|
الاثنين فيه الخير والبركه ... لو ان ناصر الشمراني اكثر حركه |
اخي الكريم لا يوجد اي معاناه فاللاعب المحترف لابد ان يحترق لاثبات نفسه اساسي في الملعب ولايلتفت لاي ضغوط ياسر فقط يسجل هدف هدفين كل مباره وراح ياخذ مكان ناصر والمهم هو خدمة اللاعبين للكيان بغض النظر عن الاسماء فكلهم يمثلون الزعيم |
النقاش عن ياسر و مهما كان نوع النقاش الا انه ينتهي بأزمه ( فالقضيه هنا تفسد الود ) ومن وجهة نظري ترك ياسر وشأنه، ففي النهاية القرار يرجع للمدرب.فلن يُجدي مايقال .. وتشكر على أسلوبك اللبق تجاه اللاعبٓين . |
تهاوشوا جمهور ياسر وجمهور الهلال .. مشت عليهم خطة اعلامي الفقر وجمهوره .. ... |
اخوي ياسر نجم كبير هو روح الفريق وناصر نجم فوق العاده بس انا عندي ملاحظه بعض الجماهير تطالب ياسر في العوده الى قبل 7 سنوات عام 2007 هذا مستحيل ياسر مع كل الحب له والتقدير لا يستطيع يعطيك 90 دقيقه في نفس مستوى ولا يستطيع يلعب جميع مباريات الهلال كلها , في الفرق العالميه الكبيره لها نجومهم الموثرين يلعبون في مباريات الهامه ويلعبون وقت قليل من مباره يعني 20 او 30 دقيقه فقط يكون بديل ناجح لا يتخلون عنه لانهم لاعبين موثرين في الفريق وابو عزوز هو روح الفريق يجب المحافظه عليه وعدم الضغط عليه او مقارنته في نجم اخر |
للأسف عقلية بعض المشجعين لازالت تتحزب للأشخاص في عصر الاحتراف نحب ياسر لكن حقيقة اللاعب مستواه هابط جدا واللاعب اخذ فرصته كلام فارغ كيف يطلع ناصر هداف الفريق ما ادري كيف يفكر بعض المشجعين يا أنه فقراوي مندس أو ما يفهم كورة ومعنى احتراف ومصلحة كيان أو متعاطف على حساب مصلحة الزعيم عزيزي كيان الهلال أكبر من أي لاعب والهلال ما قصر مع ياسر وغيره دور لي نادي يتعامل مع نجومه كتعامل الهلال معهم لو المرشدي بنادي غير الهلال كان علقوه حتى يتنازل عن حقوقه مثل ما سوى الجمجوم مع النجم كريري مصلحة الزعيم فوق أي اسم |
سلم لي على ناصر واهديه قبله للروح والاداء اللي يقدمه بس اتمنى سامي ما يكابر يلعب بياسر وناصر, خل ناصر لحاله قدام يبرد قلبك و وراه نيفيز وياسر يستخدمه ورقه رابحه |
أنا من أشد المعجبين ب ياسر القحطاني ولكن ... ليس هذا ياسر اللي تعودنا عليه وأتمنى من لاعبي المفضل الأعتزال والمحافظة على هيبة ياسر القحطاني بالملعب وأن يختم هذا الموسم مع الهلال ببطولة |
الان تنتقد من ينتقد ياسر لبعده عن مستواه المعروف وعدم عودته الى سابق عهده وتتهكم على ناصر الشمراني الي ينافس على الهداف وكل مباره له بصمه والله امرك غريب |
والله لو اخذ لاعبين الهلال حظهم من صبر الجمهور على ياسر و غض النظر عن مستوياته الضعيفة كان صارو يلعبون في الدوري الإنجليزي. تردد كثيرا ان ياسر اشتغل على نفسة وكثف العمل لإستعادة مستواه !! عجبي، ولماذا وصل ياسر لهذه المرحلة اللتي تتطلب منه ان ينقص وزنة ويستعيد لياقتة و يكون مهاجم يليق بحجم نادي الهلال ؟؟ هل كان هناك مايمنع ياسر من التميز خلال الأربع مواسم الماضية وحفظ اموال النادي من جلب مهاجمين من كل بلد ؟ هل كان هناك ما يدعو ياسر لتكريس جهدة وتفكيرة خارج الملعب وارسال الرسائل المبطنة واللتي لايفهما إلا هو " اللي على راسة بطحا، وافهم ياللي في بالي" سامي اكثر لاعب هلال هتف ضده الجمهور وأكثر لاعب هتف له الجمهور فرحا وحبا واللي عاصر هلال التسيعنات يعرف ماذا اعني. لنبتعد عن الأسماء ولنتكلم عن كرة قدم تحتاج تركيز ومجهود ولياقة وروح داخل الملعب، اين ياسر من هذا كلة وبعد كل عناء السنين قرر كابتنا الكيبر ان ينقص وزنة ويتفرغ لكرة القدم في نهاية ايامة الكروية وكل هذا كان بدعم كبير من سامي ويجي واحد اليوم يقول سامي ضد ياسر وياسر مظلوم !!! اتقو الله في كلامكم واتركو نوايا الناس والكلام في مالا توقنون بصحتة، مافيه احد دخل في قلب سامي ولافيه احد وقف على الأسباب الحقيقة لتراجع مستوى ياسر الفيصل هو الملعب فقط. اذا لم يكن ياسر بمستوى الهلال سيكون مصيرة مصير المرشدي و(الغامدي عمر) و والبرقان احتياط ثم شكر ثم مخالصة والهلال لا يقف على احد لا ياسر ولا ناصر ولا سامي ولكن من يشكر المجتهد ومن يجتهد لشكر من لايستحق ؟؟ |
إقتباس:
|
إقتباس:
مالك حق في الشلهوب، الشلهوب هو العلامة الوحيدة الباقية من هلال العظماء هلال اسيا، هلال الثنيان وسامي وابوثنين والدوخي والرشيد ولطف ! راح عمر الغامدي ماعاد بقى الا الشلهوب مانصرفة بنادي الشباب بكبره . |
إقتباس:
أشفق كثيرا على تفكيرك ! قلت في مقال بأن ناصر أفضل من ياسر كثيرا , هل ذلك مدح لـ ياسر ؟؟ عجبي |
فكونا من مواضيع نبي فلان و علان ولا تعال يا سامي انت فاشل ما تعرف تدرب و تطالبون يلعب هذا و هذي الخطة ما تصلح و مواضيع مالها دخل بالهلال صار منتدى للنصر و الأندية الثانية مو منتدى الهلال !!! و مواضيع مقارنة بين الكاسر و الزلزال وهذا يسب و هذا يمدح و في النهاية الهلال اللي متضرر أتمنى من المشرفين و الإداريين حذف المواضيع و الردود اللي فيها سب و كلام بذيئ مواضيع ما تخدم الهلال تضره لا نصير حنا يا جماهير و عشاق الزعيم اداة يتحكم فيها الاعلام الأصفر و نضغط على الادارة و نشتت ذهن الاعبيين و المدرب و ندمر هلالنا بيدينا المفروض المواضيع تكون تحفيزيه للاعبين |
إقتباس:
بسبب هالجماهير اللي ترقع له في كل مكان،جميع نجوم الهلال سواسية . ياسر في كل موسم يشارك اساسي مع الهلال وعنده وسط قوي جداً ولا قدر يسترجع مستواه !! مش ضد ياسر لكن اكره شيء أسمه "تطبيل" وشفنا كيف ردة فعل جمهور ياسر على بن مساعد بعد خبر إعارة ياسر الى العين! حالياً الشمراني افضل مهاجم سعودي وفي كل مرة يقدم مستوى وروح والسالم لو شارك 3 مباريات اساسية اجزم أنه بيكون اخطر من ياسر وراح يفيد الهلال اكثر منه، وين المشكلة اذا طالبنا بخروج ياسر؟ بالنهاية هو مهاجم ثالث . |
| الوقت المعتمد في المنتدى بتوقيت جرينتش +3.
الوقت الان » 01:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd