|
يكفيني سامي الجابر شخصيا رد على موضوعي يا أعضاء المنتدى السلام عليكم ورحمة الله وبركاته إخواني قبل شهر كتبت موضوع بعنوان (إتفقت كل الفرق والمصيبة بعض اللا..)وهذا رابط الموضوع إضغط على العنوان بالأسفل المكتوب باللون الأسود http://vb.alhilal.com/t1164921.html وبحكم إننا أهل كجماهير هلالية تسبب لي الموضوع بإحباط لم أجد أي رد أو أي تعليق ومن هنا أحب انبه إن المنتدى يحتوي على مواضيع كثيرة لاتحمل الإضافة الفنية عبارة عن أخبار مضروبة لاقراءة فنية ولا إظهار ملاحظة سوى بهرجة موضوع ومحتواه غير العنوان والمصيبة أغلب المواضيع من هذا النوع تحمل أعلى ردود أتمنى أن نرتقي قليلا في إحياء المنتدى بالمواضيع الهادفة والتعليقات البناءه ولا أطيل عليكم هذا اليوم ماقاله سامي الجابر بعد مباراة الفيصلي والذي فيه الكثير من موضوعي وكم سعدت بأن سامي الجابر تكلم اليوم بلساني قبل شهر وأيضا أيدني الصحفي صالح الهويريني وذكر الشق الثاني من موضوعي وهو بخصوص اللاعبين وقال هناك بعض اللاعبين لايلعبون بروح وهو نفس ماقصدته قبل شهر ايضا بنفس الموضوع نص الأسطوره أكد المدير الفني لفريق كرة القدم الأول بنادي الهلال سامي الجابر بأن صعوبة نتيجة مباراة الهلال والفيصلي والتي فاز بها فريقه بهدفين مقابل هدف تكمن في لعب الفيصلي بالطريقة الإيطالية التي تعتمد إلى إقفال المساحات وقتل اللعب, مشيراً إلى أن مستوى فريق الفيصلي الذي ظهر به لو ظهر به في طوال المباريات في الدوري لما كان في هذا المركز المتأخر, مضيفاً بأنه من المفترض أن يكون سيناريو المباراة هدفين مقابل لاشيء, ومؤكداً في كلامه بأن أي طريقة يلعب بها أي فريق أمام الهلال وخصوصاً فريق الفيصلي يعتبر حقا مشروعا لهم. وأضاف الجابر:» كل الفرق أصبحت تتحد أمام الهلال بألايحصل الهلال على البطولة, وأنا من هذا المنبر أعلن التحدي وأنا وفريقي بقدر هذا التحدي وسننافس على بطولة الدوري وجميع البطولات» نص الصحفي ** حتى والهلال يفوز بخماسية (5/ 1) على الاتفاق إلا ان أداءه لم يبلغ الدرجة المطلوبة.. أغلب لاعبو الهلال مازالت تنقصهم الروح القتالية داخل الملعب.. كما انهم يفتقدون لميزة الحماس المطلوبة.. في الكرة الحديثة المهارة لا تكفي.. لابد من القتالية على الكرة.. لابد من بذل المجهود المضاعف وهذا ما ينقص بعض لاعبي الهلال |
شكرا على الرفع ماقصرتوااااااااااااااااااااااااا |
سآمي ياليت يركز لنا على التمريرات بالمساحات الضيقة , بكرة لما نلعب مع الاندية الايرانية وشرق اسيوية , ماينفع معاها اسلوب العرضيات لاني اشوف هذا حل سآمي غالبا .. واذا كنت غلطان ياليت تصحح لي , |
اخوي دوست تارم الهلال عنده كل المقومات الهلال لايحتاج الى شئ ابداً يحتاج الى شيئين اولاً/وكما ذكرت الروح الهلالية في الهلال ميتة تحتاج الى منشطات وبدرجات كبيرة الهلال يفتقد للروح القتالية داخل الملعب هيبة الهلال وجبروووت الهلال نائم ثانياً /جمهور الزعيم اللاعبين يحتاجونكم أكثر من أي وقت مضى يحتاجون وقفتكم ومؤازرتكم الكوتش سامي دائماً يقول اللاعبين يحتاجونكم في المدرجات رووووح الهلال غائبة والدليل ((عندما قال سامي في المؤتمر الصحفي بعد مباراة الفيصلي لماذا جميع الفرق التي تقبع في مؤخرة الدوري تنافسنا وتقفل المناطق الخلفية امام الهلال ثم ذكر بعد ذلك بأن الهلال سيلعب كل مباراة وكأنها مباراة نهائية وأنا اثق بفريقي وبلاعبيني ) ليش قال كذا لأنه يبغى يزرع الروح في قلوووب اللاعبين والقتالية اللتي انعدمت في لاعبين الزعيم يريد أن يحرك عنفوان وجبروووت الزعيم الذي كان متسيداً لقارة آسيا ومازال محب الزعيم |
الهلال يحتاج إلى الروووووووح القتالية هالنوعية من اللاعبين قتلهم البرووووود نبغى قتال حقيقي داخل الملعب |
اللهم انصر هلالنا فوق كل ارض وتحت كل سماء |
هلالي اللي اعرفه وانا اخوك الطريقة الوحيده اللي تكسر كل الدفاعات هي العرضيات الحل الوحيد اللي ماله طريقة دفاعية كيف تطالبه باللعب بالمساحات الضيقة وهي أسهل طريقة لقفل اللعب عموما وانا اخوك هذا الشي متروك للكوتش سامي ولا يمكن بيوم اننا نكون افضل من سامي بالتدريب .. لكن عن نفسي الهلال ناقصة شيئين فقط لاغير .. يجيب حارس على مستوى عالي صحيح ممكن مانملك المقومات هذي في الدوري السعودي ولكن أقل شي افضل حارس سعودي ونستبدل المحور كاستيلو ونجيب بداله مهاجم بمستوى عالي مايقل عن نيفيز ولا ننسى نغطي جنب كريري محور ثاني يكون شاب يكسب خبرة كريري ويكون قبل كل شي مستواه الفني عالي . . بإذن الله كذا بنحقق شي كبيررررررررررر في آسيآ وعلى العموم آسيا السنة ذي لا احد يفكر فيها لأني مااشوف التغيرات التي حصلت في الهلال على مستوى القارة الأسيوية الفرق الأسيوية يا إخوان تطورت كثير كثيرررررررررر صارت قوية جدا على مستوى عالي مو بالسهل وأشكركم على المرور |
الروح ما تاتي واللاعبين كلهم تحت الضغط الملاحظ ان اللاعبين يلعبون المباريات وهم تحت ضغط رهيب لذالك في هذة الاوقات والمنافسة في اوجها ينبغي لنا ان نقف مع كل لاعب ومع الكيان في حلوة ومرة ومهما حصل . حتى لو تكالبت الظروف من جميع الاتجهات والاصعدة يجب علينا كجمهور ان نبتعد عن التجريح والنقد الغير هادف ودمتم سالمين |
إقتباس:
الحارس اذا بتحكم عليه , لازم يلعب مع فريق لعبه دايم مفتوح مثل الاندية الكبار , لان الاندية الصغيرة اقل شي نص الموسم يلعبون بتكتل دفاعي فأكيد الحارس وقتها يبرز , النقطة الثانية , العرضيات بالاسيوية مع لاعبين قامتهم 173(ناصر) و 177 ( ياسر ) ضد الاندية الكورية والايرانية اللي اقل شي تحصل طول المدافع عندهم 180 , ف اللعب بالمساحات الضيقة اللي كنّا نشوفه مع زلاتكو ماخُصص الا لضد الاندية اللي تلعب بتكتل دفاعي , والاهم التحرك السليم بدون كورة انت اقل شي راح تكسب فاول وعندنا نيفيز يتميز بهالشي , الله يكتب اللي فيه الخير |
الهلال نآآآققصصصه الرووووح وليتهم يللعبون كللهم برووح قتاااالية . . ~ |
ما شاء الله عليك نظرتك صائبه وفي مكانها ويعطيك العافيه على المواضيع الهادفه |
صحيح الروح نقصت عن المواسم الفائتة ولكني ارى انها بهذا الموسم ارتفعت الروح نوعا ما يكفي ان ناصر طووول المباراة يجلس متضايق ويقاتل وتلقاه مشدود لين مايسجل واذا سجل تلقاه يرتاح شوي ولكنه مايكتفي اما الموسم الي فات ماكان عندك احد يحترق ولا الي قبله عموما شكرا لك وتقبل مروري والسلام خير ختام |
وش السالفه الى الان بعض الاعضاء يتكلم عن تصريح سامي ؟؟ الي ضد تصريح سامي هو فقراوي وسخ ومندس او مثالي بزياده مع احترامي له سامي يتكلم عن مهزلة الفرق الي تلعب قدام النصر مانشوف الروح والحماس ولا نشوف الظغط على لاعبين النصر !! ومع الهلال نشوف العكس والي يقول من حق الانديه تلعب مع الهلال 11 مدافع ؟؟ لا من حقي اعترض على المهزله مع النصر نشوف خيانه من لاعبين الانديه ومع الهلال العكس حسبي الله عليهم والي ضد تصريح سامي الهلال لايتشرف فيهم سامي حاول يفضح مهزلة الانديه الي تلعب قدام النصر بدون روح وحماس ولا فيه ظغط على لاعبين الوسط للنصر ولكن اعلام الهلال الفاشل وبعض جمهوره المثالي راح يضيع علينا الدوري وحنا نشوف المهزله من الانديه قدام النصر |
إقتباس:
الطول ما يفرق كثير ، العرضيات أهم شيء فيها التمركز ، ولك في أهداف ناصر هالموسم الـ 6 بالرأس ومدافعين أطول منه ، ناصر يعرف وين يوقف ومن وين يجي ، وياسر كذلك ، مع أنه لو كانوا طوال يكون أفضل بعد .. |
|
| الوقت المعتمد في المنتدى بتوقيت جرينتش +3.
الوقت الان » 04:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd