بسم الله الرحمن الرحيم

اسعد الله اوقاتكم ياجماهير الملكي ..

بختصر الموضوع من وجهة نظر مشجع هلالي عاشق للكيان ..


الأنباء تواترت عن استقطاب الظهير الأيمن علي الزبيدي من مصادر مقربه من الادارة بعد قرار ايقاف مفاوضة حسن معاذ من الادارة الشبابية واتجهت ادارة الهلال الى المدافع علي الزبيدي ... في الحقيقه هذا اللاعب ليس عنده مايقدمه للزعيم ولجماهيره اتوقع ان وجود اللاعب في دكة البدلاء بالنادي الأهلي جعل الادارة ترجع للتفاوض مع حسن معاذ على الاعارة لمدة سنه او ستة أشهر ..

** التعاقد مع علي الزبيدي خطوه للوراء يا ادارة الهلال ان صحت الانباء حتى لا يقع الفأس في الرأس فجماهير الاهلي لا تريده لسوء مستواه ..



المدافع البرازيلي القادم صديق نيفيز في نفس الفريق .. صحيح مدافع ممتاز لكن فيه شي يجب ان ينتبه له الكل ان الكوري كواك وهذا اللاعب البرازيلي يلعبون بالقدم اليمنى وهذا يتسبب في اشكالية كبيرة ظهرت عندما كان الزوري والمرشدي في قلوب الدفاع جميعهم بالقدم اليسرى .. بشكل عام من الصعب ان يلعب مدافعان بنفس القدم في استحقاقات كبرى مثل بطولة آسيا والمنافسه على الدوري .. الخيارات في قلب الدفاع كثيره واتمنى ان يتم جلب مدافع يلعب بالقدم اليسرى يساند الجهه اليسرى الأقل حظورا ..

أما في اليمين هناك كواك وسلطان الدعيع اعتقد يكفون ..



عن التعاقد مع مدافع او لا عب وسط صانع لعب .. اشوف انه في منطه من هذي المناطق لو تم التعاقد فيها كلها قرارات صحيحه .. البعض يقول سلطان يحتاج فرصه حرام نجيب مكانه .. انا اشوف بالعكس يكتسب خبره ويكون بديل لأن بطولة آسيا لا تقبل انصاف الحلول وأي خطأ لا سمح الله يقتل اللاعب ..

وفي منطقة الوسط نفس الشي هناك سالم والعابد ايضا والشلهوب والدوسري أيضا حرام يأتي لاعب اجنبي يأخذ مكانهم .. بالتالي أي من القرارين كلاهما صحيحين واتمنى عن نفسي ان يكون في قلب الدفاع ومو عيب يكون عندك قلبين دفاع اجانب .. الهلال مشكلته من سنين هي الدفاع والأخطاء الدفاعية والهفوات القاتله هي من أخرجت الزعيم ..

اتمنى الاداره تنتبه لهذا الجانب ..


واعذروني اذا اطلت عليكم .. وهذي وجهة نظري وتقبل رأيكم

الاعب علي الزبيدي الاهلي جدد إعارته الى نهايه الموسم

طيب لنفرض جت الدعيع اصابة طويله
من راح يغطي بقلب الدفاع !!
نحط نيفيز مثلا !!

او طرد الكوري كواك ؟؟
نجيب اظهره لقلب الدفاع !!

الهلال لايوجد فيه خط احتياط للدفاع نهائيا ..

اللي تاكدت منه أن في صفقة محليه وأجنبيه قادمه للهلال ..

الهلال يبي دفاع اذا كان موجود ايسر اوكي انا معاك ام صانع لعب لازم اما الظهير اذا يجيبو حسن لو اعاره يكون احسن

لعب صالح النعيمة وحسين البيشي في الهلال والمنتخب وكلهم يلعبون باليمين
البديل في المنتخب كان سمير عبدالشكور وكان ايمن ايضاً
النعيمة واحمد جميل كلهم يمين
احمد جميل ومحمد الخليوي رحمه الله كانوا في الاتحاد وفي المنتخب وكلهم يمين
في الهلال كان الشريده فقط ايسر بينما منصور الاحمد واشرف قاسم وليتانا وحسن نمشان وغيرهم كلهم يمين

كل ماذكرته فقط للرد على ملاحظتك ان كلا المدافعين البرازيلي والكوري يمين فهذا ليس عيب والاهم هو الموهبة والروح والتفاهم

ياخي صالح النعيمه قال اذا الهلال يبي يحقق بطولة اسيا

لازم لاعبي الاجانب يكون قلوب الدفاع اجنبي وصانع لعب وحارس

والان نشوف قلوب دفاع اجنبي ونيفز اما الحارس !! ان شاء الله نتعاقد مع حارس كبير

لابد دعم هلالنا ونتفائل بالخير

يا كثر مصادركم الخاصهـ وقربكم من الإدارهـ !!! *~*

من رأي أي خبر يطلع بـ وسائل الإعلام غير صحيح وطلعوهـ بناء ع كلام الجماهير ومطالبتها !
وإنتشار هالأخبار يخلي إدارهـ النادي تلتفت لها وتفكر بهاللاعبين ~
مثال : خبر التوقيع مع كريري وحسن معاذ من أول من تكلم فيهـ مب جمهورنا هو من طالب
فيهم بعدين سمعنا من الإعلام بعدين شفنا تحركـ الإدارهـ !!!


فـ عشان كذا أتمنى عدم المساهمهـ بنشر كلام الإعلام ونشر فقط ما يفيد الهلال ~
ولا تنسون إن الجمهور هو الرقم الصعب فعلا هالموسم ما شاء اللهـ ومؤثر كثير بـ قرارات
النادي فـ خلوهـ إيجابي بدال ما يكون سلبي !!!!


اللهـ يكتب اللي فيهـ الخير للهلال ،، عوافي ع الطرح ~

سلطان البيشي أفضل من العلي الزبيدي ....

سلطان الدعيع لا زال صغير وليس في مستوى الهلال المدافع القادم ممتاز جدا كان في انديه اسبانيه وانجليزيه تفاوضه بس رفض واعتقد ان قربه من نيفيز هو السبب الاول اللي راح يخليه يجي بالاضافه الى العرض المميز

مجروح الهلال.. اصبت في كلامك
الهلال لايوجد لديه قلب دفاع في دكة البدلاء

اللهـ يكتب اللي فيهـ الخير للهلال ،، عوافي ع الطرح ~

نقاط مهمة اشكرك عليها لكن الزبيدي لا اعتقد انه ضمن خيارات الكابتن سامي
دمت بخير