب الموازين لصالح الزعيم |
يجب ان لاننكر ان الدفاع تحسن كثيراً فمعاناتنا في الدور الاول هي من حالة الارتباك وسوء تخليص الكرة واذا وصلت الكرة الى منطقة الهلال فكأنها قنبلة شديدة الانفجار الكل مرتبك وتجيه ام الركب اليوم لانجد هذا يحدث في دفاعنا والحمدلله وهذه نقطة ايجابية جداً ومسألة التسجيل في مرمانا تعود لأمرين سهل علاجهما وهما تقدم الاظهر والمساحات الخالية خلفهما وهذه علاجها بأن يبقى احد المحاور قريب من منطقة الظهير المتقدم والامر الآخر هو سوء الوقوف داخل ال١٨ في اثناء الركنيات او الكرات الثابتة |
إقتباس:
لا تقولي التحكيم معاهم ،، هالعذر مرفوض تماماً ،، التحكيم جزء من اللعبهـ ويجب علي الهلال عدم التركيز ع الحكم بل التركيز ع منافسهـ وكيف يكسب الثلاث نقاط !! وبعدين الهلال يحب الصعب ما يحب السهل ومن يومهـ ما شاء اللهـ معودنااا إنهـ بالمباريات القويهـ مثل الإتحاد والأهلي والشباب والنصر يظهر بمستواهـ الحقيقي ويحاول قدر المستطاع الفوز بالمباراهـ لأن الفوز بهالمباريات طعم خاص !! ثانيا : وش ذا الإحباط والثقهـ بفوز النصر ع الهلال ؟! *~* أنا صراحهـ أخالف الرأي ،، أنا متفائلهـ وبقوهـ بـ فوز الهلال بـ مواجهـ النصر إن شاء اللهـ ،، لان اللي شاف ردت فعل سامي ع رئيس النصر يوم قال فزنا عليكم من غير أجانب بيعرف حزن سامي ع الخسارهـ كيف كان ؟! وبشوف نظرهـ الإصرار ع الفوز ورد إعتبارهـ بـ الدور الثاني إن شاء اللهـ ~ وبالعكس كل ما لعبوا الفرق الثانيهـ بقوهـ كل ما زاد الهلال إصرار ع الفوز لأني قلت لكـ الهلال ما يحب السهل يحب الصعب والإستمتاع بالفوز ع فريق صعب أفضل بكثييييير من الإستمتاع بالفوز ع فريق سهل !! ثالثا : الجدول ما فيهـ شيء هو نفس الجدول فالدور الأول ما فيهـ أي إختلاف ،، جميع المباريات اللي كان يلعبها النصر قبل الهلال ولا بعدهـ نفسها ما تغيرت !! وجدول الدور الأول وضع قبل ما يتصدر أحد !! إذا هذا مب سبب لخسارهـ الدوري لا سمح اللهـ ~ وبعدين الفارق مب كبير 4 نقاط فقط !! يعني مبارتين فقط ! ومبارهـ وحدهـ لو تفائلنا خير بفوز الهلال إن شاء اللهـ عليهـ بـ مواجهـ الفريقين ~ وبخصوص الأنديهـ ما تلعب بروح وحماس أمام النصر ،، حنا من متى ندخل بنيهـ خلق اللهـ ؟! ومن متى الهلال يهتم وينتظر خدمهـ من الغير ؟! الهلال مطلوب منهـ يفوز بجميع مبارياتهـ القادمهـ إن شاء اللهـ ،، ولا عليهـ من غيرهـ ~ لأن النصر رح يتعثر إن شاء اللهـ ولو بالتعادل ~ ختما : من راقب الناس مات هما ،، إتركوا خلق اللهـ و ركزوا بالفريق وحاولوا تحفزونهـ وتدعمونهـ لمواصلهـ التنافس وعدم اليأس إلى آخر مباراهـ ~ وبـ إذن اللهـ رح يأخذ الهلال الدوري وجميع البطولات ..و شكرا لكـ =) |
اللي ما ياكل بيده مايشبع :دع عنك الفرق ومن يريد البطولة فعليه الفوز على جميع الفرق التي يقابلها الأتحاد متهالك ومنتهي ولكنه سوف يقدم شي كحماس فقط ... وإذا سجل فسوف يزيد لديهم الحماس دبل وهنا يصعب علينا هزيمتهم يجب أن نؤمن دفاعتنا جيدا ونضرب من أول المبارة بقوة وحماس وسرعه عشر دقائق تكفي لضربهم وهنا سوف نأكلهم بسهوله جدا غيره ما فيه حل أضرب من أول المبارة ولا تفلسف وتضيع الفرص وهنا ترتاح ويصبح التركيز ميه ميه الهلال دائما عندما يسجل أولا خلاص ياكل الخصم أكل الملنقا :naughty |
والله حاسس النصر بيفوزز بالدوري ومستحيل يفرط فيه نهائياا إلا إذا لاعبين الهلال اتقفواا فيما بينهمم على تحقيق الدوري وعودة روووح الزعييمم لكن مبارايات الهلال القادمه صعبه امام الاتحاد في مكة وامام الاهلي والشباب والنصر والله صعبه فصدقوني اذا الهلال هزم الاتحاد والاهلي والشباب راح ياخذ الدوووووووووري وانا مسؤؤل عن كلامي موفقين والله يوفق الهلاااااااااااااااااااال |
المباريات جميعها مهمه صحيح ولكن انا لا يهمني دوري ولا كاس الأهم صنع لاعبين اثنين لكل مركز ويكون مستواهما متقاربا وتعلن القائمه قبل بداية الدوري بالمراكز واننا نريد التعاقد مع لاعب قلب دفاع ايسر مثلا بدلا من المرشدي المنتقل. وليس اعتزال او اعارة او بيع لاعب في مركز الظهير الأيمن مثلا والتعاقد مع ظهير ايسر كما يحدث حاليا الحراسه لدينا السبيعي والسديري وشراحيلي موقوف حاليا اذا نتعاقد مع حارس او يتم تصعيد الواكد وعند نهاية الموسم نقيم مستوى الجميع اذا وجدنا حارس متاح وافضل من احدهم يتم التعاقد معه واذا لم يكن يعلن أسمائهم حراس للموسم القادم . الظهير الايسر لدينا الزوري والشهراني اذن لا نحتاج لاعب لهذا المركز ونقوم باعارة العمار لفريق اخر لمدة موسم وعند التقييم يعاد بدلا من احد الموجودين او تمدد اعارته او يباع عقده قلب الدفاع الايسر لدينا المسلم فقط اذن نتعاقد مع عبدالعزيز المنصور الوحده والموسم القادم نقيم مستواهم ونصعد شراحيلي بدلا من الأقل مستوى او نعيره قلب الدفاع الأيمن لدينا الدعيع والحافظ جيد الظهير الأيمن البيشي لا ينفع ظهير(أتمنى تجربته بالمحور اذا نجح او يعار)والتعاقد مع معاذ او عبدالرحمن الحسن وتصعيد محمد البريك او محمد البقعاوي او مشعل الحوطي المحور كريري والغنام(المصاب دائما)تنسيق والقرني اما يلعب او يعار وتصعيد الفضل والمرشدي والنجعي والفرحان وفلاته بحيث يكون لدينا ثلاثة لاعبين جيدين لهذا المركز الوسط الايسر العابد والفرج جيد الوسط الأيمن سالم فقط يجب تصعيد كعبي صانع العاب الشلهوب فقط أتمنى تجديد عقده وتكليفه بالعمل الاداري وتصعيد عبدالكريم الهجوم ياسر وناصر وعزوز والسالم وللأسف لا يوجد لاعب بالاولمبي جيد أتمنى تصعيد المنيع والسواط وهزازي والجمعان للاولمبي ويتم متابعتهم وتقييم اداءهم أتمنى البحث عن مهاجمين للفريق الأولمبي حيث لا يوجد سوى حمدان وليس مهاجم حقيقي وان يتم فتح باب الاشتراك في تمارين الأولمبي للاعبي الحواري المميزين وتجربتهم بالاولمبي لمدة عام وتصعيد المميزين للفريق الأول وبعدها تحضر البطولات وشكرا |
الهلال عليه الفوز بكل مبارياته في الدوري .. لتحقيق لقب الدوري ، صعب صعب |
إقتباس:
الله يصبرنا على المثاليه الزايده من يوم عرفتك وانتي مثاليه بزياده :s3s::s3s::s4s::s4s: :d ياليت نشوف مباراة الفيصلي والنصر في الدور الاول اول 20 دقيقه فقط راح نشوف مافيه حماس ولا روح والاهم هو مافيه ظغط على لاعبين وسط النصر عكس الهلال نشوف لاعبين الفيصلي روح وحماس والاهم نشوف ظغط على لاعبين وسط ودفاع الهلال بشكل مبالغ فيه تشوف الاعب يتحرك في كل مكان نعم من حق الانديه ولكن من الظلم ان تلعب امام النصر بدون روح ولا حماس ولا ظغط على لاعبين النصر هذي خيانه واضحه وسامي حاول يفضح المهزله هذي ولكن اعلام الهلال المثالي والفاشل واكثر جمهور الهلال مثالي وهو من ضيع هيبة الهلال في الاعلام وصار جمهورنا يتأثر من جملة العالميه صعبه قويه ونشوف الهلال قزم في الاعلام على فكره دور اعلام الهلال وجمهوره هو الدفاع عن الهلال وتاريخه اما الملعب دور الاعبين والمدرب فقط الاهم مثل ماقلت النصر راح يحقق الدوري بسبب المهزله من لاعبين الانديه عيني عينك :alzaeem: وبخصوص الجدول !! الهلال لعب في الدور الاول وخسر 10 نقاط !! نقول انه راح يخسر على الاقل 5 نقاط من الاتحاد والاهلي والشباب راح يكون الفرق بين الهلال والنصر 9 نقاط اما النصر راح يلعب مع الانديه الصغيره = الدفاعيه يعني يمكن يخسر نقطه او ثلاث نقاط فقط ولن يلعب مع الانديه الكبيره الا في اخر الدوري = فاز بالدوري خلاص الا ذا فاز الهلال على الاتحاد والاهلي والشباب !! |
إقتباس:
وهذي خيانه عيني عينك حسبي الله عليهم :alzaeem: وغير كذا النصر لن يلعب مع الانديه الكبيره الا في اخر الدوري = غير مهمه لان راح يكون الفرق كبير بين النصر والهلال الا اذا الله وفق الزعيم ونتفائل بالخير ونقول ان شاء الله الدوري هلالي |
إذا الهلال فاز على الاتحاد والأهلي بإذن الله الدوري هلالي أمّا إذا لاقدر الله خسر في هذه المباريات يعني الدوري راح علينا ,,,,,,, |
اعضاء منتدى الزعيم الله يمسيك بالخير والمسرات وامطار خير وبركة والله يوفق هلالنا انا عندي احساس كبير ان النصر بيخسر من الرائد ويتعادل مع الشعلة وباذن الله ترجع لنا الصدارة |
| الوقت المعتمد في المنتدى بتوقيت جرينتش +3.
الوقت الان » 12:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd