|
بالعربي الفصيح /من مصدر مقرب ادارة نادي الشباب تطلب شروط تعجيزية للتنازل عن حسن معاذ لإجبار الهلال للإنسحاب من الصفقة بطريقة مؤدبة بسم الله الرحمن الرحيم السلام عليكم ورحمة الله وبركاته جماهير الهلال الوفية ,,, بعد التحية لا يخفى عليكم ان ادارتنا الهلالية تفاوض الظهير الايمن لنادي الشباب حسن معاذ والكل يعلم عقلية خالد البلطان بالمفاوضات والتعقيدات التي يضعها حتى لا تتم الصفقات وهذه لا نتقبلها ابدا لان رئيس الشباب ليس واضح في مفاوضاته ويراوغ بشكل مبالغ فيه ,,, مشكلة رئيس الشباب خالد البلطان انه ليس واضح وكنت اتمنى ان يكون شفاف ويقول لادارة الهلال حسن معاذ لن نتنازل عنه ولكن ليست بهذه الطريقة التي يفعلها الان حتى يجبر ادارة الهلال على الانسحاب من الصفقة والجميع لا يخفى عليه أن الهلال وضع المرشدي والقرني وسلطان البيشي للتنازل للشباب بهؤلاء الاعبين مقابل التنازل عن حسن معاذ ,,, ولكن الذي لا يعلمه كثير من الجماهير الهلاليه أن رئيس الشباب يطالب بسالم الدوسري حتى يعقد الهلال ويجبرهم على الانسحاب من الصفقة ومصدر هذه المعلومة شخص صديق لي ومقرب جدآ من نادي الشباب ذكرها لي أن حسن معاذ باقي في الشباب ولن يرحل وخالد البلطان اشترط شرط تعجيزي وهو التنازل عن سالم الدوسري لصالح نادي الشباب حتى تنسحب ادارة الهلال وتكون بطريقة مؤدبة من البلطان ,,, ولكن الآن أنا اطالب ادارة الهلال بعدم التنازل عن ماجد المرشدي والقرني وسلطان البيشي أبدآ لصالح الشباب مهما كلف الأمر فلو أتينا للحقيقة ناصر الشمراني هو من أتى للهلال برغبته وأجبر الشباب على التنازل عنه ,, والكوري كواك تاي هي إضطر الشباب على التنازل عنه لأنه يريد مهاجم آسيوي وهو متمسك بمحترفيه الآخرين لذلك البلطان لم يكن متعاون مع الهلال ولذلك أطالب أدارتنا بعدم التعاون مع نادي الشباب بما أنه يراوغ ويطالب بطلبات تعجيزية وهو بالاساس لا يريد أن يتنازل عن حسن معاذ ولكن لا يستطيع أن يقولها بشكل صريح لادارة الهلال خوفآ منه أن لا يكون هنالك مشاكل بعلاقاته مع إدارة الهلال وفعل ما فعل لتعجيز الادارة بمتطلباته التي هو متأكد بأن الهلال لن يقبل بها حتى تنسحب الادارة من المفاوضات في حسن معاذ ,,, من حق نادي الشباب ان يطالبوا الاعبين من الهلال ولكن ليست بتلك الطريقة التي يفعلها خالد البلطان فقط يطلب سالم الدوسري وهو يعلم ان ادارة الهلال لن تقبل ويجبرها على الانسحاب من صفقة حسن معاذ بطريقة مؤدبة زبدة الكلام نطالب ادارة الهلال إذا ارادت أن تتنازل عن ماجد المرشدي والقرني وسلطان البيشي فعليها أن تتنازل عنهم لاندية اخرى نستفيد من نجومها افضل من ان نفيد نادي الشباب وهو يفعل بنا ما يفعله الان رئيسهم ,,, |
حسن معاذ ياهو لاعب فنان ماشاء الله |
ما اعتقد ان طلب المقايضه بسالم الدوسري لان سالم لاعب اساسي في التشكيله و يعتبر من لاعبين الصف الاول عكس معاذ اللي موب ضروري يلعب اساسي حتى لو انتقل و يعتبر من لاعبين الصف الثاني |
- اذا وصلت الامور الى كذا .. اتمنى من الاداره تغير الوجهه لنادي الاتفاق فريق فيه نجووم ولعيبه اقدر اسميهم لعيبة المستقبل واولهم كنوو والابراهيم والحمد وكادش |
إقتباس:
يخرج من الموقف هذا بطريقة لا تضر علاقته بالهلال فطلب سالم الدوسري مع لاعبين اخرين حتى يجبر الهلال على الانسحاب من صفقة معاذ بدون ان تحصل بين الادارتين اي توتر |
بكل الود لا اعلم صحة مصادرك من عدمها لكن الشباب طلب المرشدي والسالم فقط وتم رفض الطلب من الهلال وعرضوا القرني والبيشي ورفض الشباب وطلب اما السالم او المرشدي ومبلغ ويكون كواك من ضمن الصفقه ورفض الهلال وتم انهاء موضوع المقايضه التفاوض بمبالغ ماليه فقط وبعدها ممكن التفاوض على بيع عقود اذا رغب الشباب اما الفرج وسالم والعابد وياسر فهذا طرح المافيا الاعلاميه الصفراء وللعلم البلطان واضح وقال عند طلب وليد لا يمكن واذا ترغبون في معاذ فادفعوا وهذا من ابسط حقوقه وللعلم لو لم يكن لمعاذ اختلافات مع الشباب لما فكر البلطان في بيعه وشكرا |
حسن معاذ تصرفاته لا تليق باي لاعب لانه لا يحترم العقد اللي بينه وبين الشباب .. , اذا مايبغى يلعب للشباب يروح يشتري باقي عقده .. هذي نقطة لان الهلال يكفي انه استخلص من اللاعبين المزاجيين النقطة الثانية .. فيه مثل يقال الحاجة ام الاختراع , بعالم كرة القدم اشوف الحاجة ام الموهبة , نجومنا الصغار اللي بالنادي .. بالذات اشير للسالم الدوسري , الحاجة لخانته بذهاب ويلي هي اللي خلته يبرز مع ان كانت بداياته "بالفريق الاول" شوي مرتبكة وانطلاقته من مباراة النصر فإن شاء الله نفس السيانريو يتكرر بالظهير الايمن .. اشوف نعطي لاعبين الاولمبي فرصتهم .. من المنطق من بين 153 نادي على الصعيد الاول والاولمبي .. هل لا يوجد فيه ظهير ايمن متميز؟؟!! .. المحور قدرنا نسد الحاجة لمدة سنتين ونص لكن من الان لازم يشوفون لهم محور صغير يمسك المكان من بعد كريري , |
لنا شهرين وحنا ود حسن معاذ جب حسن معاذ كأن مابه ظهير إلا هو خلاص فكونا منه ويكفينا الكوري وسعود كريري |
حسن معاذ أفضل ظهير أيمن انجبته الملاعب السعوديه آخر 20 سنه بلا أي مبالغه .. وقادر على العطاء لثلاث سنوات قادمه بكل اقتدار ...البلطان عارف إن نقطة ضعف الهلال الظهير الأيمن بعد رحيل الدوخي واللي اعتبره أقل مستوى من معاذ ومع ذلك لا يريد أن تكتمل صفوف الهلال حتى لا يكون قوه ضاربه ويكون هو السبب في هذه القوه الضاربه .. فلذلك هو يشترط شروط تعجيزيه حتى لا يقال بأنه غير متفهم ..والبلطان ما عنده مانع بانتقال أي لاعب للهلال ما عدا معاذ ... اعتقد بأنه هذه فرصه سانحه للهلال بالظفر بمعاذ بشرط أن يكون معاذ بصف الهلال وألا يستمع لكلام البلطان بالعربي يقول للبلطان أنا طالع طالع وإن ما طلعت ما راح أقدم ولا ربع المستوى بالطريقه هذي البلطان ما راح يفوت الفرصه هذي وراح ينفذ شروط الهلال يعني على الأقل بدل ما يخسر معاذ يكون ربح لاعب أو مبلغ مادي .... |
جيبوا اي واحد اهم شي ياسر الشهراني يرجع يسار قسم بالله كذا نقتل موهبة الرجال |
الخلوق حسن معاذ قدومة للهلال جدآ سهل ولكن إدارتنا تجامل البلطان والمفروض ماتجاملة المسألة بسيطة يشتري حسن عقدة ونتعاقد معاة وكذا بالنظام نتعاقد معاة ونعوضة باللي دفعة وكذا لاخسرنا لا لاعب شاب ولا أي شي وباقي الاعبين المستهلكين نقوي الفرق المؤخرة اللي شارفت على الهبوط ولا نعطيهم البلطان لأن مزودها ويعتبر فريق منافس ... مثل ماتعاقدنا مع ناصر الشمراني وكان باقي في عقدة 3 سنوات تقريبآ برضو نجيب معاذ بنفس طريقة الشمراني |
يحلمون بسالم لا وهذا وهو الاعب الوحيد بخانته وعارفين ان الهلال وجمهور الهلال ماراح يرضى بهالشي لذلك نصيحه مني لسامي وللاداره لاتقعدون تترجون فلان وعلان عندكم الاولمبي في كل الخانات لاعبين مميزين وفي الظهير اليمين بالذات عندنا البريك والبقعاوي اعطوهم بس الفرصه وبإذن الله انكم منتم خسرانين والا ريال وحفظتوا كرامتكم بعد يعطيك العافيه |
اولاً نشكر خالد البلطان على تعاونه ووضوحه في هذه الصفقات ثانياً من حقه الابقاء على لاعبيه بالطريقه التي تحفض له حبه لدى جماهيره . اماحسن معاذ فهو يستطيع ان يشتري عقده من الشباب ويرحل غير كذى لا اعتقد ان الشباب بيفرط فيه خوفاً من هجوم الاعلام الاصفر المسيطر على جميع الوسائل الاعلاميه ولذا البلطان يريد الابقاء على شعرة معاويه بينه وبين الانديه وهذا هو الصح |
معصي ياخذون سالم الدوسري معاد الا هي بعد خل معاذ يخيس بدكة الاحتياط ثم بيجيكم على رجوله وماتوقع الأداره يخفى عليها هالأمور ادارتنا وتعرف كيف تلعبها صح بتوفيق لزعيمنا الملكيي |
إقتباس:
لازم موافقة الشباب على بيع عقدة مو بكيفة يشتريه ويمشي والا كان صارت الدنيا فوضى وكل لاعب انتقل وهو مرتبط بعقد وهو ماراح يخسر شي يشتري عقده بالاسم والنادي المنافس يدفع لا تضرب المثل بكريري لان الاتحاد لم يسدد كل حقوقه وهنا يختلف الوضع الاتحاد هو من اخل بالعقد مو الاعب ترا السالفه عقود ميب سواليف ضحى جيبو فلان وحطو فلان |
| الوقت المعتمد في المنتدى بتوقيت جرينتش +3.
الوقت الان » 12:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd