جماهير الزعيم الملكي : صحصحووا التنافس مو بس بالملعب !! ( والكلمة لكم )
 

لا يخفى على الجميع التنافس هذا الموسم والصراع على المنافسة بين الهلال والنصر وتصدر الهلال لعدد من الجولات والنصر حاليا المتصدر بفارق نقطي حتى مباراة اليوم بنقطة واحدة
وجميعنا ندرك كهلاليين بالسيادة الهلالية للحضور الجماهيري للمواسم السابقة ماعدى الموسم الماضي بفارق بسيط عن جماهير الأهلي
ويجب أن نعي كهلاليين أن الوصول للقمة سهل وتكمن الصعوبة في المحافظة على تلك الارقام التي يصعب الوصول لها إلا بوقفة جماهيرية مع الفريق وما يحرص عليه المتابع الهلالي من تحقيق للبطولات وحصد للأرقام على مستوى البطولات والحضور الجماهيري والاهداف .. إلخ .
عدد الحضور الان للدوري السعودي تجاوز 432188 مشجع
وعدد الحضور الجماهيري لجماهير الهلال وصل إلى 174888 مشجع والنسبة الأكبر حتى الان
ويتسيد الهلال الحضور الجماهير على أرضه بـ 120694 مشجع وبفارق 11000 تقريبا عن المنافس النصر
فيما يتقدم النصر بالحضور خارج أرضه 90150 مشجع

جماهير الهلال :
تعودنا دائما على أن نكون دائما بالقمة كزعماء ولن نرضى بأن يكون الانتصار من حليف الغير في جميع الاتجاهات سواء داخل المستطيل الأخضر أو بالمدرجات
بقي للهلال أكثر من عشر جولات وسنثبت للجميع ( جماهيرية النادي الملكي بتجاوزها القارات بالأعداد التي تحضر )
وندرك جميعا قرب فترة الامتحانات النصف سنوية للطلاب سواء بالجامعات أو المدارس وتأثيرها على الحضور الجماهيري
ومن حق أي مشجع أن يدرك أهمية تلك الاحصائيات والارقام والتنافس التي لن يرضى محبو الزعيم فيها إلا بإعتلاء القمة .
الادوار مرتبطة فيما بينها ودور مجلس الجمهور الهلالي في الحملات الجماهيرية للحضور الجماهيري على مستوى مناطق المملكة وخصوصا سيكون الجزء الأكبر من المباريات في الرياض وتحفيز الجماهير سواء من مدية الرياض أو المحافظات المجاورة من الحضور الجماهيري .
إضافة إلى الدعم الشرفي بتسيير الحافلات من مناطق المملكة للحضور وزيادة الرقم الجماهيري .
ودور الجمهور الهلالي في احساسه بالمسئولية ومساندة الفريق وتأكيدا لجماهيريته .
جمهور الهلال :
جميعنا ندرك الناحية النفسية لدى اللاعبين في الحضور الجماهيري وتحقيق الانتصارات لوجود الرقم الصعب والمساند بالمدرجات وعودة الروح للفريق بعودة جن الملاعب .
البعض يعتقد أن الطموح بطولة آسيا والاخر ملاحقة متصدر الدوري المؤقت ولكن مطلب العاشق حصد بطولات الموسم دون استثناء .
حضر الجمهور فحضرت الروح والمتعة فهل ستعطون لغيركم الفرصة لتجاوزكم
الكلمة لجمهور الزعيم الملكي


أخوكم
تركي الهديب

مصدر المعلومات :
موقع احصائيات الدوري

كلام سليم 100 % تركي :d

اكيد اهم شي الحضور الجماهيري - في جمهور اللاعبين يتحمسون ويلعبون زين :d

وحتى في هذي ما راح نخليهم ياخذونها لا بطوله ولا حتى عدد المشجعين ملهم شي :s4s:

كل شي للهلال :d

بإذن الله الكلمه الأخيره لجمهور الملكي،،

الملكي يقدم مستوياات راائعه ولاعبين جدد ذو مستوياات راائعهـ والتناافس ع أشده:

كل ذلك كفيل بإن نملئ المدرجااات عن بكرة ابيهاا،،

شكرآ استااذ تركي،،

بأذن الله جمهور الزعيم بيكون حاضر في كل وقت

علينا الحضور وبكثااافه في جميع المبايات

وفي نهاية الموسم سنكون في مقدمة الدوري والحضور الجماهيري بإذن الله

يا رب توفيقكـ

إن شاء الله نشوف الجمهور اكثر واكثر
ونستمتع بآداء لاعبي الزعيم
وان شاء الله المستوى يكون مميز دائما
مشكور اخوي

ان شاء الله نشوف بجميع مباريات الهلال المدرجات مليانه باللون الازرق والابيض <3


يعطيك الف عافيه تركي ..

بأذن الله جمهور الزعيم بيكون حاضر واهم شي التفاعل ومساندة الفريق وبث روح الحماس وصدقوني راح يمتعنا الزعيم نبي جمهور يزلزل المدرج نبي طرررب نبي نبث الرعب في الخصوووم .
يارب وفق الهلال وان شاء الله الدوري لنا يارررب يا كريم .

عتبي على جمهور الرياض , أمس بصراحة جمهور مخجل ولو كان الهلال في أي منطقة أخرى غير الرياض لما رأينا مقعد فارغ

نبغيهم يحضرون مبارة الخميس في ارضهم ويوم خميس لازم الحين الجماهير تحضر اكثر من اول نبيهم دعم قوي لي لاعبين ولي سامي نبغي جماهير تهز الملعب والله يوفق هلالنا في المباريات الجاية

كلام سلييم 100%


والله بديت اشك ان للهلال جمهور كثيير بالرياض لان دايم حضورهم قليل والمباريات الكبيره يحضرون من كل مناطق ،،، اتمنى الحضوور جميييع المباريات مو بس انتقااد ،، :mad::ranting:

وبعدين تشوفون الهلال بالبطوله الاسيويه تفاجئونهم بالحضور الكثير وتضغطونهم لانهم ماتعودو لاااازم نعودهم على الاعب امام حضور كثيييف و لااازم الجمهور يتفاااعلون لان حضورهم بدون تفاعل ماايصلح ،،، وبعد امس اشوف اماراتيين يقولون سعود كريري يحسب تمرين لان مافي تفاعل من الجمهور وهدووووء اتمنى قبل لاتنتقدووون احضررووووووووووو عشان الاعبين يتحمسون ،،


وشكرا > ترى كتبت كل الي بقلبي بدون ترتيب (:s2::
:ba::ba::ba1:

مالها الا هلالها


بالتوفيق ..

كلامكك عين العقل و نتمنى من عشاق الزعيم الحضوور في جميع المبارريات
والأهم محد يتككل ع الثاني !!
مباريات المقبله للزعيم مهمه وحساسه جدا ويحتاج الجمهور أن يحضر بكثافةة لدعم الاعبين واثبات للجميع
أن جمهور الهلال هو الاول بدون منازع
يعطيكك الف عافيه ي الغالي

ولا يزعلون من أهل الرياض،،،مباريات الزعيم اللي في الرياض تفشل،،

وانا فاقد الثقة فيهم من زمان،،لأني اعرف هلاليين كثير في الرياض يشوفون

مباريات الهلال في الاستراحات والمقاهي،،قسم بالله هذا اللي حاصل،،

الخميس القادم قريب وبتشوفون والملعب،،،راح يكون فاضي،،