كاستيلو جيد دفاعيا بس مباراة الفيصلي لعب كمحور هجومي وماقطع الا كوره او كورتين فإذا كان بيستمر هجومي الفرج احسن بكثير

كاستيلوو بدا ينسجم مع الهلال
لاتنسون نيفيز وشلون كان في بداياته كان

اختلف معك ..

مين قالك أن المحاور مهمتها دفاعيه فقط !

الفرق تلعب بمحورين الأول محور ثابت خاص بالاعمال الدفاعيه والثاني متحرك يبني الهجمه ويرجع في حالة ارتداد الخصم.

الآن اللي صاير بالهلال أن كاستلو أصبح متحرك ويهاجم وهو لاعب بطيء وثقيل يصلح للمهام الدفاعيه وليس الهجوميه التي تحتاج لسرعه وخفه وتسحيب التي تنطبق ع مواصفات الفرج

كاستلو يقتل الهجمات الهلاليه ولهذا السبب أخرجه الكوتش وادخل الفرج محور هجومي بديل له وشفنا كيف صار الهلال بعد هالتغيير

عموما ماراح انتقد اللاعب كثير لأن بنهاية الموسم بتستغني الاداره عن كاستلو بعد مايتضح مستواه المتواضع .

قوة الهلال كانت بتواجد محورين دفاعيين مثل : الغامدي وعزيز. لذلك تواجد كريري بجانب كاستيلو امر ﻻبدددد منه لبناء ساتر دفاعي أول من صميم مهامه التغطية على الاظهرة واغلاق منطقة القوس.
مشكلتنا الكبرى في عدم تواجد مهاجم بجانب الشمراني.
فياسر القحطاني وجوده مثل عدمه.

اللي ينتقد كريري ماي فهم كوره مباراه الفيصلي اكبر دليل صراحه بدع وننتظر المزيد منه

و الله مادرى عنكم الفاشل كاستيلو فاز فريقه أو أنهزم مافكر فيكم مشغول مع كأس العالم أذا تبون فريق لايقهر عليه جيبوا وسط ايمن برازيلي يساند نيفيز
ملاحظه لايوجد لاعب وسط أيمن في الهلال سوى سالم الدوسري أتمنى وصلت الفكره لديكم

طيب يابوالعريف انا ضد كلامك
كاستيلوا لسنا بحاجه له بعد حضور كريري يوجد سلمان الفرج مع كريري قوه فى الاحتياط الغنام و محمد القرني
نبغى مهاجم مع ناصر الشمراني لو سمح الله واصيب الشمراني من راح يغطي النقص ياسر كثير الاصابات او يوسف السالم
نحن مقبلين على عدة بطولات الدوري وكاس ولي العهد وكاس الملك وبطولة اسيا
شكلك انت مندس ههههه

احترم وجهة نظرك اخي
ولكن كل مايطرح يعبر عن وجهة نظر ويجب ان نحترمها
بالنسبة لكاستيلو والحديث عن ابعاده وجلب ظهير ايمن بمواصفات ويلهامسون
فهذه وجهة نظركم واحترمها
ولكن الهلال لديه افضل لاعبين في الوسط على مستوى قارة اسيا نعم قارة اسيا وليست مبالغة
فاتوقع انكم نسيتوا عزوز الدوسري وسالم الدوسري ونواف العابد
صحيح بتقولون مستوى العابد منخفض وعزوز راجع من اصابة اتفق معاكم
ولكم اين دور الجمهور ومؤازة اللاعبين
الجمهور دائما له دور في صناعة النجوم مع وجود الموهبة
العابد وعزوز وسالم اذا كانوا في مستواهم فسوف تنسى ويلي ومن جاء قبله وبعده
اللاعبين يحتاجون تشجيعكم وتحفيزكم ووقفتكم
فلا تبكون على الاطلال والزعيم مرصع بالنجوووووووم
:alzaeem::ba::alzaeem::ba::alzaeem::ba::alzaeem::ba::alzaeem:

اتفق مع رايك العبقري ، صحيح حتى ناصر الشمراني لو فيه خير ما رماه الطير ، والدليل انه متصدر هدافي الدوري ، وانا من هذا المنبر منبر الحزب الاشتراكي الديمقراطي ، اطالب بك مدربا للهلال ، وريئيسا له ، ولو امكن بعد الظهر تمسك المطافي ، وترش شوية ميه وقت المغربيه يا قدع.