السلام عليكم ورحمة الله وبركاته ..

ص/م الخير ..

الصراحه اللي قاعد يصير بالدوري السعودي شيء غريب ومحزن في نفس الوقت ..

من الحكام ومن الاعلام والقناة الرياضيه ..

حنا لاحظنا في السنوات الاخيره ان الجمهور الهلالي متعصب ولكن لا يسيء للانديه الاخرى ..

اتمنى استمراركم هكذا يا زعماء ..

صراحه ماني مشتاق للدوري مثل شوق النصر له ..

لان حققنا الدوري في 2010 و 2011 وما سوينا ضجه مثل الفريق الجار لأنه متصدر ..

ولكن اتوقع ان الدوري هذا اذا اخذناه راح تكون اغلى على قلبي من 2010 و 2011

لان في ذلك الوقت الهلال كان ينافس نفسه مع احترامي لجميع الانديه ..

الان صار ينافس الحكام والانديه ..

انا اقولكم ليش هذا الدوري اغلى على قلبي ..

لأن الهلال تعرض للظلم من :
1_الحكااااام
2_القناة الرياضيه ..؟؟!!
3_الاعلاميين

عشان كذا اذا اخذ الدوري الهلال بأذن الله راح يكون غالي ..

لأنه راح يسكت الجميع وطبعا راح تكون صدمه لفريق اخر ..

لأنه حظي بمساعدات ويهدي مكأفات للفرق التي توقف الهلال ..

ومع ذلك الهلال ما زال الوصيف ..

وانا متفائل جدا بأن الصداره ستعود وقبل ملاقاة النصر ..

ولكن ما اتمناه وما يتمناه ايضا كثير من الجمهور الهلالي هي عودة الصداره بعد الفوز على النصر ..(لأنها ستثبت من يستحقها )

واتمنى دعم الجماهير في المباريات القادمه ..

ان شاء الله تنقلب الامور راسا على عقب وياخذ الصداره الزعيم الهلالي
السنه هذي غير

الله يوفق الهلال

الهلال من عرفناه وهو ينافس على كل البطولات وطرف ثابت في المنافسه لأن الهلال متعود يفوز ولا يفكر في نتائج غيره ..
الهلال اذا كان يبغى يستمر في المنافسه على الدوري وعلى البطولات الأخرى لازم يفكرون بنقطتين مهمه :
1 - ترتيب أورق الفريق والعمل على التعاقدات الشتويه بكل جديه وبشكل دقيق .
2 - الأستمرار في حصد النقاط والتفكير في الفوز فقط بدون انتظار نتائج الغير .

حضور الجمهور هو الدافع للاعب حتا يقدم ما عنده والتوفيق من عند الله

ترتيب الدوري هالسنة

1- الدوري السعودي 39
2- الهلال 35

,,
تحياتي

إقتباس الرسالة الأصلية كتبت بواسطة HILALE 4 Ever- ترتيب الدوري هالسنة 1- الدوري السعودي 39 2- الهلال 35 ,, تحياتي

هههههههه اعجبتني كثيرا ..

^^ فعلا كلامك صحيح يا بطل

باقي ١١ مباراة لكل فريق
النصر سيتعثر بإذن الله لو بالتعادل
لكن حتى مع هذا التعثر على الهلال ان يفوز بكل مبارياته بمافيها مباراة النصر
اي تعثر هلالي على الدوري السلام فلن يساعد احد الهلال ان لم يساعه لاعبوه

كل ما يجب على الفريق الان هو الفوز في جميع المباريات و لا غير الفوز

و انتظار تعثر الجار من اي فريق قبل مواجهتهم في الجوله قبل الاخيرة و الفوز عليهم و انتزاع الصدارة

و تبقى الجوله الاخيرة للزعيم يجتهد فيها و يحصد لقب الدوري ولكن في حال تعثرنا قبل مواجهتهم راح تكون الامور صعبة

لكن نقول ان شاءالله مع تعاقدات الشتاء نشوف فريق مغاير للي شفناه ف الدور الاول من تخبطات دفاعية

إقتباس الرسالة الأصلية كتبت بواسطة عذب السجايا باقي ١١ مباراة لكل فريق النصر سيتعثر بإذن الله لو بالتعادل لكن حتى مع هذا التعثر على الهلال ان يفوز بكل مبارياته بمافيها مباراة النصر اي تعثر هلالي على الدوري السلام فلن يساعد احد الهلال ان لم يساعه لاعبوه

ما راح يتعثر الزعيم بمساندة جمهوره ..

وبالتوفيق للهلال فوق كل ارض وتحت كل سماء

الهلال فعلا يواجه الحكام واللجان وورئاسه الشباب بقياده الاصفر نواف بن فيصل ويواجه سطوه الاعلام الخائن بقياده باريان وغانم القحطاني اللي يسيطر على الضيوف ويخرسهم على ما يخص النصر أجنده ومخططات ستنقلب عليهم بإذن الله

إقتباس الرسالة الأصلية كتبت بواسطة همه عاليه الهلال فعلا يواجه الحكام واللجان وورئاسه الشباب بقياده الاصفر نواف بن فيصل ويواجه سطوه الاعلام الخائن بقياده باريان وغانم القحطاني اللي يسيطر على الضيوف ويخرسهم على ما يخص النصر أجنده ومخططات ستنقلب عليهم بإذن الله

الله يعين ..

شكلنا يالجمهور الهلالي بنرجع لأيام اول قبل لا تطلع القنوات الرياضيه ..

كل مباراه نسافر عشان نحضر ونفتك من قناة الاصفر والتحليل ..

باذن الله تتغير المعادله ويتصدر ملك الصداره

الدوري يحتاج الى نفس طويل وثقة بالنفس وثبات بالمستوى وشخصية بطل وهذا مايتوفر بكوكبة الزعيم فلاتستعجلوا ولاتضطوا على اللاعبين الامور ستتير بمشيئة الله قريبا كبوة وتتحطم الاصنام
دمتم بخير

أتمنى الأصابات تكثر عند الفريق الجار و يفلس النادي ويطلب سلف منا وأمور قليلة أتمنى تتحقق( فقط) ...