|
المكابره والاصرارعلى كاستيلو غير مجديه ياسامي والدليل خروجه امام الفيصلي ! السلام عليكم رسالة للكوتش سامي بن عبدالله الجابر نقدر عملك ونقف معك بكل نتائجه ونفتخر بوجود ابن الهلال لكن هناك أمور ياسامي واضحه للجميع كاستيلو + كريري تعني خسارة خانة أجنبي بالفريق أدوارهم متشابهه ومتعارضه مع بعض شاهدنا كاستيلو في مباراة الاتفاق ومباراة الفيصلي اللاعب لاوجود له فنيا ودوره مفقود بمجرد خروج كاستيلو امام الفيصلي ونزول سلمان الفرج محور هجومي امام سعود تغير اللعب 180 درجه + التغييرات الأخرى لنكون منصفين أيضا أتمنى جلب صانع او لاعب طرف عليه القيمه لأنه نيفيز كلنا يعرف انه مهاجم ثاني وإحضار اللاعب الصانع للعب بدلا من كاستيلو طالما مصرين على مدافع آخر الفريق لايحتمل غياب بأوقات الحسم لنيفيز او هبوط مستويات الشباب نواف وسالم وعزوز أرجوا الا نفوت الفرصه طالما معنا وقت بعد الفتره أخشى أن نعض أصابع الندم ياسامي حكمي على كاستيلو ليس من مباراتين وإنما من بداية الدوري وجوده مع هرماش كان واضح تعارض أدوارهم خلاف أن اللاعب بطئ جدا ولايستطيع افتكاك الكور في حالة لاعب مقابل لاعب !!! أرجوا سماع مطالب كثير من جماهير الهلال قوة الهلال في هجومه الضارب عندها ستقف الفرق تدافع أما بهذا الوضع ستتجرأ الفرق على الهلال في حال غياب نيفيز !! وهبوط مستوى شبان الهلال !! |
فعلا اتمنى اتمنى ان يحضر لاعب طرف اجنبي ويا حبذا لو يكون محترف الكويت الكويتي البرازيلي ( روجيريو دي اسيس كوتينيو ) افضل لاعب اجنبي في اسيا العام الماضي فلته يا جماعه |
وش فيك على كاستلو ؟؟ ياخي اللاعب ممتاز وجوكر والا وش رايك ؟؟ |
اتفق معك وأتمنى البديل ايلانو صانع العاب جريميو وقبل ذلك احضار ظهير ايمن محليا الحسن من الطائي . حرام نقتل الشهراني باللعب بغير مركزه . وأتمنى مدرب حراس عندنا الدعيع لن يكون اسواء من المدرب الحالي . وشكرا |
ياليت والله ماله فايده ثقيل ،، في الهجوم ما يهاجم وفي الدفاع ما يدافع. |
أبوس رأسك يا شيخ على الطرح الجميل فعلا لاعب فاشل أتوقع جايبينه أستثمار وشكرا |
يا جماعة الخير والله صعبه يشيلو كاستلو ويجيبو لاعب اجنبي وسط حيحتاج وقت عشان الانسجام والله كاستلو كويس ولاعبين الوسط اللي موجودين فيهم الخير والبركه انا اقترح انو الموسم الجاي ان شاء الله يشيلو كاستلو ويجيبو لاعب وسط بجانب تياقو لا كن حاليا والله صعب الله يرحم والديكم تكفى تكفى تكفى ادعمو الاعبين كلهم والله مقبلين على فترا صعبه خلو العتب واللوم بعد الموسم اتحملو خلو شعارنا من اليوم معاك ياهلال على الحلوه والمره |
لانعلم مافائده صفقه كريري بوجود كاستيلوا ( نقطه ضعف بالفريق ) الهلال اذا يبي بطولات واسيا لابد من قلوب دفاع اقويا وهجوم كاسح هدافين الدليل تحقيق الاتحاد للبطولات وماحققه السد القطري دفاعهم وهجوم قوي كاستيلوا ضايع بالفريق لايوجد عنده قطع كور ولأ توصيل صح للكور ضايع باالملعب خانه المحور ليست اشكاليه بوجود كريري وكم نجم منتطرين الفرصه حتى سلطان الدعيع يلعب بخانه المحور من الظلم 3 خانت اجانب لقلوب دفاع ومحور!!! وهجوميا تعتمد على نيغيز والشمراني!! لو قدر الله اصيب احدهم فالفريق سيواجه مشاكل بالمقدمه. حتى القحطاني مستواه نازل وبقوه لا للمكابره لا للمكابره سنندم باستمرار كاستيلوا 3 خانات اجانب محور وقلوب دفاع!!!!! |
لاعب لايقدم الاضافه الفنيه وعبئ عابفريق في ضل تواجد كريري الفريق ما يحتاجه الهلال يحتاج الى منظم لعب لاعب دائره مثل بيرلو و الونسو |
مدري الي بنفس عقليتك ويوافقونك رايك هم احدى امرين يامايفهمون كورة او مندسين قبل مايجي كريري كنا نطالب بمحور دفاعي جنب كاستلوا الان تبون الفرج جمب كريري سعيد اخو مبارك كان ابقينا علي هرماش وكاستلوا وانتهي الموضوع ثاني شي كل الفرق في العالم تلعب بمحورين دفاعيين واخراج محور دفاعي في مباراة وادخال صانع لعب او محور هجومي او اي خانة ليس لان الاعب فاشل بل لان المباراة تتطلب ذلك لالزلت استغرب واضحك واشك في هلاليتك كاستلوا قاطع كرة وممرر ممتاز بعد حضور كريري اصبح الوسط الدفاعي قوي ......... اقول ليست كل الفرق مثل الفيصلي ستاتي فرق قوية تتطلب محورين دفاعيين الله يذكر ايام الغامدي وخالد عزيز ورادوي وخالد عزيز 2محاور دفاع يامندس |
والله ياليت سامي يشيل كاستيلو ويجيب مهاجم بجانب الشمراني ونصير نلعب بمحور واحد اللي اهو كريري واصلاً الفرج في منطقه المحور افضل من كاستيلو بمليون مره وكمان يصير يلعب سلطان الدعيع ضهير ايمن والشهراني ايسر مع وجود نيفيز وسالم والعابد او عزوز بالوسط وامامهم الشمراني ومهاجم اجنبي لانه ياسر القحطاني خلاص انتهى والافضل انه يعلن اعتزاله ويتفرغ لأعماله |
لاعب لايقدم الاضافه الفنيه وعبئ عابفريق في ضل تواجد كريري الفريق ما يحتاجه الهلال يحتاج الى منظم لعب لاعب دائره مثل بيرلو و الونسو |
إقتباس:
الكثير يتمنى لكن مالنا الا الصبر لنهاية الفتره وبعدها بنرجع نوقف مع كاستيلو اذا بقي سنسلم بالامر الواقع وهذا واجبنا كجمهور عاشق للهلال إقتباس:
مافيني شي الله وكيلك مااعرفه ولايعرفني :d بس لاعب بطئ جدا جدا بالمرتدات لاعبي الخصم يضربونه بكور سريعه وهو توه يشيل عمره افتكاك الكور عنده ضعيف جدا جدا وسهل مراوغته عند مقابلة لاعب ضد لاعب خواف اول مايستلم الكوره على طول يرجعها للخلف او يمرر بدون تركيز ولاحظ هالشي فيه متكرر إقتباس:
صانع اللعب ضروري ايا كان اسمه وجنسيته نيفيز للي يعتقد انه صانع لعب يعتبر مهاجم ثاني خلف رأس الحربه ولاحظوا اهدافه اغلبها يجي من الخلف الظهير الايمن اما حسن معاذ او القميزي حق الشباب والا فلا |
إقتباس:
بإختصار خسارة اسم لاعب اجنبي عليه بمركز المحور كسنتر ممكن اتقبله اما محور :s2: إقتباس:
يسلم راسك :rose: إقتباس:
نعم صعبه بس اعلمك ليش عشان الفلوس متحسفين عليه او مايبون يخسرون فيه تبي تعدل الفريق عدل وضعك مره وحده ولاتقعد ترقع وترجع السنه الجايه تشيله ! لاتخاف بدون تكفى واقفين مع الهلال وبنستمر بحول الله بوجود كاستيلو او رحيله لكن النقد والمطالبات حق مشروع لنا ودنا نستغل الفتره ونسجل بداله لاعب له قيمه فنيه بوسط الهلال يضيف قوه هجومية مع نيفيز تخيلو لاعب كبير بوجود نيفيز وناصر والعابد وسالم فريق حريقه لكن الزين مايكمل :cry: |
إقتباس:
نعم الخوف كل الخوف فيما لو اصيب نيفيز او ناصر لاسمح الله ماهي الحلول الاخرى ! تبي قوه هجوميه بوسط الهلال لاتعتمد على مزاجية شبان صغار إقتباس:
أنا أشهد أنه عبئ لكن من يسمع :s2: إقتباس:
آها يعني أما أتفق مع رأيك أو أنا غشيم أو مندس قلي أختلف معك أتقبلها أما تحطني غشيم او مندس !!! بهالنقطه عرفت تفكيرك سلام :s2: |
| الوقت المعتمد في المنتدى بتوقيت جرينتش +3.
الوقت الان » 07:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd