السلام عليكم ورحمة الله وبركاته

احببت ان اضع بين ايديكم سينارو ماسيحدث والله اعلم قبل مباراة النصر وتذكرو كلامي واني معكم لمن المنتظرين

قبل مباراة الهلال والنصر سوف يحدث اصابات للعيبه خلال هذه المباريات مع بعض الفرق فسوف يجتمع جنود الفرق الكارهه لزعيمنا وبدعم خفي او مطلب من بعض المحبين للفريق الحالمي ان يجبرو ان يشنو هجوم التكسير على بعض الاعبين كي يصيبو ويبتعدو عن مباراة النصر لكي تكثر اصابات الاعبين المهمين في الفريق الهلالي كما ستقوم لجنة الحكام باشهار بطاقات صفراء بالمجان للافضل الاعبين الهلالين لكي يتم استبعاده قبل مباراة الحالمي وبعتقادي سيطرد الكوري بكرت احمر وسالم الدوسري سلطان الدعيع يستبعدو بسبب وجود كروت صفراء ويصيب نيفيز وغيره هذا والله اعلم . فا كل الحذر ان تكتمل فصول المسرحية التي بداءت من بدايت دوري جميل عبر مؤلفها الاب الروحي والداعم الخفي راس الهرم ومعه الكادر التمثيلي العواجي ومن معه من اللجان والاعلام هذه حرب شرسه اقيمت على زعيمنا ليسقطو سامي والكيان الهلالي .

ونهاية العالم متى بتكون ؟؟!!

العلم عند الله ان الاصابات امر مقدر وفكر المؤامرات سينسف جهود الزعيم وتوقع الاصابات سيجعل اللاعبين في خوف من الالتحامات وتبرير التخاذل بالحذر من الاصابة
لعب الهلال الدور الاول امام النصر بكامل النجوم وخسرنا لان اللاعبين لم يحضروا الا بأجسادهم
رونالينهو وباقي نجوم الفريق البرازيلي لم يمنعوا الرجاء المغربي من الفوز
القضية في الفوز والخسارة ليست نجوم فقط وانما روح وأداء

يعطيك العافيه على حرصك الشديد الذي ادى الى تخيل مثل هذا المشهد الذي ذكرته
انا لا الومك لان كلامك صادر من حب للهلال
ولكن نعلم ان كرة القدم وارد بها اي شي من طرد او اصابه او غيره من امور فالفريق البطل يجب ان يحسب حساب امور مثل الي ذكرت والهلال قادر بحول الله من المضي قدما الى درع الدوري بحول الله بمساندة الجميع وان نكون نحن الجماهير الحاضرين في اي مباراه ببث الروح والحماس اللذان سيكونان عونا للهلال في قادم الأيام
وفي النهايه هي كرة قدم يكون في ختامها فائز واحد وان شاء الله يكون هلالنا جميلا كما عودنا
شكرا لك

نسال الله ان يرد الكايدين في نحورهم ويحفظ لاعبينا من شر الحساد و الاصابات
مهما فعلو ومهما خططو لإسقاط الزعيم بإذن الله لن يوقفونا لحصد البطولات والانجازات
يا هلالنا سر الى الأمام ونحن معك قلبا وقالبا
والله يوفق هلالنا تحت كل سماء وفوق كل ارض

اذا هذا راح يصير تفكيرنا ماراح نلعب كوره

ي حبيبي بأذن الله عرقله بسيطه للنصر وخل الديربي لنا

كلامك غير منطقي و كله خياااااااال

خلك واقعي و ناظر نتائج الفريق فقط
بالنسبه للتحكيم و اخطاءه و البطاقات الملونه ، اغلب الفرق تضررت منه و ان كان الاصيفر اكثر المستفيدين
لان الاساس اصلا التحكيم قدراته محدوده و بنقصه التقدير الجيد للحالات من منح البطاقات الملونه او احتساب التسلل و ركلات الجزاء


اما انك تقول كل هذا الكلام ضد الهلال فهذا لا يصدقه عقل ولا ينطق به مشجع واعي

اشكر غيرتك ع فريقك وهذا امر طبيعي لكل "محب وعاشق هذا الكيان"
ان فعلوها فهذا امر طبيعي .!
فـ الهلال واضح انه يريد هزيمة النصر بـ اي الطرق ليرد الدين ..
اما الاصابات فـ علم الله لا يمكن ان نتدخل فيه .. : )

..

برا الموضوع : ع طاري النصر يوم فازوا م يعرفون كيف يفرحونن !! عادي روحوا اسئلو لاعبينا وين تروحون .. فشلونا سكر الاستاد وهم باسطينها زل في الملعب .. م فيه تتويج ي الاجواد .. !

ودي لك ي غالي ..

بالتوفيق للزعيم والله معانا والله يكتب لنا الدوري 0
انا معك وكلامك صحيح 0صدقني وعلى لسان احد اعضاء في الاتحاد السعودي لكرة القدم 0نحن نعمل من اجل النصر 0
ولكونه نصراوي متعصب حداا لا الومه لانه متخلف 0ولااستغرب لانهم يريدون الدوري وهذا صعب عليهم جدااا

وش الي حقائق وستظهر هي لسى ما ظهرت .. .. ارجع لمبارة الهلال مع الشعله وشف كيف الانبراشات نيفيز يقول شاهدت ارجل اللاعبين اكثر من الكره ... يا حبيبي من اول الدوري والحكام يسلكون للخشونه على لاعبينا وربك من فوق سبع سموات هو الي يحفظهم ..

أستغفر الله لا اخوي ماله داعي المواضيع ؟؟
وعلى فكرة ؟؟ ترى الفرق بيننا اربع نقاط لاتظنونها كبيره ؟؟
فرضا فزنا مباراتنا ؟؟ تدري وش اللي راح يصير الفرق نقطه ؟؟
طيب بعد النقطه وش باقي مباريات للنصر ؟؟
باقي له الإتحاد وباقي له الشباب ؟؟ يعني اي تعادل معهم ؟؟؟
بنطلع للصداره ؟؟
هذا ان ماتعادل مبكرا النصر ؟؟ لاتنسى الإتفاق خطير وكاد يفوز على النصر
المباراة الأولى تفاءلوا بالخير تجدوه
والله مافيه شي صعب كل اللي مطلوب من الهلاليين الفوز بكل مباراة

اخي الكريم شكراً على موضوع .
ولكن لا ندخل في النوايا السيئه و نكون مقلدين للفريق الأصفر و تكون خيالاتنا واقعيه ، و ندخل في الذمم و النية السيئه ، نحن يا معشر الزعيم اكبر من هذه التوقعات و التخيلات ، هذا من وجهة نظري ، اما ما تطرقت له ، فالاعبينا بإذن الله لا خوف عليهم ما دامت نيتهم صافيه ، فثق ان هناك رجال من لاعبينا و ندع لهم التصرف في التحاشي من الاصابات و غيرها من الكروت و إن غاب واحد في الزعيم مدرسة من الإخلاص في جميع الاعبين إن غاب نجم جميع لاعبين الزعيم نجوم .
اتمنى التوفيق للزعيمنا و ان يبعد عنا شر الاصابات و الكروت و التخاذلات او التحالفات .
و تذكر اخي الكريم من مباراة اليوم إلى مباراة الفريق الاصفر هناك 7 جولات حتى تلعب مع الفريق الاصفر ممكن يتغير سلم الترتيب ونكون نحن المتصدرون و هم يتعثرون و يكون توقعك خاطئ ،
تقبل مروري
دمت بود

هذهـ مباراتنا الماضيا أماهم لم يفوز الهلال مع إنهـ كان شبهـ مكتمل الصفوف وهم ناقصين ؟

!السبب ما كان الحكم بل لاعبينا لم يكونون بيومهم والسديري كان جايب العيد !!

متى ما كانوا اللاعبين بيومهم بـ إذن اللهـ لا حكم ولا إصابات ولا غيرهم بيوقفنهـ ~

من رأي فوز الفريق أو خسارهـ مب مرتبط بإصابهـ لاعب أو غياب لاعب بسبب الإيقاف ~


الهلال بمن حضر ،، فـ أتمنى ما تخلون اللاعبين يفكرون بالحكم وإنهـ بيخسرهم وإتركونا من
فكرهـ المؤمرات وما المؤمرات ( أدري هم يخططون لإيقاف الهلال ) لكن مطلوب منا التركيز بـ
الهلال فقط وبما يفيدهـ !!!


وأكبر دليل إن الهلال لو تركـ الإنشغال بـ مخططاتهم يفوز هو مباراتهـ أمام العروبهـ ~


أعتقد شفنا كيف لاعبينا أصروا ع الفوز وتركوا الكلام اللي قبل المباراهـ بخصوص الحكم


وإنهـ بيخلي الهلال يخسر !!! وبـ يفوز العروبهـ عشان النص مليون !!!


بـ إختصار تذكروا : " إسعى يا عبد وأنا أسعى معاكـ " ولا عليكم من أحد ولا تسؤن الظن بخلق اللهـ ~


بـ التوفيق إن شاء اللهـ ،، شكرا لكـ ع الطرح ~

خيالك واسع !!!!!!!!!!!!!!!

هذا وسواس وانا اخوك, أعوذب الله من الشيطان, ترى ما فيه من هالخيال شي وزي ما انت تنتوهم هم كذلك يتوهمون والحكام بشر يصيبون ويخطئون. يجب ان لا ننسى ان حبنا للهلال هو نوع من انواع الترفيه يجب ان لا ياخذ الموضوع اكبر من حجمه الطبيعي.

ودمتم,,,

ماشاءالله عليك ما يحتاج اجل تشوف مباريات الدور الثاني

الاصابات والفوز والخساره كلها بيد الله حنا كجمهور علينا المسانده والتشجيع والدعاء لهم بالتوفيق وعلى الكابتن ولاعبيه تقديم مستوى وسط الملعب

يعطيك العافيه